Rekrutonin xhihadistë për në Siri, zbulohet në Tiranë celula terroriste

[☆Angie☆]

Mua më duket, se duke i fryrë kësaj teme nga çdo vrimë e mundshme mediatike e për më tepër me lloj-lloj të pazotësh, që e quajnë veten analistë dhe për rrjedhojë të aftë të flasin për gjithçka, po tentohet të largohet vemendja nga situata e nderë e aktualiteti tronditës, që dominon sot në Shqipëri.

këta trushpëlarët që luftojnë në Siri janë po aq të rrezikshëm sa sivëllezërit e tyre mbështetës që shkruajnë në këtë forum 😉

[hot_prinz]

Mua më duket, se duke i fryrë kësaj teme nga çdo vrimë e mundshme mediatike e për më tepër me lloj-lloj të pazotësh, që e quajnë veten analistë dhe për rrjedhojë të aftë të flasin për gjithçka, po tentohet të largohet vemendja nga situata e nderë e aktualiteti tronditës, që dominon sot në Shqipëri.

këta trushpëlarët që luftojnë në Siri janë po aq të rrezikshëm sa sivëllezërit e tyre mbështetës që shkruajnë në këtë forum ��

Angie
mire, po te duket.

[ane]

Njeri nga luftetaret ne mbrojtje te Allahut i cili para pak ditesh kreu sulm terrorist ne Turqi,cfare fytyre ,ta futka tmerrin

[Le dévoué]

Njeri nga luftetaret ne mbrojtje te Allahut : D i cili para pak ditesh kreu sulm terrorist ne Turqi,cfare fytyre ,ta futka tmerrin

"S'jan kta shqiptar" mos e qaj koken me shume


Mjekrra s'te ben "insan" ! Ka vrar njerez te pafajshem, ky shkurt e shqip quhet : KRIMINEL !

[Kejsi Al]

Përgjimet e “tradhtisë së 8 shqiptarëve” në Siri: Pasi t’ju lëpijnë këmbët, prijuni kokën… Na japin 150 dollarë në muaj

http://gazetadita.al/pergjimet-pasi-...llare-ne-muaj/

Bujar Hysa (Ebu Usama lindur ne 1971 në fshatin Bastar Tiranë e banues në Mëzes Tiranë dyshohet per kryerjen e vepres penale te “Rekrutimit të personave me qëllim kryerjen e veprimeve terroriste” atë të “nxitjes, thirrjes publike dhe propogandës për kryerjen e veprave penale me qëllime terroriste”, dhe atë të “nxitjes së urrejtjes ose grindjeve ndërmjet kombësive, racave dhe feve”.

Për akuzat e rënda veç të tjerave, ka një seri përgjimesh shumë të detajuara dhe të hollësishme, që përmbajnë sms, telefonata dhe regjistrime të predikimeve të tij në Xhami. DITA posedon një dosje të plotë të Shërbimit Informativ me këto përgjime dhe ka zgjedhur sot për botim disa pasazhe të tyre.

“Nen drejtimin dhe organizimin e te dyshuarve Bujar Hysa, Genci Balla, Gert Pashja, nje grup prej 13 personash ne role te ndara si organizator, financues, ndihmes, nxites si dhe persona te tjere Shkelzen Dumani, Edmond Balla, Verdi Morava, Fadil Myslimani, Shyqyri Kaca, Orion Reci, Almir Daci, Medi Manallari, kryejne veprime ne bashkepunim…. Organizatori kryesor i kesaj veprimtaria kriminale eshte i dyshuari Bujar Hysa… Konkretisht ky shtetas implikohet ne veprimtarine kriminale ne bisedat telefonike qe ai ka zhvilluar gjate kohes qe ka qene ne përgjim qe prej date 20.12.2013 e ne vazhdim – thotë materiali me përgjimet.



Lavdërim Muhaxheri

Përgjimet identifikojnë si një person me shumë influencë në frontin sirian kosovarin Lavdërim Muhaxheri. Në material thuhet se ai ka hyrë qenë në Shqipëri para se të shkonte në Siri, dhe më pas në Shqipëri kanë hyrë edhe të afërm të tij. Më poshtë pjesë nga mteriali:

“…Me date 20.01.2014, eshte pyetur shtetasi Shaban Rasha, babai i peronit te vrare Diamant Rasha. Ky shtetas ne deklarimin e tij sqaron se: Diamant Rasha (emri fetar Ebu Amar) (Ish Komando ne Zallher) eshte nisur ne drejtim te Turqise ne date 10 shkurt 2011 me qellim per te shkuar ne Siri si Xhihadist. Gjashte muaj me pas ka marre dhe gruan e femijet e tij. Ne date 27.12.2013 eshte njoftuar nga vjerri i Diamant Rashes, shtetasi Skender Allhysa, se Diamanti ishte vrare ne front. Ky shtetas sqaron se djali i tij Diamant ka qene pjese e grupeve Xhihadiste kunder regjimit te Bashar AI Assad dhe nuk ishte pjese e Ushtrise se Lire Siriane (opozita që mbështetet nga Perëndimi).

Sipas vezhgimit te kryer ne date 20.01.2014 Shaban Rasha pasi ka dale nga Prokuroria eshte drejtuar per ne shtepine e tij dhe ne afersi eshte takuar me 6 persona te cilet ishin me automjetin Furgon me targe 05 320 BJ. Nga verifikimet e targes ke rezultuar se keta persona ishin Kjani Muhaxheri dhe Shaban Muhaxheri, nga Kosova të afërm të Lavdrim Muhaxherit nga Kaçaniku i Kosovës i cili ndodhet për Xhihad në Siri dhe është drejtues i grupit xhihadist të Shqiptarëve. Kjani Muhaxheri ka hyre dhe ka dale nga RSH më parë bashke me Lavdrim Muhaxherin…”



Implikimi i policëve në Rinas

Përgjimi ndaj shtetasit Shkelzen Dumani ka nxjerrë edhe implikim të policëve të Rinasit në kalimet e personave drejt Sirisë. Pjesë nga dosja:

“…Per te kaluar ne Rinas pa probleme Shkelzeni komunikon me shokun e tij Isa me nr. 0698428459 i cili i siguron se ka folur me Blendin.. Nga verifikimi rezulton se Blend Kodra eshte specialist i antieksplozivit ne PKK Rinas, i cili do te ndihmonte Shkelzenin per te kaluar. Ne date 01.02.2014 ne Rinas Shkelzen Dumani ka ardhur me nje taksi bashke me dy femijet e tij Endri dhe Eva Dumani si dhe me shtetasin Ilir Shala dhe Bledar Mile.

Shkelzeni ka komunikuar me nje numer policie i cili me pas eshte identifikuar si punonjësi i policise Skender Sallaku, ku këtij te fundit i eshte prezantuar si shok i Blend Kodres. Skenderi ka shoqeruar Shkelzenin duke e futur ate ne nje dhome per kontrollin e bagazheve. Ndërkohë që prisnin për të hyrë në pjesën e brendëshme të aeroportit ku bëhet dhe kontrolli përfundimtar i pashaportave u vu re që Bledar Mile dhe më pas edhe Ilir Shala të takonin një punonjës policie me uniformë Skender Sallaku me të cilin komunikuan shkurtimisht.

Me pas Shkelzen Dumani ka kaluar bashke me femijet e tij ndersa Ilir Shala nuk eshte lejuar te kaloje….”

Na japin 150 dollarë në muaj…

Ka qenë gjithmonë një pyetje e vështirë ajo nëse këta djem që shkojnë në siri, paguhen në njëfarë mënyre. Përgjimet që DITA disponon ofrojnë episodin e mëposhtëm:

“…Ne date 05.02.2014 eshte pyetur shtetasi Artur Balla (Emri Fetar – Omer) dhe bashkeshortja e tij shtetasja Lutfije Balla (te kthyer nga Siria ne date 05.02.2014). Pas informacionit te marre ne rruge konfidenciale se shtetasi Artur Balla (Ish Komando ne Zallher) bashkëshortja e tij Lutfije Balla dhe vajza e tyre Mersa Balla do te ktheheshin nga Siria per ne Shqiperi nepermjet PKK Kapshtice ne date 05.02.2014, nga ana jone u be e mundur shoqerimi i tyre ne Pkk Kapshtice ne date 05.02.2014 dhe me pas pyetja e tyre ne ambjentet e Kom.Pol.Devoll.

Gjate këqyrjes se telefonit celular te tij dhe te bashkëshortes jane fiksuar me procesverbal te këqyrjes dhe fotografuar sms te cilat tregojne se Arturi dhe familja e tij kane qene ne Siri. Po keshtu ne nje sms Lutfija shprehet se ne Siri atyre qe jane familjare i japin 150 dollare ne muaj. SMS i dates 13.11.2013, ora 16.33.05, derguar numrit 00355673896431 (Belda) me tekst: “Ketej nuk munçon asgje jane te gjitha ne qe jemi familjar najapin 150 dollar ne muaj hajt selamalekum se do fal akshamin”.



Predikimet kundër Amerikës

Mbi bazen e Vendimit te Gjykates eshte lejuar pergjimi i bisedave ne Xhamine e Mezesit ku i dyshuari Bujar Hysa predikon. Ne bisedat e rregjistruara ne Xhamine e Mezezit ne Iigjëratat qe jane mbajtur nga Imamet e tyre perkatesisht Genci Balla dhe Bujar Hysa shprehet qarte përkrahja dhe përhapja e fjales per te shkuar per Xhihad ne Siri. Keta dy persona përkrahin dhe mbështesin shqiptaret qe jane duke luftuar ne Grupet Xhahbat AI Nusra dhe grupet e tjera Xhihadiste pjese e Shtetit Islamik te Irakut dhe Shamit ose Levantit. Më poshtë, pjesë nga ligjërata në Xhami, pasi ishte marrë vesh vrasja në Siri e shqiptarit nga Vlora Hasan Korvafaj, që është vrarë jo nga forcat e Asadit, por nga opozita siriane.

“…Hasani u vra nga dora e tradhëtarëve, u vra nga dora e atyre, që u shkuan nga pas muslimanëve, duke u vendos thikën mbas shpinës. (Hasani ishte me ata) që shkuan për të hequr padrejtësinë dhe zullumin ndaj atij populli. Hasani u vra nga ata që perëndimi i mbështet për të vendos demokracinë. Hasani nuk kishte shkuar për demokraci. Hasani kur ishte këtu e luftoi demokracine, i luftoi pushtetet e tagutëve (jobesimtarëve… Hasani adhurues, Hasani trim, në moshën 57 vjecare i dha besën Allahut. Hasanin nuk e zinte gjumi dhe unë e di. Sa herë më është drejtuar duke më thënë: Aman më gjej rrugë se nuk mund të jetoj i poshtëruar? Motrat dhunohen, femijët digjen… Ah i mjeri unë si shembulli i Hasanit. Aman, aman, – më tha (Hasani). Ta dish ti se cfarë përjeton prej kënaqësisë do vish menjëherë. E mbylli…

… Perëndimi po i futet të gjithëve nëpër shtëpia (me media etj) dhe po i ngatërrojnë jetën e tyre. Por do të vij me lejen e Allahut një ditë, shumë shpejt; në këtë dynja (jo në botën tjetër) që do t’i ….shqyejmë me dhëmbë qafirat (jobesimtarët) që na kanë rënduar aq shumë…. Po sa thirrësa ka që kane frikë ta thonë të vërtetën??? Burgu, vrasja … (d.m.th edhe sikur të përballesh me këto dygjëra ia vlen…) Po aka më mirë se sa të shkosh tek Allahu si shehid (dëshmor për hir të fesë e Allahut). … Kështu dhe Amerika që thotë se vetëm ajo e di se si duhet drejtuar Bota, e vetëm ajo e di se si duhet të jetojnë muslimanet.

Kështu thotë Amerika, unë jam perandoria, kush jeni ju. Ju sjeni asgjë (për muslimanët).

…ashtu dhe Amerika i thote njerezve, që s’duhen pranuar ligjet e Allahut dhe duhet të jetoni me ligjet që unë vendos për ju. Kur marr për shembull Amerikën këtu i përfshij të gjithë. Faraoni madh është Amerika, të tjerët që i shkojnë nga pasjanë ushtarë qëe ndjekin e janë nën urdhëresat e saj…”


“Pasi t’iu lepijne kembet, prijuni koken…”

Me vendim te Gjykates se Shkalles se pare per Krime te Renda eshte lejuar pergjimi i bisedave telefonike te bera ne mes te dyshuarve. Nga permbajtja e tyre me interes paraqiten bisedat për një pengmarrje. Bëhet fjalë për disa shqiptarë të cilët ikin nga grupi i rebelëve që kërkojnë shtet islamik dhe shkojnë në një grup që kërkon demokraci pas rënies së Asadit. Ata e kanë deklaruar këtë gjë në një video. Më pas duket që ata janë bërë pishman dhe janë kthyer tek grupi shqiptar. Bujarit, i komunikohet situate në telefon dhe ai thotë: “Pasi t’iu lepijne kembet pastaj prijuni koken…”

Më poshtë përgjimet e bisedave Siri-Shqipëri mbi pengmarrjen:


•Ne date 07.01.2014 ora 19.52 personi me nr. 0672886422 merr Bujari dhe i thote se Enesi ka postuar nje vidio ku ka dale ai shoku qe ka ikur bashke me ate qe ka lene fuaristraden atje te Xhamia. Flet dhe shqip dhe arabish per ata personat qe kane marre peng. (Fuoristraden te xhamia e ka lene Altin Demirlika, Mitsubishi Pajero me targe AA 503 CH).

• Ne date 07.01.2014 Ferid Dedja me nr. 0672939434 merr Bujarin dhe thote se Ismail Tola ka pare videon ne Facebook dhe meqe eshte arabisht ta shohim tek ti. Qe ta marrim vesh ca thote. E lene per tu takuar te xhamia. (Ismail Tola eshte emri fetar i Astrit Tola).

• Ne date 07.01.2014 Kastrioti me nr. 0662019758 merr Bujarin dhe i kërkoj ti tregoje videon dhe Bujari thote se nuk ja ka derguar atij.

• Ne date 07.01.2014 Me pas e merr Bujari ne tel Kastriotin dhe i thote nese e pa vidion. Kastrioti i thote se e ka pare dhe mendon se i kane zene rob prandaj flasin ashtu. Pastaj i kane dorezu te Xhebja i thote Bujari.

• Ne date 07.01.2014 Bujari merr ne tel Zeqir Imerin ne nr. 0673988734 dhe i thote per.vidion. I sqaron se ishte Shpresimi dhe Metin (Ebu Seit) vjerri i Erjonit. Zeqiri i thote qe te behet i forte dhe te kujtoje endrren qe ka pare ai vëllai per clirimin e shpejte.

• Ne date 07.01.2014 Fadil Muslimani me nr. 0672812060 merr Bujarin dhe diskutojne per vidion dhe Fadili i thote se kane marre shume persona dhe nuk po e kupton se fare po ndodh se dhe ai personi nuk flet shume qarte.

• Ne date 08.01.2014 Orion Reci (Enes) merr Bujarin dhe flasin per vidion ku Bujari i thote se ata i kane kapur per tu shfaqesuar përpara Omer Shishenit pasi eshte duke bere namin dhe ka thene se do te marre hak 10 fish, se kam pare lajmet arabe. Orioni nuk eshte i qarte dhe i thote se do takohen nga afer.

• Bujari merr Kujtim Tafen dhe e sqaron ne lidhje me Vidion ku ka fol Lavderimi.

• Perseri Kujtimi merr Bujari dhe Bujari e njofton se ka lajme te mira. Ka fol dhe per veprime qe jane duke u bere. EI Babin e kane marre dje ata. Ebu Abdullai , Emiri (Emir do te thote Prijes, Ebu Abdullai eshte Lavdrim Muhaxheri) thote se ata ne vidio kane fol nga zori dhe grupi qe e ka kapur jane ata qe i kane sulmuar dhe ata do te marrin hak pas dy – tre ditesh.

• Flet me Shukriun dhe ky i fundit i sqaron situaten e pengmarrjes. Kane marre peng Shpresimin, Ebu Katelin nga Kosova dhe 6 motra. Shukriu i thote se ka ardh Omer Ceceni ketu ne nje fshat afer dhe ishalla behet mire.

• Bujari merr ne tel Tonin vellain e Arbrit dhe e sqaron per fare ka fol me Shukrin dhe i thote se personi qe ka dale ne vidio. ai me shami te kuqe ka ikur vete nga grupi jone dhe nese kthehet do te kete gjykim te veçante.

• Orioan Reci me nr. 0684939007 merr Bujarin dhe flasin per situaten e pengmarrjes dhe Bujari e sqaron se ky personi qe ka ikur ka shkuar tek grupi Livaul Teuhid dhe Livaul Cep (jane grupe qe luftojne per demokraci).

• Date 10.01.2014 Haliti me nr. 00905347169046 merr Bujarin dhe i thote se nuk e ka marre pasi ka pasur pune. Ajo gje qe ishte, ishte se nuk iu binden urdhrit te atij te parit. Tani po qajne, thone jemi te Jusra, luten kur flasin me ne. Kane dorëzuar rrobat dhe thone aman. Bujari i thote se pasi t’iu lepijne kembet pastaj prijuni koken…



rebelet

Ku gjenden shqiptarët në fraksionet anti-Asad në Siri

Ndërkohë që vazhdon diplomacia ndërkombëtare për krizën në Siri, vazhdon edhe beteja në vend mes fraksioneve kryengritësve dhe qeverisë së Presidentit Assad. Kryengritësit janë një masë heterogjene dhe e ndarë në fraksione të ndryshme me axhenda të ndryshme.

Luftëtarët e Jabhat al-Nusras janë betuar për besnikëri ndaj al-Kaidës. Ata janë ndër më të stërviturit dhe më të armatosurit në Siri. Shtetet e Bashkuara i konsiderojnë si terroristë. Shumë prej tyre kanë luftuar kundër amerikanëve në Irakun fqinj. Një prej komandantëve përdor pseudonimin Sheikh Abu Ahmed:

“Njerëz si unë dikur luteshin në xhami pesë herë në ditë. Para revolucionit, regjimi sirian e konsideronte këtë si krim. Si rezultat, ne arrestoheshim, ndaloheshim dhe torturoheshim nga agjenci të regjimit. Prandaj e kundërshtojmë me gjithë zemrën këtë regjim”.

Luftëtarët xhihadistë si këta anëtarë të al-Nustras janë ndër arsyet përse ngurojnë Shtetet e Bashkuara të dërgojnë armë në Siri. Sekretari i Mbrojtjes Chuck Hagel shprehet:

“Eshtë një situatë jo-perfekte. Nuk ka alternativa të mira. Ky është një realitet i ndërlikuar dhe i paqartë”.

Zyrtarët amerikanë thonë se deri në 100 mijë kryengritës sirianë po luftojnë për të rrëzuar qeverinë e Presidentit Bashar al-Assad. Nga 15 deri në 25 për qind e tyre kanë lidhje me al-Kaidën. Por zyrtarët amerikanë thonë se elementi i moderuar përbën numrin më të madh të opozitës siriane. Presidenti Obama shprehet:

“Shumica e popullit sirian dhe opozita me të cilën bashkëpunojmë, duan paqe me dinjitet dhe liri.. Eshtë e vërtetë se disa kundërshtarë të Assadit janë ekstremistë. Por al-Kaida do të forcohej edhe më shumë në një Siri kaotike nëse populli e sheh që bota nuk po bën asgjë për të parandaluar vrasjen e civilëve me gaz helmues”.

Shumë kryengritës që luftojnë nën flamurin e Ushtrisë Siria e Lirë kanë dezertuar nga ushtria siriane. Një komandant shprehet:

“Para se të dezertoja isha toger-major. Pasi pashë tiranitë e bandave të Asadit, doja të mbroja vendin deri në pikën e fundit të gjakut, me ndihmë të Zotit”.

Disa grupe xhihadiste si Ahrar al-Sham kanë kryer sulme spektakolare me makina-bombë. Por analistët thonë se pjesa më e madhe e sirianëve nuk kanë dëshirë të jetojnë në një vend të sunduar nga ligji islamik. Këtë gjë kërkojnë grupet ku jaën përfshirë edhe shqiptarët e Shqipërisë, Kosovës e Maqedonisë për të cilët po flitet këto ditë në media.

Ish-zyrtari i CIA-s Reuel Marc Gerecht thotë se nuk ka gjasa që kërcënimi xhihadist të bëhet realitet:“Dyshoj që organizata të vogla xhihadiste me 10-20 mijë anëtarë do të mjaftojnë për të dominuar në Sirinë pas-Assadit”.

Ndërkohë që diplomatët diskutojnë si të veprojnë në lidhje me armët kimike siriane, lufta vdekjeprurëse dhe e ndërlikuar në Siri vazhdon.