Interpelanca ne Kuvend: Rama: Rendi publik është më mirë se vjet

[Albo]

Rama për rendin: Jemi më mirë se vjet

Ish-kryetarja e Kuvendit, interpelancë me Kryeministrin: Kështu si ju qeveris edhe Zani Çaushi

“Keni fryrë shifrat, në 6 muajt tanë 43 vrasje, një vit më parë 73”

Kryeministri Edi Rama u përgjigj dje për herë të parë në Kuvend për rendin dhe sigurinë. Në interpelancën e kë-rkuar nga deputetja demo-krate Jozefina Topalli, Rama tha se do të vendosë ligjin, ndërsa akuzoi opozitën se deformon shifrat. “Keni fryrë shifrat e vrasjeve, në fund të shkurtit numri i viktimave më pak se 50, numri i vrasjeve 43, po për të njëjtën periudhë mes shtatori fund shkurti, kur qeverisnit ju, kishte 73 viktima dhe 64 vrasje. Ju e keni lënë Policinë pa themele, kurse ne po vendosim Policinë në themele”, tha Rama. Sipas tij, “kjo qeveri ka një qëllim dhe një mandat shumë të qartë: të ndryshojë Shqipërinë! Ne nuk jemi as të përsosur, as të pagabueshëm. Por ne jemi të vetëdijshëm dhe të përgjegjshëm para vendit e para njerëzve të këtij vendi”. Duke sjellë shifra, Rama tregoi se janë bllokuar më shumë lëndë narkotike nga qeveria që ai drejton dhe se janë kapur më shumë kriminelë. “Për të njëjtën periudhë, messhtator–fundshkurt, të krahasuar me një vit më parë, janë kapur më shumë se dyfishi i këtyre kriminelëve të kërkuar ndërkombëtarisht për krime të rënda, ekzaktësisht 160% më shumë. Mos vallë donit që të mos kapeshin e sekuestroheshin 12 kg e 569.6 gramë kokainë më tepër se në të njëjtën periudhë të një viti më parë? Apo mos donit që të mos kapeshin e sekuestroheshin 2 tonë e 853 kg e 282.7 gramë më tepër kanabis sesa e njëjta periudhë e një viti më parë?”, tha Rama. Ai akuzoi opozitën se kërkon të bëjë politikë me krimin.
“Sot ju vazhdoni politikën e rrënimit, duke bërë politikë me krimin, ndërsa ne kemi rilindur Policinë e Shtetit, duke ecur më shpejt drejt arritjeve reale në luftën kundër krimit”, tha Rama. Deputetja e Partisë Demokratike, Topalli, akuzoi maxhorancën për rritjen e kriminalitetit dhe pasigurisë. “Vendi po rrokulliset me shpejtësi drejt kaosit dhe greminës. Tritoli u bë modë, u dhuruat qytetarëve si modele të qeverisjes suaj hedhjen në herë të ndërtesave e banesave me tritol. Ju i thoni tritolit dhe erës së tij era shtet! Sot po flisni me tritol e trafiqe! Përgjigjja juaj është edhe e turpshme! Kështu si ju “kush nuk qeveris, edhe Zani Çaushi…!”, tha Topalli. Ajo akuzoi për largime të mëdha specialistësh nga radhët e Policisë, gjë që sipas saj ka çuar në rritjen e kriminalitetit. Por Rama solli fakte të tjera. “Sekretari juaj i Përgjithshëm në MPB kishte të punësuar brenda kësaj Ministrie 2 kunetër, nipin e gruas, mbesën e gruas, nipin e tij dhe dy kushërinj të tjerë. Drejtori juaj i SHKB kishte edhe të dy vëllezërit e punësuar në Ministri”, tha Rama. Sipas tij, “në listën e gjatë të të rekrutuarve prej PD-së në Polici, në pozicione drejtuese të Policisë, kishte persona me kurs gjashtëmujor plepash, me shkollë fizkulture, me studime veterinare, apo me shkolla të larta pa asnjë lidhje e asnjë trajnim të vetëm policor ose të tjerë që certifikatë të vetme trajnimi kishin precedentët penalë”. Duke folur për largimet nga Policia, Rama tha se shifrat nuk janë ato që jep opozita. “Nga messhtatori 2013, kur ne erdhëm në qeveri, deri në fundshkurtin e këtij viti janë liruar nga detyra 378 punonjës Policie, ndërsa nga shtatori 2005 dhe në 2006, kur ju morët qeverinë, larguat nga Policia 1003 punonjës. Ndërsa në gjithë harkun kohor të qeverisjes suaj, e dini sa keni larguar? 3188 punonjës policie!”, tha Rama.

Debati Rama-Topalli në Kuvend
Jozefina Topalli: Shqipërinë po e merr krimi! Ditën që dorëzova këtë kërkesë për interpelancë, arriti kulmi! Në dy ditë tre biznesmenë të vrarë në stilin e mafies, disa të plagosur, 5 tritole, 7 grabitje me maska, dy ngarkesa, njëra 2 tonë, tjetra 1.8 tonë drogë, e nisur nga Shqipëria dhe e kapur në Itali.
Edi Rama: Nga 87 raste të përdorimit të eksplozivit, 60 prej tyre kanë ndodhur nga janari në mesin e shtatorit dhe 27 të tjera, ose 31%, kanë ndodhur deri në fund të dhjetorit (në një trend kohor të njëjtë duhet thënë) – ndërkohë që në muajin shkurt shihet një rënie e ndjeshme, e cila ne jemi shpresëplotë se do të kthehet në trend në muajt në vijim.
Jozefina Topalli: Nuk ka faj qeveria që në një ditë, në formë dënimi kolektiv shkarkoi të gjithë drejtuesit e Policisë nga Tirana në çdo qark, në çdo cep të Shqipërisë?! Nuk ka faj qeveria që shkriu Gardën, që shkriu Policinë e Antikrimit, që shkriu Policinë Rrugore?! Nuk ka faj që emëroi në krye e në çdo shkalle militantë dhe komisionerë të PS-së në mënyrë antiligjore?!
Edi Rama: Ju bëni sikur s’keni asnjë lidhje me Policinë e rrënuar, të tradhtuar e të demotivuar që na latë në dorëzim më pak se gjashtë muaj më parë; sikur s’jeni ju që e tkurrët Policinë e Shtetit në atë me numrin më të ulët të policëve për frymë popullsie në rajon e në Europë?!
Jozefina Topalli: Partia Demokratike pyeti publikisht ministrin e Brendshëm për kriteret që kishte aplikuar në emërimin e policit A. S. në Policinë e Shtetit, personi që u kap me një ton drogë në kamion nga bashkëpunimi me policinë italiane! Opozita ka pyetur publikisht ministrin se cila është lidhja që ka me personin me inicialet G. A., që është arrestuar më 28 qershor të vitit 2006, teksa transportonte 50 kg drogë? Tre vjet më pas është liruar me kusht.
Edi Rama: … Disa deputetë ikën, nuk erdhën fare. Nuk e kuptoj pse nuk erdhën të mbështesin Jozefinën. Kaq pak mbështetje ke?!… Po vijoj. Vetëm sekretari juaj i Përgjithshëm në MPB kishte të punësuar brenda kësaj Ministrie 2 kunetër, nipin e gruas, mbesën e gruas, nipin e tij dhe dy kushërinj të tjerë. Drejtori juaj i SHKB kishte edhe të dy vëllezërit e punësuar në Ministri. Nuk po vazhdoj më tutje me motra, vëllezër, kunetër, nipër e mbesa, të disave këtu në anën time të djathtë, që kishin gjetur strehë deri dje në Ministrinë e Brendshme.
Jozefina Topalli: Ju i thoni tritolit dhe erës së tij era shtet! Sot po flisni me tritol e trafiqe! Përgjigjja juaj është edhe e turpshme! Kështu si ju “kush nuk qeveris, edhe Zani Çaushi…!!
Edi Rama: Çfarë të them unë zoti kryetar, kur të sjell puna në këtë situatë, duhet të dëgjosh gjithçka dëgjuam dhe, kur mendon që për parafolësen ky popull ka paguar, veç taksave, gjithë ato rroga dhe gjithë ato dieta, s’mbetet gjë tjetër vetëm ajo fjala e Avokat Ngjelës: Amanet mushkat zotërinj…
Jozefina Topalli: E mbyllim me fjalën e mushkës…

ARISTIR LUMEZI

Panorama

[Albo]

Sa(i)mir’ rendi publik

ARTAN HOXHA

TRITOLI SHQETESON KRYEMINISTRIN
Në takimin me mësuesit Kryeministri shprehu shqetësimin se tritoli pengonte vlerësimin e arritjeve Rilindëse në rendin dhe sigurinë publike.
Ai ia gjeti shpjegimin edhe rritjes se përdorimit të tritolit te dy shkaqe: i) meqë ai, bashkë me ministrin, Policinë e shpartalluar të Saliut po e rilindin si një Polici të supermobilizuar, atentatorët, të cilët kanë marrë paradhëniet nga porositësit përmes ndërmjetësve, po nxitojnë të qërojnë hesapet sa kohë që kjo mrekulli Rilindëse nuk ka ndodhur plotësisht, përndryshe jo vetëm humbasin pjesën tjetër të pagesës, por duhet të kthejnë edhe paradhënien; ii) propaganda e shfrenuar – kryesisht opozitare – paska qenë për tritolin më efikase se reklama me shokun e Çimit.
Me shifrat dhe argumentet Rilindëse ai shkoi “serbes” në interpelancën me Jozefina Topallin.

SUKSESI RILINDES SIPAS STATISTIKAVE RILINDESE
Ministri i Brendshëm, në raportin vjetor të Policisë, në janar 2014, kritikoi mënyrën e mbajtjes së statistikave nga Policia si stil i vjetruar. Ai e mori nën kujdesin e vet statistikën e kriminalitetit dhe po i përtyp shifrat si çamçakëzin – sa për të zbardhur dhëmbët e për të bërë poçe.
Edhe Kryeministri, edhe ministri, edhe raportet Rilindëse i kanë shumë për zemër krahasimet me të njëjtën periudhë të një viti më parë – me epokën e Saliut – si rregull, kur shifrat mbështesin sukseset Rilindëse, përndryshe shifrat e epokës se Saliu nuk përfshihen në raport.
Më poshtë jepen sukseset e Rilindësve sipas shifrave të tyre.

KRIMET KUNDËR PERSONIT
Në raportet tetor-shkurt jepet numri i vrasjeve edhe për të njëjtën periudhë të një viti më parë, e nga ku del se në epokën e Saliut vrasjet ishin më të shumta se në kohën e Rilindësve, por mungojnë shifrat e epokës së Saliut për vrasjet në tentativë, plagosjet e rënda dhe krimet gjithsej kundër personit. Pse kjo mungesë? Se, mos o zot, situata e sotme Rilindëse është më keq se ajo e Saliut një vit më parë?!
Edhe lidhur vetëm me vrasjet, shifrat për të cilat Rilindësit i kanë kaq për zemër, situata është në përkeqësim. Rilindësit e nisën mirë. Në nëntor deklaruan me forcë se vrasjet in afro 62.5% më pak se në nëntorin e Saliut. Mrekullia e frymës se s’kishte ndonjë faktor real në veprim në ato fillime.
Por, situata nisi të japë shenja përkeqësimi nga fundi i dhjetorit, derisa në janar 2014 vrasjet ishin vetëm 15% më pak se në janarin e Saliut, ndërsa të vrarët 15 me 14 për Rilindësit. Në shkurt 2014, fatmirësisht bomba me tritol në Tiranë nuk i vrau tri shënjestrat, por vetëm ua copëtoi gjymtyrët, përndryshe të vrarët e shkurtit Rilindës do të ishin sa ato të shkurtit të Saliut dhe numri i vrasjeve vetëm 10% më pak.
E çuditshme! Sa më shumë Rilindësit merrnin komandën në dorë, aq më keq treguesit. Ishte shumë më mirë kur ishin vetëm frymë. Keq e mos më keq me kalimin e kohës.

KRIMET KUNDËR PRONËS
Për periudhën tetor-janar mungojnë shifrat e epokës së Saliut, ndërsa për epokën Rilindëse, në tetor 2013 rezultojnë vetëm 531 raste krimesh kundër pronës, në nëntor 566, në dhjetor 701 raste e në janar 2014 arrijnë në 733 raste. Rritje me afro 40% në pak muaj Rilindje.
Muaji shkurt Rilindësve iu duk ngushëllues, pasi kishte vetëm 708 raste të krimeve kundër pronës. Harruan se shkurti ka 28 ditë dhe jo 31, sa janari, dhe për shkurtin rezultojnë mesatarisht 25 vjedhje çdo ditë, nga 23 të këtilla në janar.
Në raportin e shkurtit jepen, për herë të parë, krahasimet e krimit kundër pronës me epokën e Saliut. Në shkurt 2014, krahasuar me shkurt 2013, ndodhën 22 vjedhje banesash më shumë; 15 vjedhje biznesesh më pak; 17 vjedhje makinash më pak; 4 vjedhje me dhunë më shumë; 2 shkatërrime prone me eksploziv më pak. Pra, pak a shumë si në kohën e Saliut. Kështu do kenë qenë edhe muajt pararendës.
U çudita kur pashë vullnetin për transparencë të Rilindësve në shkurt, edhe pse shifrat i nxirrnin njësoj me Saliun në krimin kundër pronës. Por kur pashë të nesërmen në mediat mbështetëse së në shkurt 2014 eksplozivi ishte përdorur më pak se në shkurt 2013, e kuptova arsyen pse Rilindësit u kandisën të krahasoheshin me Saliun në ca tregues. Ec e u thuaj pastaj se po përjetojmë kohën e tritolit. Mirë ne ia fusim kot, por edhe Arvizu kot ia futka!

SIGURIA RRUGORE
Për periudhën tetor-dhjetor mungojnë të dhënat për epokën e Saliut, por krahasimi shfaqet triumfues në raportin e janarit 2014. Ndonëse aksidentet në total në janar 2014 ishin më shumë se në janar 2013, vdekjet dhe plagosjet e rënda nga aksidentet ishin më pak. Rilindësit u rropatën tre muaj me radhë me gjoba parkingu dhe arrestime shoferësh të pirë e thuajse asgjë s’po ndryshonte. Por, më në fund, në janar 2014 suksesi u arrit. Siguria rrugore më mirë se në kohën e Saliut.
Triumfi i janarit iu doli për hundësh në raportin e shkurtit, pasi u detyruan të pohojnë se aksidentet me vdekje ishin më të shumta se në shkurtin e Saliut, ndërsa plagosjet e rënda po aq sa në kohën e Saliut. Iu shkuan huq të gjitha përpjekjet me gjoba dhe arrestime. Nuk iu dha rezultat as edhe rritja e çmimit të naftës nga rritja e taksës. Të alarmuar vendosën të ndalojnë pjesë-pjesë qarkullimin e mjeteve. E nisën me furgonët, por po humbasin shpresat edhe te kjo masë.
Tashmë shpresën më të madhe e kanë te moti. E kuptuan se rekordi i ditëve pa shi në dhjetor e janar ishte ndihma më e madhe për sigurinë rrugore krahasuar me Saliun. Në shkurt, sapo u barazuan reshjet me epokën e Saliut, u rritën vdekjet dhe plagosjet në aksidentet rrugore. Po mbajti kohë e mirë, suksesi është i tyre; nëse bie shi, ata s’kanë faj se motit s’kanë ç’t’i bëjnë.

TRAFIKU I DROGËS
Për sasitë e barërave çudibërëse që janë kapur këndej kufirit, raportet Rilindëse janë plot me suksese në rritje muaj pas muaji, e po kështu krahasuar edhe me epokën e Saliut, por asgjë nuk thuhet për sasitë e kapura andej kufirit.
Siç tha ministri te Fevziu, bilanci i eksportit do të saktësohet pas një viti! Atij aq i bën se grekët po vigjilojnë maleve, ndërsa italianet po shohin se si Otranto është shndërruar në autostradë!

STRATEGJIA RILINDESE QE SOLLI SUKSESIN
A e dini se si i kanë arritur sukseset Rilindësit në luftën kundër vrasjeve, plagosjeve, vjedhjeve, bandave të organizuara, drogës, trafiqeve, tritolit?
Fare thjesht, duke përqendruar aksionin e policisë drejt pak prioriteteve. Këto prioritete – tri gjithsej – janë shpallur në raportet mujore që nga tetori 2013 deri në shkurtin 2014. Tri prioritetet e pandryshuara të këtyre pesë muajve janë: i) ndërtimet abuzive; i) prerja e pyjeve; iii) dhuna në familje.
A nuk është kjo një mrekulli?! Duke luftuar informalitetin arrin rezultate me kriminalitetin. Metodë me vlerë planetare. Thonë se OKB ka kërkuar ta përhapë në botë.

MINISTRIN E HEQIN NGA QARKULLIMI
Ministri i Brendshëm, njëherazi kryepolic, kryeinspektor tatimor, kryeinspektor ndërtimor, kryeinspektor kazinosh, kryeinspektor pyjesh e gjithfarë tjetër, prej një muaji e hoqën nga qarkullimi mediatik.
Publikut po i mungon ministri me celular në dorë duke dhënë urdhra gjithfarësoj. Ekraneve televizive po i mungojnë leksionet e tij 90 minutëshe.
Herën e fundit që u shfaq ishte më 20 shkurt, në tarracën e Kryeministrisë, duke dhënë urdhra me celular për përhapjen e forcave të Policisë në pritje të marshimit të demokratëve. Afërmendsh që atje sipër kishte pamje më të mirë e mund të jepte urdhrat e duhur, por s’arrita të kuptoj se pse dreqin luante trupin, krahun, dorën e kokën ndërsa fliste në celular majë tarracës. Shefat e Policisë, aty poshtë në bulevard, mund ta dëgjonin nga celulari, por s’mund t’ia shihnin lëvizjet. Mister!
Me siguri edhe ëndrrat i sheh duke komanduar Policinë, inspektoratet, Ushtrinë. Ndoshta, ndoshta edhe Qeverinë, por këtu zgjohet dhe ëndrra ndërpritet.
Ndaj, këto kohë, mbrojtjen dhe propagandimin e sukseseve Rilindëse në rend e siguri e kanë marrë përsipër ministrat pa portofol dhe vetë Kryeministri.

LAJMI I MIRE
Policia ka vullnet e forcë ta luftojë krimin. Rilindësit e urdhëruan të merrej me informalitetin. Situata shkoi për dreq. Deshën s’deshën, hoqën dorë.
Këto ditë Policia është rikthyer te lufta kundër kriminalitetit. Po përpiqet. Suksesi kundër kriminalitetit kërkon kohën e vet, inteligjencë, teknologji, fonde.
Mos iu ngatërroni Policisë nëpër këmbë se e gjen vetë mënyrën se si ta luftojë krimin. Mos e pengoni. Mos e keqorientoni. Mos e mbushni me militantë. Kujdes me të inkriminuarit që penetrojnë në radhët e saj përmes partisë, tarafit, parasë.
Mbështeteni Policinë. Ju, ne, të gjithë.

Panorama

[Lexuesi_]

E vertete eshte kjo qka thot Rama.
Vitin qe shkoj nuk kishte kaq shume shperthime me dinamit

[Albo]

Berisha: Policia “zhduk” vjedhjet e banesave, i heq nga lista e krimeve

Ish-kryeministri Sali Berisha ka denoncuar sot fshehjen e e të dhënave nga policia për rastet e grabitjes së banesave. Përmes një postimi në fb, Berisha deklaron se qeveria per te permiresuar rendin, ka urdheruar Policine qe vjedhjen e banesave ta heqë nga lista e krimeve te perfillshme.
“Te dashur miq, keto muaj çdo dite degjojme per eksplozione tritoli qe marrin jete njerezish, vrasje, grabitje me maska, karvane droge por nuk degjojme me per asnje rast vjedhje banesash. Kete sukses, qeveria Rama – Meta e ka arritur me “pune shume te madhe”, por te thjeshte. Rama, per te permiresuar rendin, ka urdheruar Policine qe vjedhjen e banesave ta heqi nga lista e krimeve te perfillshme. Prandaj dhe ne nuk degjojme me per asnje rast thyerje apo vjedhje banese” shkruan Berisha.
Por për ish-kryeministrin realiteti është krejt tjetër, pasi sipas tij sot vjedhjet e banesave jane nje epidemi e vertete.
“Keshtu, banoret e Dropullit, ne nje takim me perfaqesues te Aleances se 1 prillit, i dorezuan listen e 203 banesave te vjedhura vetem tre muajt e fundit nga persona qe nuk kapen nga Policia. Me sa duket suksesi tjeter i qeverise do jene maskat, e keshtu me radhe!”bën me dije Berisha.

ORA NEWS

[Wordless]

E vertete eshte kjo qka thot Rama.
Vitin qe shkoj nuk kishte kaq shume shperthime me dinamit

Jo nuk kishte dhe s'kishte arsye pse të kishte kaq shumë shpërthime... mjafton Gërdeci për 10 vjet rrjesht !! Më vjen keq se nuk u bë ai projekti i shokut Sali për centralin nuklear , atëhere do të shihnim një dhe të vetmin shpërthim bing bang

[Brari]

wordles..

ti e kupton besoj se po afron dita te dali dhe gerdeci..

gerdeci nuk shpertheu vet..

ja vuri dikush tritolin..

dhe cdo dit po kuptojm se kush e ka zanat tritolin..

jan njesitet e seli mavise..

[Qyfyre]

Me ne fund kemi statistika. Jo thjesht llafe ne ere.

Por duhen verifikuar a jane te sakta apo jo.

[Wordless]

wordles..

ti e kupton besoj se po afron dita te dali dhe gerdeci..

gerdeci nuk shpertheu vet..

ja vuri dikush tritolin..

dhe cdo dit po kuptojm se kush e ka zanat tritolin..

jan njesitet e seli mavise..

E kush tjetër përveç Sali Gërdecit dhe Shkëlzenit e Imamit ! Po ç'e do, ky kryetari ynë ka zemrën e butë dhe do t'i vëri të ruajn pulat