Levizja "Ik Hashim": Kërcënime për "pranverë kosovare"

[Lexuesi_]

Qe po ika Hashimi se gjithmone kerkujt sja ka dhane .
Po cka pasi te ik Hashimi ?

[Llapi]

Koalicioni PDK-LDK, propagandë e instrumentalizuar, nga komplotist brenda LDK-së. Futja me çdo mënyrë dhe me çdo kush në pushtet nuk i sjell te mira Kosovës. Edhe kjo propagand është njëri prej kopmloteve që janë duke ju bërë shtetit të Kosovës. Kosovës iu duhën kualicione të natyrshme dhe pro shqiptare. LDK si është katandisur por edhe njerëzit që janë duke rrethuar, janë duke i bërë dëmë më së shumti Kosovës dhe për këtë arsye edhe janë në opozit, sepse populli ju a ka treguar vendin edhe në zgjedhjet e fundit.
Njëri prej aktiviteve të strukturave parapolitike të LDK-së dhe satëlitëve të saj (Koha grup, Riinvest,AKR, Bota Sot etj.), të orkestruar nga ish UDB-ashta me name të Kosovës, që po bëhet këto ditë është proklamimi i një koalicioni me PDK-n. Rruga në opozitë edhe atë për një kohë deri sa te pastroheni nga jugosllavizmi. Bashkë me ju edhe sejment rreth e rrotull jush...
Kosova e ka krijuar rrugen e vete, as mos tentoni ta ndaloni...

[Llapi]

Llap mos na kelb temen me mbeturia UDB-ashe

Llapi nuk e ka hap ket tem qe lidhja e fort e UDB-es tash BIA qe po vepron ende per fat te keq ne
Kosove e qe
po perpiqen me mish e me shpiert me i largue Çlirimtaret e Kosoves nga pushteti dhe me i siell ne pushtet njerzit e vet

por u kam pierdh ne plane atyre qysh me 1999-ten
tani Populli vendos e jo UDB-eja e BIA kot e kan

[Llapi]

Krijimi i një konfuziteti të tillë ka qenë dhe do të jetë strategjia e UDB-së, në atë mënyrë që kur Serbia të bëjë hapjen e dosjeve (që është kusht i BE-së), t’u japë forcë bashkëpunëtorëve të vet në Kosovë, që ata të kenë mekanizmat e tyre mbrojtës. Pas hapjeve të dosjeve, do të krijohet një konfuzitet edhe më i madh, e madje mund të ndodhë që të ketë edhe pasoja dramatike për ndonjë familje.
Pas daljes në skenë të Fadil Kajtazit dhe Mehmet Locit, në tërë shtypin dhe në rrjetet sociale shqiptare kanë vërshuar artikuj, deklarata, opinione dhe analiza të ndryshme. Të gjitha këto shkrime mund të ndahen në dy kategori: 1) spiunët sulmojnë dhe afishohen si patriotë, 2) patriotët mbrohen dhe i akuzojnë spiunët. Në tërë opinionin shqiptar është krijuar një rrëmujë mendimesh, në atë mënyrë që më askush të mos jetë në gjendje të formojë opinion objektiv mbi aktivitetet e një personaliteti.
Një strategji e punuar në Beograd
Krijimi i një konfuziteti të tillë ka qenë dhe do të jetë strategjia e UDB-së, në atë mënyrë që kur Serbia të bëjë hapjen e dosjeve (që është kusht i BE-së) , t’u japë forcë bashkëpunëtorëve të vet në Kosovë, që ata të kenë mekanizmat e tyre mbrojtëse. Pas hapjeve të dosjeve do të krijohet një konfuzitet edhe më i madh, e madje mund të ndodhë që të ketë edhe pasoja dramatike për ndonjë familje. Ka shumë familje të cilave u kanë vdekur bijtë e bijat e tyre gjatë torturave burgjeve jugosllave, për shkak të ndonjë dëshmie të rrejshme të fqinjit, shokut, mikut...Shumë të tjerë kanë vuajtur dënime me vite të tëra burgim të rëndë, e me qindra e mijëra të tjerë ua kanë humbur të drejtën e punësimit dhe shkollimit. Të gjitha këto sakrifica, morale dhe njerëzore, janë bërë më urdhër të Beogradit, por përmes zyrtarëve, si Fadil Kajtazi, Mehmet Loci, Selim Brosha, e dhjetëra të tjerë. Me urdhra të këtyre emrave të lartpërmendur janë torturuar djemtë dhe bijat tona vetëm pse kërkuan Kosova Republikë. Ky është një fakt i pakontestueshëm, që nuk mund ta anashkalojë as Mehmet Loci, i cili e di shumë mirë, sepse aso kohe ishte kryeinspektor i katër komunave: Pejë, Gjakovë, Klinë dhe Deçan, e me urdhër të të cilit u torturuan të rinjtë shqiptarë të këtyre anëve.
Si është e mundur që sot gjakpirësit e popullit tonë, të cilët ia zgjatën jetën sundimit serb në Kosovë, të kenë sy e faqe të dalin në televizion dhe të shkaktojnë huti dhe konfuzitet në popull?! Kur Fadil Kajtazi apo Mehmet Loci paskan qenë të njohur se filan fisteku punon si deputet apo ministër në qeverinë e Kosovës, si nuk dolën publikisht të informonin opinion tonë që ata të mos i votonim?! Pasi atëherë nuk i paskan dhënë emrat e tyre, pse atë ditë në televizion nuk i bënë publikë emrat e deputetëve dhe personaliteteve publike të cilët punojnë për Serbinë?! Mendoj se përgjigja do të jetë se këta, duke mos i dhënë emrat, u bëjnë shantazh shokëve të tyre spiunë që punojnë në Qeveri dhe Parlament, që edhe këtyre t’ua gjejnë nga një post kyç.
Fadil Kajtazi e quan vetën pionier të Shërbimit Sekret të Kosovës, por gjatë tërë asaj deklarate në televizion dhe gazetë, shikuesi dhe lexuesi i logjikshëm mundet të krijojë një profil të tij shumë të thjeshtë, që do të jetë kështu: Fadil Kajtazi, zyrtar në Shërbimin Sekret të Serbisë, me mision special për kundërzbulim të qëllimeve të personaliteteve të Kosovës. Një njohës i dobët i Shërbimit Sekret të Shqipërisë, me njohuri të mjaftueshme për ruajtjen e integritetit të shqiptarëve me Serbinë. I betuar që deri në vdekje t’i shërbejë çështjes kombëtare serbe dhe në momente të caktuara të krijojë dezinformata kundër personaliteteve shqiptare në Kosovë dhe Shqipëri. Çuditërisht, në deklaratën e tij Fadil Kajtazin e pengon më shumë rinia kosovare që ishte proenveriste sesa ata që ishin titistë. Madje nuk heziton të krijojë huti kundër Adem Demaçit, kur thotë: “Në këtë paketë parashikohej edhe zgjidhja e çështjes së Kosovës, duke u ofruar një “autonomi të zgjeruar në kuadër të Serbisë”, të cilën Drashkoviqi e kishte pranuar. Nga faktori politik në Kosovë kërkohej që t’u bashkëngjitej protestave që organizonte e djathta e bashkuar serbe, e udhëhequr nga lideri i SPO-së, Drashkoviq, në mënyrë që t’i ndihmohej ta rrëzonte Milosheviqin nga pushteti. Rugova këtë nuk e kishte pranuar. Ishte kategorik dhe insistonte në vullnetin e shprehur në referendumin e vitit 1991, ndërkohë që Demaçi, Qosja me një grup të kryesisë së LDK-së, që me vonë e formuan LBD-në, si dhe kryeministri Bukoshi e kishin pranuar ofertën evropiane.... Dhe, nëse në ato kushte e kanë shkelur, këtë do ta bëjnë çdo herë kur t’u jepet rasti”. Në fakt, vetë Ibrahim Rugova i shkruan letër të hapur Parlamentit Evropian dhe institucioneve të tjera botërore, ku kërkon që Vuk Drashkoviqi të lirohet nga burgu, e jo Adem Demaçi. Fadil Kajtazi, si ekspert i spiunazhit shqiptaro-serb, di të manipulojë në dëm të aktivistëve të LPK-së dhe PDK-së, duke shtuar: “Di që agjentura serbe ka influencuar në LPK, e pastaj në PDK, dhe ka krijuar një klimë të tillë”. Çuditërisht, ky njeri para opinionit tonë të gjitha partitë e tjera, bashkangjitur edhe LDK-në, i bën të pastra si loti, thuajse Serbia në këto parti të tjera nuk e paska asnjë spiunë të infiltruar. Si është e mundur një gjë e tillë, kur vetë Fadil Kajtazi, si kryespiuni ndër kryesorët, që është vetë anëtar i LDK-së, e akuzon PDK-në dhe LPK-në e jo partinë në të cilën aderon?!
Sinkronizimi i bashkëpunëtorëve të Serbisë
Pas mjegullës së ngritur nga vetë ish-spiunët, është gjë normale që opinionistët, analistët dhe njerëzit e tjerë japin mendimet e tyre. Si mund të qëndrojmë të heshtur kur vetë bashkëpunëtorët e UDB-së po e nxisin debatin?! Sipas deklaratave të tyre, po rezulton se të gjithë ne të tjerët që kemi qenë aktivë për daljen e Kosovës nga robëria shekullore kemi qenë spiunë, ndërsa spiunët paskan qenë patriotë, sepse, sipas tyre, ata e kanë ditur kohën dhe momentin kur duhet të dalin ne demonstrata masive, kur është dashur të burgoseshim, kur është dashur të sakrifikohemi, kur është dashur të luftojmë, kur është dashur të vritemi... Të gjithë ish-bashkëpunëtorët e kanë të njëjtin diskurs. Të gjithë i kanë sinkronizuar fjalët dhe propagandën që kryesisht është antishqiptare. Unë habitëm se si kanë arritur t’i sinkronizojnë mendimet e tyre kur njëri shkruan nga Maqedonia, tjetri nga Kosova, e ndonjë tjetër nga vendet e largëta të diasporës dhe të gjithë janë në një vijë propaganduese - ata janë patriotë e shpifin kundër të gjithëve që kanë vepruar për çlirimin e Kosovës.
Cili shqiptar po na mbetet patriot?

Pak vite nga paslufta filluan thashethemet kundër veprimtarëve të devotshëm shqiptarë. Fillimisht njolloseshin disa figura më pak të rëndësishme e më vonë këto thashetheme nisën t’i “konkretizonin” disa gazetarë të të përditshmeve tona. Këto tri vite të fundit u bë modë se cili më shumë po mund të gjejë “fakte” kundër personaliteteve të shquara shqiptare dhe filluan të shkruanin në gazeta se Skënderbeu duhet të hiqet nga historia kombëtare, sepse, sipas tyre, ai paska luftuar për Vatikanin e jo për pavarësinë e Shqipërisë. Menjëherë pas Skënderbeut, filluan ta njollosnin figurën e Nënë Terezës, e duke mos lënë asnjë personalitet të gjallë e të vdekur pa e qitur në kampin e tradhtisë kombëtare, duke filluar nga Hashim Thaçi, Ramush Haradinaj e deri të komandantët më të panjohur të UÇK-së, të veprimtarëve të ndryshëm e të burgosurit politikë. Aktualisht, asnjë shqiptar në Kosovë nuk mund të mburret për veprimtari patriotike, sepse spiunët kanë përhapur dezinformata të tilla që sot askush më nuk ka besim në askënd. Çuditërisht, ish-spiunët që punuan legalisht dhe ata ilegalisht, të infiltruar në grupe dhe organizata të ndryshme shqiptare, gjejnë hapësirë në televizionet dhe shtypin tonë më prestigjioz. Është për t’u habitur se si moderatori televiziv apo gazetari këtyre ish-zëdhënësve legalë të Serbisë nuk ua gjen një bashkëbisedues që ka mundësi t’i kundërshtojë. Asnjë debat televiziv nuk mund të jetë profesional nëse moderatori nuk i fton dy palët. Të ftohet vetëm njëra palë është antiprofesionalizëm dhe haptas shihet se pala e ftuar po favorizohet. Sikur në “Rubikon” të ishte ftuar, për shembull, Ibrahim Kelmendi, Reshat Sahitaj apo ndonjë tjetër që pikërisht kanë qenë viktimë e shantazheve dhe presioneve të UDB-së, debati në atë emision do të kishte marrë kahe tjetër. Mendoj se moderatorët e emisioneve para se të ftojnë mysafirët, duhet të hulumtojnë veprimtarinë e atyre që ftojnë dhe të përçojnë mesazhe pozitive e jo zhgënjyese. Të gjithë shqiptarët nuk kanë punuar për UDB-në.
Cila është detyra e AKI-së?

Çdo shkrim i botuar dhe çdo deklaratë televizive duhet të analizohet nga zyrtarët e AKI-së. Duhet të kërkohen arsyet dhe qëllimet e atyre shkrimeve dhe deklaratave, se a janë në favor të shtetformimit të Kosovës, apo në disfavor. Po qe se bazohemi në deklaratën e zyrës së OVL-së së UÇK-së, menjëherë pas paraqitjes publike të Fadil Kajtazit në “Rubikon”, duket se kryesia e kësaj organizate i vlerëson dy ish-spiunët se paskan pasur guximin të flasin hapur dhe prej tyre kërkon t’i zbulojnë emrat tjerë. OVL e UÇK-së ka bërë një gabim të rëndë, duke i falënderuar këta ish-spiunë. Këta nuk deklaruan asgjë të re për opinionin tonë, sepse është ditur se këta kanë punuar për UDB-në, është ditur që nga deklarata e Bernard Kushnerit, kur deklaroi se në Kosovë ka dhjetëra mijëra spiunë që paguhen nga Serbia, e prej tyre janë në poste kyçe. Andaj, pse të falënderohen udbashët e të mos falënderohet Bernard Kushneri?! Të tillët duhet të ftohen në zyrat e AKI-së e të kërkohet prej tyre t’i zbulojnë ata që i kanë rekrutuar këta vetë. Të kërkohen prej tyre emrat e atyre që kanë raportuar kundër aktivistëve dhe i kanë burgosur. Të kërkohet prej tyre që të zbulojnë rrjetin e spiunëve ende aktivë në Kosovë, dhe të cilët i shkaktojnë dëme Kosovës. Të kërkohen prej tyre emrat e disa gazetarëve, shkrimtarëve, analistëve, këshilltarëve të ministrave, deputetëve, të cilët ende janë aktivë. A janë të vërteta fjalët e Mehmet Locit dhe Fadil Kajtazit se ka ministra dhe deputetë që ende janë aktivë, apo këta kanë shpifur kundër tyre për të krijuar konfuzitet?!
Mendoj se detyra primare e AKI-së është t’i analizojë librat e ish-spiunëve që botohen, t’i analizojë çdo analizë dhe opinion që botohet në gazetë dhe të marrin masa konkrete që askush të mos shkruajë sipas dëshirës kundër atyre që kontribuuan për çlirimin e Kosovës.
Parlamenti i Kosovës duhet të dalë me një ligj ku mbrohen figurat kombëtare të verifikuara, ndërsa ato ende të paverifikuara të verifikohen. Opinioni në Kosovë është i vetëdijshëm se ne e kemi shpallur dëshmor ndonjë që asgjë nuk ka kontribuar për Kosovën. Kemi emëruar shkolla me emra dëshmorësh që disa vite më vonë pas hapjeve të dosjeve kanë për të na dalë spiunë që i kanë shërbyer Serbisë. Sido që të jetë, Kosova herët a vonë duhet të bëjë verifikimin e dëshmorëve dhe mbrojtjen e tyre nga analistët dhe shkrimtarët e paguar nga shërbimet e huaja.[/LEFT]

[Brari]

levizja ik hashim nga se nuk di kush jan organizatoret me duket e pa vend..

hashimi eshte kryeminister i dale me votim..

ne se populli do nje tjeter le te dal ne votim..

mirpo populli ne kosove gjysma nuk del fare ne votim..

gjysma qe del i jep vote ca hashimit ca ramushit ca albinit e ca is mutafes..

kur behen hesapet del fitus hashimi..

pra hashimi eshte kryminister..

pik mbaroj kjo pun..

i mir i keq ai popull qe voton ate don..
prandaj le te presin votimet e tjera e te votojn cilin dojn..

me revolucion nuk eshte mire..

u provua ne 97-ten dhe dihen pasojat..

at koh partia e hashimit quhej lpk.

kjo lpk u be nxitse e 97-tes ne shqiperi me ne krye ideologun e lpk-se shokun rexho qos..

mirpo patriotet nuk bejne lojra me atdheun..

kosova ska nevoj per 97-te..

prandaj u bej thirrje miletit te mos dalin ne protestat Hashim Ik por te presin diten e votimit e te votojne..

ne kosov nuk eshte problemi kryesor hashimi..

problemi kryesor eshte se aty krejt jan flliqana si populli si politikanat...

kjo eshte tragjedia..

,.

[Llapi]

levizja ik hashim nga se nuk di kush jan organizatoret me duket e pa vend..


,.

o brari keto i organizon ishe UDB-eja e tash quhet BIA e serbis
nepermes bashkpuntoreve te tyre shqipfolsa
kjo eshte e vertet.

[Le dévoué]

Për mëmëdhenë duhet me qenë gjithnjë shërbëtor.

He sa sanën e kan mbledhe bashk kta dy bujqit ! E tash, aksidentalisht u futen ne krye te Kosoves ! E si mos t'qohet populli e me t'ua kersit flakaresh saqe me trup e me mish, me ti que n'RRot t'somes ?!

[Antiproanti]

Shembull tjeter tipik i keqperdorimit te paskrupullt ne pushtetin e Thacit...

Feston Shën Valentinin me para të shtetit



Paratë e buxhetit të ministrisë ku ajo punon ia kanë mundësuar ushtrueses së detyrës së Sekretares së Përgjithshme në Ministrisë së Punëve të Jashtme, Mirjeta Behluli që festën e të dashuruarve 14 shkurtin ta kaloj në Paris.

Mirëpo këtë udhëtim ajo e ka arsyetuar se po shkon në vizitë zyrtare, duke marrë kështu edhe burrin me vete, raporton KTV-ja.


Sipas KTV-së të njëjtën e ka bërë edhe zyrtarja tjetër, Senada Dushi, pavarësisht se mbulon rajonin ajo ka qëndruar në Paris, po ashtu me bashkëshortin e saj.

KTV-ja ka mësuar nga burime brenda ministrisë se kjo nuk është hera e parë kur një gjë e tillë është bërë me para të buxhetit të Kosovës nga u.d. e sekretares së ministrisë.

E njëjta kishte ndodhur edhe vitin e kaluar, kur nga 11-15 tetor kishte qëndruar në Stamboll, me burrin e fëmijët.
Atje e kishte vizituar rreth 30 minuta Ambasadën e Kosovës.

MPJ ka mohuar këto, duke thënë se e gjitha është bërë zyrtarisht, pavarësisht se vizitat janë bërë gjatë fundjavës. ()

“Arsyeja e udhëtimit ka qenë për të rregulluar paqartësitë financiare rreth buxhet, financave dhe çështjeve të tjera administrative në këto misione, meqë po ashtu është kryetare e një komisioni të MPJ-së që merret me këto çështje. Sekretarja së bashkë me stafin e Ambasadës sonë në Paris kanë punuar tërë vikendin, derisa të hënën ka marrë pjesë në pritjen që Ambasada ka organizuar për nder të pavarësisë së Kosovës”, ka thënë zyrtari për informim në MPJ, Artan Behrami.

Ndërkohë sipas tij në Stamboll ka shkuar privatisht.

“Në Stamboll ajo ka shkuar në vizitë private, me shpenzime vetjake. Edhe për këtë mund t’ju ofrojmë dëshmi”.

Kur KTV-ja ka kërkuar dëshmi për këtë, për datat 11-15 tetor, kjo ka qenë përgjigjja e Zyrës për Media.

“Ajo që kam shkruar për Stamboll ka qenë një datë tjetër. Derisa kjo që e ceke ti, Sekretarja ka qenë disa herë për vendosjen e regjimit të vizave në Stamboll, si qendra më e madhe që lëshon vizat e Kosovës”, ka thënë Behrami. ()
http://www.zeri.info/artikulli/27622...ara-te-shtetit

[Antiproanti]

Ekskluzive: Zyrtarja e MPJ-së bën qejf me para të shtetit [video]






Ushtruesja e detyrës së Sekretares në Ministrinë e Punëve të Jashtme, Mirjeta Behluli, ka shfrytëzuar të paktën dy herë udhëtimet e saj zyrtare edhe për qejfe personale, raporton KTV.

Së fundmi ajo ka qëndruar në Paris bashkë me burrin, Vehbi Behluli, për festën e të dashuruarve. MPJ ka thënë se atje ka shkuar për organizimin që ka bërë ambasada për pavarësi, megjithëse festa ishte më 17 shkurt, duke thënë se të shtunën e të dielën ajo ka punuar në ambasadën e Kosovës në Francë.

Ka më shumë se 6 muaj që Mirjeta Behluli është duke ushtruar detyrën e Sekretares së Përgjithshme të Ministrisë së Punëve të Jashtme. Kjo është shkelja e parë që është bërë se fundmi këtu, meqenëse neni 30, pika 4 e ligjit për shërbimin civil thotë se ushtruesi i detyrës nuk mund të emërohet më gjatë se tre muaj.

Megjithëkëtë, KTV-ja ka mësuar nga burime brenda MPJ-së se sekretarja Behluli, megjithëse ushtron postin, ka autoritet të madh brenda ministrisë, përfshirë raportin e mirë të saj me ministrin Enver Hoxhaj.

Zyrtarë brenda MPJ-së, duke dashur të mbesin anonim, kanë treguar për shkeljet e vazhdueshme që janë bërë nga sekretarja Mirjeta Behluli.

Ajo ka të punësuar edhe motrën në MPJ, Dafina Kukalaj – Osmani.

Behluli ka qëndruar në Paris për festën e Shën Valentinit, me arsyetimin se atje po shkon në vizitë zyrtare, por ka marrë edhe burrin me vete. Të njëjtën e ka bërë edhe zyrtarja tjetër, Senada Dushi, pavarësisht se mbulon rajonin ajo ka qëndruar në Paris, po ashtu me bashkëshortin e saj.

KTV-ja ka mësuar nga burime brenda ministrisë se kjo nuk është hera e parë kur një gjë e tillë është bërë me para të buxhetit të Kosovës nga u.d. e sekretares së ministrisë.

E njëjta kishte ndodhur edhe vitin e kaluar, kur nga 11-15 tetor kishte qëndruar në Stamboll, me burrin e fëmijët.

Atje e kishte vizituar rreth 30 minuta Ambasadën e Kosovës.

MPJ ka mohuar këto, duke thënë se e gjitha është bërë zyrtarisht, pavarësisht se vizitat janë bërë gjatë fundjavës.

“Tashmë është praktikë që sekretarja të udhëtojë vikendeve, ngaqë Ministria dhe Ambasadat gjatë javës janë shumë të ngarkuara dhe në këtë mënyrë ruhet dinamika e punës brenda institucioneve”, ka qenë përgjigjja e Zyrës për Media të MPJ-së.

Zyrtari për informim, Artan Behrami, ka thënë në përgjigjen e tij se sekretarja Behluli ka udhëtuar që nga marrja e postit në Bruksel, Berlin dhe Paris.

“Arsyeja e udhëtimit ka qenë për të rregulluar paqartësitë financiare rreth buxhet, financave dhe çështjeve të tjera administrative në këto misione, meqë po ashtu është kryetare e një komisioni të MPJ-së që merret me këto çështje. Sekretarja së bashkë me stafin e Ambasadës sonë në Paris kanë punuar tërë vikendin, derisa të hënën ka marrë pjesë në pritjen që Ambasada ka organizuar për nder të pavarësisë së Kosovës”, ka thënë Behrami.

Ndërkohë ka thënë se në Stamboll ka shkuar privatisht.

“Në Stamboll ajo ka shkuar në vizitë private, me shpenzime vetjake. Edhe për këtë mund t’ju ofrojmë dëshmi”, ka thënë ai.

Kur KTV-ja ka kërkuar dëshmi për këtë, për datat 11-15 tetor, kjo ka qenë përgjigjja e Zyrës për Media.

“Ajo që kam shkruar për Stamboll ka qenë një datë tjetër. Derisa kjo që e ceke ti, Sekretarja ka qenë disa herë për vendosjen e regjimit të vizave në Stamboll, si qendra më e madhe që lëshon vizat e Kosovës”.

Kështu ai ka vërtetuar edhe autoritetin e Behlulit brenda MPJ-së, duke thënë se ajo ka qenë edhe pjesë e grupit të MPJ-së që është marrë me procedurat e vendosjes së vizave.

Në deklarimin e pasurisë, Mirjeta Behluli, ushtruese e detyrës së sekretares së MPJ-së, ka deklaruar 2 mijë e 270 euro para nga mëditjet dhe udhëtimet zyrtare, që i bie gati gjysma e rrogës së saj vjetore prej 5 mijë e 311 euro.

Për krejt këto, Behluli në një mbledhje të rregullt të mbajtur me drejtorët e departamenteve të MPJ-së i ka kërcënuar ata se do t’i hetojë edhe AKI-ja për shkak të informacioneve që po rrjedhin në media.



http://www.koha.net/?id=27&l=1153

[Antiproanti]

Qeveria virtuale e Kosovës!

Fadil Lepaja

Qeveria Thaçi, përkatësisht ministrat, pas largimit nuk do të shkojnë drejt nëpër shtëpitë e veta! As në parti! As në burg! Jo more, çfarti, pse me shku në burg! Kush me i dërgu atje! Përse?

I nis me policët tanë dhe përfundojnë bashkë në ndonjë restorant në Batllavë! Nuk hahet buka në Burgun e Sigurisë së Lartë, në Gërdofc. Mbi 20 gardianë u patën helmu nga ushqimi i prishur! Nuk hanë bukë aty ministrat tanë! Harrojeni! Pastaj, pse me shku veç këta kur krejt po...! Krejt klasa politike! Edhe popullin po e lënë me...! Po e dini!

Do të mbeten bashkë dhe do të funksionojnë si Qeveri, edhe pas rënies! Se, opozita po thotë se kryeministri aktual po shkon. Ku po shkon kryeministri? Kurrkush nuk po e din! Veç me e pyet Ivicën?! Ndoshta di diçka?! Më shpesh po rrinë me Ivicën, sesa me kabinetin e vet! Nga populli i vet tashmë veç Ivica mundet me e shpëtu!


Nejse, fushata pranverore tashmë ka filluar! Nuk e kam fjalën për bujqësinë! As për bagëtinë! E kam për fushatën politike! Kryeministri, në foton e montuar, duket i mbështetur me duar për grilash! Slogani “Hashim ik”, po asocion me thirrjet për ikjen e diktatorëve! Edhe pse këtu më tepër ka kaos, sesa diktaturë! Më tepër ka anarki, sesa rregull burgu!

Kryeministri e kontrollon veç buxhetin, e të tjerat i ka lënë të lira. Duke u sjellë në rreth, njerëzve po u merren mendtë! Të gjithë pak a shumë jetojmë nga buxheti! Nuk është diktaturë, pra! Thjesht e kanë marrë peng, shtetin!

Në rrethana kur populli është konfuz, e mediat janë nën kontroll, me rëndësi është me ndërru temën. Me “sjell e me pështjell”, qysh kish me thanë vet shefi i shefave të shefave!


Në këto rrethana, Che-veria mbahet veç përmes konflikteve!
Kryesisht konflikteve të paqena që konceptohen në kabinete. Nga librat shkollorë të sigurisë: “Krijimi dhe menaxhimi i krizave”!

Për shembull, kur dikush do me bisedu për çështje praktike, kryeministri e thërret filan snajperistin virtual dhe i thotë: dil e shaje filanin! Shpikja një behane të madhe dhe konceptoje ashtu që edhe ai vet me dyshu në vetvete! Sa më e madhe rrena, aq më mirë!

Pastaj filani përgjigjet me të njëjtën monedhë! Pastaj, merret urdhri: shaje edhe më rëndë! Me i prekë njerëzit në dinjitet, me diçka! Mjafton të reagojnë ashpër! Të krijohet energjia e konfliktit!

Për shembull, si e keni kuptu nga mediat, ky popull aktualisht s’ka problem ma emergjent se a me ja lëshu (e)zanin më shumë apo më pak! A me i ra kambanës më shumë apo më pak!

Dy reperët kryesorë të politikës (këngëtarë e gazetarë) kanë fillu me repovatë mbi baza fetare.
Me u sha, me u ofendu sa më shumë në mes veti! Aq sa tjetri mos me mundë me mbet indiferent. Pastaj vijnë rreshtimet! Për dhe kundër! Cili po merr më shumë llajka e më shumë komente në Facebook! Qe konflikti! Se populli shkrryhet në rrjetet sociale, por me ecë, ecë nëpër tokë!


Kurrkujt nuk po i bie ndërmend me kërku bukë! Me kërku shkolla të sigurta dhe me nivel serioz akademik! Kurrkujt nuk i bie ndërmend me kërku spitale dinjitoze. Kurrkujt nuk po i bie ndërmend me kërku vende pune! Të gjithë e kanë problemin veç me i dalë Zotit, Zot! Se Zoti nuk mundet me mbijetu këtë fushatë, pa u impliku edhe përfituesit e ndryshëm parapolitikë! E besojnë një Krijues universal, por veç atë të tyre! Jo të atyre të tjerëve!


Pra, Qeveria nuk do të shkapërderdhet! Do të vazhdojë të funksionojë si Qeveri në Ekzil! Sikur Qeveria Bukoshi dikur! Do të krijojnë edhe fondin e vet! Fandin 10 për qind! Historia do t’i mbajë mend për këtë përqindje... ! Po e dini përse?! E dini pra, qysh nuk e dini sa keni pagu zakonisht!

Duke qenë se vetë janë historianë, ata vet e kanë kriju edhe historinë! Pak para lufte, pak gjatë dhe e shumta pas lufte! Tash historinë po e shkruajmë online! Lufta po zhvillohet nëpër barrikadat e Mark Zuckerbergut! Pra, do të kemi Qeveri në Online!

Pastaj, kur të bëjnë revolucion në Facebook, kur të arrijnë një milion llajka, do të rikthehen.
Do të thonë se tash e kanë legjitimitetin. Do të shpallin të pavlefshëm Kushtetutën dhe sistemin zgjedhor! Do ta shpallin kryeministrin mbret, sikur Zogu dikur pas një marrëveshjeje të fshehtë me Daçiqin, më falni me Pashiqin. Ndërkohë, ata do të funksionojnë online. Do të jetë Qeveria jonë e parë virtuale.

Edhe populli, falë Zotit, më shumë jeton online se sa offline. Me një supë pule e një kyçje të lirë në rrjet, tanë ditën e lume je “on”! Aty na ka pra, krejt shoku mbret! E këndej le të vijë kush të dojë! Kryeministri e ka ba strategjinë që askush mos me ja kalu me llajka! Profili i tij në Facebook është institucion qeveritarë!

http://www.telegrafi.com/?id=26&a=6592