PS riaktivizon Komitetet e Fundosjes Kombetare te vitit 1997!

[DYDRINAS]

Petoshatet e PS.

Fatos Klosi: Hetimet duhet të fillojnë nga Sali Berisha, është koka e korrupsionit

Shpallja si i pandehur i kryebashkiakut të Vlorës, Shpëtim Gjika, për falsifikimin e dy lejeve ndërtimi, ka provokuar reagime dhe qëndrime të ndryshme. Ish shefi i Shërbimit Informativ Shtetëror, Fatos Klosi, në një prononcim për gazetën “Sot”, thekson se hetimi i korrupsionit nga organet e drejtësisë nuk ka ngjyra politike. “Të gjithë ata që janë për t’u thirrur nga Prokuroria, duhet të hetohen. Aty ku ka dyshime për korrupsion, ka vend për hetim. Hetimi i korrupsionit nuk ka ngjyra politike. Si të majtë dhe të djathtë, duhet të hetohen nëse ka dyshime se kanë abuzuar me ligjin. Sa i takon z. Gjika, tashmë i mbetet Prokurorisë të hetojë dhe fjalën e fundit e ka gjykata”, u shpreh Klosi. Por, Klosi deklaron se ish kryeministri Sali Berisha është koka e korrupsionit në Shqipëri. Në këtë kuadër, ai mendon se hetimet duhet të nisin pikërisht nga Berisha. “Korrupsioni duhet të luftohet kudo. Nuk ka një skemë fikse për ta luftuar. Korrupsioni duhet të luftohet nga sipër. Kështu edhe vartësit nuk do munden të bëjnë korrupsion. Unë mendoj se Sali Berisha është koka e korrupsionit në Shqipëri, dhe, sigurisht që duhet të nisin hetimet për ish kryeministrin. Hetimet duhet të nisim me Berishën”, u shpreh Klosi. Ish kreu i Shërbimit Informativ, deklaroi se Berisha nuk duhet të ketë fatin e Fatos Nanos, por duhet të ndëshkohet për ato që ka bërë. “Duhet të nxjerrim mësimin e duhur nga zbatimi i politikës së pandëshkueshmërisë kur të majtën e drejtonte Nano”, u shpreh Klosi.

Çuko, Toçi, Leka dhe Suli

Deputeti socialist, Arben Çuko deklaron se hetimi i korrupsionit ka nisur në të gjitha dikasteret. Ai deklaroi se para drejtësisë do shkojnë ata individë, që kanë shkelur ligjin. “Auditi ka nisur në të gjitha ministritë e linjës. Ne do hetojmë për të gjitha çështjet jetike në vend”, deklaroi Çuko. Deputeti socialist, Fatmir Toçi, në një prononcim për gazetën “Sot”, deklaroi se qeveria e ka prioritet luftën kundër korrupsionit dhe ish kryeministri Berisha do shkojë para drejtësisë. “Ne nuk erdhëm në pushtet për të marrë hak për qeverinë në ikje. Erdhëm në pushtet për të vënë rregull për ato gjëra që janë në kundërshtim me ligjin. Ne do t’ia lëmë drejtësisë hetimin dhe gjykimin për ato çështje, që janë në kundërshtim me ligjin. Drejtësia ka shumë për të hetuar për këto 8 vite që ikën”, u shpreh deputeti Toçi. Ish deputeti socialist, Agim Leka, ka deklaruar se Berisha duhet të mbajë përgjegjësi për 21 Janarin dhe Gërdecin. “Qeveria Rama do luftojë korrupsionin. Hetimi i Berishës është një çështje që i takon drejtësisë shqiptare dhe jo Partisë Socialiste. Berisha mban përgjegjësi për ato që kanë ndodhur si për 21 Janarin, Gërdecin, i cili bashkë me ish Ministrin e Mbrojtjes ngritën fabrikën e vdekjes, dhe për korrupsionin. Përgjegjësinë për ato që kanë ndodhur e mbajnë kryeministri dhe ish ministrat. Sigurisht që edhe fëmijët e tij duhet të shkojnë para ligjit si të gjithë qytetarët e thjeshtë”, u shpreh Leka. Ndërkaq, deputeti Rakip Suli ka deklaruar se Berisha duhet të shkojë para drejtësisë. “Duhet të shkojë para drejtësisë. Ne do bëjmë gjithçka për një proces të pavarur dhe të drejtë. Për përgjegjësinë e tij në këto ngjarje si për 21 janarin etj”, u shpreh Suli.

Beqiri: Berisha të shkojë para drejtësisë

Avokati Idajet Beqiri, në një prononcim për gazetën “Sot”, akuzoi ish kryeministrin Sali Berisha si tradhtar të kombit, i cili duhet të shkojë para drejtësisë. Beqiri u shpreh se lufta kundër korrupsionit duhet të nisë fillimisht që nga sistemi gjyqësor, institucione të cilat janë të degraduara. “Hetimi i korrupsionit duhet të nisë që nga gjyqtarët, prokurorët. Pra, nga sistemi gjyqësor. Duhet të nisë nga KLD, ILDKP. Organet janë vetë të korruptuara dhe nuk mund të presim se do luftohet korrupsioni. Ne sot, jetojmë në një shoqëri që të gjitha institucionet i ka të kalbura. Berisha duhet të hetohet për krimet e pakorrigjueshme që ka bërë. Nëse Ahmet Zogu shiti Shën Naumin, Berisha i shiti 10 herë Detin Jon, grekut. Nëse Zogu shiti Vermoshin, Berisha dha me koncesion 440 hidrocentrale. Ai e ka shitur Shqipërinë. Ai është tradhtari më i madh se Ahmet Zogu”, u shpreh Beqiri. Ndër të tjera ai tha se Berisha duhet të hetohet për të gritha ngjarjet e 23 viteve, që nga 1990 e deri në 2013. Ai shprehet se psikologjia e mosndëshkimit duhet të marrë fund. “Gjatë këtyre 23 viteve kanë ndodhur disa fenomene të rënda, ku çdo shtet serioz duhet t’i hetonte. Drejtësia duhet të niste me hetimin e krimit të 2 prillit 1991. Kush i vrau 4 dëshmorët?! Nga ’91-’92 Shqipëria u dogj 3 herë. U dogjën fabrika institucione, etj. I dogji banda e PD, me në krye Azem Hajdarin. Ai ishte zjarrvënësi. Duke vazhduar me masakrën e zgjedhjeve të 26 majit 1996. Në 1997 u vranë 3 mijë vetë. Kush i vrau?! Në 14 shtator të 1998 u bë grushti i shtetit. U vodhën zyrat e shtetit. Më pas vijmë te ngjarjet më të freskëta. Krimi shtetëror i Gërdecit. Duke vijuar më pas me 21 Janarin. Berisha urdhëroi vrasjen e 4 vetëve, pse po protestonin për votën e lirë”, u shpreh avokati Beqiri.

Korrupsioni

Para se të merrte detyrën, kryeministri Edi Rama ka deklaruar se do luftojë korrupsionin pa asnjë lloj kompromisi. “Do të reformojmë strukturat shtetërore dhe do të godasim të korruptuarit”, ka deklaruar Rama. Kryeministri deklaroi gjithashtu se do largonte gjithë militantët e PD nga administrata, të cilët e kanë ngritur folenë e tyre të korrupsionit, gjë që shefi i qeverisë po e ekzekuton çdo ditë.

Klosi: Hetimi i korrupsionit nuk ka ngjyra politike. Si të majtë dhe të djathtë, duhet të hetohen nëse nga dyshime se kanë abuzuar me ligjin. Berisha është koka e korrupsionit.

Çuko: Auditi ka nisur në të gjitha ministritë e linjës. Ne do hetojmë për të gjitha çështjet jetike në vend. Më pas kush ka abuzuar me ligjin dhe detyrën, do shkojë para drejtësisë.

Toçi: Drejtësia do gjykojë çështjet që kërkojnë hetim. Ne do t’ia lëmë drejtësisë hetimin dhe gjykimin për ato çështje, që janë në kundërshtim me ligjin. Drejtësia ka shumë për të hetuar për këto 8 vite që ikën.

Leka: Qeveria Rama do luftojë korrupsionin. Hetimi i Berishës është një çështje që i takon drejtësisë shqiptare dhe jo Partisë Socialiste. Berisha mban përgjegjësi për ato që kanë ndodhur si për 21 Janarin, Gërdecin.

Suli: Berisha duhet të shkojë para drejtësisë. Ne do bëjmë gjithçka për një proces të pavarur dhe të drejtë. Për përgjegjësinë e tij në këto ngjarje si për 21 janarin. Eneida Jaçaj
Wednesday, October 30, 2013 - 08:10
- See more at: http://sot.com.al/politike/fatos-klo....lHZNyZ0B.dpuf

[CRO]

Nuk ka dyshim fare. PS ka në bazën e vet llumin e llumit... Sado të kqija të ketë bërë Sali Berisha, sado dënime të meritojë ky, këta të PS, dmth llumi i bazës dhe ata lartë nuk e duan dënimin sepse duan drejtësi, sepse po të ishte kështu do të duhej të pështynin mbi veten, etërit dhe mëmat e veta, që rrënuan gjithë kombin për 50 vite dhe vazhdojnë ta mbajnë të mbërthyer edhe sot.
Berishën e duan për propagandë, për të frikësuar popullatën, që të mos ngre kre ndaj rregjimit kriminal dhe totalitar që duan të imponojnë.
Kanë një konceptim shumë të prapambetur të shtetit; e perceptojnë shtetin dhe shoqërinë si në shërbim të tyre, si të drejtë të trashëguar nga etërit e vet gjakatarë.

Viti 97 nuk është gjë tjetër veçse kryengritja e të kuqve, të cilët po shikonin se Shqipëria nuk ishte më e tyre...


CRO

[DYDRINAS]

Ja dhe gazeta e Mero Petoshatit.

http://www.gazetatema.net/web/2014/01/12/ish-kreu-i-komitetit-te-shpetimit-te-vlores-denimi-i-berishes-te-filloje-me-97-n/

[Xinxerfilli]

Pak nga pak po e humbni toruan fare...

Na nje ane me vjen keq, po nga ana tjeter me vjen per te qeshur kur ju shikoj qe endeni si çifutet ne shkretetire