Myftiu kosovar, Naim Tërnava ka konfirmuar që kanë nisur ti dalin gjerat nga kontrolli në Bashkësinë Islame të Kosovës (BIK). Ai po lyp disiplinë në BIK.
"Disiplina të filloj nga udhëheqësit-kryetari e krye-imami, pastaj të vazhdoj tek administrata në të gjithë këshillat”
u është drejtuar Tërnava në një fjalim të mbajtur në Medresenë “Alaud-di”n ën Prishtinë para administratës së BIK’ut.
“Është koha që në kuadër të BIK të respektohet hierarkia, të shihen kompetencat, dhe të respektohet autoriteti më i lartë, të respektohet Kushtetuta e BIK”, u është drejtuar Myftiu Tërnava administratës së tij.
Tërnava është fokusuar te respektimi i Kushtetutës së BIK’ut, të cilën e preku në fund të viti të kaluar, duke e ndryshuar në favor të heqjes së pengesë për të marr dhe një mandat të tretë për Myfti. Kushtetuta, para ndryshimeve të fundit, kufizonte mandatin Myftiut në vetëm dy mandate me nga 5 vite, deri sa tash, një person mund të zgjedhjet pafundësisht Myfti.
Ai madje në pjesë të mirë të fjalimit ia ka kushtuar rikujtimit të të tjerëve kompetencat që ka Myftiu.
“E dini mirë, që BIK e përfaqëson, e prezanton para institucioneve jashtë e brenda si dhe para opinionit e besimtarëve Myftiu i Kosovës. Është obligim i tij kushtetues përfaqësimi i besimtarëve...Nuk është e drejtë që udhëheqësit lokal, administrata apo imami të flasin e të deklarohen para Myftiut, apo një gjë të tillë ta bëjmë pas deklarimit të Myftiu. Myftiu nuk ka nevojë që t'i paraprini ju në opinion, por as nuk ka asnjë nevojë që të bëni fushatë më një çështje që është deklaruar Myftiu", u është drejtuar Tërnava administratës së tij.
Në këtë fjalim ai ka thënë se nuk është hiç i kënaqur me punën e imamëve kosovarë në fushën e mësim-besimit.
Express 21 Shkurt 2014
Përgjigju Duke Cituar
Krijoni Kontakt