Zemra

[sirena_adria]

Aktiviteti Fizik dhe Zemra – Përse nuk Duhen Kaluar 130 Rrahje në Minutë

Aktiviteti Fizik është një nga rrugët më të mira drejt shëndetit dhe jetgjatësisë.

E përveçse ndihmon trupin të jetë gjithnjë në formë, ju ndihmon edhe me shëndetin mendor.

Mjekët e rekomandojnë sportin dhe aktivitetin në përgjithësi si një nga mënyrat më të mira për largimin e stresit, depresionit dhe ankthit.

E megjithatë si në çdo proces tjetër edhe këtu duhet të tregoni kujde spërsa i përket mënyrave dhe masës ushtrimit të këtyre aktivitete.

Kjo pasi zemra mund të lodhet së tepërmi dhe t’ju shkaktojë ndërlikime në moment, por edhe gjatë përditshmërisë.


Sa duhet të ushtroheni?

Sipas ekspertëve është e rëndësishme të mbani nën kontroll frekuencës kardiake gjatë stërvitjeve.

Një zemrër e shëndetshme është e stërvitur, por jo e sforcuar.

Ndaj para se të kryeni aktivtete që mundojnë trupin tuaj mbani në mendje disa këshilla.

Nuk duhen kaluar 120/130 rrahje në minutë dhe sidomos në periudhën e fillimit kur trupi duhet ende të ambientohet me aktivitetin fizik.

Kjo praktikë sipas mjekëve do ju ndihmojë të mbani nën kontroll rrahjet e zemrës e ta mbani atë të shëndetshme.

E vlefshme si për personat që duan të humbasin në peshë ashtu edhe për ata që thjeshtë preferojnë sportin e lëvizjen.

Pas muajit të parë të ushtrimit të aktivitetit fizik në mënyrë periodike do të vëreni shumë përfitime në organizëm.

Të cilat fillojnë që nga eleminimi i toksinave apo tensioneve të trupit deri tek puna më e mirë e zemrës.


Po me muskujt çfarë ndodh?

Siç edhe përmendëm më lart sforcimi i tepërt e trupit nuk është i këshillueshëm, ndaj merrni kohën e duhur për tu përshtatur.

Pasi ta bëni aktivitetin fizik pjesë të regjimit tuaj të përditshëm kujdesuni të zgjidhni edhe sportin që ju pëlqen më shumë.

Mund të jetë vrapi, futbolli, tenisi, palestra apo të tjera me rëndësi është t’i kryeni në mënyrën e duhur dhe të mos dëmtoni muskujt.

Për ta minimizuar këtë mundësi mos harroni që gjithnjë t’i masazhoni muskujt e këmbëve apo duarve tuaj, bëni tërheqje të vogla të cilat ju çlirojnë tensionin apo dhimbjen e muskujve.

Sipas ekspertëve pak dhimbje pas aktivitetit fizik është normal, por nëse ajo vazhdon për më shumë se tre ditë konsultohuni me një mjek në mënyrë që të merrni diagnozën e duhur për ju.

Me siguri në raste dhimbjesh të vazhdueshme do ju duhet të merrni ndonjë krem apo xhel qetësues me të cilin do të masazhoni pjesën e dëmtuar.


/ AgroWeb.org

https://agroweb.org/ne-forme/trupi-s...hje-ne-minute/

[sirena_adria]

Katër Pijet më të Shëndetshme që Duhet të Pini Çdo Ditë Për Zemrën

Sëmundjet e zemrës janë nga sëmundjet më të përhapura në vendin tonë.
Në Shqipëri, rreth 9000 njerëz vdesin çdo vit për shkak të sëmundjeve që kanë lidhje me zemrën, sipas të dhënave të Institutit të Shëndetit Publik.

Sëmundjet kardiovaskulare janë shkaktare të shumë vdekjeve në botë. Ato përfshijnë edhe difektet e zemrës, aritminë dhe sëmundjen e arterieve koronare.

Shëndeti i zemrës përmirësohet ose përkeqësohet në varësi të ushqimeve, pijeve dhe aktivitetit fizik.


Pijet Më Të Shëndetshme Për Zemrën

Gjithçka që hamë dhe pijmë ka një ndikim të fortë në çdo organ të trupit.

Deri më tani në AgroWeb.org keni mësuar për ushqimet që i bëjnë mirë apo keq zemrës.

Më poshtë do të lexoni për pijet më të rëndësishme për shëndetin e këtij organi.

Uji

Uji është pija ideale me 0 kalori dhe 100 përqind hidratim.

Ju duhet të pini 6-8 gota ujë në ditë.

Atë mund ta pasuroni me pak lëng limoni ose kastravec dhe kësisoj jo vetëm do të hidratoheni por edhe do të merrni vitamina.

Qumështi

Qumështi me pak yndyrë apo ai i sojës është një mënyrë shumë e mirë për të marrë kalçium.

Ekspertët sugjerojnë që të pini një gotë me qumësht në ditë.

Qumështi ndihmon në uljen e nivelit të kolesterolit në gjak.

Çaji

Ekspertët e AgroWeb.org thonë se çajrat, kryesisht ato bimorë, ulin rrezikun e iktusit, sëmundjeve të zemrës dhe disa llojeve të kancerit.

Nëse njeriu konsumon 3 filxhanë çaj në ditë rreziku i atakut në zemër ulet me 11 përqind.

Zgjidhni gjithmonë çajra bimorë dhe jo produkte industriale.

Kafeja

Kafeja është shumë e shëndetshme për zemrën, por këto vlera largohen nëse e pasuroni atë me shumë kremëra e ëmbëlsues artificialë.

Këto të fundit shtojnë shumë kalori në organizëm dhe rrisin kolesterolin.


Katër Shenjat Që Jep Trupi Kur Keni Probleme Me Zemrën

Problemet me zemrën manifestohen me disa simptoma që dallohen lehtë po të jeni të vëmendshëm.

Shtrëngimi në kraharor

Nëse keni dhimbje , bllokim apo shtrëngim jo në anë të kraharorit por në mes të tij atëherë duhet të bëni një vizitë te mjeku i zemrës për të kuptuar më shumë.

Frymëmarrja

Sipas të dhënave të AgroWeb.org, një tjetër shenjë paralajmëruese është mungesa e frymëmarrjes. Nëse zemra nuk furnizohet mjaftueshëm me oksigjen, atëherë do t’ju duket sikur ju mungon ajri.

Rrahje të çrregullta të zemrës

A e keni përjetuar ndonjëherë ndjesinë sikur zemra do t’ju dalë nga kraharori?

Po ndjesinë e zemrës që sikur resht së rrahuri për një sekondë?

Ky çregullim i rrahjeve të zemrës është një shenjë e problemeve me zemën, ndaj vizita te mjeku është e rekomandueshme.

Humbja e Ndjenjave

Humbja e pashpjegueshme e ndjenjave ka të bëjë me probleme të ndryshme, por një nga më kryesorët ka lidhje me zemrën.

Nëse kuptoni që keni këto simptoma, AgroWeb.org ju këshillon të vizitoheni tek një mjek menjëherë.


/ AgroWeb.org

https://agroweb.org/ne-forme/dieta-k...me-duhet-pini/

[sirena_adria]

Doza Ditore e Fibrës që ju Duhet Kundër Sëmundjeve të Zemrës

Fibra është jashtëzakonisht e rëndësishme për shëndetin.

Ushqimet e pasura me fibër ofrojnë mbrojtje kundër sëmundjeve të zemrës, goditjeve në tru, problemeve me tretjen e të tjerë.

Fibra mundet të zvogëlojë rrezikun e shfaqjes së diabetit të tipit dy dhe ndihmon në mbajtjen nën kontroll të peshës.

Fibrën e gjejmë në dy lloje: të tretshme dhe të patretshme. E para ndihmon në uljen e kolesterolit dhe sheqerit në gjak. E dyta përmirëson tretjen dhe parandalon konstipacionin.

Të dhënat ku AgroWeb.org bazohet këshillojnë konsumimin e 25 deri ne 30 gramë fibër në ditë, të përfituar nga ushqimet dhe jo nga suplemente.

Për sa i përket frutave dhe perimeve, sugjerohet që të konsumohet deri në 4-5 lloje të ndryshme në ditë pasi kanë nivele të larta fibre.

Ndërkohë mjekët këshillojnë që të konsumoni të paktën një lloj drithi të plotë, siç janë orizi kaf, tërshëra apo buka integrale, në ditë.


Ushqimet e pasura me fibër

Bizelet

Bizelet janë shumë të mira për shëndetin falë përmbajtjes së madhe të fibrës. Gjysmë gote me bizele përmbajnë 3-4 gramë fibër.

Përveç saj, bizelet përmbajnë proteinë dhe shumë vitamina dhe minerale si fosfori, kalciumi, apo mangani. Për më tepër, bizelet përmbajnë pak yndyrna.

Thjerrëzat

Thjerrëzat janë të pasura me fibër, të tretshme dhe të patretshme.

Ato përmbajnë një sasi domethënëse proteinash dhe përbëjnë një burim të shëndetshëm bimor të saj.

Thjerrëzat përmbajnë folat, magnez, hekur dhe zink. Për më tepër, ato ofrojnë antioksidantë siç janë vitaminat A dhe C.

Fasulet

Fasulet janë të pasura me fibër të tretshme dhe të patretshme. Gjysmë gote me fasule përmban deri në 7 deri në 8 gramë fibër.

Ato janë një burim i shkëlqyer antioksidantësh, vitaminë B6, thiaminë, acid pantotenik dhe niacin.
Këto bishtajorë ofrojnë disa minerale si mangani, hekuri, folati, magnezi, kaliumi dhe fosfori.

Angjinarja

Angjinarja është e pasur me fibër por jo vetëm kaq.

Angjinarja është një nga burimet më kryesore të fibrës, inulina që shërben si probiotik.

Ajo ofron edhe vitaminat A, C, E, B dhe K, kalium, kalcium, magnez, hekur, bakër, dhe fosfor. Për më tepër, angjinarja përmban pak kalori.

Avokado

Avokado është një ushqim kremoz dhe i pasur me fibër që duhet ta konsumoni patjetër.

Avokado përmban yndyrna të shëndetshme, vitaminat B C, E dhe K, por edhe bakër, hekur, fosfor, proteinë dhe folat.

Mjedra

Mjedra është tejet e pasur me fibër, një pjesë e tretshme në formën e pektinës që ul kolesterolin. Një gotë me mjedra ka rreth 8 gramë fibër.

Këto fruta të vogla pylli janë të pasura me vitaminën C, kompleksin e vitaminave B, mangan, bakër, magnez dhe hekur. Ato përmbajnë pak kalori.

Tërshëra

Tërshëra është një burim i shkëlqyer i fibrës, sidomos asaj të tretshme e njohur si beta-glukan që ka një ndikim të jashtëzakonshëm në sheqernat në gjak dhe kolesterol.

Tërshëra është një nga drithërat më të shëndetshme në planet.

Ajo është plot e për plot me proteina dhe ushqyes si hekuri, magnezi, seleniumi, folati dhe acidet yndyrore Omega-3. Tërshëra përmban edhe fitoushqyes dhe antioksidantë.

Bajamet

Bajamet janë një ndër arrorët më të shëndetshëm, të pasur me fibër të tretshme dhe të patretshme.

Ato kanë një profil të pasur ushqyesish. Ato përmbajnë proteinë, vitaminë E, mangan, magnez, bakër, vitaminë B2 dhe fosfor.


/ AgroWeb.org

https://agroweb.org/ne-forme/dieta-k...ndjeve-zemres/

[sirena_adria]

Temperaturat dhe Sëmundjet e Zemrës – Ndiqni Këshillat e Mjekëve

Kur temperatura e ambientit është më e lartë se temperatura e trupit, djersitja është i vetmi mekanizëm efikas ftohës në dispozicion të trupit të njeriut.

Mirëpo kjo përkthehet në humbjen e lëngjeve e për pasojë uljen e presionit të gjakut.

Ky proces nuk përbën as njëlloj problemi për shumicën e individëve për sa kohë që konsumojnë lëngje për t’u mbrojtur nga dehidrimi.

⚠Megjithatë Kujdes!!!

Në rast se keni probleme kardiake, nxehtësia ekstreme mbart një sërë rreziqesh të shtuara që mund të vështirësojnë punën e zemrës dhe qarkullimin e gjakut, prandaj është veçanërisht e rëndësishme të tregoni kujdes të veçantë sidomos në rastet kur vuani apo jeni të prekur nga:

☀��❌Hipertensioni
Pacientët që vuajnë nga hipertensioni shpesh përjetojnë tensione të ulëta pasi prania e temperaturave të larta shkakton zgjerimin e enëve të gjakut si dhe humbjen e lëngjeve(dehidrim).

Për pasojë kjo kategori pacientësh ka nevojë për reduktim të dozës së medikamenteve dhe shtim të sasisë së kripës së konsumuar në dietën ushqimore.

Megjithatë duhet treguar kujdes i veçantë pasi dehidrimi i lartë mund të bëhet shkak për kriza hipertensive.

☀��❌Angina pectoris (dhimbja e kraharorit)
Në stinën e verës, enët e gjakut janë më të relaksuara & më të gjera se zakonisht.

Prandaj, duhet treguar kujdes i veçantë në rastin e pacientë vetë cilët përdorin spraj glyceryl trinitrate për të lehtësuar dhimbjen e kraharorit për arsye se spraji glyceryl trinitrat e zgjeron për një kohë mjaft të shkurtër enët e gjakut, e për pasojë ul në mënyrë të menjëhershme presionin arterial duke shkaktuar debulesë & lodhje.

☀��❌Infarkti imiokardit
Në rastet kur pacienti ka pësuar më parë infarkt të miokardit, zemra nuk arrin të pompojë gjak me të njëjtin intensiet si të një zemre të shëndetshme & kemi të bëjmë me një gjendje e cila quhet insuficiencë kardiake.

Kjo patologji e vendos pacientin përballë rrezikut të akumulimit të fluideve sidomos në mushkëri, situatë kjo e cila nëse ndodh, mund të jetë fatale për jetën e pacientit. Prandaj, në të tilla raste mjekët kardiologë rekomandojnë kufizimin e konsumit të lëngjeve apo edhe marrjen e medikamenteve diuretike. Mirëpo, humbja e lëngjeve sidomos gjatë stinës së verës shkakton dehidrim&humbjen e kripërave mineraleve e për pasojë rëndimin më tej të gjendjes së pacientit.

Për menaxhimin sa më efektiv të kësaj situate, është me mjaft rëndësi të minimizohet ekspozimi ndaj temperaturave të larta po aq sa dhe konsultat periodike me mjekët kardiologë.

☀��❌Goditja nga i nxehti(Stroke)

☀��❌Goditja nga i nxehti(Stroke)

Dehidrimi(Humbja e një sasie të konsiderueshme të lëngjeve të trupit) rrit temperaturën e brendshme të trupit dhe në rast se nuk trajtohet, mund të përbëjë kërcënim për jetën e pacientëve.

Ndër simptomat e goditjes nga i nxehti mund të përmendim debulesë, djersitje, marramendje, humbje ndjenjash, dhimbje muskulore, edemë (ënjtje) të kyçeve, vështirësi në frymëmarrje, nauzea apo të vjella.

Kjo situatë sigurisht që përbën rrezik të shtuar dhe mund të jetë fatale për pacientët me probleme kardiake pasi rëndon më tej gjendjen e tyre.


Këshilla për pacientët kardiakë – Si të mbroheni nga temperaturat e larta?

Në rast se bëni pjesë në kategorinë e pacientëve të grupmoshës mbi 50 vjeç si dhe vuani nga obeziteti & patologji kardiake, nevojitet të merrni një sere masash paraprake për të minimizuar ndikimin e temperaturave të larta në gjendjen tuaj shëndetësore dhe përkatësisht:

– Kryeni kontrolle periodike me mjekët kardiologë pavarësisht faktit nëse jeni të shëndetshëm, por dëshironi të filloni të merreni me aktivitet fizik si dhe veçanërisht në rast se vuani nga patologji kronike apo ankoni nga prania e simptomave karakteristike të sëmundjeve të zemrës.

– Nëse ekspozoheni ndaj temperaturave të larta është e rëndësishme të konsumoni ujë pavarësisht nëse nuk keni etje.

– Disa medikamente të tilla si diuretikët, beta-bllokuesit, frenuesit e ACE si dhe bllokuesit e kanalit të kalçiumit mund të rrisin ndjeshmërinë e organizmit ndaj nxehtësisë, por pavarësisht kësaj është mjaft e rëndësishme të mos ndërprisni marrjen e medikamenteve pa u konsultuar me mjekët specialist si dhe të vijoni të jeni rigorozë në respektimin e orëve të marrjes së tyre.


Këshilla për të gjithë

Specialistët rekomandojnë të shmangni ekspozimin ndaj temperaturave të larta sidomos gjatë orëve të pikut (nga mes dita deri rreth orës 17:00 të pasdites) si dhe të qëndroni të hidratuar pasi rrezikoni të prekeni nga problemet shëndetësore të shkaktuara nga temperaturat e larta.

Në rast se keni vendosur të ushtroni aktivitet fizik mjekët kardiologë rekomandojnë:

-Kryerjen e një kontrolli paraprak për të konfirmuar gjendjen shëndetësore pavarësisht presences ose jo të problemeve shëndetësore.

-Zgjidhni veshje të përshtatshme që trupi të qëndrojë sa më freskët

Rekomandohen përdorimi I veshjeve të lehta & higjienike të tilla sieshje pambuku, me ngjyra të çelëta, si dhe mos harroni të aplikoni kremin kundra diellit, të vendosni kapelë & size te diellit në rast do të ushtroheni në natyrë.

-Qëndroni të hidratuar

-Qëndroni të hidratuar

Rekomandohet të konsumoni ujë para, gjatë dhe pas stërvitjes. Shmangni pijet që përmbajnë kafeinë si dhe pijet alkoolike.

-Bëni interval pushimi gjatë aktivitetit fizik

Gjithmonë zgjidhni vende (lokacione) të freskëta përkryerjen e aktivitetit fizik, kryeni interval pushimi disa minutëshe, pini ujë & mund të filloni përsëri.

* Dr. Jorida Djamandi ( Kardiologe/Spitali Hygeia )


Agroweb.com

https://agroweb.org/shendet/temperat...lat-e-mjekeve/

[sirena_adria]

Plani 7 Ditor që Ndihmon në Përmirësimin e Shëndetit të Zemrës

Sipas Qendrës për Kontrollin dhe Parandalimin e Sëmundjeve (CDC), rreth 40 % e të rriturve nën moshën 40 vjeç kanë obezitet dhe më shumë se gjysma e të rriturve nën 60 vjeç kanë presion të lartë të gjakut.

Por lajmi i mirë është se pavarësisht moshës ka shumë gjëra që mund të bëni për të reduktuar rrezikun e sëmundjeve të zemrës.

Ky plan fillestar 7 ditor me të cilin AgroWeb.org ju njeh më poshtë, mund t’ju ndihmojë të bëni ndryshime pozitive në mënyrën e jetesës dhe shëndetin tuaj.


Dita 1: Ecni shpejt për 22 minuta

Kjo këshillë bazohet në studime shkencore. Sipas të cilave 150 minuta aktivitet fizik në javë, me intensitet të moderuar, mund të ulë rrezikun e sulmit në zemër.

Dhe nëse e pjestoni këtë shifër me shtatë ditët e javës, rrezultati është rreth 22 min aktivitet në ditë.

Nëse kjo është shumë për ju, filloni me 5 ose 10 min, e pastaj shtoni gradualisht kohën e ecjes.

Dita 2: Fikni çdo ekran 1 orë para gjumit

Nuk ka dyshim se gjumi është i rëndësishëm për shëndetin e zemrës, por për fat të keq, rreth gjysma e të rriturve përjetojnë pagjumësi.

Kjo është arsyeja pse ekspertët rekomandojnë fikjen e kompjuterit, telefonit, tabletit, televizorit një orë para gjumit.

Hulumtimet tregojnë se drita blu nga këto ekrane ndikon tek melatonina, një hormon thelbësor për ciklin tuaj gjumë-zgjim, duke ju larguar gjumin.

Dita 3: Konsumoni një mëngjes të shëndetshëm

Mëngjesi duhet të jetë i pasur me fibra të tretshme, të cilat ndihmojnë në uljen e kolesterolit të keq dhe në ruajtjen e niveleve të sheqerit në gjak, duke ju mbajtur të ngopur për më gjatë.

Në këtë rast mund të provoni të konsumoni tërshërë të pasuruar me fruta pylli dhe arrorë.

Dita 4: Konsumoni me tepër ushime me bazë bimore

Sa herë që zëvendësoni një ushqim me bazë mishi me një ushqim me bazë bimore, ju ndihmoni zemrën tuaj.

Jo vetëm kaq, por do të humbisni peshë dhe kolesteroli i keq do të fillojë të reduktohet.

Dita 5: Provoni të meditoni

Shumë kërkime sugjerojnë se meditimi ndihmon në uljen e rrezikut të sëmundjeve të zemrës.

Meditimin mund ta praktikoni kudo dhe kurdo që gjendeni në një situatë stresuese, e tillë mund të jetë kur jeni bllokuar në trafik.

Mbyllni sytë për një ose dy minuta, merrni frymë ngadalë me bark ( mund të vendosni dorën mbi bark për ta kuptuar më mirë) dhe nxirreni po me avash.

Dita 6: Takoni një mik për kafe

Studime të shumta kanë treguar rëndësinë e ndërveprimit social kur bëhet fjalë për reduktimin e rrezikut të sëmundjeve të zemrës.

Kjo ndihmon duke ulur stresin dhe duke ju bërë të ndiheni më pak të vetmuar, një faktor rreziku ky për sëmundjet e zemrës.

Dita 7: Bëni një takim me dentistin

Një teori thotë se bakteret që shkaktojnë sëmundjen e mishrave të dhëmbëve udhëtojnë në enët e gjakut në të gjithë trupin, duke shkaktuar inflamacion dhe dëmtim të enëve të tyre.

Lini takim me dentistin tuaj të paktën një ose dy herë në vit dhe sigurisht të pastroni dhënbët tuaj.


/AgroWeb.org

https://agroweb.org/ne-forme/dieta-k...tit-te-zemres/

[sirena_adria]

Këto dieta janë më të mirat për shëndetin e zemrës

Sëmundjet e zemrës janë vrasësi kryesor i burrave dhe grave në mbarë botën, sipas Organizatës Botërore të Shëndetësisë, por ka mënyra për të reduktuar ndjeshëm rrezikun.

Së bashku me ushtrimet e rregullta dhe mos pirjen e duhanit, një dietë e shëndetshme është e rëndësishme për të mbajtur larg sëmundjet e zemrës. Por cila dietë plotëson më mirë udhëzimet dietike të Shoqatës Amerikane të Zemrës(AHA)?

Fituese? Dieta DASH, e cila ishte 100% e përafruar me objektivat e AHA për ushqim të shëndetshëm për zemrën. Dieta DASH dominohet nga perimet dhe frutat, pa kufizim, bulmeti me pak yndyrë dhe produktet me drithëra të plota, arrat, peshku dhe shpendët. Me kufizime të lejuara mishi i kuq, ëmbëlsirat dhe pijet me sheqer.

Dieta peskatariane, e cila lejon bulmetin, vezët, peshkun dhe ushqimet e tjera të detit, por jo mishin, ishte 92% në përputhje me udhëzimet e AHA.

Dieta lakto-ovo-vegjetariane, e cila lejon bulmetin dhe vezët, si dhe variacionet që përfshijnë njërën ose tjetrën, ishte 86% e përafruar.

Dieta mesdhetare e vlerësuar me çmime ishte 89% në përputhje me rekomandimet dietike të AHA-s. Dieta popullore u rendit e treta kryesisht sepse rekomandon një gotë të vogël verë të kuqe çdo ditë dhe nuk kufizon kripën


Tiranapost.al

https://tiranapost.al/lajme-nga-bota...zemres-i529140

[sirena_adria]

Çfarë Pasojash ka Zemërimi dhe Emocionet Negative tek Zemra

Emocioni i zemërimit është një nga më sfiduesit dhe më drobitësit për shpirtin dhe organizmin.

Zemërimi shpesh është burimi i zgjedhjeve të gabuara, marrëdhënieve të prishura dhe akteve të dhunës.

Por trauma më e madhe që shkakton zemërimi është pikërisht në organizëm.

Zemërimi dobëson trurin, sistemin imunitar, tretjen dhe zemrën.

Çfarë Pasojash Ka Zemërimi Tek Zemra?

Hormonet e stresit siç janë adrenalina dhe kortizoli lëshohen me vrull në gjak gjë që shkakton skuqjen e lëkurës, ndjesinë sikur zemra të del nga kraharori dhe rritjen e tensionit të gjakut.

Këto simptoma i bëjnë njerëzit e prekur nga zemërimi kronik më të predispozuar të vuajnë nga sëmundjet kardiovaskulare.

Rreziku i të përjetuarit një atak në zemër besohet të jetë pesëfish më i lartë në dy orët e para pas një episodi zemërimi.

Nga ana tjetër, rreziku i goditjes nga ishemia është katër herë më i lartë pas çdo episodi zemërimi, thonë ekspertët.

Kjo nuk do të thotë se nëse zemëroheni në këtë moment do të pësoni një atak në zemër apo ishemi.

Megjithatë, rreziku i sëmundjeve koronare si pasojë e zemërimit të shprehur ose jo është tepër i lartë.

Vetërpërmbajta dhe mos shprehja e zemërimit ka gjithashtu një ndikim të fortë tek zemra thonë mjekët.

Një qasje më e shëndetshme ndaj zemërimit është identifikimi i arsyeve dhe ndjenjave përpara se të humbisni kontrollin.

Zemërimi konstruktiv i cili ka të bëjë me shprehjen e ndjenjave në komunikim të drejtpërdrejtë me personin që ka nxitur këtë emocion, është një veprim i shëndetshëm që nuk shkakton probleme me zemrën.


Emocionet e Tjera Negative Dhe Shëndeti i Zemrës

Zemërimi nuk është i vetmi emocion që ka një ndikim kaq të fortë tek shëndeti i zemrës.

Stresi, ankthi, frika dhe depresioni të gjitha lënë nga një gjurmë të painjorueshme në shëndetin e zemrës.

Emocionet e vazhdueshme negative kanë lidhje të fortë me rrezikun e bllokimit të enëve të gjakut dhe sëmundjeve kardiovaskulare.

Këto emocione rrisin ndjeshëm nivelet e kimikateve që shkaktojnë inflamacion në trup


Humori i Mirë, Qetësimi Dhe Meditimi Ulin Rrezikun e Sëmundjeve Të Zemrës

Shkencëtarët thonë se shëndeti i zemrës nuk varet plotësisht tek ushqimi, aktiviteti fizik apo mospirja e duhanit.

Emocionet pozitive, e qeshura, humori, meditimi dhe marrëdhëniet sociale ndikojnë në uljen e rrezikut të sëmundjeve të zemrës.


/AgroWeb.org

https://agroweb.org/ne-forme/trupi-s...ive-tek-zemra/