Shpërthim pranë Institutit të Higjenës në Tiranë

[AlbaneZ]

Tiranë, 26 shkurt 2014

Një shpërthim ka ndodhur sot tek një ndërtesë dykatëshe pranë Institutit të Higjienës në rrugën “Budi”, në Tiranë. Shpërthimi ka qenë i fuqishëm duke shkaktuar të paktën tre të plagosur ku paraprakisht dyshohet se janë dëmtuar me prerje në të dy këmbët.Fillimisht u mendua se kishte shpërthyer një bombol gazi në hyrje të lokalit "Grifon". Por dyshimet janë për shpërthim të shkaktuar nga vendosje lënde plasëse e llojit tritol. Gjithsesi hetimet policore do të zbardhin shkaqet e sakta. Nga shpërthimi janë shkaktuar edhe dëme të mëdha materiale tek lokali dhe mjediset përreth tij. Në vendngjarje ndodhen forca të shumta policie dhe dy autoambulanca.

NOA.al

[AlbaneZ]

UPDATE.

Dëshmitarë në vendngjarje thanë se shpërthimi dyshohet të jetë me fokus pronën e biznesmenit Armando Ceka.

Armando Ceka, shpërthimi i dytë.

Ky është shpërthimi i dytë që i ndodh biznesmenit të ndërtimit Armando Ceka. Më datën 4 shtator 2013, në rrugën “Siri Kodra” një sasi tritoli i është vendosur biznesmenit në fuoristradën tip “Volvo”, me targa AA779 CX. Makina fuoristradë e biznesmenit shpërtheu sapo Ceka kishte hipur në makinë për ta ndezur por fatmirësisht ai nuk mbeti i lënduar.

[Qyfyre]

Julian Cela qe humbi kembet te ky shperthim, merr këmbë prostetike falas ne Dallas ne Amerike.



http://www.dallasnews.com/news/metro/20140729-strides-of-joy-albanian-injured-by-bomb-gets-new-legs-in-dallas.ece

[Albo]

Arrestimi i vrasësve me pagesë, porositeshin nga Admir Tafili. Për ekzekutimet merrnin 5-20 mijë euro

Zbardhen detaje nga veprimtaria e te ndaluarve, te dyshuar si vrases me pagese. Policia ben me dije se Kristi Pine nga Shkodra, i arrestuar, e dy te tjere A.G. nga Pogradeci dhe Alfred Qefalia po nga Shkodra, po mbahen të ndaluar deri në përfundim të hetimeve. Sipas te dhenave me te fundit, Pine dhe Qefalia merrnin porosi per ekzekutimet nga Admir Tafili, emer i njohur per drejtesine, se fundi si nje nga te arratisur e burgit te Drenoves.


Vendi ku u vendos eksplozivi tek lokali i biznesmenit

Sipas hetimeve mesohet se vrasjet qe porositeshin nga Tafili ekzekutoheshin nga te dyshuarit ne kembim te shumave nga 5 deri ne 20 mije euro.

“Panorama”, raportonte sot se policia e Tiranës ka ndaluar dje tre persona të dyshuar për sulmin me eksploziv ndaj biznesmenit të ndërtimit Armando Çeka, ngjarje e ndodhur një vit më parë në kryeqytet. Të ndaluarit akuzohen edhe për një vrasje të ndodhur në qershor të 2014- s në Shkodër dhe një tentativë vrasjeje po në këtë qytet.

Burime të rezervuara nga Policia e kryeqytetit thanë se njëri nga këta persona, shtetasi me iniciale Kristi Pine nga Shkodra, është arrestuar, ndërsa dy të tjerët, A.G. nga Pogradeci dhe Alfred Qefalia nga Shkodra, po mbahen të ndaluar deri në përfundim të hetimeve.

Policia nuk i bëri të ditur emrat e plotë të të dyshuarve, pasi ata dyshohet se janë paguar nga persona të tjerë për kryerjen e këtyre ngjarjeve dhe po punohet në drejtim të identifikimit të porositësve.

Zyrtarisht, Policia e Shtetit tha dje se nga hetimet e nisura më 4 shtator 2014, pas vrasjes së mbetur në tentativë të shtetasit E.Ç. në Shkodër, u arrestua shtetasi me iniciale K.P.


Admir Tafili


Ndërsa u ndaluan edhe shtetasit A.G., 41 vjeç, nga fshati Buçimas i Pogradecit, i dënuar më parë për grabitje dhe shtetasi A.Q. nga Shkodra.

“Nga hetimet e deritanishme dyshohet se shtetasi me inicialet K.P., në bashkëpunim me shtetasin me inicialet A.Q., më datë 25 qershor 2014, në Shkodër kanë vrarë me armë zjarri shtetasin Ibrahim Mani, 50 vjeç. Paraprakisht u dyshua se shkaku i vrasjes ishte gjakmarrja. Burime nga grupi i hetimit bënë të ditur se vëllai i viktimës kishte vrarë një person në vitin 1993.

Madje, për këtë ngjarje u arrestua edhe një person, i cili më pas u la i lirë për mungesë provash.

Ndërsa personi tjetër i ndaluar dje në Tiranë, shtetasi me iniciale A.Q., dyshohet se është edhe autor i ngjarjes së ndodhur më 26 shkurt 2014, në rrugën “Budi”, në Tiranë, ku si pasojë e një shpërthimi të një sasie eksplozivi C4 u plagosën rëndë tre persona”, thuhet zyrtarisht nga Policia e Shtetit.

Sulmi me eksploziv ndodhi në lokalin në pronësi të shtetasit Armando Çeka, ndërtues, duke u klasifikuar si një tentativë vrasjeje. Përveç Çekës, që mbeti i plagosur rëndë, u plagosën edhe juristi Julian Çela, si dhe truproja i tij Artur Sharra.

Burimet thanë se nga kontrolli në banesat e tre të ndaluarve u gjetën dhe u sekuestruan një automatik model “Scorpions” me 10 fishekë, një pistoletë “Smith”, me 5 fishekë, 2 silenciatorë dhe 6 celularë.

Panorama

[benseven11]

Shume filma shohin keto shkodranet dhe pogradecaret.
Me sa duket nuk e kane pare akoma ate filmin
"Kur ta hash vete pas qafe,karma bejbi"

[Albo]

Akuzohen si vrasës me pagesë, publikohen fotot e të ndaluarve

Pas ndalimit të tre personave nga Policia e Shtetit me akuzën se ata dyshohet të jenë vrasës me pagesë, të tjera detaje zbardhen nga grupi hetimor.


Alfret Qefalia majtas dhe Kristi Pine, djathtas

Personat e ndaluar më parë nga policia janë Alfret Qefalia, Kristi Pine dhe një tjetër peson që policia ende nuk e bën të ditur indentitetin për çështje hetimesh. Burime nga policia e shtetit bëjnë me dije se njëri nga të ndaluarit ka pranuar krimet duke bashkëpunuar me forcat e rendit.

Mësohet se ai ka pranuar një vrasje në Shkodër, një tentativë vrasjeje në Tiranë në shtator të 2014, si dhe vendosjen e eksplozivit më 26 shkurt në lokalin e biznesmenit Armando Çeka. Aktualisht mësohet se pista kryesore mbi të cilën janë përqendruar hetimet është dëshmia e personit që ka pranuar krimet.

Sipas policisë, dyshohet se Kristi Pine dhe Alfret Qefalia merrnin porosi për ekzekutimet nga Admir Tafili, një nga të arratisur e burgit të Drenovës.

Për dy emrat e publikuar, Alfret Qefalia dhe Kristi Pine, rezultojnë se ata janë persona me precedent të mëparshmë penal.

Më herët, policia ka deklaruar arrestimin e Alfret Qefalisë një ditë pas shpërthimeve që ndodhën në Tiranë, më 11 shkurt, në kohën kur forcat e rendit po kryenin kontrolle lidhur me përfshirje e mundshme të personave të dyshuar në këto atentate.

Qefalia është kapur nën shoqërinë e një femre, ku i është gjetur edhe një pistoletë me vete. Gjithashtu, mësohet se ishte në kërkim pasi dyshohej se i kishte dhënë ndidhmë Admir Tafilit për arratisjen nga Burgu i Drenovës.

Me anë të një deklarate për mediat pak ditë më parë, policia ka sqaruar se nga hetimet dyshohet që shtetasi me inicialet K.P, në bashkëpunim me shtetasin me inicialet Alfred Shefqet Qefalia, 32 vjeç, më datë 25.06.2014, në Shkodër kanë vrarë me armë zjarri shtetasin I.M, ndodhur më datë 25.06.2014. “Shtetasi A.Q, dyshohet se është edhe autor i ngjarjes më datë 26.02.2014, ndodhur në rrugën “Budi” Tiranë, ku si pasojë e një shpërthimi me lëndë eksplozive kanë tentuar të vrasin shtetasit A.C, J.Çj dhe A.SH, të cilët kanë mbetur të dëmtuar. Nga kontrolli në banesat e tyre u bllokuan 1 automatik model “Scorpions” me 10 fishekë, 1 pistoletë “Smith”, me 5 fishekë, 2 silenciator dhe 6 celularë”,-ka thënë Policia e Shtetit.

Panorama

[Albo]

“Panorama” publikon procesverbalin, vrasësi me pagesë Qefalia u arrestua për armë pa leje

Në procesverbalin e arrestimit në flagrancë të njerit prej te arrestuarve si vrases me pagese, Alfred Qefalisë, që është mbajtur më datë 11 shkurt, në orën 23:45, nga oficeri i Policisë Gjyqësore, thuhet se 32-vjeçari është arrestuar vetëm për një armë që i është gjetur pa leje.


Procesverbali i arrestimit të Alfred Qefalisë

Gazeta “Panorama” ka siguruar një kopje të procesverbalit, që është marrë nga familja e tij, ku në vendin e firmës së Qefalisë shënohet që ai ka refuzuar ta firmosë.

Sipas familjarëve, refuzimi i firmës ka ardhur për shkak se ai nuk ka qenë në gjendje të mirë, pasi kishte pirë disa ilaçe.

Ndërsa aty shënohen edhe arsyet e arrestit në flagrancë dhe vendi ku është kapur, në lokalin e një mikut të tij në Babrru.

Panorama

[goldian]

Shume filma shohin keto shkodranet dhe pogradecaret.
Me sa duket nuk e kane pare akoma ate filmin
"Kur ta hash vete pas qafe,karma bejbi"

mos i ngaterro shkodranet me tritola