Rikthehet virusi H1N1, 2 raste në Shqipëri, një 50-vjeçar rëndë në QSUT

[Xhuxhumaku]

Rikthehet virusi H1N1, 2 raste në Shqipëri, një 50-vjeçar rëndë në QSUT

Rikthehet virusi H1N1, 2 raste në Shqipëri, një 50-vjeçar rëndë në QSUTTIRANË- Në Shqipëri është rikthyer edhe këtë sezon gripi vdekjeprurës H1N1 apo i njohur si ‘gripi i derrit’.

Një pacient i shtruar prej tre ditësh tek Infektivi në Qendrën Spitalore Universitare “Nënë Tereza” është prekur nga ky virus, siç thonë burime nga ky spital. Sipas të njejtave burime spitalore bëhet me dije se 50-vjeçari në fjalë është i prekur edhe nga sëmundje të tjera, ndërsa gjendja e tij shëndetësore paraqitet e rëndë.

Po sipas Shefit të Infektivit, Dhimitër Kraja ka pasur edhe një rast tjetër, i cili tashmë ka lënë ambientet e spitalit.

Ai shton se nuk mund të flitet për një situatë alarmante. “Ka izolim të rasteve me grip AH1N1 dhe AH3N2. Kemi 5 raste me Ah3 dhe 2 raste me Ah1. Një rast ka dalë dhe vazhdon jetën e tij normale, ndërsa rasti tjetër është i shtruar në Shërbimin Infektiv të QSUT-së, në repartin e reaminacionit ku po i jepet një ndihmë polivalente prej nesh dhe ekspertëve përkatëse. Ky është fillimi i një ngjarje të tillë që nuk duhet konsideruar alarmante, është brenda madhësisë së gripeve që ndodhin vazhdimisht”, tha Kraja.

Virusi AH1N1 u shfaq për herë të parë në vitin 2009 në vendin tonë, medikamenti për luftimin e tij është Tamiflu.

(m.a/BalkanWeb)

http://www.balkanweb.com/kryesore/1/...ut-174493.html

[DiGiT@LiFE]

futi kaspersky e skena me probleme


hahaahha

[Xhuxhumaku]

19 raste me H1N1 në Shqipëri, rastet e gripit rriten me 5%

19 raste me H1N1 në Shqipëri, rastet e gripit rriten me 5%TIRANE- Rastet e shtuara të gripit, kanë mbledhur Komitetin Ad-Hoc në Ministrinë e Shëndetësisë.

Kështu raportohet për 19 raste të pacientëve të prekur me virusin H1N1, ose i njohur ndryshe si gripi i derrit. Kështu ka deklaruar sot Drejtori i Drejtorisë të Shëndetit Publik në Ministrinë e Shëndetësisë, Gazmend Bejtja.

Sipas tij, nga tetori janë evidentuar 124 raste me sindroma të rënda respiratore. “Duke filluar nga muaji tetor 2013 e deri më sot janë raportuar 124 raste me sindromë të rëndë respiratore, prej të cilëve, vetëm 8 rezultojnë pozitivë për virusin e gripit”, tha ai.

Ndërsa Ministria e Shëndetësisë bën me dije se në 15 ditët e fundit virusi i gripit ka prirje rritëse. Komiteti bazuar në të dhënat e sistemit të survejancës epidemiologjike ALERT (Albanian Epidemiologic Report Tool) dhe virologjike SENTINEL në lidhje me situatën gripale në vend, rezulton se numri i përgjithshëm i infeksioneve të sipërme dhe të poshtme respiratore, pavarësisht nga shkaku, është rreth 16500, ose rreth 5% më shumë raste se e njëjta periudhë e vitit të kaluar.

Gjithashtu, komiteti mori në shqyrtim dhe analizoi paraqitjen në institucionet shëndetësore të rasteve të komplikuara të gripit.
Numri i rasteve të identifikuara laboratorikisht me infeksion nga virusi pandemik AH1 është 19 në të gjithë vendin, ndërkohë që nga 337 mostra të dyshuara për grip, vetëm në 46 prej tyre është izoluar virusi i gripit.

Komiteti konstatoi se Shqipëria nuk bën përjashtim nga situata e përgjithshme në Evropë, në Itali dhe në Greqi, ku bashkëqarkullojnë virusi sezonal i gripit dhe virusi pandemik i gripit. Ndërkohë që në Greqi, raportohet një qarkullim i shtuar me intensitet të lartë gripi.
Ministri i Shëndetësisë Beqaj vlerësoi përgjigjen e deritanishme të sistemit shëndetësor në lidhje me survejancën dhe menaxhimin klinik të rasteve të paraqitura, që kanë të bëjnë me riaktivizimin e mekanizmit të koordinimit në lidhje me menaxhimin e rasteve që kanë nevojë për kujdes spitalor dhe përgatitjen e skemës së menaxhimit të rastit në të gjitha qendrat shëndetësore dhe spitalet e vendit duke u udhëhequr nga Klinika e Sëmundjeve Infektive QSUT në bashkëpunim me ISHP. Gjithashtu, ministri Beqaj vlerësoi riaktivizimin e mekanizmit të koordinimit të rasteve me sëmundje të rëndë respiratore akute (SRRA) në mënyrë që pacientët të marrin kujdesin intensiv të menjëhershëm, në kohën e duhur nën koordinimin e shërbimeve përkatëse universitare në QSUT në bashkëpunim me spitalin universitar “Shefqet Ndroqi”.

Komiteti udhëzoi gatishmëri të plotë të shërbimeve të laboratorëve dhe reanimacionit, si dhe marrjen e masave për shpërndarjen në sasi të mjaftueshme të barit antiviral TAMIFLU nga Instituti i Shëndetit Publik në spitalet universitarë dhe rajonalë. Së fundi, komiteti udhëzoi informimin në vijimësi të publikut për masat parandaluese dhe mbrojtëse ndaj gripit sezonal, veçanërisht: të moshuarit të sëmurët kronikë dhe fëmijët.
(m.a/BalkanWeb)

http://www.balkanweb.com/kryesore/1/...-5-174718.html

[Xhuxhumaku]

Mjeku: Ja masat si ta parandaloni gripin

Nga: OLA MITRE
Mjeku: Ja masat si ta parandaloni gripinTIRANE - Gripi vdekjeprurës H1N1 apo siç njihet ndryshe si gripi "i derrit" ka shënuar të prekurit e parë për këtë vit në vendin tonë. Janë dy raste të regjistruara pranë Shërbimit Infektiv, në Qendrën Spitalore Universitare "Nënë Tereza", ndërkohë që njëri prej tyre vijon të jetë duke marrë mjekim pranë kësaj qendre spitalore. Gjithashtu, përveç gripit H1N1, janë regjistruar edhe 5 raste të tjera me gripin AH3N2. Ndërkaq, mjekët apelojnë për marrjen e masave të nevojshme për parandalimin e këtyre infeksioneve, ndonëse ende nuk ka panik për epidemi. Për këtë arsye shefi i Shërbimit Infektiv, Dhimitër Kraja thekson se rëndësi ka shmangia e vendeve me dendësi të madhe njerëzish, siç mund të jenë autobusët apo kinematë. Ndërkohë që, përmes kësaj interviste dhënë për "Gazeta Shqiptare", shpjegon në detaje shenjat e gripit dhe masat e nevojshme për trajtimin, në rast infektimi.
Doktor, gripi H1N1 a ka ndonjë karakteristikë të veçantë, në krahasim me griprat e tjerë?
Jo, është njësoj me griprat e tjerë. Nuk ka ndonjë karakteristikë specifike.
Cilat janë disa nga shenjat e tij?
Shenjat? Shenjat janë të zakonshmet: djegia e fytit, rrjedhja e hundëve. Po ashtu, gripi fillon me dhimbje koke dhe temperaturë menjëherë, pastaj pas dy ditësh dalin shenjat e tjera, që janë kolla apo djegia e syve.
Cilat janë disa nga masat që mund të marrim për të parandaluar infektimin?
Një prej masave parandaluese është të mos shkohet në vende me dendësi të madhe njerëzish, sepse për shembull, të shkosh në kinema apo të bësh një udhëtim të gjatë me autobus ku ka shumë njerëz dhe është ambient i mbyllur edhe mund të infektohesh. Kjo është e para. E dyta është që, njerëzit që do të hanë ushqim apo do të gatuajnë diçka, mirë është të kenë një higjienë, sepse kryesorja është larja e mirë e duarve. Vetëm kjo mund ta shmangë gripin në përgjithësi. Pra higjiena e duarve është shumë e rëndësishme. Gjithashtu, i rëndësishëm është dhe qëndrimi larg njerëzve që kolliten. Nëse ti qëndron 20 centimetra larg njerëzve që kolliten, sigurisht që do ta marrësh gripin. Pastaj nuk duhet harruar edhe vaksina: gripi do vaksinën.
Po në momentin që jemi infektuar nga gripi, çfarë duhet të bëjmë?
Nëse shenjat nuk janë të rënda, duhet të vazhdohet mjekimi që bëhet zakonisht në familje. Domethënë ndonjë paracetamol apo gjërat e ngrohta. Edhe regjimi i dhomës dhe i shtratit nuk duhet të neglizhohet. Në qoftë se temperatura është e lartë, nëse ka të vjella, nëse ka ulje tensioni, rrahje zemre, dhimbje gjoksi, turbullim të ndërgjegjes sado të lehtë, prishje të ekuilibrit, atëherë kërkohet ndihma e mjekut të familjes. Në qoftë se mjeku i familjes e shikon që është rëndë, atëherë detyrimisht duhet dëgjuar këshilla e tij për të ardhur në një qendër siç është spitali. Por ajo që dua të theksoj është se njeriu duhet të shqetësohet për gripin në qoftë se ka turbullime të sistemit nervor, dhimbje të forta koke ose turbullim të ndërgjegjes, ose kollë me gëlbazë të madhe, temperaturë shumë të lartë ose këputje shumë të madhe, që sapo çohet i bie të fikët. Këto janë shenja që familjari duhet ta marrë të sëmurin dhe ta çojë, ose te mjeku i familjes, ose në spital.
Diçka tjetër për të shtuar?
Është edhe një gjë tjetër që ka rëndësi. Pas dy-tri ditësh mund të bëhesh mirë, kaloi gripi dhe pastaj të vjen një temperaturë tjetër. Kjo është më e rrezikshmja, sepse po vjen një infeksion nga mikrobet.

(er.nu/Gazeta Shqiptare/BalkanWeb)

http://www.forumishqiptar.com/thread...81#post3722481

[Xhuxhumaku]

Shëndeti: Vendet ku rreziku për të marrë grip rritet shumë

26 Shkurt 2014 | : Ndryshe | Autor: Gazeta Shqip

Në këtë periudhë virozash dhe gripi do të ishte mirë që të bëni kujdes për veten, duke shmangur vendet me shumë baktere! Ja se çfarë këshillohet…

Shendeti dhe Gripi (1)

Shendeti dhe Gripi (2)

Shendeti dhe Gripi (3)

Shendeti dhe Gripi (4)


Nëse po mendoni të bëni një udhëtim të bukur me kroçierë, kini parasysh se edhe aty probabiliteti për t’u infektuar me ndonjë virus është i madh. Dihet se edhe në anijet turistike infeksionet janë shumë të zakonshme. “Mjaftojnë pak grimca të norovirusit (virusit të gastroenterit), që ne të ndihemi keq”, thotë Lola Stem (Stamm), një epidemiologe në Universitetin e Karolinës së Veriut në Chapel Hill. Por nëse keni ndërmend të qëndroni në tokë, cilat mund të jenë ato vende që konsiderohen si “vatra të nxehta” mikrobesh në jetën e përditshme? Ne po ju sjellim gjashtë prej tyre, por edhe metodat për t’i shmangur.

“Pikë e nxehtë” mikrobesh: puna

Tryeza

Sipas një studimi të Universitetit të Arizonës, tavolinat fshehin qindra mikrobe më shumë se sa, për shembull, pllakat e tualetit të të njëjtave zyra. “Pastrojeni mirë telefonin tuaj, tastierën, monitorin dhe tryezën me një dezinfektues antibiotik të paktën një herë në ditë dhe përpiquni të mos hani ulur në pozicionin e punës, sepse grimcat e ushqimit ndihmojnë në formimin e mikrobeve”, këshillon dr. Stem.

Dera e frigoriferit

Edhe më e neveritshme nga mikrobet e provokuara nga paninia e kolegut tuaj, është dera e frigoriferit e zonës së ngrirjes, nëse në punë e keni një të tillë. Një studim i ndërmarrë nga Shoqata Dietike Amerikane demonstron se 44 për qind e frigoriferëve në ambientet e punës pastrohen një herë në muaj, ndërsa 22 për qind të rasteve vetëm një herë në vit. “Gjithçka që grumbullohet ose që mund të përfundojë në derën e frigoriferit bëhet një terren ushqyes për bakteret”, konfirmon më tej dr. Stem. Në një studim të publikuar vitin e kaluar, gjysma e sipërfaqeve të mobilieve në vende të zakonshme në zyra, mund të kthehen në vatra infektimi nga grimcat e mikrobeve për shembull të një kolegu të sëmurë, gjatë pushimit të drekës. Kështu që, nëse keni nevojë për një këshillë, në këtë rast ne ju sugjerojmë që duhet t’i lani shumë mirë duart përpara se të hani.

Banjat publike

Lavamani

Një studim i Universitetit të Kolorados ka identifikuar 19 grupe bakteresh, duke përfshirë edhe Staphylococcus aureus, virusin që lidhet me infeksionet rezistente ndaj antibiotikëve, i cili është gjetur në banjat publike. Sipas studimit të “NSF International”, lavamani mund të jetë zona me numrin më të lartë të mikrobeve, duke qenë se lagështia i ndihmon mikroorganizmat që të mbijetojnë.

“Peshqirët” (tharësit) elektrikë

Sipas një studimi të “Journal of Applied Microbiology”, tharja e duarve poshtë një tharësi elektrik mund të rrisë deri në 45 për qind numrin e baktereve të pranishme në lëkurën tuaj. Përdorni letra për t’i tharë duart dhe për të hapur derën e banjës kur të dilni…

Bankat

Bankomati

Duke pasur parasysh se 95% e njerëzve i lajnë duart jo shumë shpesh, sipas studiuesve të Universitetit të Miçiganit përdoruesit e bankomatit marrin edhe diçka tjetër nëpërmjet tij, përveç kartëmonedhave. Një studim i Universitetit të Arizonës ka provuar në fakt se çdo tast i vogël i bankomatit “strehon” një mesatare prej 1.200 mikrobesh, duke përfshirë virusin e ftohjes dhe atë të gripit.

Paratë kesh

Sipas një studimi në Universitetin e Oksfordit, çdo tërheqje parash përmban një mesatare prej 26.000 bakteresh. Rekomandohet që të dezinfektoni duart tuaja sapo të dilni nga banka, ose rrisni numrin e transaksioneve në bankën tuaj online!

Supermarketet

Karrocat

Do të ishte më mirë që të përdornit dezinfektuesin e çantës tuaj (për shembull facoletat e lagura) mbi dorezën e karrocave përpara se të filloni të bëni pazarin. Përse? Ndoshta sepse “përveç mikrobeve të mbetura në karrocë nga klientët e tjerë të supermarketit, duket se edhe mikrobet e pranishme te mishi i gjallë ngelin mbi ta dhe për fat të keq, këto mikrobe janë me mijëra”, thotë dr. Stem. Do të ishte mirë që pakot t’i mbështillnit me qese të posaçme.

Çantat e shpenzimeve të ripërdorshme

Janë më të mirat për ambientin, sigurisht, por bashkë me të ju mund të merrni edhe bakteret e supermarketit dhe të dyqaneve. Po sipas një studimi tjetër të Universitetit të Arizonës, 90 për qind e blerësve nuk i lajnë këto çanta rregullisht. Studiuesit kanë gjetur bakteret e quajtura koliforme, te mishi i gjallë, dhe bakteret E.coli pothuajse në çdo çantë të ripërdorshme që është marrë si rast studimi. Rekomandohet që t’i lani me duar ose lavatriçe çantat e pazarit dhe të përdorni gjithmonë qese të veçanta për mishin dhe perimet.

Dhomat e hoteleve

Telekomandat dhe çelësat e dritave

Një studim i Universitetit të Hjustonit ka gjetur se pikërisht këto janë objektet më të ndotura në dhomat e hotelit. Kështu që në valixhe mos harroni të fusni edhe facoletat dezinfektuese!

Karrocat për pastrimin e dhomave

Ato kanë shumë baktere, që do të thotë se rreziku prej tyre është shumë i lartë, duke qenë se këto lloj karrocash kalojnë nga një dhomë në tjetrën. Nëse në një hotel qëndroni për disa ditë, pas derës së dhomës që keni prenotuar vendosni shënimin “Mos na shqetësoni” për të parandaluar marrjen e mikrobeve nga dhomat e tjera.

Palestra

Peshat

Një studim i “Journal of Clinical Sports Medicine” ka gjetur viruset që provokojnë ftohjen tek 63 për qind e personave që stërviten në palestra. Studiuesit zbuluan se mjetet e peshave ishin më të ndotura se mjetet e përdorura për gjimnastikë: 73% kundrejt 51%. Edhe më keq: dezinfektimi dy herë në ditë nuk ka bërë asgjë për të ulur numrin e viruseve, pasi ato pajisje normalisht përdoren nga shumë njerëz. Lëvizja juaj: mbani gati për çdo rast dezinfektuesin tuaj personal.

Dorashkat e ngritjeve të peshave

Kërkuesit japonezë zbuluan se bakteret Staphylococcus të gjetura te peshat dhe makinat lidhen me poliestrin, materialin e përdorur në shumë doreza. Kështu që, kur mbaroni një pjesë të ushtrimeve, kur ulni peshën dhe pastroni sytë, hundën apo buzët gjatë pushimit, ju mund të infektoheni. Këshilla e rastit: mos përdorni dorashkat. Jo vetëm që do të shmangni bakteret, por do t’i ndieni edhe më mirë peshat e ushtrimeve kur qëndroni pa to. Mos harroni të jeni shumë të kujdesshëm që të mos prekni fytyrën me duar në fund të stërvitjes, pasi fillimisht ju duhet ta fshini me një peshqir të pastër.

http://gazeta-shqip.com/lajme/2014/0...-rritet-shume/

[Xhuxhumaku]

Nga fëmijët te të moshuarit, si të mbrohemi nga gripi. Këshilla nga specialistët


Gripi stinor transmetohet direkt nga një person i sëmurë tek tjetri, nëpërmjet kollitjes, teshtimave ose indirekt nga dhënia e dorës një personi të infektuar apo prekja e objekteve të ndotura me virusin e gripit stinor dhe më pas ata prekin sytë,gojën apo hundën



gripi0Gripi është një infeksion akut viral respirator (sëmundje) i shkaktuar nga viruset e gripit stinor. Çdo grip stinor përhapet nga viruse të ndryshme të tij dhe prek njerëz të ndryshëm në bazë të aftësisë së trupit të tyre për të luftuar infeksionin. Ekzistojnë disa tipa virusesh që shkaktojnë gripin si tipi A, B e C. Tipat e viruseve A dhe B janë shkaktarët më të shpeshtë të gripit. Specialistët e Ministrisë së Shëndetësisë japin një sërë këshillash, duke filluar që nga mënyra se si duhet të ruhemi deri te vaksinimi.

Si përhapet gripi?

Gripi stinor është një infeksion akut viral shumë ngjitës. Gripi stinor transmetohet direkt nga një person i sëmurë tek tjetri nëpërmjet kollitjes, teshtimave ose indirekt nga dhënia e dorës një personi të infektuar apo prekja e objekteve të ndotura me virusin e gripit stinor dhe më pas ata prekin sytë,gojën apo hundën. Viruset përhapen në ajër dhe nëpërmjet grimcave të ajrit kalojnë në grykë e hundë, shtohen dhe mbas 1-4 ditë japin shenjat e gripit stinor.

Për sa kohë një person i sëmurë e përhap gripin tek të tjerët?

Personi i infektuar me virusin e gripit mund të jetë infektues për të tjerët, 1 ditë para se të sëmuret dhe 5 ditë pas shenjave të gripit, por veçanërisht te fëmijët apo personat me imunitet të ulur, periudha infektuese mund të jetë pak më e gjatë.

Kush rrezikon prekjen nga gripi stinor?

Çdo njeri mund të preket nga virusi i gripit stinor dhe ta përhapë atë tek të tjerët, por disa njerëz janë në rrezik më të madh për t’u infektuar me virusin e gripit stinor ose të bëjnë komplikacione nga gripi.



Në rrezik më të madh janë:

Fëmijët e vegjël nën 5 vjeç, sidomos deri në 2 vjeç

Njerëzit 65 vjeç e sipër

Gratë shtatzëna

Njerëzit me sëmundje kronike,si: astma, diabeti, sëmundjet e zemrës, sëmundjet e mushkërive, sëmundjet e veshkave, sëmundjet e mëlçisë, sëmundjet e gjakut, sëmundjet me ulje të sistemit imunitar si HIV/AIDS, kancer etj.; kushte neurologjike, si epilepsia, distrofia muskulare, vonesa të rënda të zhvillimit etj.; njerëzit obezë; të rinj nën 19 vjeç që kanë përdorur gjatë aspirinën.



Çfarë mund të bëni për të mbrojtur veten nga virusi i gripit stinor?

Ju rekomandojmë tre hapa për të luftuar gripin: vaksinimin, veprimet e përditshme parandaluese dhe përdorimin e saktë të barnave antivirale nëse mjeku i rekomandon. Mënyra më e mirë e parandalimit të gripit është vaksinimi me vaksinën antigrip. Vaksinimi mbron vetë personin dhe ndihmon në mos përhapjen e gripit. Vaksinimi duhet të bëhet çdo vit pasi ka shumë lloje virusesh dhe çdo vit dalin vaksina të reja që mbrojnë nga nëntipa të rinj të virusit. Vaksina përmban dy nëntipa të virusit A dhe virusit B të gripit. Vaksinimi kundër gripit bëhet në muajt tetor-dhjetor. Efekti i vaksinës fillon 1 deri 2 javë mbas marrjes dhe mbrojtja vazhdon rreth një vit.

Injeksioni i vaksinës kryhet në pjesën e sipërme muskulare të krahut. Vaksina kundër virusit të gripit u rekomandohet sidomos: Fëmijëve mbi 6 muaj, personave mbi 50 vjeç, personave të grupit që kanë rrezik më të madh për të marrë virusin e gripit, personelit shëndetësor, grave shtatzëna.

Personave që jetojnë në kolektiv apo spitale kronike Personat kujdestarë për të tjerë si edukatoret e çerdheve, kopshteve, kujdestarët e moshave të treta etj.

Vaksina kundër virusit të gripit NUK u rekomandohet: Personave që kanë alergji nga veza

Gjendje akute me temperaturë

Sindroma Guillain–Barre

Personat që kanë pasur reaksion të mëparshëm

Fëmijët nën 6 muaj

A jep vaksina efekte të padëshirueshme?

Vaksina nuk jep efekte të padëshirueshme. Edhe nëse takohen janë me efekte lokale në vendin e injeksionit të cilat zgjasin 1-2 ditë si skuqje apo dhimbje.

http://www.standard.al/nga-femijet-t...-specialistet/

[Xhuxhumaku]

Veprimet e përditshme që ndihmojnë në parandalimin e përhapjes së virusit të gripit stinor

Mbuloni hundën dhe gojën kur kolliteni ose teshtini me shami. Lani duart shpesh me sapun dhe ujë ose përdorni solucione duarsh me alkool Shmangni prekjen e syve, hundës dhe gojës. Përpiquni të shmangni kontaktet e ngushta me njerëzit e sëmurë. Ushqehuni shëndetshëm Bëni aktivitet fizik Bëni gjumë të mjaftueshëm. Pastroni dhe dezinfektoni mjediset ku banoni Konsultohuni me mjekun për mjekimin me ilaçe kundër gripit. Ilaçet kundër gripit nuk kanë efekt parandalues,por mjekues. Ato përdoren vetëm nëse jeni të sëmurë me grip dhe duhen të merren brenda 48 orëve nga fillimi i sëmundjes. Kujdes antiviralët jepen vetëm me rekomandimin e mjekut !!! Nëse jeni të sëmurë me grip apo keni të sëmurë në shtëpi duhet të mbani parasysh: Qëndroni në shtëpi. Qëndroni veç nga të tjerët. Pushoni dhe përdorni lëngje me shumicë. Mbuloni gojën dhe hundën me shami kur kolliteni apo teshtini. Lani duart mirë me ujë e sapun mbas çdo kollitje apo teshtime. Informoni familjarët dhe miqtë tuaj për sëmundjen tuaj. Evitoni kontaktet me njerëzit. Pastroni dhe dezinfektoni mjediset e banesës

Shenjat e zakonshme të gripit stinor janë:

Temperaturë e lartë

Kollë

Dhimbje fyti

Shenja të mundshme, sidomos për fëmijët:

Lodhje

Dhimbje koke

Të përziera

Diarre

Të vjella

Dhimbje barku

Rrjedhje të hundëve

Dhimbje muskujsh

Shenjat paralajmëruese për emergjencë.

Duhet të dini se sëmundja zakonisht zgjat rreth një javë, POR drejtohuni menjëherë tek mjeku nëse:

Fëmijët shfaqin:

Frymëmarrje të shpejtë ose probleme me frymëmarrjen

Ndryshim të ngjyrës së lëkurës

Nuk konsumon lëngje të mjaftueshme

Nuk ka gjallëri ose nuk bashkëvepron

Bëhet nervoz sa që fëmija nuk dëshiron të mbahet

Rikthim të shenjave të gripit, por me ethe dhe kollë të keqe

Ethe me një skuqje të lëkurës

Forcim i qafës

Të rriturit shfaqin:

Vështirësi në frymëmarrje apo gulçim

Dhimbje apo presion në gjoks apo bark

Marramendje papritur

Konfuzion mendor

Të vjella të menjëhershme ose të vazhdueshme

http://www.standard.al/nga-femijet-t...-specialistet/

[Xhuxhumaku]

ISHP: 58 të prekur me grip derri, 16500 nga virusi i gripit

ISHP: 58 të prekur me grip derri, 16500 nga virusi i gripitTIRANË- Instituti i Shëndetit Publik ka publikuar sot të dhëna të reja në lidhje me situatën e gripit në vend.

Sipas ISHP-së, numri i rasteve të identifikuara laboratorikisht me infeksion nga virusi pandemik AH1 është 58 në të gjithë vendin, AH3 48, ndërkohë që nga 640 mostra të dyshuara për grip, vetëm në 106 prej tyre është izoluar virus i gripit. Duke filluar nga muaji Tetor 2013 e deri më sot janë raportuar 151 raste me sindromë të rëndë respiratore, prej të cilëve, vetëm 16 (8 H1 dhe 8 H3N2) rezultojnë pozitivë për virusin e gripit.


“Bazuar në të dhënat e sistemit të survejancës epidemiologjike ALERT (*Albanian Epidemiologic Report Tool*) dhe virologjike SENTINEL në lidhje me situatën gripale në vend, deklarojmë se në Shqipëri ekziston një gjendje me intensitet mesatar të qarkullimit të virusit të gripit, me prirje rritëse deri në këtë fund Shkurti.

Sipas të dhënave të survejancës të sistemit ALERT rezulton se numri i përgjithshëm i infeksioneve të sipërme dhe të poshtme respiratore, *pavarësisht nga shkaku*, është rreth 16500, ose rreth 5% më shumë raste se e njëjta periudhë e vitit të kaluar”, deklaroi Kujtim Topuzi, Specialist për Marrëdhëniet me Publikun në Institutin e Shëndetit Publik.
(m.a/BalkanWeb)

http://www.balkanweb.com/kryesore/1/...it-176062.html

[loneeagle]

Eshte virus i rrezikshem edhe duhet marre seriozisht, problemi eshte se ndonjehere eshte veshtire te dallosh midis h1n1 edhe gripit sezonal prandaj eshte mire qe femijet, te moshuarit, grate shtatzane ose individet qe vuajne nga azma etc. duhet patjeter te konsultohen me mjekun edhe te mos e anashkalojne sepse pasojat jane vdekjeprurese.