Dhjetra shqiptarë muslimanë i bashkohen ISIS në luftën në Siri

[luleshtrydhe1]

SIRI - Xhihadistët shqiptarë, që thuhet se luftojnë në krah të rebelëve në Siri, kundër regjimit të Assadit, shfaqen ndryshe në një video që qarkullon në rrjetet sociale.

Këtë herë ata janë filmuar teksa argëtohen në një pishinë, që sipas mediave kosovare i përket një milioneri sirian. Personat në këtë video flasin shqip, dhe dëgjohen teksa theksojnë faktin që janë xhihadistë.

“Edhe xhihad, edhe kënaqësi” - shprehet njëri prej tyre. Në Siri, në emër të asaj që quhet luftë e shenjtë, janë vrarë dhjetëra shqiptarë nga të gjitha viset etnike, të cilët kanë shkuar atje për të luftuar.

Ndërkaq, shpesh herë janë publikuar video të ndryshme që kanë tronditur mbarë opinion publik, ku shfaqen xhihadistë shqiptarë që thonë se kanë shkuar atje për të luftuar kundër Assadit. Njëri prej tyre u shpreh kohë më parë se dëshironte të vriste një gjeneral amerikan.

[Korcar-L1]

keta me rroba lahen? nuk ja u lejon allahu ? lol Cfare fytyraash !!!! kafshe me te shpifura nuk kam pare

[Wordless]

Ç'a tha ky "kantidati për cjap" .. Ndërtesa e qafirave ?!! Mirë, por po e shijon pishinën e qafirave ky lol. Si bëjnë sikur nuk kanë parë ndonjëherë pishinë me sy haaahaaa. Hajdeni dhe ju e kënaquni thotë.. edhe xhihad edhe kënaqësi ... ama kënaqësi te ndërtesat e qafirave se te ndërtesat e myslimanve nuk i fut kush brënda se i ndosin Lahuni lahuni se shumë shpejt do të takoni 72 virgjireshat

[keq zeza]

Ev robt ja ladrovsha ktyne, po qfar Shqiptarsh kta more burr? Maxhup tan ne ftyre, a Turk Ashkali qe i thojn veti "Shqiptar". Ski Shqiptar me gjak te paster qe bertet si gjaja ne gjuhe te huja....

[Albo]

Aleppo- “Vëllai jonë Ebu Derda esh Shami ka rënë shehid. All’llahu i Madhëruar i dhëntë shpërblim në xhenetin më të lartë”. Ky është mesazhi me të cilën miqtë e tij njoftuan sot vrasjen në Siri të Idajet Balliut.
Djaloshi 24 vjeçar nga Librazhdi u vra paraditen e 15 gushtit 2014 në Aleppo, (alias.Haleb) të Sirisë gjatë betejës që po zhvillohet në këtë qytet prej disa ditësh. Balliu i cili luftonte në radhët e Shtetit Islamik, njihej me emrin Ebu Derda esh Shami. Mësohet se ndodhej në Siri prej disa muajsh ku luftonte në radhët e Shtetit Islamik, ose siç njohet nga tani Hilafeti Islam.
Miqtë e tij që njoftuan vdekjen në rrjetet sociale duke publikuar dhe një foto pas vdekjes.
Gazetari Fatos Mahmutaj na ndihmoi me informacionin por dhe duke i vënë në dispozicion redaksisë Ora News një seri fotosh nga jeta e Idajetit gjatë luftimeve në Siri.
Kush është Idajet Balliu
I riu, lindi më 10 maj 1990 në Librazhd. Prej disa vitesh familja e tij banon në periferi të kryeqytetit. Në Tiranë Balliu kreu edhe shkollën e mesme, ndërsa ashtu siç bën të ditur në profilin e tij në Facebook studimet e larta i kreu në Universitetin e Medinës në Arabinë Saudite. Gjatë luftës ai është njohur me emrin Ebu Derda esh Shami, dhe ndodhej në Siri prej disa muajsh ku luftonte në radhët e Shtetit Islamik, ose siç njihet tani Hilafeti Islam.
Synimi ynë është jeta e përhershme

Ndërsa vetë i ndjeri, vetëm pak ditë më parë kishte publikuar në profilin e vet në rrjetin social Facebook një shprehje të dijetarit islam Ahmed Jasin: “Ne jemi kërkues të shehidllëkut, nuk kujdesemi për jetën e kësaj bote, sepse ajo është e mangët dhe e lirë, synimi jonë është jeta e përhershme”.

ORA NEWS

[iliria e para]

Matrapazlleqet "kurbanore" (titulli im)


Sikurse çdo vit tjetër, në prag të Kurban Bajramit, edhe këtë herë Fatmir Hasani nga Ferizaj, një tufë prej 120 delesh e kishte vendosur në një cep të trotuarit, në hyrje të rrugës “Sallahane” në Ferizaj.





Fatmiri thotë se i ka kontrolluar delet e tij te veterineri, por është i bindur se as tufa e tij por as tufat e deleve të fermerëve të tjerë nuk e kanë virusin që po pretendohet.
Ai thotë se për qëllime personale, sidomos të hoxhallarëve, është përhapur paniku nga virusi që kanë delet.

“Unë qe tri ditë kam ardhur nga Bjeshka, kam qenë tek qendra e skijimit në Brezovicë dhe nuk ka virus. Unë nuk kam parë virus as në tufën time, por as në tufat e tjera”, thotë Fatmiri.

Vetëm pasi që ka ardhur nga Bjeshka, Fatmiri thotë se e ka kuptuar për kinse, siç thotë ai, ekzistimin e këtij virusi.

Siç mëson Zëri, para zbulimit të kësaj “Gjuha e kaltër”, tek delet, për një dash besimtarët mysliman nëse kanë dashur që parat t’i dërgojnë në xhami është dashur t’i paguaj 100 e jo 120 euro që i kanë caktuar pas “Gjuha e kaltër”.

“Bashkësia Islame sivjet e caktoi çmimin prej 120 euro që të jepen në xhami në emër të një kurbani. Ata këtë shifër e caktuan për ata që duan të dërgojnë para në xhami në vend se të therin vetë kurban. Por menjëherë pasi u caktua ky çmim, doli fjala se delet janë të sëmura”, thotë Hasani.
“Kjo po iu konvenon hoxhallarëve, atyre hoxhallarëve në burg”, thotë më tutje ai, duke shtuar se shumë qytetarë tashmë nuk kanë blerë desh dhe paratë i kanë dërguar në xhami.



“Kur ti çon xhemati paret në xhami, ata i çojnë në Siri se nuk vijnë me ble kurbane te unë”, thotë më tutje fermeri, i cili llogaritet si një nga më të mëdhenjtë në komunën e Ferizajt.

Ai pa treguar se çfarë faktesh posedon thotë se ka fakte që personi i cili e ka iniciuar i pari rastin e ekzistimit të virusit “Gjuha e kaltër” ka biseduar me një veteriner dhe me qëllime të caktuara e kanë përhapur kinse ekzistimin e këtij virusi, vetëm për të mos u shitur kurbanet nga ana e fermerëve, por paratë të dërgohen në xhami.


“Xhemati po i dërgon nga 120 euro për kurban në xhami e këtu hoxhallarët po vijnë e po i blejnë me 70 euro kurbanet dhe thjesht po bëjnë shpëlarje të parave”, thotë më tutje Hasani.

Thirrjen për mostherjen e kurbaneve në hapësira të tjera përveç në thertore ditë më parë e ka bërë Agjencia e Ushqimit dhe e Veterinës e Kosovës.

“Agjencia e Ushqimit dhe e Veterinarisë, ju përkujton për kujdesin që duhet të kenë qytetarët gjatë kryerjes se ritit të therjeve, të bagëtisë për kurban, me rastin e festes së Kurban Bajramit. Therni në vendet adekuate sepse në të kundërtën ju shkelni ligjet në fuqi dhe rrezikoni shëndetin e përgjithshëm publik. Tani me paraqitjen e sëmundjes së kafshëve “Gjuha e kaltër” është edhe një arsye shtesë që kurbanet të theren vetëm nën kontroll të veterinarit”, ka njoftuar ditë më parë AVUK.

I kontaktuar nga “Zëri”, Lirim Thaqi, zëdhënës në këtë Agjenci, thotë se ankesat e fermerëve mund të ekzistojnë vetëm për faktin se nuk po u shiten kurbanet, ngase, sipas tij, është e vërtetë që ekziston sëmundja te delet.

Sipas zyrtarit për informim të AUVK-së, kjo sëmundje nuk është e rrezikshme dhe nuk paraqet rrezik për njeriun, e cila, sipas tij, vetëm te delet shkakton sëmundshmëri dhe ngordhshmëri të lartë. Ai shtoi se prej fillimit të shpërthimit të sëmundjes, që nga fillimi i muajit, janë vizituar 112 ferma si të dyshuara, ku prej tyre deri më tani numri i deleve të sëmura janë 1120 krerë dele, ndërsa të ngordhura janë 157 deri më tani, por sipas tij, numri i ngordhjeve mund të jetë më i madh, si rezultat i mosraportimit të rregullt.

Por edhe në rast të konsumimit të mishit të deleve që e kanë sëmundjen “Gjuha e kaltër”, sipas drejtorit të Institutit Kosovar të Shëndetit Publik, Naser Ramadani, qytetarët nuk do të sëmuren.

“Edhe nëse konsumohet ai mish, qytetarët nuk do të sëmuren por thjesht do të hanë mish joadekuat”, thotë ai, duke shtuar se me ngrënien e këtij mishi, qytetarët nuk do të helmohen.

Me shiume video te...
http://zeri.info/aktuale/538/parate-...ri-foto-video/

[mesia4ever]

Iliria e Para populli yne dalengadale po i hape syte. Disa hoxhallare matrapaze po bejne biznes me jetera te djemve te rinje (duke bere pakt me satanin - duke pranuar fonde nga organizata qe listohen mbeshtetese te terrorizmit) e spo bejne me dele. Ku e keni pare ju kete enderr.

Fleni more fleni. Po ju hijne sharre 50 euro per cope. Vone do ju dale gjumi

Si nuk u bera edhe une hoxhe po iu hodha rruges se gyrbetit, shume ma shume para do te fitoja atje ne KS.

[Albo]

FRANKFURT - Kreshnik B. 20-vjeçari me origjinë nga Kosova është i pari luftëtar i shtetit islamik i cili do të gjykohet për një krim të tillë nga një gjykatë gjermane.

Mësohet se prokurorët e Frankfurtit kanë kërkuar 4 vjet burg për të pandehurin i cili akuzohet për pjesëmarrje në luftën xhihadiste të ISIS. Kreshnik.B, me origjinë nga Kosova, ndonëse i lindur në Gjermani ka pranuar të ketë marrë pjesë në luftën xhihadiste në Siri gjatë vitit të kaluar.

Sipas prokurorëve gjermanë, Kreshnik B ka udhëtuar për në Siri për t’u marrë me trajnimin armësh, roje, mjek e madje edhe ka marrë pjesë edhe në një fushatë rekrutimi në afërsi të Alepos. Ata shtojnë se i pandehuri është angazhuar në luftë tre herë.

Kreshnik.B u arrestua në aeroportin e Frankfurtit pas kthimit nga Siria në dhjetor të vitit 2013 dhe prej gati një viti është mbajtur në paraburgim.

Më herët, ligjzbatuesit në gjermani ofruan një dënim më të lehtë në rast se shpjegonte përse u bashkua me xhihadistët dhe jepte më shumë informacione në lidhje me grupin islamik.

Militantët islamikë të ISIS kanë zaptuar ngastra të mëdha toke në Siri dhe Irak duke vetëshpallur një kalifat islamik në zemër të Lindjes së Mesme. Ndërkaq, Shtetet e Bashkuara kanë nisur një plan për luftën ndaj militantëve duke formuar edhe një koalicion ndërkombëtar.

Shqiptarja

[legjenda12]

Disa prej grave dhe fëmijëve të mitur të xhihadistëve shqiptarë, të vrarë në Siri mbahen peng nga grupet radikale islamike për të cilët ata luftonin, që u ndalojnë kthimin në atdhe.

Në kërkim të një atdheu të ri ku sundon ligji i Sheriatit, një numër xhihadistësh shqiptarë morën me vete gratë e fëmijët dhe u shpërngulën në Siri për të luftuar me al-Qaedën dhe Shtetin Islamik.

Dokumente zyrtare të sigurura nga BIRN zbulojnë se 13 gra dhe 31 fëmijë janë shpërnguluar në Siri dhe një pjesë e tyrë kanë mbetur jetimë, pasi baballarët kanë humbur jetën në front. Nga 31 fëmijët e marrë në Siri nga xhihadistët, 23 janë të mitur.

Këto familje u nisën për në Siri përgjatë viteve 2012-2014, ndërsa kryefamiljarët e tyre konsiderohen si më të devotshmit e 90 qytetarëve shqiptarë që u bënë pjesë luftës civile në Siri, duke luftuar në krah të organizatave radikale islamike.

BIRN ka siguruar dosjen e hetimeve të Prokurorisë së Krimeve të Rënda në Shqipëri, ku zbulohet se gratë dhe fëmijët e xhihadistëve qëndrojnë në kampet e luftës, ndërsa baballarët luftojnë e vriten për ngritjen e një shteti islamik.

Të paktën në një rast, një xhihadist që ishte në përgjim nga SHISH dhe Prokuroria, ka marrë në Siri fëmijët e tij pa pëlqimin e nënës se tyre, ndërsa dy punonjës policie e kanë ndihmuar atë t’i kalojë ata në mënyrë të paligjshme jashtë vendit.

Hetimet kanë zbuluar gjithashtu se një pjesë e këtyre fëmijëve kanë mbetur jetimë mijëra kilometra larg shtëpisë, ndërkohë që grupet radikale për të cilët prindërit e tyre luftonin u ndalojnë kthimin në atdhe.



Oficeri antiterrorit ndihmoi xhihadistin

Eva dhe Endri Dumani, 9 dhe 7 vjeç janë dy prej 31 fëmijëve shqiptarë, të mbetur mes katër rrugëve në Siri. Babai i tyre, Shkëlzen Dumani u vra në një betejë, teksa luftonte në krah të militantëve të ISIS më 5 nëntor të këtij viti, nëntë muaj pasi mori me mashtrim dhe pa dijeninë e së shoqes fëmijët dhe u nis drejt Sirisë.

Pas udhëtimit në Siri, Dumani i ka ndryshuar emrat e fëmijëve në Sara dhe Talha. Pas vdekjes së Dumanit, megjithë përpjekjet disa mujore të familjarëve dhe autoriteteve shtetërore shqiptare, fëmijët e tij nuk lejohen nga ISIS të kthehen në atdhe.

Në një letër publike, nëna e fëmijëve Mide Dumani, kërkonte dëshpërimisht ndihmë për kthimin e fëmijëve në shtëpi. Pas dështimit të përpjekjeve personale, ajo kërkon nga shteti që t’i bëhet krah në këtë betejë për kthimin e Evës dhe Endrit.

“Unë kam mundur të flas vetëm disa herë me ta, kur babai kthehej nga fronti i luftës, gjithnjë në praninë e njerëzve të armatosur. Eva dhe Endri janë tanimë pa baba dhe të pasigurtë për jetën e tyre. Ata janë pengje të një lufte të pakuptimtë,” bën apel nëna e fëmijëve.









Skeda e Interpolit për shpalljen në kërkim të fëmijëve Eva dhe Endri Dumani.

Hetimi i Prokurorisë së Krimeve të Rënda ka zbuluar se autoritetet shqiptare ishin në dijeni të planit të Shkëlzen Dumanit për t’u larguar bashkë me fëmijët drejt Sirisë, e megjithatë nuk ndërhynë për ta penguar.

Pozitat e Policisë shqiptare rëndohen edhe më tej, pas zbulimit se dy punonjës të policisë së Rinasit, njëri prej të cilëve inspektor antiterrori, ndihmuan xhihadistin për të kaluar pa probleme dy fëmijët e mitur përtej kufirit.

Sipas dosjes së siguruar nga BIRN, besimtari me origjinë nga Peshkopia ishte kujdesur gjatë për gjetjen e një mënyre për t’i nxjerrë jashtë vendit fëmijët, pa lejen e nënës së tyre me të cilën sapo kishte përfunduar në divorc.

Ai arriti të largohej bashkë me Evën dhe Endrin më 1 shkurt të vitit 2014, edhe pse në atë kohë ishte nën përgjim nga Prokuroria dhe Shërbimi Informativ Shtetëror.

Pak ditë para nisjes, Dumani është përgjuar teksa fliste me imamin e tij, Bujar Hysa për rrezikun e ndalimit të fëmijëve në Rinas.

Por Hysa, i arrestuar në fillim të vitit si organizator i rekrutimeve për luftën e Sirisë e qetësonte dhe instruktonte se si të sillej.

“Ti për vizitë mjekësore do të ikësh në Turqi,” i sugjeronte të gënjente ai.

Para se të nisej drejt aeroportit të Rinasit, Shkëlzen Dumani kishte marrë edhe masat paraprake. Me ndihmën e një noteri, ai mashtroi ish-bashkëshorten që të firmoste një prokurë për nxjerrjen e fëmijëve jashtë vendit.

“Unë mendova se po firmosja kontratën e shitjes së shtëpisë, por pa e ditur firmosa një pëlqim për largimin e fëmijëve jashtë vendit,” shkruan në letrën publike nëna e fëmijëve, Mide Dumani.

Përveç biletave për veten dhe fëmijët, Shkëlzen Dumani ka financuar udhëtimet Tiranë-Stamboll-Gynej edhe për dy besimtarë të tjerë myslimanë.

Kur ka mbërritur në aeroportin e Rinasit, ai është ndihmuar nga një punonjës policie për të kaluar pa probleme kontrollin.

Prokuroria ka zbuluar se Shkëlzen Dumani kishte përdorur një lidhje personale më një oficer antieksplozivi në Rinas për t’i nxjerrë fëmijët jashtë vendit.

Ditën e udhëtimit të Dumanit, ky punonjës policie nuk ndodhej me shërbim në Rinas, por arriti të ndërmjetësojë që xhihadistin ta ndihmonte një koleg i tij.

Në aeroport, Dumani ka takuar një koleg të oficerit, i cili e ka marrë mënjanë në dhomën e kontrollit të bagazheve. Me ndihmën e tij, Dumani ka mundur të kalojë bashkë me fëmijët në pikën e kontrollit.

Ndryshe nga Dumani një nga bashkëudharët e tij, Ilir Shala u ndalua në Rinas.

Shala u ndalua pak minuta pasi Shkëlzen Dumani kishte hipur në avion, bashkë me dy fëmijët dhe pohoi para policisë se po udhëtonte drejt Turqisë për të gjetur punë.

Të afërmve ai u kishte thënë se do të ikte në Francë, ndërsa e vërteta është se ai po udhëtonte në drejtim të Sirisë, me biletë të paguar nga Shkëlzen Dumani.

Që prej këtij momenti, Mide Dumani nuk i ka parë më fëmijët e saj. Ajo ka folur shumë rrallë me ta përmes rrjetit Skype, por vrasja e ish-bashkëshortit në Siri e ka shqetësuar edhe më tepër gruan e mbetur vetëm në Tiranë.

Ajo ka denoncuar prej shkurtit 2014 bashkëshortin për zhdukjen e fëmijëve, por shpallja e tyre në kërkim ndërkombëtar prej Interpolit nuk ka ndihmuar për kthimin e Evës dhe Endrit në shtëpi.

Nga ana tjetër, askush nuk është quajtur përgjegjës për neglizhencën dhe ndihmesën që i është dhënë Shkëlzen Dumanit, për t’i çuar fëmijët mijëra kilometra larg së ëmës.

Të kontaktuar nga BIRN, zyrtarë të Ministrisë së Brendshme refuzuan të japin një përgjigje nëse dy punonjësit e policisë së Rinasit ishin proceduar për këtë episod.



Rasti në Kosovë, shpresë për Mide Dumanin

Erion Zena, fëmija 8-vjeçar nga Kosova arriti të kthehej pak javë më parë në krahët e së ëmës, pas qëndrimit për më shumë se pesë muaj në kampet e luftës në Siri. Erioni ndante të njëjtin fat me Eva dhe Endri Dumanin; ai ishte marrë me vete në Siri nga babai i vet pa lejen e së shoqes.

Lutjet e Pranvera Abazit për kthimin e të birit u përmbushën pas ndërhyrjes së Agjencisë Kosovare të Inteligjencës. Shërbimi sekret arriti të hynte në negociata me xhihadistët kosovarë në Siri dhe pas disa muajsh, arriti ta kthente me sukses të miturin nga Siria.



Pranvera Abazi përqafon të birin Erion Zena në çastin e ribashkimit në aeroportin e Prishtinës më 15 tetor 2014. (AP Photo/Visar Kryeziu)

Erioni kishte shkruar në Siri me babanë e tij, Arben Zena, i cili ashtu si Shkëlzen Dumani luftonte atje përkrah militantëve të Shtetit Islamik. E ndërsa Pranvera Abazi ndjehet me fat, Mide Dumani jeton prej një viti me ankthin e pasigurisë së fëmijëve të saj.

Burime nga Shërbimit Informativ Shtetëtor, SHISH, i thanë BIRN-it se një operacion i dytë negociatash, ku janë përfshirë shërbimet inteligjente Turke, Shqiptare dhe Kosovare, ka filluar për kthimin në Shqipëri të Eva dhe Endri Dumanit.

Por edhe pse kanë kaluar 9 muaj, një ndërmarrje e tillë po rezulton më e vështirë se ç’ishte menduar. Para se të vdiste Shkëlzen Dumani, thuhet se ka lënë si amanet të fundit qëndrimin e fëmijëve në Siri.

Vëllai i tij deklaroi për mediat se Shkëlzeni u ka thënë miqve të tij që nëse vritej, të mos i kthenin fëmijët tek nëna e tyre. “Në Shqipëri nuk kanë mbetur më njerëz,” mësohet të ketë thënë militanti i ISIS-it, në ditët e fundit të jetës së vet.

Nëna e Dumanit udhëtoi pak javë pas të birit drejt Sirisë, për të kthyer nipin dhe mbesën e mitur në Shqipëri, por ky mision ende nuk është realizuar. Gjyshja bashkë me dy fëmijët ndodhen ende në kampet e Shtetit Islamik në Siri, në pritje të lejes për t’u larguar nga vendi.



Fëmijët, pengje në luftë



Eva dhe Endri Dumani nuk janë fëmijët e vetëm shqiptarë që kanë mbetur jetimë në mes të luftës civile siriane. Dhjetë xhihadistë shqiptarë janë vrarë në këtë luftë nga viti 2012, dhe shumë prej tyre kanë marrë me vete edhe gratë dhe fëmijët e mitur.

Hetimi i Prokurorisë së Krimeve të Rënda ka zbuluar se pesë prej të vrarëve kanë lënë në mes të luftës bashkëshortet e tyre dhe fëmijët e mitur. Nga të vrarët në Siri, Hamit Myslija iku me katër fëmijët, Bledar Hamza me vajzën 2 vjeçare, Diamant Rasha me gruan dhe dy fëmijët ndërsa Hasan Korvafaj e Sherif Taushani kanë lënë pas nga 3 fëmijë.

Një luftëtar kurd po ecën përmes rrënojave të Kobanit në Siri më 19 nëntor 2014. Kurdët po luftojnë me ashpërsi forcat e Shtetit Islamik, ku militojnë edhe xhihadistët shqiptarë. (AP Photo/Jake Simkin)

Një luftëtar kurd po ecën përmes rrënojave të Kobanit në Siri më 19 nëntor 2014. Kurdët po luftojnë me ashpërsi forcat e Shtetit Islamik, ku militojnë edhe xhihadistët shqiptarë. (AP Photo/Jake Simkin)

Pjesa tjetër e 31 fëmijëve shqiptarë që aktualisht ndodhen në Siri, i kanë të dy prindërit gjallë, edhe pse askush nuk mund t’u japë garanci për sa gjatë. Hetimi ka zbuluar se ata qëndrojnë me fëmijë e gra të xhihadistëve të huaj në kampet e luftës në qytete të ndryshme të Sirisë.

Ato nuk janë të lirë të kthehen në vendin e tyre, edhe pse xhihadistët këmbëngulin për të kundërtën.

Floresha Rasha, gruaja e Diamant Rashës, ka mbetur në Siri prej fillimit të vitit 2014, kohë kur bashkëshorti i saj u vra në luftë.

Në Shqipëri, Diamant Rasha i njohur me emrin Ebu Amar punonte si shpërndarës picash.Në Siri, ai u kthye në luftëtar për ngritjen e Shtetit Islamik, për të cilin u vra nga një snajper në janar të vitit 2014.

Floresha Rasha, e mbetur atje me dy fëmijët e mitur donte të kthehej në Shqipëri, por xhihadistët i nxorrën fillimisht si justifikim një rregull të paqartë, sipas të cilit familjarët e të vrarit nuk mund të largoheshin pa kaluar 4 muaj e 10 ditë nga vdekja e tij.

Por edhe pse ka kaluar thuajse një vit, ajo dhe fëmijët e saj nuk kanë mundur të mbërrijnë në Tiranë. Përgjimet telefonike kanë zbuluar se çështja e Floresha Rashës, e cila donte të largohej nga kampi ka shkaktuar shqetësim tek imamët në Tiranë.

Në një bisedë telefonike, Bujar Hysa i kërkonte një xhihadisti më të cilin ishte i afërt në Siri që t’i mbushte mendjen gruas së ve të mos kthehej. “I kam thënë që nëse do të kthehet, do të përfundojë në burg,” i kthehej xhihadisti nga ana tjetër e telefonit.



Fëmijët e xhihadistëve shqiptare të vrarë që kanë mbetur në Siri :

Halit Myslija, i vrarë më 10 tetor në Siri

Vehbije Myslija së bashku me 3 djemtë dhe një vajzë ndodhen ende në kampet siriane

Bledar Hamza, i vrarë në Siri

Ka lënë pas bashkëshorten Resmije Leçini dhe vajzën 2-vjeçare

Diamant Rasha, i vrarë në Janar 2014 në Siri

Floresha Rasha, së bashku me vajzën 11 vjeçare dhe djalin 7 vjeç ndodhen ende në Siri

Hasan Korvafaj, i vrarë në Siri në vitin 2013

Bashkëshortja e tij Jusra dhe tre fëmijët e rritur ndodhen aktualisht në Siri

Sherif Taushani nga Mollasi i Elbasanit, i vrarë në Siri

Bashkëshortja, tre fëmijët e mitur dhe dy prindërit ndodhen në kampet e luftës në Siri



E ndërsa ditët kalonin, kthimi i të vesë së Diamand Rashës dhe fëmijëve të saj u bë edhe më i vështirë. Burime të Prokurorisë i thanë BIRN-it se vjehrrit të saj në Tiranë i ka mbërritur një kërkesë për t’i dhënë leje asaj të martohej me dikë tjetër në Siri.

E ndërsa plaku ia ka lënë në dorë nuses së tij këtë vendim, nuk dihet ende se ç’bëhet me fatin e saj të mëtejshëm. Lajmet që mbërrijnë në Shqipëri për gratë dhe fëmijët janë gjithmonë të pakta dhe të paqarta.

Xhihadistët e huaj u nisën drejt Sirisë me idenë e çlirimit të këtij vendi nga Presidenti Assad dhe krijimin e një shteti islamik të Sheriatit në territoret e tij. Ata morën me vete familjet dhe fëmijët, për të populluar shtetin e ri që synojnë të themelojnë.

Gratë dhe fëmijët kanë mbetur pengje të kësaj aventure të rrezikshme, pa asnjë mundësi zgjedhjeje dhe shpëtimi.

Nëna e dy fëmijëve të mbetur në Siri, Mide Dumani vuan prej një viti mungesën tyre dhe jeton me shpresën se një ditë do t’i përqafojë përsëri.

“Eva dhe Endri janë fëmijët e mi, fëmijë shqiptarë, që kanë këtu shokët dhe shoqet e tyre, shkollën dhe lodrat e tyre. Ata gdhihen e ngrysen në një vend ku vdekja është më afër njeriut se Zotit. Ju lutem, më bashkoni me ta,” shruan ajo në letrën e hapur duke kërkuar ndihmën e autoriteteve shqiptare.

[Albo]

Emrat e 65 shqiptarëve që luftojnë për xhihad në Siri

TIRANE- Zbulohen emrat e 65 shtetasve shqiptarë që luftojnë për xhihad në betejat e përgjakshme siriane. Bëhet fjalë për persona që kanë ikur në periudha të ndryshme, ku në 11 raste xhihadistët shqiptarë, kanë marrë me vete gratë dhe fëmijët e tyre të mitur. Një realacion informativ i dërguar nga Shërbimi Informativ Shtetëror në Prokurorinë e Krimeve të Rënda në fillim të muajit shtator 2013, tregohen të gjithë emrat e personave që janë larguar në Siri.

Relacioni jep informata tronditëse, pasi disa nga gratë e luftëtarëve shqiptarë të rënë Sheid (dëshmor) në luftën siriane, janë detyruar të martohen me persona të tjerë, shqiptarë, që ndodhen në Siri. Në relacion nënvizohet një rast, ku gruaja e njërit prej personave që humbi jetën në Siri, është përdhunuar, për shkak se refuzoi të martohej dhe kërkoi me insistim të kthehej në Shqipëri. Ndërkohë nuk dihet me saktësi fati i fëmijëve, pasi informacionet për ta janë kontradiktore, ku shpeshherë raportohet se përdoren për të shërbyer në kampet e organizatës “Al-Nusra” dhe herë të tjerë ka raportime, se disa prej fëmijëve janë përdorur në luftime.

Komandant ish-punonjësi i NATO-s
Strukturat e SHISH dhe Prokurorisë së Krimeve të Rënda, gjatë 7 muajve të hetimit të këtij grupi,kanë arritur të lokalizojnë, identifikojnë dhe qartësojnë rolin e secilit prej anëtarëve të kësaj celule terroriste. Sipas akuzës në krye të piramidës drejtuese qëndron shtetasi Kosovar, Lavdrim Muhaxheri, një ish-punonjës i NATO-s dhe KFOR-it. Fill pas tij radhiten dy imamët që ushtronin aktivitet të paliçensuar në Shqipëri Genci Balla dhe Bujar Hysa.

Më tej, vinin dy organizatorët e tjerë Gerti Pashja dhe Almir Daci, të cilët vepronin në Turqi, ku prisnin muxhahedinët që vinin nga Shqipëria dhe më pas i dërgonin në drejtim të kufirit sirian, ku arrinin të depërtonin duke hyrë në qytetin e Alepos dhe zona të tjera, ku janë ngritur bazat e brigadës terroriste Al-Nusra, e cila është degëzimi i organizatës famëkeqe “Al-Kaeda”. Më tej struktura e piramidës drejtuese vijon me anëtarët e tjerë si Verdi Morava,Edmond Balla, Zeqir Imeri, Fadil Muslimani, Astrit Tola, Shkëlzen Dumani, Shyqyri Kaca, Orion Rreçi dhe Medi Manallari. Pjesa më e madhe e këtyre personave janë arrestuar me urdhër të prokurorisë, ndërkohë që pesë prej tyre janë shpallur në kërkim ndërkombëtar.

Shtypi turk: Shqipëria informoi “MIT”
Gazeta turke, e përditshmja “Taraf” ka shkruar dy ditë më parë se shërbimet sekrete Shqiptare, ato Kosovare dhe Maqedonase, kanë informuar organizatën inteligjente në Turqi, lidhur me tre qytetarët e tyre, të cilët ishin anëtarë të Shtetit Islam të Irakut dhe Levant (Isil) përpara një sulmi terrorist që la tre të vdekur në një provincë të Anatolisë Qendrore javën e kaluar. Sipas “Taraf”, të tre vendet informuan MIT-in për hyrjen e qytetarëve të tyre në Turqi para sulmit.

”MIT, megjithatë, nuk e informoi Drejtorinë e Përgjithshme të Sigurimit ose Komandën e Përgjithshme të Xhandarmërisë për paralajmërimin”, tha e përditshmja. Në lajm gjithashtu thuhet se tre terroristët hynë në Turqi ligjërisht në verën e vitit 2013. Një polic, një xhandar dhe një civil u vranë më 20 mars të këtij viti nga tre shtetasit me origjinë shqiptare.

EMRAT E SHQIPTAREVE QE KANE SHKUAR NE SIRI

JANE KTHYER
Isa (Pëllumb) Nergjoni (Fetar – Jahja),
Denis Shimili
Medat Hasani
Dritan Kosturi
Çlirim Hate Kuqo
Ylli Kujtim Bregu
Eduart Muharrem Dursi
Leonard Përleka
Amiraldo Zdrava, (Abdullah),
Kujtim Zeqir Tafa (Ebu Hatixhe)
Zeqir Imeri, (Emri fetar Zekeria),
Edmond Balla
Erzen Gashi
Kujtim Tota
Armand Morina (Mahmud)
Zyber Gurra
Dionis Qevani (Abdulla),
Edmond Suparaku (Ebu Bekër)
Leart Salaj
Ledio Mehmeti
Gramoz Çengeli
Gezim Ruçi
Jetnor Hasa
Asrimuhammed Tahiri
Enes Miska
Edmond Osmaj


NUK JANE KTHYER
Gerti Pashja (Ebu Muxhahid ose Muhamed)
Almir Daci (Ebu Belkisa nga Pogradeci) me gruan
Arjan Kallanxhiu
Orges Merko (Zeyd Al Albani),
Ervis Saliasi,
Festim Kullaj
Ermal Doçi,
Bledar Veshti,
Mustafa Kuçi,
Artur Koçollari
Besmir Cake,
Mariglen Dervishllari
Shpresim Gjoka
Arber Zani,
Mehdi Manallari
Erdet Korro (Deti),
Dorian Kuqo,
Ervin Duka,
Shpetim Shkoza,
Shkëlzen Dumani me dy fëmijë
Sherif Taushani grua e 3 fëmijë
Erjon Basha grua e dy fëmijë
Krenar Shuli me gruan e dy fëmijë
Shyqyri Kaca grua e 3 fëmijë
Ervin Hasanaj (Ebu Ahmed) gruan e 2 fëmijë
Artur Korra
Enes Cami
Ilirjan Gjongecaj
Eduard Dursi
Altin Demirlika
Alimira Kastrati me dy fëmijë
Mehmet Stafasani grua e 5 fëmijë.


TË VRARË
Anri Maliqaj
Ermal Xhelo
Denis Jangulli
Hamit Muslija
Hasan Korvafaj
Diamant Rasha (Ebu Amar)
Bledian Hamza (Ebu Samed)

Shqiptarja

Shqiptarja