Tiranë, dy vajza kallëzim të rremë në polici: Na përdhunuan

[Xhuxhumaku]

Tiranë, dy vajza kallëzim të rremë në polici: Na përdhunuan

Tiranë, dy vajza kallëzim të rremë në polici: Na përdhunuanTIRANE- Dy vajza, 17 dhe 19 vjeçe, janë shpallur fajtore nga Gjykata e Tiranës për shkak se kanë bërë kallëzime të rreme në polici duke pretenduar se ishin përdhunuar. Në denoncimet e gënjeshtërta, 17-vjeçarja A. A. ka “drejtuar gishtin” te kushëriri i saj i parë si personi që e kishte abuzuar. Para oficerëve të policisë ajo ka rrëfyer se ishte përdhunuar prej tij që në moshën 7-vjeçare. Ndërsa 19-vjeçarja I. E. ka kallëzuar një të njohurin e saj, të cilit i kishte kërkuar strehë për disa net. Sipas saj, ai e kishte droguar me hashash dhe pastaj e kishte përdhunuar. Në të dyja rastet, pa lidhje me njëri-tjetrin, vajzat janë penduar dhe kanë treguar të vërtetën, se kishin gënjyer në kallëzimet e tyre. Më pas ato kanë përfunduar si të pandehura në Gjykatën e Tiranës për akuzën e “kallëzimit të rremë”. Në vendimet e fajësisë, të shpallura ditët e fundit, gjykata dënon me 6 muaj burg të miturën A. A., ndërsa 19-vjeçarja është dënuar me 9 muaj burg. Përfundimisht, togat e zeza kanë vendosur lënien e tyre në liri me kusht, përkatësisht në periudha një vit e 6 muaj dhe 2 vjet.

KALLËZIMET
Sipas vendimit të gjykatës, A. A. kallëzoi kushëririn e saj për përdhunim në shkurt të vitit 2013. Ajo ka pretenduar se kushëriri kishte kryer marrëdhënie seksuale kur ajo ishte në moshën 7 vjeç. “Kallëzuesja pretendon se nuk u ka shpjeguar prindërve për ngjarjen, ngaqë kushëriri e ka paralajmëruar se do t’u thoshte prindërve të saj që kishte qenë dëshira e saj për të kryer marrëdhënie. Në kallëzim A. A. ka theksuar se ka kryer edhe më pas marrëdhënie seksuale me kushëririn, sa herë që i jepej rasti, kur ata ndodheshin vetëm me njëri-tjetrin. Sipas kallëzueses, rasti i fundit që ka kryer marrëdhënie me të ka qenë para dy vitesh”, thuhej në vendim. E pandehura tjetër, I. E. kallëzimin e saj të rremë e ka bërë në qershor të vitit të kaluar. Ajo ka rrëfyer se kishte ikur nga shtëpia pas një zënke me nënën e saj dhe i ka kërkuar strehë një të njohurit të saj. Sipas saj, ky i fundit, pasi i ka dhënë një cigare hashash, ka kryer marrëdhënie seksuale me të kundër dëshirës së saj. Në të dyja rastet, personat e akuzuar nga vajzat kanë mohuar thëniet e kallëzueseve, çka është provuar më pas edhe me “pendesën” e dy të pandehurave.

(er.nu/panorama/BalkanWeb)

http://www.balkanweb.com/kryesore/1/...an-176466.html

[MI CORAZON]

Ketyre dy vajzave duhet tu krijohen kushte te favorshme dhe te ndihmohen nga psikologe per te treguar te verteten.
Padite e ketij lloji ne shumicen e rasteve jane te verteta.
Po hajde thuaj te verteten, sidomos ne Shqiperi.

[Xhuxhumaku]

te pyesim edhe sajmen cdo thote per punen e policeve te tij, ne kete rast.

[mia@]

Jane "penduar" apo kane qene tedetyruara te terheqin akuzen nga presioni i familjes e opinionit ?

[MI CORAZON]

Une besoj, qe kane qene te detyruara te terheqin akuzat. Aq me teper ajo me kusheririn.

[mia@]

Edhe une ashtu mendoj Mi Corazon. Te akuzosh kusheririn nuk eshte e lehte. Duhet te kete ndodhur vertet. Familja e saj do bej mire ta mbaj sa me afer gocen dhe te jene te kujdesshem ndaj kusheririt.

[Xhuxhumaku]

Problemi eshte qe po behen edhe shume akuza te rreme, sidomos ndaj babait, nga femra te ndryshme pasi duan pare kalamajte si dhe te shtyre nga te jemat.

Gjithsesi, policia sot, ku ti boj noj viktimat ne dore per te kap noj leke, qe ta lirojne.

Ska leke, Ben burg edhe per ata qe kalojne po u cik fare.

[MI CORAZON]

Nga kush duan para kalamajte? Pse e shtyn nena femijen te akuzoje babane per incest? Cfare shpjegimi i jep ti?

[Xhuxhumaku]

Po pse pak qelbsina ka, sic edhe baballare te qelbet.

Je shqipri sot ndodh cdo gje.