Qeveria e "Rilindjes" bllokon punimet e Bulevardit të Ri ne Tiranë

[Albo]

Pezullimi i punimeve në Bulevardin e Ri, INUK: Në mbështetje të ankesave të qytetarëve

TIRANE- Inspektoriati ndërtimor Urbanistik Kombëtar njofto sot se në bazë të ankesave të shumta të qytetarëve të Tiranës është bërë pezullimi i punimeve në zonën e ndërtimit të Bulevardit të Ri.

Në një komunikim për shtyp, INUK thekson se punimet janë pezulluar deri në verifikimin e dokumentacionit tekniko-ligjor në të mirë të sqarimit të situatës.

“Ankesat e qytetarëve ndaj Bashkisë së Tiranës kanë të bëjnë kryesisht me mosvlerësimin dhe për rrjedhojë moskompensimin e drejtë të pronave që do të prishen. Ankesat, që janë shprehur publikisht edhe në protestat e organizuara nga këta banorë ndaj bashkisë së Tiranës.”- thuhet në deklaratën e INUK.

Inspektoriati shprehet se garanton shqyrtimin me korrektësi dhe profesionalizëm të çështjes në përputhje me legjislacionin e Republikës së Shqipërisë.

Ndërkaq, më herët gjatë ditës, nenkryetari i Bashkise se Tiranes, Enno Bozdo ka akuzuar kreun e qeverise, Edi Rama se i ka shpallur lufte politike Bashkise, duke bllokuar ndërtimin e Bulevardit të Ri të Tiranës.

Ne nje deklarate per mediat, Bozdo theksoi se “Edi Rama ka urdhëruar mercenaret e tij te tritolit të bllokojnë veprën më të rëndësishme infrastrukturore të Tiranës, Bulevardin e Ri”.

Panorama

[Albo]

Prefektura: Kemi marrë qindra ankesa për shpronësimet

TIRANE- Prefektura e Tiranës tha sot se ka qenë ajo që i ka kërkuar INUK verifikimin e dokumentacionit tekniko-ligjor për shpronësimet që prekin ndërtimin e Bulevardit të Ri të Tiranës.

Në një reagim për shtyp, Prefektura thekson se ka marrë me qindra ankesa nga qytetarët lidhur me shpronësimet, ku janë zhvilluar edhe takime të drejtëpërdrejta me ta.

“Ky problem, i cili mund të marrë përmasat e një konflikti social ngrihet në bazë të shqetësimit të pronarëve ndaj Bashkisë së Tiranës se shpronësimet nuk po realizohen në përputhje dhe sipas afateve të përcaktuara në legjislacionin përkatës. Konkretisht, ata janë ankuar për referenca joreale në vlerësimin e pronave të tyre, krahasuar me çmimet e tregut.”- thuhet në reagimin e Prefekturës.

Prefektura, thekson se, është e angazhuar të zbatojë gërmë për gërmë ligjin dhe të verifikojë çdo shqetësim të ngritur nga qytetarët në lidhje me shkelje të pretenduara nga ata.

Panorama

[Albo]

Bozdo: Rama, luftë politike Bashkisë. Po bllokon ndërtimin e bulevardit të ri të Tiranës

TIRANE- Nenkryetari i Bashkise se Tiranes ka akuzuar kreun e qeverise, Edi Rama se i ka shpallur lufte politike Bashkise, duke bllokuar ndërtimin e bulevardit të ri të Tiranës.

Ne nje deklarate per mediat, Bozdo theksoi se “Edi Rama ka urdhëruar mercenaret e tij te tritolit të bllokojnë veprën më të rëndësishme infrastrukturore të Tiranës, Bulevardin e ri”.

Deklarata e plotë

Vetëm një ditë pas shpalljes antikushtetuese te vendimit te qeveris për zgjerim të kompetencave të INUK, nga gjykata kushtetuese, në një akt të paprecedentë antiligjore e hakmarrës, Edi Rama ka urdhëruar mercenaret e tij te tritolit të bllokojnë veprën më të rëndësishme infrastrukturore të Tiranës, Bulevardin e ri.

Ky është akti me i fundit i luftës politike qe Edi Rama i ka shpallur Bashkise se Tiranës.

Paftësin dhe xhelozin e tij për projektet e Tiranës Edi Rama po e shpreh duke bllokuar edhe shërbimet më jetike për qytetarët, sic ishte bllokimi për dy muaj i buxhetit te bashkisë, bllokimi i shpronësimit për varrezat , bllokimi i kredive për të pastrehët e vendime te tjera që bien në kundërshtim me interesat e qytetareve te Tiranes

Edhe sot ne ditën kur komisioneri për zgjerim Stefan Fule po zhvillon takimin e nivelit te lartë,ku flitet e behet thirrje per gjithperfshirje e bashkpunim Edi Rama vazhdon te tregoje vullnetin e tij te vërtet dhe aftesin e tij te vetme per konfliktualitet, lufte politike, daljen mbi ligjin dhe shkeljen e ligjit dhe vendimet e gjykatave për hir te axhendes se tij te konfliktit politik.

Duke përfituara nga prania e tij në Tiranë i bëjmë thirrje zoti Fule ta mbaje shënim kete zhvillim domethënës per natyrën e tij antiligjore dhe qellimin e tij konfliktual me bashkinë e Tiranës.

Ky vendim flet me shume sesa dhjetra fjale te bukura dhe te pavërteta qe Edi Rama shkëmben rëndom ne pranin e tij dhe vizitoreve te tjerë ne vendin tone.

I kërkojmë Edi Ramës të zbatoje vendimin e gjykatës kushtetuetes. Te tërheqë mercenarët e tritolit nga bllokimi i veprave publike te bashkisë se Tiranes .

Te heqë dore nga konflikti politik dhe veprimet antiligjore kundër Bashkise se Tiranësne veçanti dhe pushtetit vendore ne përgjithsi qe dëmtojnë intereat e te gjithë qytetareve pa dallim përndryshe do te perballet me pasojat dhe përgjegjësit qe i takojnë vetëm atij.

Panorama

[Albo]

Bulevardi, bashkia ankimon vendimin e INUK

Bulevardi, bashkia ankimon vendimin e INUKTIRANE-Bashkia e Tiranës ka ankimuar në Gjykatën Administrative vendimin e INUK për pezullimin e punimeve në bulevardin e ri të kryeqytetit. Prej pesë ditësh punimet për ndërtimin e kësaj vepre të madhe publike janë ndaluar dhe nuk dihet ende se kur do të rifillojnë. Bashkia e Tiranës e konsideron të paligjshëm vendimin e INUK për të pezulluar punimet me arsyen e vlerës së shpronësimeve, pasi çmimet përcaktohen nga Këshilli i Ministrave.

Sipas Bashkisë së Tiranës, pretendimi për ankesat e qytetarëve në lidhje me çmimin e shpronësimit nuk qëndron jo vetëm për faktin se Këshilli Bashkiak e ka miratuar me votë unanime vlerën e shpronësimit, por edhe nëse ka hapësirë për rishikim të çmimeve të shpronësimit, është vetë qeveria që e ka në dorë ta ndryshojë. Për këto arsye, bashkia kërkon nga Gjykata Administrative që të anulojë zbatimin e aktit administrativ për pezullimin e punimeve nr. 6, datë 4.3.2014, të kryeinspektorit të Inspektoratit Urbanistik Kombëtar në objektin kantier pune rruga “Karl Gega”.

Në shkresën drejtuar firmës që po kryen punimet për bulevardin, INUK ka deklaruar se punimet do të pezullohen për 60 ditë. Në fazën e parë të punimeve, që nis nga Stacioni i Trenit, përfshihet edhe një parkim i madh nëntokësor.

(d.b/BalkanWeb)

[Albo]

Bulevardi i ri, Administrativja rrëzon vendimin e INUK për pezullimin e punimeve


TIRANE - Gjykata Administrative ka rrëzuar vendimin e INUK për pezullimin e punimeve për bulevardin e ri të Tiranës. Përmes këtij vendimi i hapet rrugë vazhdimit të punimeve për ndërtimin e Bulevardit të ri.

Disa ditë më parë në Bashkinë e Tiranës ka mbërritur një shkresë nga Inspektorati Kombëtar i Ndërtimit dhe Urbanistikës ku kërkohet pezullimi i punimeve për projektin e bulevardit të ri. Kjo gjë u bë publike nga nënkryetari i bashkisë Enno Bozdo, i cili jo vetëm që e ka konsideruar si të paprecedent, por ka theksuar se ky vendim është një xhelozi që kryeministri Edi Rama ka ndaj projekteve të bashkisë.

Ndërsa INUK nëpërmjet një deklarate ka sqaruar se ndërhyrja e tyre është bërë për shkak të ankesave të shumta të qytetarëve që u preket prona nga ky projekt.

Bllokimi&bashkia
INUK i ka kërkuar Bashkisë së Tiranës bllokimin e punimeve për bulevardin e ri, i cili shtrihet nga "Stacioni i Trenit" te lumi i Tiranës. Sipas Inspektoratit do të bëhet verifikimi i dokumenteve tekniko-ligjore të projektit. Ndërsa, sipas bashkisë, në shkresën që INUK ka dorëzuar ditën e djeshme pranë këtij institucioni për bllokimin e punimeve të bulevardit, nuk ka asnjë argumentim për bllokimin e punimeve.

Projekti i zgjatimit të bulevardit ka kaluar në nivelet më të larta të miratimit. Ky projekt, veç Këshillit Bashkiak të Tiranës, është miratuar nga Këshilli i Rregullimit të Territorit të Republikës së Shqipërisë, si dhe nga Këshilli i Ministrave. Ndaj, sipas bashkisë, duke qenë se janë kaluar të gjitha hallkat e mundshme të miratimit të një projekti, edhe shkresa e dërguar nga INUK nuk është e 'varfër' dhe nuk ka asnjë argument ligjor, por vetëm shkruhet të ndalohen punimet për ndërtimin e bulevardit të ri.

Punimet&projekti
Punimet për zgjatimin e bulevardit të Tiranës kanë nisur në shtator të 2013-ës dhe ishte parashikuar që të përfundonin brenda 18 muajsh. Firma, e cila po realizon punimet është "Copri - Construction Enterprises LLW". Ndërsa kostoja e ndërtimit është 26 milionë euro. Punimet për bulevardin kanë ecur me ritme të konsiderueshme, gjatë kësaj jave sipas bashkisë është bërë edhe shembja më e madhe e banesave që preken nga realizimi i projektit. Nga zbatimi i projektit të bulevardit të ri të Tiranës preken 204 objekte dhe 38.642 m² truall. Në total janë 262 pronarë të cilët do të shpronësohen nga Bashkia e Tiranës për ndërtimin e bulevardit të ri. Por këta të fundit janë të pakënaqur nga vlera e ulët e shpronësimit dhe shpesh herë kanë zhvilluar protesta para bashkisë. Vlera totale e shpronësimit për këtë projekt është gati 1.8 miliardë lekë.

(er.nu/BalkanWeb)

[Albo]

Bozdo: Rama kërkon sërish të bllokojë bulevardin e ri. Prefekti: Dje na falenderoi, sot shpreh paligjshmëri

TIRANE-“Vetëm një ditë pas vendimit të gjykatës që urdhëroi rifillimin e punimeve për ndërtimin e bulevardit të ri të Tiranës, Edi Rama ka urdhëruar përsëri bllokimin e kësaj vepre strategjike”.

Kështu është shprehur gjatë një konference për shtyp, nënkryetari i Bashkisë së Tiranës, Enno Bozdo, ku ndër të tjera tha se edhe kësaj radhe, në mënyrë absurde dhe të paligjshme, Rama ka urdhëruar shkeljen e ligjit për pushtetin vendor, duke imponuar në mënyrë të paligjshme “ngrirjen” e fondit për shpronësimet në bulevardin e ri.

“Edi Rama nuk i duron dot veprat. Paaftësia e tij si kryeministër dhe xhelozia për këtë kantier të madh të kryeqytetit, i vetmi ku punohet sot në Shqipëri, e shtyjnë atë drejt këtyre veprimeve antiligjore. Nën këtë kllapi xhelozie dhe revanshi, Edi Rama ka një dhe vetëm një objektiv: bllokimin e projekteve të Bashkisë së Tiranës me çdo çmim. Bllokoi buxhetin, bllokoi shpronësimin për varrezat publike, bllokoi kreditë për të pastrehët, bllokoi bulevardin, uli në mënyrë të jashtëligjshme të ardhurat e Bashkisë së Tiranës dhe po bën gjithçka për të penguar mbarëvajtjen e punëve në kryeqytet. Bashkia e Tiranës e ka informuar zyrtarisht prefektin, se “ngrirja” e fondit për shpronësimet në bulevardin e ri është në kundërshtim të ligjit: “Për organizimin dhe funksionimin e qeverisjes vendore. Urdhëruesi i këtij veprimi antiligjor dhe konfliktual, Edi Rama po skalit çdo ditë e më fort emrin e tij si kryeministri i bllokimit, paaftësisë dhe dufit ndaj qytetarëve të Tiranës”,-pohoi gjatë fjalës së tij Bozdo.

Prefekti i Tiranës distancohet nga akuzat politike
Por lidhur me cështjen e bllokimit të punimeve në Bulevardin e kryeqytetit ka reaguar dhe prefekti i Tiranës. Me anë të një njoftimi për shtyp, Prefektura sqaron se distancohet nga akuzat me karakter politik për këtë cështje.

Reagimi i Prefektit
“Prefekti i Qarkut Tiranë dëshiron të bëjë me dije se pranë këtij institucioni kanë ardhur vendimet Nr 1, 2, 3 dhe 4 të datës 26.02.2014 të Këshillit të Bashkisë Tiranë. Referuar ligjit Nr. 9827, dt 31.07.2000 “Për organizimin dhe funksionimin e qeverisjes vendore” (i ndryshuar), ju njoftojmë se:

Vendimi Nr.1 konfirmohet në përputhje ligjin nr. 8652 dt 31.07.2000 “Për organizmin dhe funksionimin e qeverisjes vendore” i ndryshuar, ligjin 9936 dt 26.06.2008 “Për menaxhimin e sistemit buxhetor ne Republikën e Shqipërisë” i ndryshuar.

Ndërsa pjesa e përcaktuar në program- buxhet në fq 129 te tij tek shpronësimet në interes publik (kompensimi i pronarëve që përdoren për interes publik si për ndërtimin e rrugëve, shkollave etj) me vlerë (580,955,290 lekë për vitin 2014), në të cilën nuk është pasqyruar saktë vlera e dëmshpërblimit për shpronësimet e qytetarëve sipas VKM nr 752 dt 05.09.2013 “Për shpronësimin në interes publik të pronarëve të pasurive të paluajtshme ,pronë private,që preken nga zbatimi i projektit të bulevardit verior dhe rehabilitimi të lumit të Tiranës, faza e parë, në Bashkinë e Tiranës” nuk konfirmohet.

Në këtë VKM përcaktohet qartë vlera e plotë e shpronësimit prej 1’757’476’521 (një miliard e shtatëqind e pesëdhjetë e shtatë milionë e katërqind e shtatëdhjetë e gjashtë mijë e pesëqind e njëzet e një lekë) që do të përballohet nga Bashkia Tiranë, detyrim ky i cili duhet të ishte parashikuar i plotë dhe jo i copëzuar nga ana e Këshillit Bashkiak, në detajimin e buxhetit për vitin 2014.

Prefekti i Qarkut Tiranë përmes bazës ligjore të sipërpërmendur, i është drejtuar me një shkresë për “Konfirmimin e ligjshmërisë”, Këshillit Bashkiak, konform kompetencave dhe detyrimeve që i ngarkon ligji.

Në lidhje me reagimin e sotëm të nënkryetarit të Bashkisë Tiranë, Prefekti i Qarkut Tiranë shpreh habinë e tij në lidhje me këtë reagim, pasi me një shkresë të datës 18.03.2014, z. Bozdo i është drejtuar Prefektit duke e falënderuar sa i përket “Konfirmimit të ligjshmërisë”.

Nga ana tjetër, institucioni i Prefektit të Qarkut Tiranë kërkon të bëjë me dije se “Konfirmimi i ligjshmërisë” nuk i është drejtuar administratës së Bashkisë, por Këshillit Bashkiak, i cili merr edhe vendimet në lidhje me buxhetin vjetor.

Gjithashtu, Prefekti i Qarkut Tiranë distancohet nga akuzat me karakter politik, që e cilësojnë këtë veprim ligjor si një “bllokim” dhe kërkon t’ju vërë në dijeni se “Konfirmimi i ligjshmërisë” i është dërguar Këshillit Bashkiak më datë 17.03.2014, më nr Prot. 1028, përpara zbardhjes së vendimit të Gjykatës Administrative në lidhje me procesin INUK – Bashkia e Tiranës".

(o.d/BalkanWeb)

[Qyfyre]

Si lajm i vjeter duket ky. Mos ka ndodhur para ca vitesh me duket?

[Albo]

Bllokohen punimet për Bulevardin, Bashkia padit INUK. Prefekti: S’prishim shtëpitë pa shpronësim

UPDATE- Nderkohe qe Bashkia e Tiranes ka depozituar kallezim penal ne Prokurori për shpërdorim të rëndë të detyrës nga ana e INUK si dhe për moszbatimin e drejtë të vendimit të gjykatës, prefekti i Tiranes, ka deklaruar se nuk do te shemben banesat pa bere me pare shpronesimet e banoreve.

“Nuk do te bejme shembjen e banesave pa u bere me pare shpronesimet, nuk do i leme banoret ne qiell te hapur, kjo gje nuk do te ndodhe. Bashkia te marre persiper detyrimet e saj, per sa kohe qe fondi i parashikuar nga bashkia e Tiranes nuk eshte ai i duhuri nuk do te ndermerret asnje hap. Zeri i shpronesimeve eshte 1.7 miliadre leke, nderkohe qe jane vetem 500 milione leke te vjetra ne dispozicion’- tha prefekti Vorpsi.

Bashkia

Nenkryetari i bashkise, Enno Bozdo ka thene se fillimisht eshte marre një kontakt i parë me Prokurorinë dhe prokurori i çështjes bëri edhe keqyrjen e vendit të ngjarjes.

“Për fat të keq, ajo çka vumë re sot është se përveç bllokimit të bulevardit, kryeministri instrumentalizon edhe banorët të cilët kanë problematikën e tyre me çmimin e tokës. Në radhë të parë, këto janë metoda absolutisht të turpshme dhe në radhë të dytë kryeministri, qeveria sot e ka në dorë të ndryshojë çmimin e tokës, të ndryshojë çdo gjë, ta rrisë atë, në mënyrë që të kënaqë edhe kërkesat e banorëve. Kjo nuk është çështje e Bashkisë së Tiranës. Çështje e Bashkisë së Tiranës është bulevardi dhe ai do të vazhdojë me çdo kusht”- tha ai.

Me heret Bozdo akuzoi kreun e qeverise, Edi Rama per drejtimin sipas tij bandit te nje qeverie bandite qe nuk pyet as per ligje, vendime gjykatash e as per interesin e qytetareve.

“Kjo eshte nje vepër që i shërben Tiranës, që është prioritet absolut i bashkisë, nderkohe qe INUK ka bllokuar punimet në shkelje të ligjit dhe të vendimit të kushtetueses, nuk mjafton ai për ta bindur INUK, nuk mjafton as vendimi i gjykatës që rrëzon masën e parë të bllokimit, por sot duke shkelur cdo ligje cdo moral INUK ka bllokuar këtë vepër të rëndësishme është problemi i Ramës, në mënyrë bandite po drejton një qeveri bandite që nuk njeh as ligje e as të drejta e as interesa qytetare, do marrin cdo masë të nevojshme që punimet mos të ndërpriten, por punimet të mbyllen brenda afatit ë përcaktuar”- tha Bozdo.

Panorama

[Albo]

Rilindja Socialiste nuk ka nevoje per bulevarde te reja, ka nevoje per Police! Si te leme ne Bashen te ndertoje bulevardin e Tiranes qe Edi Rama nuk e ndertoi dot vete per 1 dekade qe ishte ne krye te Bashkise. Nuk shkon kjo pune, e Qeveria e Rilindjes duhet ta ndaloje me cdo kusht ndertimin e bulevardit. Nuk mund ta leme Bashen te beje fushate ne zgjedhjet e ardhshme me "premtime te mbajtura".

Duan edhe keta qytetaret e rrenuar te Tiranes bulevard pale...Ju nuk u duhet bulevardi, ju duhet RILINDJA!

Albo

[peshkatari2011]

Nostalgjia per bashkine po kthehet ne delir