Protestuesit denoncojnë dhunën, Demaj: Policia shkopinj gome dhe elektroshok

[Xhuxhumaku]

Protestuesit denoncojnë dhunën, Demaj: Policia shkopinj gome dhe elektroshok

NGA: ERION SKENDAJ


TIRANË-Dy prej protestuesve të ndaluar gjatë protestës së djeshme Mariglen Demaj dhe Sevin Serjani kanë denoncuar sot publikisht Policinë e Shtetit për dhunë sistematike me mjete të forta ushtruar gjatë ndalimit dhe shoqerimit të tyre në komisariat.

Mariglen Demaj akuzoi punonjësit e policisë se kanë përdorur ndaj tij veç kërcënimeve dhe shkopit të gomës edhe mjete neuroparalizisuese.

Të rinjtë publikuan edhe foto të dhunës trupore shkaktuar sipas tyre gjatë sulmit të policisë ndërsa avokati i tyre Altin Goxhaj tha se do ngrihen padi penale ndaj drejtuesve më të lartë të Ministrisë së Brendshme dhe Drejtorisë së Përgjithshme të Policisë përfshirë dhe ministrin Sajmir Tahiri.

Goxhaj e cilësoi si antiligjore dhe antihumane mos lejimin e avokatëve mbrojtëse gjatë marrjes në pyetje të të rinjve për më shumë se 4 orë në komisariatin 3.

(a.n/BalkanWeb)

[Xhuxhumaku]

Protesta tek Ambasada Greke për Karelin, pezullohen 4 punonjës policie



TIRANE- Pezullohen katër punonjës policie, të cilët kryen veprimeve në kundshtim me ligjin, protestën e djeshme. Lidhur me këtë fakt, Drejtoria e Policisë së Qarkut Tiranë gjatë analizës së shqyrtuar rezultoi se veprime të disa punonjësve të policisë kanë qenë jo korrekte dhe në shkelje të procedurave standarde të veprimit për menaxhimin e tubimeve.

Për këtë arsye u mor masa e pezullimit paraprak nga detyra për katër punonjës policie, pasi kanë vepruar në kundërshtim me procedurat standarde të miratuara për menaxhimin e tubimeve.

Në deklaratën drejtuar mediave bëhet me dije nga policia e kryeqytetit, se rasti i bërë publik nga gazetari Armand Bajrami po shqyrtohet me seriozitet dhe po merren masat përkatëse për veprimet jo etike, jo prefesionale dhe në kundërshtim me ligjin të punonjësve të policisë.

“Njëherazi nga Policia e Qarkut Tiranë është komunikuar dhe i është kërkuar ndjesë gazetarit për çdo veprim aprofesional. Policia e Tiranës bën edhe një herë thirrje protestuesve për përmbajtje dhe respektim të ligjit.”- vijon deklarata. Nga ana tjetër, Policia e Tiranës u kërkoi qytetarëve që të respektojnë kërkesat ligjore për zhvillimin e tubimeve.

(e.m/BalkanWeb)

[Xhuxhumaku]

AK protestë kundër Tahirit, Spahiu: Të largojmë avokatin e gardianëve grek



TIRANE – Aleanca Kuq e Zi paralajmëron një protestë, të hënën në orën 13:00, përpara Ministrisë së Punëve të Brendshme në Tiranë, kundër dhunës së ushtruar nga policia në protestën e zhvilluar një ditë më parë në kryeqytet, për vrasjen e të burgosurit Ilia Kareli në Greqi.

Kryetari i AK-së, Kreshnik Spahiu u bëri thirrje aktivistëve të Aleancës dhe qytetarëve që të mblidhen në një protestë paqësore për të kërkuar largimin e ministrit të Brendshëm Saimir Tahiri. Sipas Spahiut, ministri Tahiri tregoi se është avokat i gardianëve grek, që torturuan deri në vdekje një shtetas shqiptar.

PROTESTA E PERLESHJET NJE DITE ME PARE
Qindra të rinj, kryesisht anëtarë të "Tifozëve Kuq e Zi" dhe aktivistë të Aleancës Kuq e Zi u hodhën pasditen e djeshme në protestë për torturimin deri në vdekje të shqiptarit Ilia Kareli në burgun grek të Nigritas.

Me flamuj shqiptarë në duar, protestuesit kanë kënduar Himnin Kombëtar e ndërkohë kanë grisur një flamur grek dhe më pas i kanë vënë zjarrin. Protesta ka nisur para Piramidës dhe më pas është zhvendosur në Rrugën e Kavajës, pranë bllokut të ambasadave. Pikërisht aty, pjesëmarrësit në tubim kanë nisur të protestojnë e të thërrasin në kor, deri dhe me fjalë fyese kundër shtetit grek.

Menjëherë kanë ndërhyrë forcat e repartit special "Shqiponja", të cilët kanë përdorur edhe shkopinjtë e gomës për shpërndarjen e protestuesve. Për pasojë janë lënduar 16 protestues. Ndërsa janë shoqëruar 26 të tjerë, mes të cilëve kreu i Rinisë së Aleancës Kuq e Zi, Ardit Mekshiqi dhe nënkryetari i AK-së, Albert Mesiti. Burime nga policia deklaruan se organizatorët e protestës akuzohen për "Grumbullim të paligjshëm".

(er.nu/BalkanWeb)

[DEA27]

vdekja shqiperise I ka ardhur prej shqiptareve, peshku qelbet nga koka, Do prere koka!