Invalidja kurohet për temperaturë, i gangrenizohet krahu. Familja akuza mjekëve

[Wordless]

Familjarë të një 59-vjeçareje nga Erseka fajësojnë mjekët e Urgjencës në spitalin e Sanatoriumit për gabim mjekësor që ka çuar sipas tyre në gangrenizim të krahut të pacientes.

Për “News 24”, vajza e të moshuarës Elaureta Loli tregon se fillimisht e ka sjellë nënën në Urgjencën e Infektivit për shkak të temperaturës së lartë që nuk i zbriste nga 38 e gjysmë. Më tej ajo thotë se mjekët i kanë bërë vetëm një qetësues, duke e pasuar pacienten nga ky spital drejt Sanatoriumit, ku mjekët kanë dyshuar për një anomali të rëndë në mushkri. Pacientia paraplegjike me diabet kronik i është nënshtruar skanerit me kontrast itravenoz edhe pse është ankuar që në fillim se injektimi i lëngut të kontrastit në damar i shkaktonte dhimbje të mëdha dhe djegie. Familjarët dëshmojnë se pas diagnostikimit, i cili nuk ka vërtetuar frikën për një sëmundje të rëndë në mushkri, krahu i të moshuarës është enjtur deri në atë pikë sa mjekët të alarmuar nuk kanë pranuar më ta mbajnë në spital, duke e rikthyer sërish në QSUT, këtë herë në Urgjencën e Kardiologjisë, me pretendimin se gruaja kishte çrregullime të zemrës. Por sorollatjet e pacientes dyerve të spitaleve, pa asnjë mjekim apo sëmundje të konstatuar, nuk mbarojnë me kaq, pasi në orët e natës pacientja sipas familjareve është dërguar në shërbimin e Kirurgjisë, ku mjekët gjithnjë sipas familjareve nuk e kanë marrë përsipër rastin, duke e rikthyer pacienten sërish në Urgjencën e Kardiologjisë.

Për 31 orë, 59-vjeçarja ndërroi 4 spitale dhe nuk mori asnjë trajtim mjekësor, veç një qetësuesi në Infektiv.

Ndërkohë pas denoncimit në “News 24” duket se ka ardhur edhe reagimi i parë zyrtar nga spitali “Nënë Tereza”. Burime nga drejtoria e QSUT-së sqarojnë se është ngritur një grup i specializuar mjekësh që po marrin në shqyrtim rastin në fjalë, ndërsa garantohet se pacientes nuk do t’i pritet krahu, pavarësisht shkallës së lartë të komplikacionit. Denoncimi i qytetarëve në adresë të mjekëve nuk është një rastësi. Pak kohë më parë një tjetër paciente nga një fshat i Tiranës mbërriti në Urgjencën e QSUT-së në gjendje shoku, rast që u refuzua nga mjekët e Urgjencës, të cilët pas një kohe të gjatë pritje e përcollen pacienten pa mjekim dhe pa ambulance për në spitalin e Neurokirugjisë.

VIDEO

http://www.youtube.com/watch?v=-CdUpnB9rhY

/

[mia@]

E trishtueshme. Gjithsesi mendoj se kane faj dhe vet pacientet qe e lene veten deri ne piken e fundit dhe ngelen ne meshiren e spitaleve e doktoreve tane qe nuk shquhen shume per profesionalizem apo humanizem. Kjo paska diabet kronik. Me aq sa kam degjuar ne lidhje me kete semundje nese nuk ndjek nje regjim strikt ne te ngrene dhe tregon kujdes ndaj cdo simptome te re qe shfaq ne trupin e saj, neglizhenca mund te coje jeten e saj ne rrezik. Njerezit me diabet kronik jane me te prekur nga problemet e zemres, probleme me kembet, apo humbje te gjymtyreve. Uroj qe te arrijne ta kurojne e mos te arrije puna deri te pretja e gjymtyres.