Kamikazi shqiptar

[Archon]

Arben Idrizi

Derisa qytetarët shqiptarë (nacionalistët e krisur do të thoshin: “nga të gjitha trojet etnike”), nga i tërë Ballkani ose nga të gjitha vendet e botës ku jetojnë e punojnë, shkonin në Siri për të luftuar me armë në duar, sigurisht me dëshirën e marrë fetare a thjesht njerëzore për të vrarë sa më shumë “të tjerë” e për të shpëtuar vetë, opinioni i përgjithshëm ishte se megjithatë këta shqiptarë myslimanë nuk janë as terroristë as kamikazë.

Po natyrisht ka edhe të atillë, unë në mesin e tyre, të cilët konsiderojnë se janë thjesht terroristë e kamikazë dhe tërheqin vërejtjen vazhdimisht për rrezikun që paraqesin qoftë për “botën e pafe”, qoftë për vetë ne shqiptarët, të cilësdo fe a ateistë, në cilindo prej vendeve tona ku jetojmë.

Bindja se një shqiptar mysliman nuk do të shkonte deri aty sa të kthehet në kamikaz në vendin e vet, kundër njerëzve të vet, del të jetë, e natyrisht është, e gabuar. Për një fanatik të cilësdo fe, “i veti” është vetëm ai që beson dhe praktikon saktësisht të njëjtën fe. Për myslimanin fanatik, konkretisht vehabi, myslimani jo vehabi, i krishteri dhe ateisti është “tjetri”, prandaj i huaj, në rrugën e gabuar, për t’u kthyer në rrugën e duhur, e nëse jo, për t’u çuar në ajër. Për njërin si Blerim Heta, kamikazin e parë shqiptar që njohim, i cili para pak ditësh vrau mbi 50 veta në një sulm vetëvrasës në Bagdad, të gjithë ne “të tjerët” jemi të destinuar të përfundojmë në ferrin që na e ka përgatitur ai, meqë nuk jemi si ai dhe nuk duam të jemi si ai.

Dua të them, dje ndodhi në Bagdad, nesër do të ndodhë në Prishtinë, Tiranë, a Shkup.

***

Ka, nga ana tjetër, një qëndrim po aq çmendurak që e hasim te qytetarët e rëndomtë, të cilin e shprehin në komentet e tyre në përcjellje të lajmit dhe artikujve përkitazi me sulmin kamikaz në Bagdad. Një përqindje e përbindshme e tyre e qortojnë kamikazin pse e ka bërë sulmin në Irak, kur fare lehtë dhe tamam mirë mund ta bënte këndej, kundër serbëve (apo maqedonasve, grekëve, malazezëve). Terrorizmi shqiptar nacionalist a edhe fetar, pra, është i lejueshëm, mjafton një adresë e duhur, në shtëpi (në trojet etnike), kundër “shkive”.

Sikur na thonë, e keqja nuk është gjithmonë e keqe, duhet bërë dallim ndaj kujt bëhet.

Dhe natyrisht, është një pjesë tjetër, më e vogël, që pajtohet, e tumir dhe e kërkon ende sulmin si të tillë, atje ku ka ndodhur a kudo që (duhet) të ndodhë. Kur themi “një pjesë më e vogël” nuk është asfarë ngushëllimi, përkundrazi, siç jam munduar të them edhe herë të tjera, për të bërë të keqen, sidomos të tillën, mjafton pikërisht ajo “pjesë më e vogël”. Ngase, edhe ashtu, kudo në botë, është pikërisht po ajo “pjesë e më e vogël” që është duke e bërë atë.

***

Në pothuajse të gjitha deklarimet për media të familjarëve të kamikazit gjejmë një këmbëngulje për të vënë në pah bindjen se atij ia kishin shpëlarë trutë imamët e ndryshëm ekstremistë, ligjëratat e të cilëve i kishte ndjekur me pasion, bile edhe duke udhëtuar me kilometra larg për t’i arritur.

Megjithatë, shpëlarja e truve është vetëm një nga metodat që përdoren nga ideologjitë e ndryshme për t’i mbajtur nën kontroll vartësit dhe për ta bërë atë që konsiderojnë se duhet bërë.

Tani për tani, e dimë e duhet ta themi këtë, bartësit kryesor të kësaj të keqeje në vend janë pikërisht këta ideologë të shpëlarjes së truve, imamët ekstremistë.

***

Duke i përmbledhur të gjitha këto, ka një gjë që nuk arrij t’ia gjej fillin. Kamikazët e tillë potencialë brenda vendit a janë në fazën kur shteti i konsideron armik, apo thjesht në fazën kur shteti mendon se ata janë qytetarë të tij të vënë kundër ligjit dhe rendit, të cilët mund t’i identifikojë, mbajë nën kontroll dhe në fund tamam t’i nxjerrë nga laboratori i shpëlarjes së truve?

Nuk më duket se zgjidhet ndonjë gjë nëse a priori konsiderohen vetëm armik (sado që, nga ana e tyre, ata e konsiderojnë shtetin pikërisht të atillë dhe s’do të kursenin asgjë, as jetën, kundër tij).

@express.com

[Shaboni]

Me ne fund dikush po fillon te zgjohet e te kuptoje se ky problem nuk duhet injoruar nese nuk duam ta shikojme Shqiperine si Cecenin e Europes.
Po ti lesh punet ne duart e tyre, ose po ti lesh keta mjeker gjate te bejne e predikojne cka duan ne territorin e AL, KS keto jane rezultatet.

[Albo]

Duke i përmbledhur të gjitha këto, ka një gjë që nuk arrij t’ia gjej fillin. Kamikazët e tillë potencialë brenda vendit a janë në fazën kur shteti i konsideron armik, apo thjesht në fazën kur shteti mendon se ata janë qytetarë të tij të vënë kundër ligjit dhe rendit, të cilët mund t’i identifikojë, mbajë nën kontroll dhe në fund tamam t’i nxjerrë nga laboratori i shpëlarjes së truve?

Eshte gabim te mendosh se lufta ndaj kamikazeve eshte vetem pergjegjesi e shtetit. Shteti mund ti pergjoje, mund ti arrestoje, mund ti fusi ne burg, por ketu nuk kemi te bejme me me nje numer te vogel njerezish, kemi te bejme me nje kontigjent te madh shqiptaresh si ne Shqiperi, Kosove e Maqedoni. Kamikazet shqiptare po ngrene koken ne Siri, ne Izrael, ne Irak, ne Turqi, ne Amerike, ne Gjermani. Dhe nuk kemi te bejme me nje organizate te vetme apo me nje sekt te caktuar fetar, kemi te bejme me nje fenomen ku te rinj shqiptare indoktrinohen qe te kryejne akte te tilla terroriste nga klerike islamike, qofshin keta shqiptare apo te huaj.

Se pari, te gjithe duhet te kuptojme rrezikshmerine qe ky kontigjent njerezish paraqet per shoqerine shqiptare. Shume shqiptare e trajtojne kete ceshtje si nje "pune imazhi te te huajve mbi Shqiperine e shqiptaret", dhe jo si nje kercenim real qe ky kontigjent njerezish perben per gjithe shoqerine shqiptare. Ka te tjere qe e shohin kete kercenim ndaj vete shtetit e demokracise, pasi ky kontigjent njerezish ne shenjester te vete ka shtetin e demokracine, e do ta zevendesoje ate me modelin e shtetit islamik, Sheriatit. Por as ky nuk perben kercenimin me te madh per shoqerine shqiptare. Kercenimi me i madh per shoqerine shqiptare, nje shoqeri multi-etnike, multi-fetare eshte lufta civile dhe prishja e bashkejeteses nder-fetare dhe nder-etnike mes shqiptareve. Po u prish kjo, nuk ka me nje Shqiperi, ka shume Shqiperi. Po u prish kjo, merr fund eksperimenti i Rilindjes sone kombetare per krijimin e nje identiteti shqiptar pas asimilimit osman. Mendoni per nje cast nese nje akt i tille terrorist do te kish ndodhur ne mes te Tiranes apo Prishtines, cili do te ishte reagimi i shoqerise shqiptare! Zoti na ruajt nga kjo e keqe e ajo dite mos ardhte kurre.

Se dyti, te gjithe duhet te kuptojme sic duhet realitetin e ketij fenomeni. Cfare e shtyn nje te ri shqiptar te hedhi veten ne ere ne Bagdad, te vrasi ne Turqi njerez te pafajshem, te vrasi ne aeroportin e Frankfurtit ushtare amerikane, te komplotoje me muslimane te tjere te sulmojne nje baze ushtarake ne SHBA? Shume shqiptare kane manine te paragjykojne keto akte dhe fenomenin kur duhet ti kuptojne me imtesi cdo hap qe solli ne rekrutimin e ketyre te rinjve ne kryerjen e ketyre akteve. Sic e zura ne goje me lart, nuk eshte nje grup njerezish apo nje organizate e caktuar, ky eshte nje fenomen qe gjen shtrirje te gjere me shqiptareve dhe nga i cili jane prekur gati te gjitha shoqerite shqiptare ne Ballkan e ne bote. Duhen zbuluar "ideologet" dhe "financuesit" e ketij fenomeni, dhe te gjithe rekrutet e tyre mes shqiptareve. Ky fenomen ve ne rrezik ekzistencen e gjithe shoqerise shqiptare sic e njohim sot, dhe nuk duhet te mjaftohemi vetem me prerjen e degeve apo trungut, duhet ta shkulim ate me gjithe rrenje.

Se treti, gjithe shoqeria shqiptare ne Shqiperi e ne bote duhet te sensibilizohet mbi kercenimin qe ky fenomen perben. Sensibilizimi tjeter po aq i rendesishem eshte se ky fenomen nuk luftohet dot vetem me fjale, dhe nuk ka per tu shkulur me rrenje nga shoqeria shqiptare ne nje dite, ne nje muaj apo ne nje vit. Sensibilizimi i shoqerise duhet te krijoje nje koalicion te gjere civil ku te gjitha forcat demokratike dhe progresive te shoqerise bashkepunojne per te ruajtur shoqerine shqiptare nga ky fenomen. Kete e bejne duke bere ate me elementaren, denoncimin e akteve te tilla me fjale e deri tek ato me te rendesishmet: denoncimin prane organeve perkatese te shtetit te organizatave e personave te prekur nga ky fenomen qe perbejne nje kercenim per sigurine kombetare te vendit. Qe e keqja te behet, mjafton nje terrorist ne mes te Tiranes apo Prishtines te kryeje nje akt te tille. Dhe po ia arriten asaj dite, ne ere nuk do te hidhet vetem jeta dhe prona e shqiptareve, do te hidhet gjithe shoqeria shqiptare.

Albo