"Nipat" e Ismail Qemalit dergojne ne Bruksel mbesat e Selam Musait.

[erzeni]

gazeta shqiptare



..............


"Që prej atij momenti nisën vuajtjet dhe torturat. U vendosëm në Liezh dhe duhet të prostituoja për çdo natë deri në të gdhirë edhe pse isha vetëm 15-16 vjeç"

INTERVISTE/ E mitura nga Vlora u takua dje për herë të parë me të ëmën. E dinin të zhdukur

"Unë, që 15 vjeç në trotuar"
Rrëfimi vlonjates: Dy vitet e mia në Belgjikë

............

LAJMI

Rikthehet nga Belgjika viktima e mitur e prostitucionit. V.M. 17-vjeç, ka gjetur guximin për të rrëfyer aventurën e saj të dhimbshme përpara uniformave blu të kryeqytetit, por edhe identitetin e njeriut që e detyroi të prostituonte në Belgjikë.

Nëna dhe motra e saj nuk i mbajnë dot lotët. Në një zyrë aspak mikpritëse të policisë ato takojnë për herë të parë pas dy vjetësh njeriun e tyre të dashur. Për shumë kohë e konsideronin të zhdukur, por V.M., prostituta 17-vjeçare nga Vlora, ka mundur vetëm prej pak muajsh që të shpëtojë nga kthetrat e trafikantëve dhe të rilidhet me familjarët e saj. Jeta e këtyre muajve të fundit në qendrën e rehabilitimit të viktimave të prostitucionit të IOM-it ka ndikuar së tepërmi në pamjen e 17-vjeçares. E vetmja gjurmë e jetës së dikurshme, ato pak shenja të djegurash në trup dhe flokët e prerë shkurt e të lyer në ngjyrë të verdhë, nuk i kanë penguar familjarët e saj që ta pranojnë sërish në shtëpi. Por V.M. nuk mund të kthehet. Pasi ka denoncuar emrin e tutorit të saj shqiptar, tashmë ajo duhet të kalojë edhe disa muaj të tjerë në qendrën shqiptare të IOM-it, në pritje të mbylljes së "plagëve" ende të freskëta. Gazeta po rindërton sot një pjesë të denoncimit të saj të dhimbshëm:

Hetuesi: Tani do të jeni e sigurtë. Në qendrën e IOM-it do të keni edhe ndihmën tonë. Keni patur ndonjë kërcënim kohët e fundit nga tutorët?
"Jo, jo. Ndodhem prej kohësh në kampin e IOM-it në Itali dhe askush nuk e ka ditur se do të vija këtu. Vetëm sot kam lajmëruar mamin dhe motrën, të cilat erdhën të më takonin pa i thënë ndokujt".

Hetuesi: Fole me to? Të mbajnë inat?
"Më kanë falur. Kur ika fshehtas në Itali u mërzitën shumë, por tani donin që të kthehesha përsëri në shtëpi. Edhe unë dua të kthehem sapo të mbaroj periudhën e rehabilitimit në qendrën e IOM-it. Por më vjen shumë zor nga njerëzit e tjerë, ata që e dinë se çfarë kam bërë këto dy vjet jashtë shtetit".

Hetuesi: Mund të ma tregosh edhe njëherë se si të gënjyen?
"Unë isha vetëm 15 vjeç atëherë dhe ju e dini se besoja çdo gjë që më thonin të tjerët. Ai (emri mbahet i fshehtë për shkak të hetimit) ishte shumë më i madh nga unë. Më gënjeu me fjalë të bukura për dashurinë dhe me premtoi se do të martoheshim bashkë. Ma mbushi mendjen se nuk duhet t'i tregoja njeriu dhe se do të largoheshim bashkë në Belgjikë, ku do të jetonim të lumtur".

Hetuesi: Kur u larguat?
"Në tetorin e vitit 2001. Ashtu siç e kishim lënë më parë, u nisa me të pas shkolle për në Durrës. Ai kishte përgatitur një pasaport falso dhe në mbrëmje u nisëm me traget nga Durrësi për në Itali. Qëndruam fillimisht te disa e miqtë e tij në Milano dhe më pas u vendosëm në Liezh të Belgjikës. Këtu e mora vesh edhe se sa më donte. Dashuria ishte vetëm një gënjeshtër për të më larguar nga familja dhe për të më bindur për të udhëtuar me të në drejtim të Belgjikës".

Hetuesi: Si të detyroi të dilje në rrugë?
"Pas dy javësh që kaluam si të dashur të vërtetë, Ai ndryshoi menjëherë. Më tha se do të dilja në rrugë dhe me paratë e fituara do të jetonim të lumtur, por unë nuk dëgjoja. Një natë erdhi bashkë me disa shokë dhe më përdhunuan njëri pas tjetrit. Atë natë nuk do ta harroj kurrë në jetën time. Që prej atij momenti nisën edhe vuajtjet dhe torturat. U vendosëm në Liezh dhe duhet të prostituoja për çdo natë deri në të gdhirë edhe pse isha vetëm 15-16 vjeç.

Hetuesi: Si arrite të shpëtosh nga tutori?
"Në marsin e kaluar më ndaloi policia belge dhe për shkak se isha minorene më dërguan në qendrën e rehabilitimit të IOM-it.

---
Tre viktima të tjera në qendrën e IOM-it


...................

17-vjeçarja V.M. është vetëm njëra nga viktimat e trafikut të mishit të bardhë që ka gjetur forcën për të denoncuar tutorin e saj dhe ka siguruar mbrojtjen e policisë dhe qendrës së rehabilitimit të IOM-it në Tiranë. Të hënën, së bashku me vajzën nga Vlora, u rikthye në këtë qendër edhe një tjetër minorene, që ishte shfrytëzuar nga trafikantët në rrugët e Belgjikës. 16-vjeçarja A.G., nga Kosova, ishte mashtruar dhe shfrytëzuar për pak muaj në Belgjikë përpara se të ndalohej krejt rastësisht nga policia vendëse, duke gjetur në këtë mënyrë një rrugë shtëpimi. Ndërkohë dje, qendra e IOM-it në Prishtinë ka paraqitur përpara policisë së kryeqytetit edhe dy prostituta të tjera shqiptare me origjinë nga Tropoja. Policia e UNMIK-ut i ka ndaluar në një lokal kosovar pak kohë më parë dhe sipas një marrëveshjeje i ka transferuar ato për në qendrën e IOM-it në Tiranë.

-------

Paralajmërimi i prokurorëve belgë

Alarmi: Mafia shqiptare ka shtënë në dorë trafiqet


------

TIRANE

"Grupet kriminale shqiptare janë autorë të trafiqeve të paligjshme në Belgjikë". Ky është alarmi i lëshuar prej kohësh nga autoritetet policore belge. Sipas tyre, shqiptarët kanë kontroll të plotë mbi trafikun e drogës dhe të prostitucionit, duke zotëruar edhe infrastrukturën e nevo-jshme për kryerjen e këtyre aktiviteteve të pali-gjshme. Ajo që e shqetëson më shumë policnë belge, është konsolidimi dhe forcimi i menjëhershëm i këtyre grupeve shqiptare, të cilat kanë mënjanuar nga këto trafiqe edhe mafien ruse. Duke i dominuar në tërësi trafiqet, mafia shqiptare ka arritur të forcohet shumë edhe financiarisht. Për këtë problem disa herë hetues belgë kanë kryer takime me homologët e tyre shqiptarë dhe me autoritetet e Ministrisë së Rendit Publik. Në këto takime është kërkuar bashkëpunimi i palës shqiptare për dhënien e informacioneve të nevojshme për të realizuar kapjen e këtyre personave. Me gjithë angazhimin dypalësh, deri tani nuk mësohet të jetë goditur ndonjë grup ose të jetë arrestuar ndonjë shqiptar si organizues të trafiqeve të paligjshme në Belgjikë.

-------

[Brari]

GSH

-----------


VLORE/ Flasin dy viktimat e kryeplakut të Tragjasit, njëra është kushërira

Përdhunimi i dy vajzave: "Ja si na e ngritën kurthin"


-------------------------------------------------------

Qemal Biraku

Arrestohet kryeplaku që përdhunoi kushërirën dhe shoqen e saj. Mane Curraj nga Tragjasi i Vlorës nuk e pranon akuzën. Ndërkohë dy viktimat kanë depozituar në polici denoncimin, madje kushërira e kryeplakut, E.R., ka pohuar se e ka për-dhunuar edhe herë të tjera.

VLORE

E kishte përdhunuar edhe tri herë të tjera. Por këtë herë e kishte mbushur kupën, pasi e kishte përdhunuar në sy të shoqes së saj dhe më pas edhe atë. Kështu, dy vajzat nga Vlora, njëra prej tyre kushërira e agresorit, iu drejtuan komisariatit. Kështu, kryeplaku i fshatit të Tragjasit u arrestua pas denoncimit se kishte përdhunuar kushërirën dhe shoqen. Gazeta ka mundur të sigurojë dialogun pyetje-përgjigje mes hetuesve dhe dy viktimave të kryeplakut. Mane Curaj, edhe pse me pranga në duar, e ka mohuar totalisht të ketë kryer marrëdhënie me dhunë me dy vajzat, por dëshmia e tyre duket se e ka vendosur 40-vjeçarin me shpatulla për muri. Madje kushërira e tij, E.R., ka deklaruar përpara hetuesve se ai e kishte përdhunuar edhe herë të tjera, por asaj i kishte ardhur turp që t'i tregonte. Pasi e kanë mbajtur të fshehur disa ditë, historinë e turpshme, ato kanë vendosur t'u thonë familjarëve dhe më pas të nisen për në drejtim të komisariatit. Sipas burimeve policore, pritet që sot kryeplaku i Tragjasit të dalë përpara togave të zeza për vlerësim mase sigurie.

Hetuesi: Si ka ndodhur ngjarja?
Viktimat: Ka qenë pasditja e para pak ditëve, ishim duke bërë shëtitje; në qendër të qytetit takuam Manen, i cili na ftoi të hipnim në makinë dhe të pinim një kafe në një nga lokalet e qytetit. Dhe këtë ofertë e pranuam, duke pasur parasysh se nuk do na ndodhte diçka e keqe, se ishim dy vajza. Shkuam në një lokal në Radhimë.

Hetuesi: Çfarë ndodhi në kthim?
Viktimat: Mania, në vend që të drejtonte makinën për në drejtim të Vlorës, e drejtoi drej rrugës së Radhimës; dyshuam të dyja shoqet dhe në këto momente u hutuam dhe po shikonim njëra-tjetrën. E çoi makinën në drejtim të Orikumit. Ndaloi makinën dhe filloi të më kapte dhe të më zhvishte me dhunë. Pasi kreu marrëdhënie me forcë me mua, filloi ta zhvishte dhe të kryente mardhënie me forcë me shoqen time.

Hetuesi: Përse nuk u larguat nga makina?
Viktimat: Pasi ndaloi makinën, i mbylli të gjitha dyert e makinës dhe nuk kishim mundësi të largoheshim. Por dhe kur thërrisnim, nuk na dëgjonte njeri.

Hetuesi: Si e pritën familjet tuaja këtë krim?
Viktimat: E patëm shumë të vështirë për t'ua treguar, por familjet tona na kuptuan dhe ne u treguam gjithçka, sepse nuk mundëm ta mbanim më të fshehur.

------- nga gaz shqiptare -------


BERAT/ Policia: Dyshohet pronari i autoveturës së trafikut. Ja historia e vajzës

Rrëmbimi i 16-vjeçares, hetimet shtrihen në Tiranë


--------------------------------------------------------------------------------

Zylyftar Plaku

Menaxherja e seksit, Lutfije Ibërshimi, dhe katër bashkëpunëtorët e saj, të cilët u arrestuan të martën, pasi kishin trafikuar një vajzë 16-vjeçare, ndodhen në ambientet e Policisë së Beratit, ndërsa hetimet janë shtrirë edhe në Tiranë. Ndërkohë është zbardhur fakti se vajza kishte probleme familjare.



LAJMI

BERAT

"Trafikantët: Çlirim Mara e Gramoz Basha, nga Kuçova, nuk e kishin në pronësi të tyre, madje nuk kishin as aktpërdorimi për autoveturën "Fiat Croma" me targa TR 40-43-E. Në këto kushte prokuroria ka dërguar të dhënat në Tiranë, për të gjetur pronarët e vërtetë të makinës. Kështu kanë treguar për Gazetën Shqiptare burime policore. Sipas tyre, në kryeqytet po punohet për identifikimin e pronarit të makinës, i cili mendohet se është pjesë e këtij rrjeti. Ndërkohë shefi i Komisariatit të Kuçovës, Ilirjan Zaçe, ka pohuar se autovetura, si dhe dy motorët që u janë bllokuar Gëzim Metushit e Saimir Tafës nga Elbasani, ndodhen në ambientet e këtij komisariati. Gjithashtu po dje nga rrëfimi i vajzës në polici janë mësuar edhe disa të dhëna për familjen e saj. Sipas policisë, E,B., 16 vjeçe, banuese në lagjen "11 Tetori" në Elbasan, kishte vite që jetonte vetëm me gjyshin. Shkak për këtë ka qenë divorci i prindërve të saj. Dhe secili prej tyre ishte martuar, duke e lënë vajzën të jetojë vetëm me gjyshin. Kështu, duke përfituar nga vetmia e saj dhe problemet familjare, menaxherja e seksit, Ibërshimi, duket se ka menduar që mund ta trafikojë vajzën. Ndërkohë sot pritet që të merret masa e arrestit për të arrestuarit. Dje prokuroria dhe policia kanë hetuar vetëm për rastin në fjalë, por, siç është bërë e ditur, në ditët e ardhshme gruaja 40-vjeçare do të hetohet edhe për raste të tjera trafikimit të të miturave, pasi dyshohet se është marrë prej kohësh me një biznes të tillë.

--------------