Forumi i te Rinjve Musliman, Demokracia dhe Dhuna Mediatike.

[angmokio]

Forumi i te Rinjve Musliman, Demokracia dhe Dhuna Mediatike.

Pas kërcënimeve që kanë ardhur në drejtim të tyre nga gazeta të njohura për frymën e tyre anti-muslimane si Express dhe Koha ditore, Forumi i të Rinjve Muslimanë është kundërpërgjigjur me një tjetër deklaratë ku sqaron pozicionin e tij, dhe termin e shumë diskutuar “putë”. Për shkak të këtij termi ata u akuzuan nga mediat e mësiperme dhe te tjera që pasqyruan këto qëndrime për fyerje ndaj Nënë Terezës. Në deklaratën e tyre, FRM sqaron se fjala “putë” përkthehet si idhull dhe se ata kanë dashur të theksojnë këtë aspekt të kthimit në një idhull me dhunë për shqiptarët e kudondodhur të Nënë Terezës (“Nënë” është vetëm një titull fetar që Tereza Bojaxhi ka mbajtur për shkak të funksionit të saj pasi në fakt ajo ka qenë e pamartuar dhe per rrjedhim nuk ka qenë kurrë nënë). Kufiri nga këto media u kalua kur ato kërcënuan qartë dhe me paturpësi një organizatë të shoqërisë civile me arrestim dhe burgim ndërkohë që asnjë organ qeveritar nuk pati dhënë një lajm të tillë. Kjo tregon edhe një herë se këto media janë pjesë e një lobi që ka interesa të caktuara, më i rëndësishmi ndër to dominimi i shoqërisë civile me anë të dominimit të rrymave të informacionit dhe shkatërrimi i demokracisë së brishtë Kosovare. Është shumë interesant fakti se askush nuk u mor me daklaratën e bujshme të Unionit Kristian-demokrat të cilët pa pritur për një hetim nga policia kërcënuan se do të ngrenë 1000 statuja të Tereza Bojaxhi kudo ku ka shqiptarë. Në fakt, pikërisht kjo deklaratë e ardhur nga ky Union është nxitje e urrejtjes dhe dhunës. Është po ashtu shumë interesant fakti se cdo aktivist që shpreh sadopak bindje muslimane apo thjesht del në mbrojtje të tyre kundër shkeljeve të hapura të të drejtave të njeriut dhunohet e kërcënohet nga këto media. Viktimë e tyre kanë rënë Fuad Ramiqi, Adem Demaci, Kim Mehmeti e shumë të tjerë. Por këto media nuk do të guxonin të preknin as me majën e shkopit figura të tilla si Christopher Hitchens të cilët kanë shkruar edhe libra për veprimtaritë e dyshimta të saj. Përgjigja e FRM është elokuente dhe e qartë. Ata nuk kanë shkelur asnjë ligj, nuk kanë nxitur asnje urrejtje dhe janë në te drejtën e tyre demokratike të shprehin mendimin e tyre të lirë ashtu si shumë mendimtarë të njohur perëndimorë që Tereza Bojaxhi e konsiderojnë nje mit të kishës katolike dhe një person të padenjë për adhurimin dhe mirënjohjen që e rrethon. Më poshtë është deklarata e plotë:

Forumi i të Rinjve Muslimanë ka lexuar traktin kërcënues që gazeta Koha Ditore e Veton dhe Flaka Surroit ka botuar kundër FRM-së. Në këtë trakt FRM-ja është kërcënuar “me përballje me drejtësinë”, “hetim policor” dhe dënim “deri në tetë vjet” për arsyen se FRM e ka quajtur Terezën putë dhe maqedonase, dhe për arsyen se FRM është gëzuar që destinimi i Zotit të lartësuar e rrëzoi putën e Terezës në Mitrovicë. Për sa më sipër, Forumi i të Rinjve Muslimanë i përgjigjet Veton dhe Flaka Surroit dhe personave që qëndrojnë pas traktit kërcënues se 1. Ne nuk jemi frikësuar nga kërcënimi i tyre. Ne besojmë se Kosova është një shtet i lirë, ku liria e fjalës dhe e besimit mbrohen me ligj dhe kërcënimet policore nuk kanë vend këtu. Ato bënin punë vetëm në Serbinë e Millosheviqit. 2. FRM beson në shkencë. E duke qenë se ne besojmë në shkencë, ne besojmë në konkluzionet e Dr. Aurel Plasarit, drejtorit të Bibliotekës Kombëtare të Shqipërisë i cili në shkrimin të botuar në gazetën Shekulli në Tiranë në tetor 2003 me titull “Bojaxhitë e nënë Terezës”, në mënyrë shkencore ka vërtetuar se Gonxhe Bojaxhiu ishte vllahinkë e Maqedonisë, nga Shkupi. Nëse kërcënuesit tanë kanë problem me këtë fakt le të merren me shkencën e Shqipërisë dhe Aurel Plasarin dhe jo me ne. 3. FRM statujën, idhullin e Terezës që u rrënua në Mitrovicë e quan putë. Fjala putë sipas leksikut apo dialektit të Kosovës, dhe Kuranit të H. Sherif Ahmetit përkthehet në idhull sipas gjuhës së toskërizuar të Tiranës. Në Kuran, Zoti i lartësuar na tregon historinë e profetit Ibrahim në kohën e të cilit, populli i tij ndërtonte puta – statuja – sikur këto të Terezës dhe i adhuronte dhe i respektonte ato. Pra duke u mbështetur në mesimet e Kuranit, ne konkludojmë që statuja e Terezës është putë, sikur ato që profetët e Zotit, nga Ibrahimi, Musai e deri të Muhamedi a.s. kanë rrënuar. Nëse kërcënuesit tanë kanë problem me këtë fakt, atëherë le të merren me Kuranin, Biblën dhe profetët e Zotit që ishin kundër putave. 4. FRM beson Allahun, engjëjt, xhindët dhe botën e padukshme – pra Gajbin. Bota e padukshme funksionon me ligje që ne si njerëz shpesh nuk i kuptojmë. Duke qenë se ne besojmë në të padukshmen, FRM u gëzua jashtë mase kur puta e Terezës u rrënua në Mitrovicë nga forca të padukshme hyjnore. Për këtë arsye në deklaratën tonë të mëparshme ne thamë që FRM rrëzimin e saj “e shikon si një bekim hyjnor që ka ardhur nga qielli si shpërblim për popullin e vuajtur shqiptar”. Rrënimi i Terezës në Mitrovicë duket se ka ardhur si pasojë e forcave të padukshme hyjnore, të cilat rrëzojnë kë të duan dhe ngrenë kë të duan. Dhe për këtë rrëzim ne falenderojmë Allahun, Zotin e Jezu Krishtit, Muhamedit, Ibrahimit dhe gjithë njerëzimit, i cili në Kuran na mëson që ndërtimi i putave është mëkat i madh. FRM kërkon ti kujtoj Flaka dhe Veton Surroit dhe personave që kërkojnë të na intimidojnë, se ne nuk kemi frikë nga ata. Ne i frikësohemi vetëm Zotit, por edhe ligjeve të vendit tonë që i respektojmë. FRM ka denoncuar në vite proçesin antiligjor dhe hileqar që po ndodh në Kosovë ku vendi ynë, përkundër Kushtetutës së Kosovës dhe popullit tonë dërrmueshëm musliman, po katoliçizohet me pahir dhe me hile. Sheshi qendron i Mitrovicës, ashtu sikur sheshet e Pejës, Prishtinës etj, ku putat e Terezës janë mbjellë, janë sheshe publike – dhe i përkasin të gjithëve. Kur komunarët tanë vendosin Terezën në këto sheshe ata thyejnë laicitetin e shtetit – i cili përdoret vetëm kundër muslimanëve – dhe kështu bëjnë krim ndaj hapësirës së përbashkët publike. Për këtë arsye, ne besojmë që ligjërisht putat e Terezës janë ilegale në Kosovë dhe ato duhet të largohen. Në lidhje me mosdashurinë e hapur që ne kemi për putën e Terezës ne i themi Veton dhe Flaka Surroit që ne kemi të drejtën kushtetuese që të mos e duam dhe të përbuzim “shenjtoren” e fesë katolike, Tereza. Kjo e drejtë mbrohet me kushtetutë dhe askush nuk na imponon dot që të bëhemi katolikë me pahir, siç ne nuk i imponojmë dot të tjerëve që të bëhen muslimanë me pahir. Ne i premtojmë klanit Surroi dhe atyre që janë pas tyre se nëse FRM, si pjesë e shoqërisë civile muslimane në Kosovë kërcënohet në çfarëdo forme për shkak të lirisë së saj të shprehjes, ne do të kërkojmë ndihmë nga shtetet demokratike të Perëndimit. Vendeve si Britania dhe Amerika, ku jetojnë njerëz sikur Aroup Chaterjee, Christopher Hitchens, Robin Fox, Ruma Bose dhe Lou Faust etj të cilët kanë thënë për Terezën gjëra nga më të ulëtat. Askush në Kosovë nuk ka autoritet që të imponoj puta dhe idhuj e mite, e askush nuk na detyron dot që një putë të huaj të Kishës Katolike që ta duam dhe respektojmë. Puta e Terezës le të rrijë në Vatikan apo Kishat Katolike dhe aty është e nderuar dhe e respektuar, por në sheshet publike të Kosovës ajo është kundër ligjit dhe ne refuzojmë këtë. Ne jemi besimtarë të lirë, që besojmë Zotin dhe shkencën. Nëse kundërshtarët tanë kanë probleme me Zotin dhe me shkencën, të cilat e kanë zhveshur lakuriq Terezën, atëherë le të merren me ata. Ama ne në Kosovë nuk do të lejojmë ata që duan të tregohen më katolikë se Papa që të na trajtojnë si Galileo Galilein dhe të themi që toka nuk lëviz. Ne do të themi gjithnjë, sikur Galilei “Eppur Si Muove” edhe nëse kundërshtarët tanë nuk e duan këtë gjë! Falenderuar qoftë Zoti, besimtarë të të cilit ne jemi pa frikë!

Kryesia e FRM-së 24/01/2014