TIRANE- Qeveria e re ka emëruar sot drejtuesit e rinj të disa prej institucioneve të rëndësishme, siç është Drejtoria e Doganave, e Tatimeve dhe Posta Shqiptare. Kryetarja e FRSSH-it, Elisa Spiropali është zgjedhur për të zëvendësuar Flamur Gjymishkën në krye të Doganave, ndërsa Ardit Cela është emëruar administrator i përgjithshëm i Postës Shqiptare, në vend të Arqile Goresë. Briseida Shehaj është emëruar drejtoreshë e Përgjithshme e Administratës Tatimore, duke zëvendësuar në këtë post Gazmir Spahiajn.
ARDIT ÇELA, ADMINISTRATORI I PËRGJITHSHËM I POSTËS SHQIPTARE
Ardit Çela është emëruar sot në postin e Administratorit të Përgjithshëm të Postës Shqiptare. Në një njoftim për shtyp, Ministria e Zhvillimit Ekonomik, Tregtisë dhe Sipërmarrjes njoftoi se "Këshilli Mbikëqyrës i Postës Shqiptare emëroi sot Administratorin e Ri të Postës Shqiptare, z. Ardit Çela, i diplomuar në Inxhinieri Telekomunikacioni".
Një ndër objektivat kryesorë të ushtrimit të detyrës së tij në mbarëvajtjen e këtij institucioni, Çela do të ketë forcimin e pozitave të Postës Shqiptare si lider në treg, ndërkohë që rritja e gamës dhe cilësisë së shërbimeve, transparenca dhe plotësimi maksimal i kërkesave të klientëve, do të jenë në themel të veprimtarisë së Postës Shqiptare, thuhet në njoftimin zyrtar të Ministrisë së Zhvillimit Ekonomik, Tregtisë dhe Sipërmarrjes.
ELISA SPIROPALI DREJTORESHË E DOGANAVE
Kryeministri Edi Rama ka emëruar Elisa Spiropalin në postin e Drejtoreshës së Përgjithshme të Doganave, e cila zëvendëson në këtë post, Flamur Gjymishkën. Spiropali aktualisht është kryetare e FRESSH-it, Forumi Rinor Eurosocialist i Shqipërisë.
BRISEIDA SHEHAJ DREJTORESHA E RE E TATIMEVE
Briseida Shehaj është emëruar sot në postin Drejtoreshës së Përgjithshme të Administratës Tatimore. Shehaj zëvendëson në këtë post, Gazmir Spahiajn, i cili dha dorëheqjen disa ditë më parë.
ARTAN LAME NE KRYE TE ALUIZNIT
Qeveria emëroi një ditë më parë Artan Lamen në postin e drejtorit të Përgjithshëm të Agjencisë së Legalizimit, Urbanizimit dhe Integrimit të Zonave/Ndërtimeve Informale. Qeveria mori vendim për lirimin dhe emërimin në detyrë të drejtorit të përgjithshëm të Agjencisë së Legalizimit, Urbanizimit dhe Integrimit të Zonave/Ndërtimeve Informale (ALUIZNI)” Ardian Kollozi dhe emërimin e Artan Lames.
EMERIMET NE KESH, OST DHE ALBPETROL
Ministria e Energjitikës dhe Industrisë që drejtohet nga Damian Gjiknuri kreu sot disa shkarkime drejtorësh dhe emërime të reja në disa prej shoqërive aksionere të Energjisë dhe Industrisë. Rikthehen në poste drejtues ish-kreu i KESH dhe ish-ministri i Energjitikës, Viktor Doda.
Pas mbledhjes së Këshillave Mbikëqyrës përkatës u vendos që të shkarkohet drejtori aktual i KESH, Halit Velaj, dhe emërohet në vend të tij, Agron Hetoja. Ndryshime dhe në drejtimin e Albpetrol, ku shkarkohet drejtori aktual Ferdinand Murati duke emëruar në vend të tij, Endri Pukën. Po kështu është shkarkuar nga drejtori i OST, Arben Ibro duke emëruar në këtë pozicion Engjëll Zeqon.
Përgjigju Duke Cituar
Postuar më parë nga Archon
Krijoni Kontakt