"Ben Qimja": Italia kërkon ekstradim, gjykata e Fierit e nxjerr nga burgu

[JestersWorld]

Dakort jam une qyfyre me cka thua ti... por...

Pa kaluar ne nivelin administrativ qe sic thua ti.. nese dikush hap nje biznes me dokumenta te rregullta nuk ka pse ndalohet; po ashtu merr dhe leje ndertimi me dokumenta te rregullta pasi per kete pune ka krijuar dhe Sh.p.k-ne.


Ne rrime qellimisht ne nivelin e hapesit te temes. Sepse fundi i fundit cdo njeriu i duhet folur ne gjuhen qe kupton.

Per hapesin e temes Edvin Kapobanda ne dijeni te aktivitetit kriminal te Ben Qimes i jep atij leje ndertimi. Pyetja eshte pse nuk i mbylli qeveria biznesin Ben Qimes duke ditur per aktivitetin e tij kriminal?

[skampin]

Ishalla del beni sa më shpejt se është gjynah të rrinë në burg këta njerëz të ndershëm.

Sa për atë miliarderin amerikan, se di se ç'paska thënë, po kur të bëjnë kontroll as nuk të pyesin fare, po të kontrollojnë nga dollari i parë, deri te i fundit.

Si në çdo vend të botës ashtu edhe në Shqipëri, ata qeë kanë vënë lekë me pislliqe e kanë vendin në burg.

un ka mendimin se ky beni do dale me shpejt se sa mendon ti apo dikush tjeter.
sa per vendet e tjera te botes po kalojme pak ke fqinjet tane te medhej Italia qe mire qe nuk po i rrujne dot nje qime Berluskon mafies por po i japin dhe voten qe te qeverise. prandaj ti leme vendet e tjera qe po bejne namin duke kap kriminela po te rrime ne Shqiperine tone te dashur ku kapen ato qe skane imunitet kurse super hajdutat dhe kriminelat me pushtet jane dhjamosur dhe na dalin perdite ne tv dhe asnje si kap.
e thashe dhe me lart vetem garderobave te politikaneve ti besh llogarine nuk del me rrogat qe marin ne shtet jo me te tjerat.
ujku ujku kurse çakalli beri kerdine.

[Qyfyre]

un ka mendimin se ky beni do dale me shpejt se sa mendon ti apo dikush tjeter.
sa per vendet e tjera te botes po kalojme pak ke fqinjet tane te medhej Italia qe mire qe nuk po i rrujne dot nje qime Berluskon mafies por po i japin dhe voten qe te qeverise. prandaj ti leme vendet e tjera qe po bejne namin duke kap kriminela po te rrime ne Shqiperine tone te dashur ku kapen ato qe skane imunitet kurse super hajdutat dhe kriminelat me pushtet jane dhjamosur dhe na dalin perdite ne tv dhe asnje si kap.
e thashe dhe me lart vetem garderobave te politikaneve ti besh llogarine nuk del me rrogat qe marin ne shtet jo me te tjerat.
ujku ujku kurse çakalli beri kerdine.

Vetë kalove të vendet e tjera, unë thjesht tu përgjigja.

Se janë ata në krye hajduta apo kriminela, nuk do të thotë që kriminelat më të vegjël si ky qimja duhen lënë të lirë. Nuk mbrojta politikanët besoj në asnjë nga komentet që bëra, por kur bëjnë një gjë të mirë si kapja e një krimineli nuk kam arsye pse mos u them bravo.

[Albo]

Specialet arrestojnë “Ben Qimen”, kërkohet nga Italia për trafik droge. Policia: Do ekstradohet



Arrestohet në Fier për llogari të Interpolit dhe Drejtësisë italiane Arben Isufaj, i njohur me emrin Ben Qimja. Ende pa kaluar 5 vite nga koha kur rifitoi lirinë nga Gjykata e Tiranës, më 30 qershor të vitit 2009, Isufaj ka përfunduar sërish në pranga, kësaj here me qëllim ekstradimi në Itali. Burimet zyrtare thanë se deri tani nuk ka ende një kërkesë zyrtare për ekstradim, por shtuan se emri i Ben Qimes figuron në listën e personave në kërkim ndërkombëtar që prej vitit 2010. Policia ka thënë se kjo është arsyeja e arrestimit të tij për llogari të Drejtësisë italiane.

Pas ekzekutimit të mandat-arrestit të Interpolit, pritet të vijohet me plotësimin e dokumentacionit të nevojshëm dhe pritjen e kërkesës për ekstradim nga Italia. Arben Isufaj u shoqërua mbrëmjen e së dielës nga FNSH e Fierit, si dhe oficerët e Drejtorisë së Forcës së Posaçme të Policisë së Shtetit. Ai u mbajt në izolim për disa orë në Drejtorinë e Policisë së Fierit, derisa mëngjesin e djeshëm iu komunikua arrestimi. Burime zyrtare të Policisë së Shtetit njoftuan dje se arrestimi i 45- vjeçarit është kryer me qëllim ekstradimi drejt Italisë.

“Nga strukturat e Policisë së Shtetit gjatë ditë së sotme është bërë e mundur kapja e të kërkuarit nga autoritetet italiane të drejtësisë, Arben Enver Isufaj, 45 vjeç nga Fieri. Kapja e tij është bërë e mundur nga një operacion i zhvilluar gjatë ditës së sotme në Fier nga Forca e Posaçme Operacionale në Drejtorinë e Përgjithshme të Policisë së Shtetit në bashkëpunim me forcat e Ndërhyrjes së Shpejtë në Fier”, thuhet zyrtarisht nga Policia e Shtetit.

Panorama

[Gentian_gr]

Kemben zvarre te marre.

Dyndje te madhe te tille mikrobash ka atje!

[Albo]

Prokuroria “rrëzohet” në Fier, Arben Isufaj një hap larg lirisë

Gjykata e Fierit ka rrëzuar kërkesën e prokurorisë për zgjatjen e afatit të paraburgimit për Isufajn. Sot, vendimi për kërkesën e biznesmenit për t’u liruar nga qelia. Reagon Prokuroria: Situatë e paprecedentë! Gjyqi për ekstradimin drejt Italisë pritet të vazhdojë në liri
ben qimjaBiznesmeni fierak, Arben Isufaj, i kërkuar nga drejtësia italiane për trafik narkotikësh është vetëm një hap larg lirisë. Sot Gjykata e Fierit pritet të shqyrtojë kërkesën e tij për lirimin nga qelia, pas përfundimit të afatit maksimal të paraburgimit prej 90 ditësh. Nisur nga ky fakt, prokuroria kërkoi zgjatjen e afatit të paraburgimit për Isufajn, por kjo kërkesë u rrëzua dy ditë më parë nga gjyqtarja Igerta Hysi, duke i hapur kështu rrugën lirimit të të kërkuarit nga drejtësia italiane. Pas vendimit të sotëm të gjykatës, Arben Isufaj i njohur ndryshe si “Ben Qimja”, do të gjykohet në gjendje të lirë derisa gjykata të vendosë për ekstradimin e tij drejt Italisë. Sipas burimeve të prokurorisë së Fierit mësohet se me transferimin e çështjes së Isufajt në këtë gjykatë, organi i akuzës ka kërkuar zgjatjen e afateve të paraburgimit ndaj tij, pasi kishin mbetur vetëm 4 ditë nga afati prej 90 ditësh që ligji parashikon në rastet e gjykimeve me objekt ekstradimin. Por kjo kërkesë është rrëzuar nga gjykata në seancën e datës 15 korrik. Ditën e djeshme, prokuroria kërkoi përjashtimin e gjyqtares Igerta Hysi, me argumentin se ajo ishte shprehur në lidhje me faktin objekt gjykimi. Por edhe kjo kërkesë është rrëzuar ditën e djeshme nga Gjykata e Fierit, e cila ka nisur shqyrtimin e kërkesës së Isufajt për lirim nga qelia. Duke qenë se afati zyrtar kishte kaluar dhe sistemi dixhital i gjykatës nuk funksiononte, gjykata ka vendosur që këtë kërkesa të shqyrtojë mëngjesin e sotëm, rreth orës 9:00. Vendimi për moszgjatjen e afateve të paraburgimit ndaj Arben Isufajt, i kërkuar nga drejtësia italiane konsiderohet nga prokuroria si i paprecedentë. “Në asnjë rast, gjykata nuk ka refuzuar zgjatjen e këtij afati, për shkak edhe të parimeve që ka parashikuar ligjvënësi. Por, në gjykatën e Fierit ky refuzim po aplikohet për herë të parë”, thanë burime të prokurorisë së Fierit. Duke iu referuar ecurisë së këtij procesi gjyqësor në Gjykatën e Fierit, prokuroria sqaron se fillimisht kjo gjykatë vlerësoi masën e arrestit me burg. Pas këtij vendimi, pala mbrojtëse paraqiti kërkesën për përjashtimin e gjyqtarit, me pretendimin se “është treguar e njëanshme”. “Para se të shqyrtohej kjo kërkesë nga kryetari i gjykatës, gjyqtarja që shqyrtoi këtë çështje në Fier dha dorëheqjen. Për vijimin e shqyrtimit të kësaj çështjeje, u caktua një gjyqtar tjetër, i cili u tërhoq për shkak të gjendjes shëndetësore. Ndërkohë që u caktua një gjyqtar i tretë, prokuroria e Fierit, në dt. 15.07.2014 paraqiti kërkesën për “zgjatjen e afatit të masës së sigurisë me 30 ditë”, sipas ligjit. Në seancën përkatëse, gjyqtarja, në një situatë të paprecedentë, refuzoi kërkesën për zgjatjen e afatit të masës së sigurisë me 30 ditë”, thanë burime të prokurorisë. Situata e krijuar ditët e fundit në Gjykatën e Fierit ka ardhur si pasojë e një vendimi të Gjykatës së Lartë që shpallte moskompetente Gjykatën e Tiranës për shqyrtimin e kësaj çështje, me argumentin se shtetasi Arben Isufaj është banor i qytetit të Fierit dhe për pasojë çështja ndaj tij duhet të gjykohet nga gjykata e këtij rrethi. Pas këtij vendimi, Gjykata e Apelit Tiranë ku po shqyrtohej në themel kërkesa për ekstradim shpalli moskompetencën dhe shqyrtimi i çështjes së masës së sigurisë dhe themelit i kaloi për shqyrtim gjykatës së rrethit gjyqësor Fier. Në datën 10.07.2014, gjykata e rrethit gjyqësor Fier e vlerësoi të drejtë masën e arrestit me burg të vendosur fillimisht nga gjykata e rrethit gjyqësor Tiranë dhe më pas nga Apeli Tiranë. Në momentin që gjykata e Fierit vlerësoi të ligjshme masën e sigurisë “arrest me burg”, afatet e paraburgimit (90 ditë) po shkonin drejt limiteve (kishin mbetur edhe 11 ditë) për shkak të “pingpongut” ndërmjet gjykata të Tiranës, Gjykatës së Lartë dhe më pas në atë të Fierit.

Dosja e ekstradimit të Arben Isufajt

Ministria e Drejtësisë ka transmetuar kërkesën e autoriteteve italiane të drejtësisë për ekstradimin nga Shqipëria në Itali të shtetasit shqiptar Arben Isufaj, i datëlindjes 01.03.1969, lindur e banues në Fier. Shtetasi shqiptar Arben Isufaj është shpallur në kërkim ndërkombëtar nga autoritetet italiane të drejtësisë, për shkak se Gjykata e Torinos Itali, me vendimin datë 22.06.2010 ka caktuar masën e sigurisë “arrest në burg” si dhe është lëshuar urdhër-arresti ndërkombëtar për veprat penale të pjesëmarrjes në organizatën kriminale, me qëllim trafikimin e lëndëve narkotike.

Me vendimin nr. 548 akti, datë 11.03.2014 të Gjykatës së Tiranës është vendosur caktimi i masës së sigurimit “arrest në burg” me afat 30 ditë për shtetasin Arben Isufaj, në pritje të kërkesës për ekstradim nga autoritetet gjyqësore italiane. Brenda afatit të caktuar me vendimin e mësipërm, autoritetet italiane kanë paraqitur dokumentacionin e nevojshëm në lidhje me ekstradimin e shtetasit Arben Isufaj dhe Prokuroria e Tiranës ka depozituar në Gjykatën kërkesën për lejimin e ekstradimit.

Me kërkesën e prokurorit të Prokurorisë së Tiranës, Gjykatës së Shkallës së Parë Tiranë, me vendimin 548/2 akti, datë 07.04.2014, i cili është lënë në fuqi me vendimin e Gjykatës së Apelit Tiranë nr. 438, datë 30.04.2014 ka vendosur: “mbajtjen e masës së sigurimit personal shtrëngues “arrest ne burg” ndaj shtetasit shqiptar Arben Isufaj”. Gjykata e Lartë, me vendimin nr. 163, datë 02.07.2014 ka vendosur: “prishjen e vendimit nr. 438, date 30.04.2013 të Gjykatës së Apelit Tiranë dhe dërgimin e akteve për kompetencë Gjykatës së Shkallës së Parë Fier.

MAPO

[Albo]

“Ben Qimja” del nga burgu, gjykata e lë arrest shtëpie

FIER- Arben Isufaj, apo siç njihet ndryshe si Ben Qimja, ka lënë dje qelinë. Gjykata e Fierit dha vendimin e ndërmjetëm në “arrest shtëpie” ndaj tij, deri në përfundim të shqyrtimit në themel të çështjes së ekstradimit. Lirimi i të kërkuarit nga drejtësia italiane për trafik droge bëhet dy ditë pasi Gjykata e Fierit rrëzoi kërkesën e Prokurorisë së këtij rrethi për zgjatjen e afateve të masës së sigurisë “arrest në burg” ndaj tij.

Gjykata e Fierit dha vendimin e ndërmjetëm në “arrest shtëpie” ndaj tij, deri në përfundim të shqyrtimit në themel të çështjes së ekstradimit. Lirimi i të kërkuarit nga drejtësia italiane për trafik droge bëhet dy ditë pasi Gjykata e Fierit rrëzoi kërkesën e Prokurorisë së këtij rrethi për zgjatjen e afateve të masës së sigurisë “arrest në burg” ndaj tij. Akuza kërkoi zgjatjen e afatit me 30 ditë të tjera ndaj Ben Qimes për shkak se afati ligjor 90 ditë i burgimit ishte drejt limitit. Por 5 ditë para se të mbaronte ky afat, gjykata rrëzoi kërkesën e prokurorisë dhe pranoi të merrte në shqyrtim kërkesën e mbrojtjes së Isufaj për të shuar masën e sigurisë dhe për ta liruar atë. Seanca është mbajtur dje rreth orës 08:45, me masa të rrepta sigurie. Në fund të saj gjykata ka vendosur që të caktojë një masë më të lehtë ndaj Isufajt, atë të arrestit në shtëpi, duke urdhëruar lirimin e menjëhershëm të tij. Ai do të qëndrojë në arrest shtëpie deri në dhënien e një vendimi të formës së prerë nga gjykatat shqiptare për ekstradimin ose jo të tij. Shqyrtimi i themelit të çështjes së ekstradimit do të nisë nga e para po në Gjykatën e Fierit. Çështja më pas pritet t’i kalojë Apelit të Vlorës. Pak kohë më parë, Kolegji Penal i Gjykatës së Lartë shpalli moskompetencën e Gjykatës së Tiranës për shqyrtimin e kësaj çështjeje dhe dosja i kaloi Fierit. Gjatë kësaj kohe, dy gjyqtarë dhanë dorëheqjen nga çështja, çka po favorizonte afatet ligjore të të arrestuarit për qëndrimin në qeli të tij. Ndërsa gjyqtarja e tretë që i ra shorti për shqyrtimin e dosjes vendosi ta linte në arrest shtëpie Arben Isufajn. Rrëzimi i kërkesës për 30 ditë të tjera burg ndaj Isufajt solli dy ditë më parë edhe reagimin e Prokurorisë, e cila e konsideroi këtë si një veprim të paprecedentë, duke theksuar se ligji e ka parashikuar këtë mundësi për organin e Prokurorisë nisur nga fakti se procedurat e ekstradimit mund të kenë vonesa të justifikuara të dokumenteve nga shteti që kërkon të pandehurin. Por Gjykata e Fierit, me vendimin e datës 15 korrik, ka refuzuar kërkesën e Prokurorisë për zgjatjen e afatit të masës së sigurisë “arrest me burg” për Arben Isufajn (Ben Qimja), ndaj të cilit po shqyrtohet kërkesa e autoriteteve italiane për ekstradim, për “trafik të lëndëve narkotike”. Nuk konfirmohet nëse vetë Ben Qimja ka qenë i pranishëm dje në sallë, pasi seanca është bërë me dyer të mbyllura dhe vetë gjykata ishte hermetike në dhënien e detajeve në lidhje me këtë çështje. Ben Qimja u arrestua në muajin mars të këtij viti. Arrestimi i tij u bë pas kërkesës së drejtësisë italiane për ekstradim për veprën e mësipërme.

REAGIMI
Prokuroria e Përgjithshme reagoi dy ditë më parë, pas rrëzimit të kërkesës së saj për zgjatjen e afatit të burgimit. “Gjykata e Fierit, me vendimin e datës 15 korrik, ka refuzuar kërkesën e Prokurorisë për zgjatjen e afatit të masës së sigurisë “arrest me burg” për Arben Isufajn, ndaj të cilit po shqyrtohet kërkesa e autoriteteve italiane për ekstradim, për ‘trafik të lëndëve narkotike’. Kjo është e paprecedentë, pasi ligji e ka parashikuar këtë mundësi për organin e Prokurorisë, nisur nga fakti se procedurat e ekstradimit mund të kenë vonesa të justifikuara të dokumenteve nga shteti që kërkon të pandehurin”, thuhej në njoftimin e Akuzës.

Panorama

[Albo]

“Ben Qimja” trafikoi në Itali gjashtë ngarkesa me kokainë

Zbardhet dosja hetimore italiane ndaj biznesmenit fierak Arben Isufaj, i njohur edhe si “Ben Qimja”. Sipas autoriteteve italiane të drejtësisë, biznesmeni dyshohet të jetë përfshirë në disa episode të trafikut të kokainës nga Holanda në Itali gjatë periudhës 2004-2005. Të dhënat nga hetimet e vendit fqinj zbardhen në vendimin e Gjykatës së Tiranës që vendosi ekstradimin në Itali të biznesmenit Isufaj. Në vendimin e shpallur më 8 maj, i zbardhur ditët e fundit, një kopje e të cilit u sigurua nga gazeta, citohen edhe emrat e të dyshuarve si bashkëpunëtorë të Isufajt, si dhe sasitë e lëndës narkotike të trafikuar.
EPISODET
Sipas vendimit të Gjykatës së Tiranës, që lejoi ekstradimin e biznesmenit, Isufaj dyshohet të jetë përfshirë në të paktën gjashtë episode trafiku. “Procedimi penal për të cilin është caktuar masa e sigurimit bën fjalë për disa episode në të cilat subjekti i kërkuar për t’u ekstraduar, Arben Isufaj, në bashkëpunim me Vasilis T., Altin M. e Jetnor K., për të cilët procesi është kryer më vete, sepse janë arrestuar në flagrancë, importonin nga Holanda në Itali, transportonin dhe mbanin me qëllim që ta shpërndanin një sasi kokaine prej 3.5 kg. Vepra penale është kryer me rrethanën rënduese se është kryer me më shumë se tre persona, në bashkëpunim. Ngjarja ka ndodhur më 11 dhjetor 2004 në Melegnano. Më 18 shkurt 2005 Arben Isufaj mbante me qëllim që ta shpërndante 3 kilogramë kokainë, të sjellë nga Holanda dhe ia dorëzonte për transportim Anbreas G. Më 27 mars 2005, në bashkëpunim me Artur L. kanë transportuar dhe shpërndarë 5.8 kg drogë të llojit kokainë. Më 20 e 21 prill 2005, në bashkëpunim me Kelmend D., Fatjon A., mbajnë me qëllim për ta shpërndarë, transportojnë dhe importojnë sasi kokaine prej 2994 gramësh. Më 25 gusht 2005, në bashkëpunim me Arben G., mbanin me qëllim që ta transportonin një personi, me emrin Adi një kilogram kokainë. Këto vepra penale në mënyrën e mësipërme janë kryer edhe në bashkëpunim me persona si Erion D. për shtatë kilogramë kokainë më 2 tetor 2005, në bashkëpunim me Arben G. për 50 gramë kokainë më 6 dhjetor 2005, në bashkëpunim me Dritan Leshanakun më 28 shkurt 2006 etj.”, zbardheshin në vendimin e gjykatës episodet për të cilat akuzohet biznesmeni Isufaj në Itali.

ARRESTI
Arben Isufaj u arrestua më 9 mars të këtij viti në Fier, për shkak se më 22.06.2010 Gjykata e Torinos në Itali kishte caktuar masën e sigurisë “arrest në burg” ndaj tij për akuzën e “pjesëmarrjes në organizatë kriminale me qëllim trafikimin e lëndëve narkotike”. Me një vendim të Gjykatës së Tiranës, më 11 mars ai u la në masën e sigurisë “arrest në burg”. Kjo masë u kundërshtua nga Isufaj në Apel, i cili vendosi që kjo masë të ishte me afat 30-ditor. Në një kohë që afati përfundonte më 9 prill, dy ditë me herët Gjykata e Tiranës vendosi masën “arrest në burg” pa afat për biznesmenin.

Ekstradimi
Më 8 maj 2014, Gjykata e Tiranës pranoi kërkesën e Prokurorisë për ekstradimin e biznesmenit Arben Isufaj. Sipas gjykatës, kërkesa për ekstradimin e Isufajt përmbante dokumentacionin e nevojshëm, urdhrin e arrestit të autoriteteve italiane, qëllimin për të kërkuar ekstradimin e biznesmenit, si dhe llojin dhe masën e dënimit për veprat për të cilat ai është i dyshuar. Isufaj kërkoi refuzimin e kësaj kërkese, duke pretenduar shkelje procedurale, që nisin që me momentin e arrestimit të tij.

Armand Bajrami

Panorama

[Albo]

Kërkohet nga Italia për trafik droge, Gjykata e Fierit liron “Ben Qimen”, rrëzohet ekstradimi

Lihet i lirë Arben Isufaj, i njohur në Fier me pseudonimin “Ben Qimja”. I kërkuari nga shteti italian me akuzën e pjesëmarrjes në organizata kriminale të trafikut të drogës, brenda një viti ka shkaktuar tronditje në sistemin e drejtësisë në vend.

Që nga arrestimi me qëllim ekstradimi drejt Italisë një vit më parë, Ben Qimja kaloi në burg, më pas në arrest shtëpie e tashmë i lirë. Gjykata e Fierit, sërish ka rrëzuar kërkesën e Prokurorisë së rrethit. “Me vendimin e marrë dje nga kjo Gjykatë, është bërë rrëzimi i kërkesës me objekt ekstradimin e Arben Isufajt nga Republika e Shqipërisë në Republikën e Italisë.

Po ashtu u vendos heqja e masës së sigurimit ‘arrest në shtëpi’ ndaj këtij shtetasi, caktuar me vendim të Gjykatës së Fierit. Kjo ndodhi në kohën kur Prokuroria e Fierit kërkonte lejimin për ekstradimin e Arben Isufajt, në bazë të kërkesës së autoriteteve gjyqësore italiane”, bën të ditur Prokuroria e Përgjithshme në njoftimin e saj, pak orë pas vendimit të marrë në Fier.

Prokuroria thekson faktin se nga ana e Gjykatës nuk janë bërë të ditura shkaqet e rrëzimit të kërkesës për ekstradim, në një kohë kur Gjykata e Torinos, në Itali, arsyeton se për veprën penale për të cilën akuzohet Ben Qimja nevojitet masa e sigurisë në burg.

Burime nga Gjykata e Fierit thonë se vendimi u mor pasi nuk mbërriti dosja e ekstradimit për akuzën që i mbeti Arben Isufajt nga Gjykata e Torinos. Sipas tyre, Gjykata italiane e ka rrëzuar akuzën për pjesëmarrje në organizatë kriminale për të cilën ishte bërë kërkesa për ekstradim e Isufajt. Ndërsa neni 74 sipas Kodit Penal italian bie, duhet të dorëzohej një kërkesë e re, bazuar në nenin 73 (shpërndarje droge), vepër e cila rëndon ndaj Arben Isufajt.

Në fakt, Prokuroria e Përgjithshme, në reagimin e saj thotë të kundërtën. “Nga përmbajtja e këtij vendimi i është bërë faktit një interpretim i ndryshëm nga sa është bërë në vendimin e Gjykatës së Torinos Itali. Seksioni i Rishqyrtimit ka anuluar vetëm vendimin për nenin 74, por për pjesën tjetër është arsyetuar se, ‘masa e vetme e përshtatshme për t’u bërë ballë nevojave për masë sigurie është ajo e arrestit me burg”, thekson organi i akuzës.

Seanca e djeshme në Fier është zhvilluar me dyer të mbyllura, por bazuar në vendimin e marrë, Arben Isufaj nuk ka më detyrim karshi Drejtësisë.

Panorama

[Qyfyre]

nga 2008 deri ne 2014 ku ka qene ky? se qenka teme e vjeter