Itali: Goditet Kamorra, 90 arrestime, 250 milionë euro konfiskohen

[benseven11]

http://gazeta-shqip.com/lajme/wp-con...=90&w=619&zc=1

Policia e Italisë kreu një operacion masiv dhe të koordinuar, që solli arrestimin e 90 njerëzve të akuzuar për pjesëmarrje në klanin Kontini të Kamorrës, si dhe sekuestroi pasuri me vlerë të përgjithshme prej 250 milionë eurosh në rajonet e Kampanjas, Lacios e Toskanës.

Operacioni u koordinua nga Drejtoria Kombëtare kundër Mafies, si dhe nga zyrat e antimafies në Napoli, Romë e Firence. Ky ishte operacioni më i madh kundër klanit Kontini, i cili konsiderohet nga hetuesit si një nga më të mëdhenjtë në zonën e Napolit dhe që ka përqendruar aktivitetet e veta në riinvestimet e të ardhurave nga aktivitetet kriminale të Kamorrës nëpër ndërmarrje të ligjshme në këto rajone të Italisë Qendrore.

Policia, karabinierët dhe Roja Financiare ekzekutuan me shpejtësi urdhërarrestet për 90 persona, si dhe urdhrat e sekuestros për dhjetëra objekte.

Mbi 20 lokale, restorante e piceri u sekuestruan në qendrën historike të kryeqytetit nga karabinierët e provincës së Romës.

Gazeta SHQIP.