Pergjigje per nje shkrim te z. Fatos Klosi

[Archon]

PERGJIGJE PER NJE SHKRIM TE Z. FATOS KLOSI

Kisha Orthodhokse Autoqefale e Shqipërisë
Sinodi i Shenjtë

NJOFTIM
Komentet e z. Fatos Klosi
janë të papërgjegjshme, fyese dhe çorientuese

Në intervistën e z. Fatos Klosi në gazetën “Illyria” të ShBA, më 31 mars 2014, që u ribotua edhe në gazetat “Panorama” e “Tema” (1 prill 2014) etj., dhe në disa faqe elektronike, duke iu përgjigjur pyetjes tendencioze të gazetarit mbi organizatat xhihadiste dhe ekstremiste, si dhe mbi rolin e Kishës Orthodhokse Autoqefale të Shqipërisë e veçanërisht të Kryepiskopit të saj Anastas, ai përgjigjet: “më i rëndë se ky i pari është problemi i ndërhyrjes së Kishës Greke në problemet e Kishës Autoqefale Shqiptare”. Sigurisht, bëhet fjalë për komente arbitrare, çorientuese dhe të pabazuara për Kishën Orthodhokse Autoqefale të Shqipërisë, që përpiqen të helmojnë opinionin publik dhe njëkohësisht të tërheqin vëmendjen nga serioziteti që mbartin ngjarjet e fundit. Duke ripërtypur dyshime të shprehura me fjalë të përgjithshme dhe duke mos e njohur aspak Traditën dhe të Drejtën Kanonike të Orthodhoksisë botërore, si edhe ato që sot kanë vlerë në Lëvizjen e krishterë Ekumenike, mbështet tezën, se Kisha Orthodhokse e Shqipërisë “sot është pjesë e Kishës Greke fatkeqësisht!”.

1. Jemi të detyruar të rikujtojmë se iniciativën për ringritjen e Kishës së Shqipërisë e mori Patriarkana Ekumenike e Konstandinopojës (dhe jo Kisha Autoqefale e Greqisë), e cila ka përgjegjësinë të mbështesë Kishat Orthodhokse të ndodhura në sprovë. Me autoritetin kompetent kishtar, ishte ajo që në vitin 1937 i dha autoqefalinë Kishës së Shqipërisë (ashtu si dhe më parë i kishte dhënë autoqefalinë Kishës së Greqisë, në vitin 1850).
Në aktivitetin e Kishës Orthodhokse Autoqefale të Shqipërisë, që është krejtësisht e pavarur nga Kisha e Greqisë, kanë kontribuuar përveç kuadrove vendas dhe grupe bashkëpunëtorësh të huaj nga Greqia e ShBA, numri i të cilëve lëvizte në periudha të ndryshme nga 3 deri në 5 klerikë dhe nga 5 deri në 8 laikë, burra e gra. Nuk duhet harruar fakti se të huajt që punojnë në komunitetet e tjera fetare janë me qindra.

2. Zhvillimi i jashtëzakonshëm në një kohë të shkurtër e në cilësi i Kishës Orthodhokse Autoqefale të Shqipërisë, sipas pohimit të përgjithshëm, lidhet me autoritetin dhe përpjekjet e Kryepiskopit Anastas dhe me besimin e përgjithshëm që ushqejnë ndaj tij jo vetëm grekët, por në tërësi të gjithë orthodhoksët dhe më gjerë të krishterët anembanë botës. Ai vetë, është Zëvendëspresident i Konferencës së Kishave të Evropës, President i Këshillit Botëror të Kishave dhe President Nderi i organizatës më të madhe ndërfetare në botë “Fetë për Paqen”. Këta miq të Kryepiskopit, të shumtë në numër, kanë mbështetur përpjekjet e tij në Shqipëri. Karakteristike është se ndihma e parë e madhe erdhi nga një fondacion i krishterë i Danimarkës (Dan Church Aid). Sektori i Kishës sonë “Shërbimi i Dashurisë”, që ka përgjegjësinë e programeve të ndryshme filantropike dhe sociale, gjatë gjithë këtyre viteve mbështetet ekskluzivisht në ndihmën e Kishave evropiane (të Gjermanisë, Holandës, Zvicrës, Mbretërisë së Bashkuar, Norvegjisë, ShBA-ve dhe vendeve të tjera). Programi i madh i mbështetjes ndaj 33.000 refugjatëve kosovarë të besimit mysliman, në vitin 1999, i realizuar me iniciativën e Kryepiskopit Anastas, me një vlerë 13 milionë dollarë, u mundësua me ndihmën financiare të Këshillit Botëror të Kishave dhe të organizmave të tjerë të krishterë.

3. Veprat e ndryshme investuese të Kishës së Shqipërisë u realizuan me ofertat bujare të shumë miliona eurove nga burime të ndryshme, të cilave Kryepiskopi iu drejtua për realizimin e programeve konkrete. Të qenurit e tij pa interes dhe efektiviteti tashmë i pohuar gjerësisht, sollën shumë oferta të njohura (si p.sh. nga Fondacionet Onasis, Niarko, Laci), por edhe të panjohura (shembull për këtë është testamenti i avokatit athinas P. K, që la të gjithë pasurinë e tij prej 3 milionë euro për veprën shpirtërore dhe filantropike të Kishës Orthodhokse të Shqipërisë). Që në fillim të viteve ’90, u krijuan shumë grupe miqsh të Kryepiskopit në Athinë, Selanik, dhe në qytete të tjera të mëdha të Greqisë e të SHBA-ve dhe vendeve të tjera, që u përkujdesën për mbledhjen e ushqimeve, veshjeve, medikamenteve dhe gjërave të tjera të domosdoshme për kryerjen e një vepre të gjerë sociale. Ajo nuk u kufizua vetëm tek orthodhoksët, por preku njerëzit në nevojë, pavarësisht bindjeve fetare. U jemi përherë mirënjohës mijëra njerëzve që dhanë mbështetjen e tyre.
Ndihma ekonomike që ka ardhur prej vendeve dhe burimeve të ndryshme, u përdor në ndërtimin e kishave të shkatërruara, si dhe atyre të reja, në edukimin brenda vendit të qytetarëve seriozë shqiptarë që të bëhen klerikë, në arsimin e përgjithshëm, por edhe në vepra filantropike shëndetësore e kulturore, të rëndësishme për progresin e përgjithshëm të vendit. Sigurisht, nuk është “e rrezikshme” që mijëra njerëz në zona të ndryshme të vendit janë ndihmuar në çaste kritike me vepra të përkujdesjes shoqërore dhe të zhvillimit rural dhe se kjo vepër e gjerë ka ndihmuar me mijëra familje, si dhe është mbështetur në këtë mënyrë ekonomia e përgjithshme e vendit.

4. Z. Klosi formulon teorinë se “nuk kishte ngut që të vinte këtu një prift, me të vërtetë shumë i ditur, shumë vërtetë, një intelektual i vërtetë, që të organizonte Kishën Shqiptare. Le të organizohej një çikë më ngadalë, por të mbante si të thuash pamjen... Sot është pjesë e Kishës Greke fatkeqësisht!”. Kjo teori e çuditshme mund të shprehë dëshirën e një qytetari që ka bindje të ndryshme fetare dhe filozofike, por jo pikëpamjet e orthodhoksëve të Shqipërisë.
Vizioni dhe përpjekja e Kryepiskopit Anastas ishin të organizonte një Kishë Autoqefale Orthodhokse të Shqipërisë me nivel të lartë, të bashkuar, me klerikë seriozë të arsimuar, qytetarë shqiptarë, me struktura administrative orthodhokse, një Kishë të pavarur nga çdo ndërhyrje politike, e jashtme apo e brendshme, madje të vetëfinancuar nga ana ekonomike, dhe jo “pjesë të Kishës Greke”. Një Kishë Autoqefale Orthodhokse të Shqipërisë të hapur dhe të vlefshme në shoqërinë shqiptare, të nderuar në familjen panorthodhokse, duke marrë pjesë në mënyrë të barabartë në Lëvizjen e krishterë Ekumenike dhe në dialogët ndër të krishterë e ndërfetarë, duke kontribuuar në pajtimin e popujve dhe për paqen në rajonin tonë; duke e nderuar Shqipërinë në rang ndërkombëtar. Kjo arritje njihet sot nga të gjitha Kishat Orthodhokse Autoqefale dhe më gjerë nga bota e krishterë.

5. Pohimi i tij se vetëm Kisha Orthodhokse e Shqipërisë ndihmohet nga jashtë, ndërsa komunitetet e tjera fetare nuk kanë asnjë shtet që t’i mbështesë, më së pakti është naiv. Është një fakt që njihet nga të gjithë se komunitetet fetare të mëdha e të vogla kanë marrë kapitale të shumta nga shumë shtete, jo vetëm evropiane, por edhe të kontinenteve të tjera. Sipas z. Klosi, vetëm Kisha Orthodhokse duhej të përjashtohej nga kjo ndihmë!

6. Në komentet e z. Klosi duket qartë koncepti se e konsideron Greqinë, nëse jo një shtet armik, të paktën një shtet të rrezikshëm dhe çdo gjë që mund të vijë nga shtetasit me besim të njëjtë nga ky vend, shikohet si e dyshimtë. Por, faktet nuk vërtetojnë bindjet e tij “të fshehta”. Greqia dhe Shqipëria janë vende të NATO-s, të shumë organizmave ndërkombëtarë dhe shpresa e të gjithëve është se së shpejti Shqipëria do të jetë brenda Bashkimit Evropian, gjë për të cilën edhe Greqia qartazi po ofron ndihmën e saj.
Nga ana tjetër, pohimi i tij se “Kisha Orthodhokse ka para pa fund! Ka paratë e Greqisë, të cilat janë paratë e Evropës” është po aq paradoksal. Si fraza e parë dhe ajo e dytë, janë të pasakta dhe pa lidhje midis tyre. Kisha Orthodhokse e Shqipërisë vazhdon të ketë burime financiare shumë të kufizuara. Gjithashtu, Evropa nuk i jep para Greqisë për qëllime fetare.
Por, aty ku kulmon kapërcimi i së logjikshmes, bashkë me predispozitën për të shpifur të z. Klosi, është këshilla e tij se “shteti shqiptar duhet të jetë më i kujdesshëm me Kishën Greke sesa me këta islamikët”. Institucionet e shtetit dhe kryesisht qindra - mijëra orthodhoksët e Shqipërisë, janë në gjendje të ndjekin dhe të gjykojnë sa kanë ngjarë këta 22 vjet brenda Kishës Orthodhokse dhe me siguri nuk presin të mbrohet shteti dhe Kisha me të tilla dyshime personale, teori të pabazuara dhe këshilla çorientuese.
Tiranë, 8 prill 2014

(Nga Sekretariati i Sinodit të Shenjtë)

[NIKOLA TESLA]

Perpos shpjegimit kishtar qe mundohet te jape sinodi perpiqet te beje politike ne mbrojtje te greqise dhe kete e lexon shume mire kushdo qe di te lexoje.
Nuk besoj qe ka shqiptar por shqiptar ama, qe te besoje se kisha shqiptare eshte totalisht e pa ndervarur nga ajo greke. kjo eshte e provuar qartazi edhe ne kohen e vizave dhe rradheve te gjata neper ambasada, por qe specifikisht ajo greke ishte me e populluara. Mjafton nje bekim kishtar e cilado forme dhe viza merrej brenda 1 ore.
Une jam dikush qe me mjaftoi vetem nje dokument nga kisha qe ndodhet ne rrugen e kavajes qe te merrja nje vize 5 vjeçare dhe te themi te verteten e falenderoj priftin Andon per ndihmen qe me dha, sepse e shfrytezova ate vize per 4 vjet.

[Albo]

Perpos shpjegimit kishtar qe mundohet te jape sinodi perpiqet te beje politike ne mbrojtje te greqise dhe kete e lexon shume mire kushdo qe di te lexoje.
Nuk besoj qe ka shqiptar por shqiptar ama, qe te besoje se kisha shqiptare eshte totalisht e pa ndervarur nga ajo greke. kjo eshte e provuar qartazi edhe ne kohen e vizave dhe rradheve te gjata neper ambasada, por qe specifikisht ajo greke ishte me e populluara. Mjafton nje bekim kishtar e cilado forme dhe viza merrej brenda 1 ore.
Une jam dikush qe me mjaftoi vetem nje dokument nga kisha qe ndodhet ne rrugen e kavajes qe te merrja nje vize 5 vjeçare dhe te themi te verteten e falenderoj priftin Andon per ndihmen qe me dha, sepse e shfrytezova ate vize per 4 vjet.

Cfare po thua: Qe KOASH eshte "kishe greke" pasi te dha ndihmen ty per te marre nje vize ne ambasaden greke ne Tirane?

I bie qe "shteti shqiptar te jete nje shtet grek" me kete llogjike, pasi keta i hoqen fare vizat me Greqine dhe tani shqiptaret levizin pa viza fare ne Greqi.

Cfare e keni te mbushur ate koken, me pambuk apo me kos?

Albo

[NIKOLA TESLA]

Ngadale i uruar se une e di qe kur te cenojne Janullatosin terbohesh, por prit prit o derman se nuk ofendohen njerezit pa dogane. Ke qene me i permbajtur, çje bere keshtu?
Nese jam kunder ideve apo pikpamjeve te tua, kjo sdo te thote qe te jep te drejten te ofendosh, behu me i arsyeshem sepse une debatoj por nuk ofendoj, nuk eshte ne sjelljen time.
persa i perket temes Albo. Mbaj mend ishin vitet 94 Dhe une sa dola nga bankat e shkolles dhe si çdo shqiptar ne kerkim te punes sepse dihej shqiperia asaj kohe. Kam shkuar dy here ne ambasaden greke me dokumentacion te plote dhe rekomandimet perkatese nga punedhenesi, por viza me mohoej, takoj njeriun tim dhe me thote pse verdallisesh mjafton te shkosh tek kisha ne rrugen e kavajes dhe me nje rekomandim te shkruar nga miku im shkova. E mbaj mend si sot, mu dha nje format a4 nga prifti qe kishte nje vule si ato greket me kryq ne mes dhe se cfare shkruej aty as e kisha idene, por sapo ja tregova shqiptarit vorioepirotas i thekur, me hapi deren dhe me tha prit aty. nuk ka kaluar as nje ore dhe mora ate qe une e kerkoja nete me rradhe pa gjume, por ajo qe me shashtisi fare ishte koha 5 vjeçare.
pra Kisha kishte nje ndikim absolut mbi nenpunesit greke te ambasades. tani me thuaj te lutem cfare emri ti ve une se me dokumentacion te rregullt nuk çava dot.

ps. te lutem mos e banalizo me ate çeshtjen e vizave se nuk i hoqi as shqiperia dhe as greqia, ai eshte nje vendim me madhor se te dy vendet sebashku. He te keqen mos na merr per budallenj.

[neokastra]

Tipike e jona ky veprim qe ke kryer. Megjithate fatmiresisht ato kohe te veshtira jane minimizuar per te levizur dhe fatmiresisht kjo eshte dhe merite e lobimit te Kishes Ortodokse ne te gjitha organizatat kristiane qe ajo eshte anetare. Uroj qe kete here kur te shkosh ne kishe te shkosh per te kerkuar Perendine se tashme atje ke nje brez gati 25 vjecar qe eshte rritur ne Shqiperi dhe me Zotin si te krishtere ortodokse te Shqiperise. Uroj qe te shpenzosh disa para edhe ne librarine e kishes ku do vizitosh per te blere libra shqip te besimit.
Megjithate jam i gezuar qe keto qe thua jane te vitit '94. tashme ke 20 vjet dhe meduket se koha per ty dhe Klosin ka ngelur diku aty. Prandaj duhet te rishkosh dhe nje here ne Kishe.

[NIKOLA TESLA]

Tipike e jona ky veprim qe ke kryer. Megjithate fatmiresisht ato kohe te veshtira jane minimizuar per te levizur dhe fatmiresisht kjo eshte dhe merite e lobimit te Kishes Ortodokse ne te gjitha organizatat kristiane qe ajo eshte anetare. Uroj qe kete here kur te shkosh ne kishe te shkosh per te kerkuar Perendine se tashme atje ke nje brez gati 25 vjecar qe eshte rritur ne Shqiperi dhe me Zotin si te krishtere ortodokse te Shqiperise. Uroj qe te shpenzosh disa para edhe ne librarine e kishes ku do vizitosh per te blere libra shqip te besimit.
Megjithate jam i gezuar qe keto qe thua jane te vitit '94. tashme ke 20 vjet dhe meduket se koha per ty dhe Klosin ka ngelur diku aty. Prandaj duhet te rishkosh dhe nje here ne Kishe.

befsh hajer thone pleqte, per keshillen, por une jam ateist more i uruar hahahah.
bir selmani nenes ke te qaj me pare.
referoju emrit dhe kupton arsyet.

[neokastra]

befsh hajer thone pleqte, per keshillen, por une jam ateist more i uruar hahahah.
bir selmani nenes ke te qaj me pare.
referoju emrit dhe kupton arsyet.

Epo mire atehere cfar te them me teper ketu ne Shqiperi kane ndryshuar kohet qe para 20 viteve dhe kjo ka ndodhur edhe ne komunitetin ortodoks ku komunistet me veset e tyre dale ngadale po ia lene vendin brezit diku te 40 e poshte afersisht qe ndryshon mjaft nga koncepti juaj, por gjithsesi gjithmone ne te gjitha koherat do te kete njerez qe do sjelli probleme pasi jane qenie njerezore dhe gjithmone do te kete ulje e ngritje ne te gjitha aspektet e jetes, por nje gje te siguroj qe elementi patriotik eshte konsoliduar dhe kishat tashme pas kohes se emergjences po mbushen me ikona shqip, literature shqip dhe muzike tipike ortodokse shqip ne menyre profesionale. Prandaj insistoj qe te pakten per te pare keto ndryshime duhet te vizitoni jo thjeshte te shkoni per te besuar. Besimi eshte dicka qe i perket ndergjegjies tuaj keshtu qe per kete preferoj te mos komentoj sepse ka te beje me ty dhe jetuarit tend. Uroj t'ju kete qene ndihme viza atehere dhe ta keni falenderuar mireberesin.

[Albo]

Nese jam kunder ideve apo pikpamjeve te tua, kjo sdo te thote qe te jep te drejten te ofendosh, behu me i arsyeshem sepse une debatoj por nuk ofendoj, nuk eshte ne sjelljen time.
persa i perket temes Albo. Mbaj mend ishin vitet 94 Dhe une sa dola nga bankat e shkolles dhe si çdo shqiptar ne kerkim te punes sepse dihej shqiperia asaj kohe. Kam shkuar dy here ne ambasaden greke me dokumentacion te plote dhe rekomandimet perkatese nga punedhenesi, por viza me mohoej, takoj njeriun tim dhe me thote pse verdallisesh mjafton te shkosh tek kisha ne rrugen e kavajes dhe me nje rekomandim te shkruar nga miku im shkova. E mbaj mend si sot, mu dha nje format a4 nga prifti qe kishte nje vule si ato greket me kryq ne mes dhe se cfare shkruej aty as e kisha idene, por sapo ja tregova shqiptarit vorioepirotas i thekur, me hapi deren dhe me tha prit aty. nuk ka kaluar as nje ore dhe mora ate qe une e kerkoja nete me rradhe pa gjume, por ajo qe me shashtisi fare ishte koha 5 vjeçare.
pra Kisha kishte nje ndikim absolut mbi nenpunesit greke te ambasades. tani me thuaj te lutem cfare emri ti ve une se me dokumentacion te rregullt nuk çava dot.

Prifti e Kisha te zgjidhi hallin pa te marre nje qindarke, edhe pse ti nuk je besimtar orthodhoks por ateist i terbuar. Dhe per 5 vjet ti shkove e punove e fitove e hengre buken e grekut ne Greqi me ate vize. Dhe tani pas 20 vjetesh, jo vetem qe nuk e falenderon Kishen per kete nder te madh qe te beri, por e akuzon si "kishe greke". Dhe me e bukura eshte qe akuzoni Kryepeshkopin Anastas per plot budalleqe, kur ky ka 23 vjet qe nuk e ka braktisur Shqiperine dhe ha buken e shqiptareve.

A lum Shqiperia e lum une per bashkeatdhetare mendjendritur si puna tende! E shikon, nuk te shava, te lavderova kesaj rradhe!

Albo

[NIKOLA TESLA]

Prifti e Kisha te zgjidhi hallin pa te marre nje qindarke, edhe pse ti nuk je besimtar orthodhoks por ateist i terbuar. Dhe per 5 vjet ti shkove e punove e fitove e hengre buken e grekut ne Greqi me ate vize. Dhe tani pas 20 vjetesh, jo vetem qe nuk e falenderon Kishen per kete nder te madh qe te beri, por e akuzon si "kishe greke". Dhe me e bukura eshte qe akuzoni Kryepeshkopin Anastas per plot budalleqe, kur ky ka 23 vjet qe nuk e ka braktisur Shqiperine dhe ha buken e shqiptareve.

A lum Shqiperia e lum une per bashkeatdhetare mendjendritur si puna tende! E shikon, nuk te shava, te lavderova kesaj rradhe!

Albo

Ka disa aspekte qe ti nuk i di e per pasoje thua gjera jo te qena. Nga e nxorre kete xhevahir ku sipas teje une kam jetuar apo punuar ne greqi?
Kam shkuar ne greqi shume here, por jo per pune thjesht per te takuar miq e shoke, dhe per turizem natyrisht. Per sqarim ajo vize me vlejti per diku tjeter dhe une e kam shprehur me lart mirenjohjen time per prift Andonin. Gjithsesi nuk ishte ky thelbi i diskutimit, pra le te mbetemi ne teme dhe mos dalim jashte saj. Diskutojme varesine e Kishes sone ndaj asaj greke te ciles i eshte referuar edhe i nderuari z. Klosi.
Sinodi i shejte ka dhene analogjine e ngjarjeve duke mohuar thenien e Klosit dhe natyrisht mua me lind e drejta te pyes ty Albo dhe Sinodin e shejte; Perse ne Makinen e Kryepeshkopit shqiptar valevitet flamuri grek? Nje ne dore.
Perse Kisha shqiptare financohet nga analogia e saj greke? Dy ne dore.
Perse vendoset ne krye te peshkopates nje Shtetas Grek. Tre ne dore.
Perse nenpunesit e perfaqesive greke ne shqiperi jane aq te mirekuptueshem me anastasin dhe jo me qamilin, hasanin, metin, dhe kete ta provoj si te duash. E fundit.
Bej kabull jepi ndonje pergjigje dhe je i nderuar.

[Archon]

Perse ne Makinen e Kryepeshkopit shqiptar valevitet flamuri grek? Nje ne dore.

Perse kur kryepeshkopi i Shqiperise nderohet nga nje universitet amerikan,shpalos aty flamurin e Shqiperise?
(https://fbcdn-sphotos-b-a.akamaihd.n...54173869_n.jpg)

http://www.forumishqiptar.com/thread...m-n%C3%AB-SHBA

Perse Kisha shqiptare financohet nga analogia e saj greke?

Kisha ortodokse finacohet nga shoqata,individe,etj kudo neper bote,jo thjesht nga Greqia

Perse vendoset ne krye te peshkopates nje Shtetas Grek.

Sepse ne shqiptaret si me "te zgjuarit" ne bote arritem deri aty se ju vume kazmen gjithe institucioneve fetare dhe i shkateruam krejtesisht.