Basha: Rama nuk njeh limite, rikthimi i PD domosdoshmëri

[Albo]

Borxhi, Basha: Rama nuk njeh limite, rikthimi i PD domosdoshmëri



Borxhi, Basha: Rama nuk njeh limite, rikthimi i PD domosdoshmëriTIRANË-‘Dyshes Rama-Meta iu rroftë propaganda se punë nuk ka. Nuk qeverisin por vetëm bëjnë propagandë. Përdredhin ndonjë shifër, marrin ndonjë gjë që ua kemi lënë gati ne”. Kështu u shpreh sot në mbledhjen e grupit parlamentare të Partisë Demokratike, Lulzim Basha.

Por, sipas kryedemokratit, propaganda pa bukë i ka këmbët e shkurtra. Ai thekson se Rama mashtron cdo ditë me cështjen e borxhit. “Supermashtrimi dhe manipulimi irracional i shifrave pa asnjë doganë Por kryeministrit i duhet një borxh edhe më i lartë se ai real ndaj ka shpikur një borxh që nuk ekziston. Borxhi i paregjistruar nuk njeh limit”.

Po sot në mbledhjen e grupit të PD, Basha përshëndeti fitoren e të djathtës në zgjedhjet e organizuara në Francë dhe në Hungari, kreu i PD-së Lulzim Basha theksoi se kjo tregon se era fryn djathtas në kontinent.
Duke folur në mbledhjen e sotme të grupit parlamentar demokrat, Basha u shpreh se fitorja e së djathtës është një shenjë për ringritjen e PD-së dhe rikthimin e saj në qeverisje.
“Tendenca për të votuar të djathtën po shndërrohet në frymën e kohës ku jetojmë. Ky është një fakt që na shton besimin dhe optimizmin e fillimit tonë të ri për rritjen e besimit dhe të mbështetjes popullore ndaj PD-së dhe të djathtës për ringritjen me një mendje akoma më të hapur dhe me një organizim akoma më të fuqishëm në shtëpinë tonë të lirisë për rikthimin me forca, energji dhe vizione të reja në marrjen e përgjegjësive të qeverisjes”, tha ai.

Kreu i PD vuri në dukje se ardhja e të djathtës në qeveri është domosdoshmëri për të ndaluar krizën që ka përfshirë vendin.
“Në rastin e vendit tonë pa e tepruar aspak ky është një mision. Ardhja e qendrës dhe e qendrës së djathtë në qeverisje është një domosdoshmëri për të ndaluar krizën pikiatë dhe për të rimarrë ringritjen. Hartimi dhe zbatimi i politikave që burojnë nga parimet e lirisë dhe shtetit ligjor janë rruga e sigurtë për të kthyer në shinat e zhvillimit dhe përparimit Shqipërinë e marrë peng nga eksperimentet e paafta dhe të papërgjegjshme të tipit ku rafsha mos u vrafsha nga arroganca, demagogjia dhe papërgjegjshmëria e qeverisë Rama-Meta”, shtoi Basha.

(d.b/BalkanWeb)