ALARM ! Kimikatet në bujqësi rrezik i lartë për kancer

[BlooD_VenoM]

smokkie,ne Shqiperi jeton ti ?
Perpara 10 vjetesh ,nuk kishte 365 dite te vitit domate !!! Tani ka domate ne cdo dite te vitit,dhe jane flak te kuqe nga jashte,dhe eshkë nga brenda.
Ketej nga jam une prodhojne pa hesap ,dhe une i kam pare vet te gjitha llojet e "menyrave" per pompimin e produkteve bujqesore,duke filluar nga amplifikimi fizik (mandarinat dhe domatet) me aparatura teknologjike,deri te helmet dhe kimikatet.
Ti shoku si duket jeton ne Suedi dhe nuk e ke idene ca behet ketu.
Ne Shqiperi tani eshte bere me e forte domatja e kuqe sesa ajo jeshile

[IllyrianPatriot]

Hormonet, dëme në shëndetin mendor dhe fizik

Skedarët e Bashkëngjitur 164052

Mjekja endokrinologe, Luftime Bruka bën me dije dëmet që i shkaktojnë organizmit produkte të cilave iu injektohen hormone me tepri. Nuk bëhet fjalë për dëme të menjëhershme, por ato të mëvonshme, shkaku i të cilave mbetet shpeshherë mister. Bruka na shpjegon lidhjen midis përdorimit të produkteve të modifikuara, jo biologjike dhe dëmeve që mund të sjellë në organizmin e njeriut. “Kur një person përdor ushqime gjenetikisht të modifikuara, siç mund të jenë edhe ato të cilave iu injektohen hormone të ndryshme për rritje të menjëhershme apo marrjen e ngjyrës, çdo person fillon të ndihet i ngathët, pa energji, ndihet si i përgjumur, pasi këto ushqime quhen ndryshe ushqime “statike”.” Pra, sipas mjekes Bruka, këto ushqime nuk përcjellin energji tek shëndeti fizik dhe mendor i njeriut, pasi produkte të tilla ushqimore nuk përmbajnë bazën e ushqyerjes së njeriut pasi kanë aciditet të lartë dhe organet e trupit nuk janë të afta që për t’i përthithur apo tretur ato. “Aciditeti i lartë në trup mund të çojë në lindjen e sëmundjeve të ndryshme siç mund të jenë çrregullimi i lipideve, çrregullimi hormonal, rritje e kolesterolit, diabet, alergji, krijimin e mykërave dhe shumë sëmundje të tjera. Përdorimi i pesticideve apo hormoneve të shumta tek rendimentet bujqësore, bëhet shkak i shumë sëmundjeve të fushave”, përfundon mjekja Luftime Bruka.

avash se ke marre shume hove me duket .... ! Keto akuza pa baze , jan lufte qe behet nga importuesit edhe nga qarqe te caktuara ekonomike duke demtuar ekonomine shqiptare .

Ta garantoje qe importet e ardhur nga cdo vend i botes , jan ato qe i vdesin njerezit , edhe jo produktet shqiptare .

MJAFT ME KETE INJORANCE . KUJDES ME KETO TEMA PA PROVA .....

[Wordless]

Injektimi pa kriter i hormoneve në bimë të ndryshme sjell pasoja të mëvonshme në shëndetin e njeriut, duke ulur jetëgjatësinë dhe plakur më shpejt lëkurën.

Prof. Dr. Sokrat Jani: Përdorimi i hormoneve ul vlerat ushqimore dhe tregtare !


Hormonet, vrasësit e heshtur në fruta apo perime po tregtohen pa hesap në vendin tonë. Këtë e tregon më së miri tregu vendas. Të prodhuar për të siguruar ushqim për mbarë botën e mbi populluar, perimet me hormone po kthehen në të kundërtën e tyre. Përdorimi pa kriter i tyre po dëmton jo vetëm produktet, por edhe ata që i konsumojnë ato. Injektimi me hormone të rritjes sjell shumëfishim duke bërë të mundur ushqimin e shumë gojë njerëzve në mbarë botën. Por sa i sigurtë është konsumi i tyre? Për të mësuar diçka më tepër rreth këtyre produkteve që konsumojmë çdo ditë, kemi marrë mendimin e specialistit Prof. Dr. Sokrat Jani, ekspert i bujqësisë dhe punonjës shkencor në fushën e perimeve. Ai flet për fermerë të pangopur, të cilët duke dashur të nxjerrin sa më parë në treg prodhimet e tyre iu injektojnë me tepricë hormone të rritjes, apo ato që në gjuhën shkencore njihen me emrin fitohormone, duke ndikuar ndjeshëm në madhësinë dhe cilësinë e produkteve.

“Ka prodhues që i mbyt makutëria për të fituar maksimalisht dhe që bëjnë “hile” të trasha e të papranueshme gjatë prodhimit e në veçanti gjatë vjeljes së produkteve. Por po të përdoret me kriter injektimi i fitohormoneve, nuk ka efekte anësore”, shton ai. Fakt është që dhe pse shumë fruta-perime nuk janë të stinës, ato i gjen kudo dhe me çmime nga më të lartat madje. Specialistët e bujqësisë ngrenë shqetësimin e përdorimit të këtyre hormoneve nga persona jo të fushës duke mos ditur as pasojat që mund t’i sjellë bimës apo më keq akoma, shëndetit të njeriut përdorimi pa kriter i tyre. Mirëpo ky nuk është problemi i vetëm. Prania e tyre në doza të tepruara shpesh ka çuar në raste të tilla që njerëzit të sëmuren apo të plaken më shpejt. Këtë shqetësim së fundmi e kanë ngritur në media edhe dermatologët.

“Hormonet kanë veti rritjeje dhe ngjyrimi, të dyja llojet ndikojnë në organizëm. I pari në zmadhimin e gjëndrave kancerogjene edhe kur s’janë problem, i dyti në kancerin e lëkurës”, thekson dermatologu, Afrim Tridishta. Dermatologu shprehet se në radhë të parë një perime e rritur me hormone nuk ka asnjë veti ushqyese, sepse nuk ka asnjë vitaminë. Kjo tregon se mosmarrja e vitaminave që na nevojiten ndikon në jetëgjatësinë tonë. Gjithashtu ai shpjegon se ka problem në lëkurë të natyrës së plakjes së lëkurës, shfaqjes së kapilarëve, rrjepjes së saj, si dhe të shfaqjes së nishaneve në sipërfaqe, që janë një demonstrim i kancerit në lëkurë, kur shtohen pas moshës 20-25-vjeçare tek të dyja gjinitë. Duke marrë shkas nga kjo, ai u bën thirrje institucioneve autoritare të zgjidhin sa më shpejt çështjen e këtij hormoni vdekjeprurës, që po e tregtojnë pa asnjë problem në mbarë vendin. Sipas prof. Dr Janit, në vendin tonë të gjitha perimet që prodhohen në sera iu injektohen hormone. Ato produkte nga të cilat duhet të kemi më tepër kujdes janë domatja, pjepri dhe kastraveci. Këtyre të fundit iu injektohen më tepër hormone, për vetë faktin e përdorimit të tyre të shpeshtë dhe kërkesën për këto produkte. Mirëpo ne, të ardhur nga një kulturë e skamjes duam të plotësojmë me çdo kusht, tekë apo dëshirë tonën, me çfarëdolloj çmimi.

Duke ditur mirë dëmet që shkakton përdorimi me tepri i këtyre hormoneve në bimë duam të konsumojmë në dimër bostan, në pranverë rrush apo çdo lloj fruti apo perime që të kënaq syrin, sepse shëndetit nuk i bën aspak mirë. Çfarë duhet të bëjmë në këtë rast, si duhet të sillemi? “E kuptoj shqetësimin tuaj, ai është edhe i imi. Trajtimi i parakohshëm i frutave të domates i skuq ato, ndërkohë që brenda mbeten jeshile, pra ulen vlerat tregtare dhe ushqimore.” Kjo është përgjigja që na jep eksperti i bujqësisë, Sokrat Jani. Për këtë, Jani nuk këshillon eliminimin kategorik të tyre në treg, por përdorimin me sa më shumë kujdes dhe nga persona kompetentë. “Përdorimi i hormoneve duhet të planifikohet me kujdes nga specialistët, duke marrë në konsideratë veçantitë e specieve bimore, periudhën e kultivimit, fazën e zhvillimit të bimës, mënyrën e përdorimit, përqendrimin optimal të tretësirës, etj, dhe të kryhet nën mbikëqyrjen e tyre.”

[Wordless]

Pjesa dërrmuese e prodhimeve bujqësore që shiten në tregjet e vendit janë nga serat Myzeqesë. Megjithatë tregëtarët nuk kanë asnjë çertifikatë që të vërtetojnë origjinën e mallit dhe cilësinë e tyre. Nuk dihet a janë prodhime të kontrolluara dhe a u janë nënshtruar analizave laboratorike përpara se ato të dalin në treg.






Klan/

[Wordless]

Konsumatorët: Nuk jemi të sigurtë për ushqimet


Tregtarë e konsumatorë nuk kanë besim tek garancia që u japin përmes deklaratave publike drejtuesit e Ministrisë së Bujqësisë për sigurinë e perimeve. Por kërkojnë që ata ta provojnë me fakte se pesticidet, hormonet dhe kimikatet e tjera bujqësore janë përdorur brenda normës tek këto prodhime.



Ja si shprehet një qytetar:

Tani dihet që përdoren pesticidet brenda normave, por ka raste që përdoren edhe jashtë normave. Pra kur shohim specialistë të Ministrisë se Bujqësisë apo degës së farnave që prononcohen, dihet që ka luhatje. … ne e dimë që norma duhet përdor, por kush e fakton që është mbi normën. Nëse ka mbi doze është e dëmshme për popullatën. Dihet ajo punë. Prandaj këtu duhet të ndërhyjë Ministria e Bujqësisë me ekspertët e saj ….. është shqetësim i duhur i mediave dhe i konsumatorit, pasi është ai që e konsumon. Derisa fermeri del e thotë se këto i spërkas se i ha vetë dhe këto i kam për ti shitur, këtu duhet të ndërhyjë Ministria. Ministri pse rrin?

Ndërkohë, një tjetër qytetare thotë se nuk e di se çfarë po konsumon dhe se gjithë sëmundjet vijnë nga moskontrolli.

Në këto kushte pasigurie, pasi autoritetet nuk arrijnë t’i garantojnë me fakte, qytetarët provojnë të bëjnë vetë ekspertin.

Kjo situatë po dëmton jo vetëm prodhimin vendas, por edhe qindra tregtarë që jetesën e sigurojnë nga shitja e këtyre prodhimeve.

Pavarësisht rënies së shitjes, tonelata perime dalin çdo ditë në tregjet shqiptare, në mënyrë të pakontrolluar. Kontrollet mungojnë nëpër serat e këtyre prodhimeve të hershme, po ashtu edhe nëpër tregje. Vetë fermerët kanë pohuar disa herë publikisht për përdorimin e tepruar të hormoneve, pasi perimet nuk arrijnë pjekjen normale në këtë kohë. Por deri më tani nuk ka patur asnjë masë apo ndëshkim ndaj atyre që abuzojnë. Ekspertët e bujqësisë thonë se niveli është deri në 80 herë më i lartë se normat. Specialistët e shëndetit publik kanë dhënë alarmin se përdorimi i tepërt i këtyre kimikateve ka pasoja serioze për shëndetin, pasi shkakton semundje të pashërueshme.

TvKlan

[Hotlani]

Pak sot po i kushtohet rëndësi ushqimit të shëndetshëm.

[smokkie]

Patjeter qe TVKlan publikon VETEM lajme te verteta qe nga zgjedhjet e kaluara e ketej

[BlooD_VenoM]

Patjeter qe TVKlan publikon VETEM lajme te verteta qe nga zgjedhjet e kaluara e ketej

Dhe keto ,fotografi te Klanit te duken ?



Ju ka qerruar partia dhe shoku kryetar o te uruar,s po doni te dini me as se ca po hani !

[smokkie]

Nuk ka lidhje fare me partine !
Abuzime ka, se nuk ka si te ndodhe ndryshe ne shqiperi por nuk eshte kaq e zeze situata !

[Xhuxhumaku]

Nuk ka lidhje fare me partine !
Abuzime ka, se nuk ka si te ndodhe ndryshe ne shqiperi por nuk eshte kaq e zeze situata !

ajo qe e ben situaten te zeze ne shqi[peri, eshte mungesa totale e cdo kontrolli...

nese ne vendet e tjera rreziku eshte ne nji shkalle te ulet, ktu ska piken e kontrollit per asgje...

pra nese ne shqiperi do behet nji kontroll, gjerat do dalin me marxhe disa here me te medha dhe jo me % me teper se norma se ne vendet e tjera europiane.