Ndërron jetë mjeshtri i klarinetës Laver Bariu

[DYDRINAS]

Ndërron jetë mjeshtri i klarinetës Laver Bariu

Publikuar më 26.01.2014 | 13:15

Ndërron jetë në moshën 85-vjeçare mjeshtri i klarinetës Laver Bariu. “Gjenerali i klarinetës”, siç njihet në të gjithë Shqipërinë lindi më 2 maj 1929.

Laver Bariu rrjedh nga një familje muzikantësh të qytetit të Përmetit. Interpretimet e tij shtrihen në harkun kohor 1950-2000.

Në mars të vitit 2001 ai u dekorua nga Presidenti i Republikës me titullin “Mjeshtër i madh i punës” me motivacionin “për mjeshtërinë në interpretimin e vlerave të muzikës popullore dhe përcjelljen në popull të këtyre vlerave”.

Laveri ishte vlerësuar me disa çmime, muzika me saze e Laver Bariut renditet edhe në krye të listës së iso-polifonisë, e përfshirë në UNESCO si, “kryevepër e trashëgimisë shpirtërore te njerëzimit”.

Në nder të mjeshtër Laverit, bashkia e Përmetit ka vendosur në bulevard edhe një yll me emrin e tij.

/Shekulli Online/ E.L./

[Sorkadhe_Kelcyre]

"A kan uje ato burime" do te buronin nga klarineta e tij me gezimin qe nje zemer e dashuruar kendon... Hitet e sotme nuk ngelen ne histori sikurse kjo kenge qe na mbledh gjith permetareve neper tavolina dasmash e gezimesh.. Laveri e shtoi ujin e burimeve permetare,, ju dha me shume arome karafilave te Permetit me "buze-karafilen " e tij , i zbukuroi me shume cupat permetare me ledhat e kenges e ju dha me shume cika djemve permetare.

une dua me shume te degjoj sot kenge te gezuara te tij e po vonohem te degjoj kabate e tij te ndjera qe me kullojne zemren ne mall e lote ne ditet kur malli me mbyt ..

Shpresoj t'i jape parajses tingujt e munguar.

Lamtumire Laver!!!

[Ziti]

Laver Bariu ka qene nje artist i madh. Po te ishte nga ndonje vend tjeter i evropes do ishte i njohur boterisht.

[Albo]