Basha shpallet qytetar nderi i Deçanit

[Antiproanti]

Në ditën e Epopesë së UÇK-së, Basha shpallet qytetar nderi i Deçanit





Në Dukagjin po shënohet 16 vjetori i Epopesë së UÇK-së dhe intervenimit ushtarak të NATO-s.

Atje po qëndron edhe Kryebashkiaku i Tiranës dhe lideri i Partisë Demokratike të Shqipërisë, Lulzim Basha.

Basha është pritur sot paradite nga Hilmi Haradinaj dhe biri i tij Ramush Haradinaj, Kryetar i Aleancës për Ardhmërinë e Kosovës.

Së bashku këta kanë bërë edhe homazhe në varrezat e 83 Dëshmorëve të mbarë trojeve shqiptare në Gllogjan.

Po sot Basha është shpallur edhe Qytetar Nderi i Deçanit nga Asambleja Komunale e këtij qyteti.

Me këtë rast, kryetari i Bashkisë së Tiranës, Lulzim Basha tha se si anëtari më i ri i familjes së deçanasve ndjehet i nderuar dhe fjalët janë të pakta për nderin që po i bëjnë në këtë ditë të madhe. “Sot përulen para gjakut të ushtarëve të UÇK-së që dhanë gjithçka për lirinë e Kosovës”, ka thënë Basha.

Ndërsa, ish komandanti i UÇK-së, tani lideri i AAK-së, RamushHaradinaj ka thënë se kjo ditë aq sa është e Gllogjanit, aq sa është e Deçanit, është e gjithë shqiptarëve.

Në këtë Akademi mori pjesë edhe kryetari i Prishtinës, Shpend Ahmeti, kryetari i LDD-së, Nexhat Daci, Rexhep Selimi nga VV-ja dhe shumë deputetë e politikanë të tjerë nga të gjitha viset shqiptare. /ditapress/



http://www.zeri.info/artikulli/29564...deri-i-decanit