Dhembjet e muskujve, shkaqet dhe trajtimi i tyre

[Xhuxhumaku]

Dhembjet e muskujve, shkaqet dhe trajtimi i tyre

30 Dhjetor 2013 | : Ndryshe | Autor: Gazeta Shqip

Dhembjet e muskujve vijnë nga shkaqe të ndryshme si nga ngritja e peshave, lodhja, mosbërja e aktiviteteve fizike, përdorimi i drogave etj. Më poshtë do të gjeni këshilla se si t’i trajtoni ato…

Shëndeti




Dhembjet e muskujve janë një problem i vërtetë, si për sa i përket diagnostikimit, edhe për mundësinë e gjetjes së terapisë më të përshtatshme. Është i rëndësishëm konsultimi me mjekun. Në çdo rast, është e nevojshme që të kuptoni arsyet e mundshme për dhembjet e muskujve, duke treguar edhe mjetet që mund të përdoren për të përmirësuar shëndetin. Pa dyshim, një nga arsyet kryesore është stili i jetës. Ndryshe nga brezat e mëparshëm, sot lëvizet më pak dhe rrjedhimisht muskulatura është më e dobët dhe më pak e tonifikuar. Muskujt e patrajtuar dhe të dobët nuk janë në gjendje të mbajnë në mënyrën e duhur peshën e trupit dhe si pasojë, pesha do të bierë e gjitha në kolonën vertebrale. Po aq e vërtetë është se ka shumë njerëz të cilët praktikojnë aktivitet fizik dhe për këtë arsye u nënshtrohen përpjekjeve të mëdha fizike. Qëndrimi ka një rol shumë të rëndësishëm në këto lloj dhembjesh, për shembull të punuarit në kompjuter, udhëtimet me makinë, mbrëmjet para televizorit, ndërkohë nuk duhet harruar fakti se një pjesë të mirë të kohës sonë e kalojmë ulur. Si përgjigje të këtyre zakoneve të këqija shtohet tensioni dhe dhembjet e muskujve. Stresi fizik dhe psikologjik mund të përkeqësojë situatën.

Shkaqet më të zakonshme për dhembjet e muskujve janë:

-Lëndimet, trauma dhe shtrembërimet;

-Përdorimi i tepruar i një muskuli, i ftohti, tensioni dhe stresi;

-Ilaçet për uljen e presionit të gjakut, ose për të ulur kolesterolin;

-Kokaina;

-Zhbalancimi elektrolik si për shembull mungesa e kaliumit ose e kalciumit;

-Gripi dhe infeksionet;

-Absces në muskuj;

-Poliomieliti;

-Fibromialgjia: dobësi e muskujve, lodhje, dhembje koke dhe vështirësi të lidhura me gjumin;

-Ushqyerje jo e shëndetshme.

Këshilla

Kur dhembjet e muskujve nuk shkaktohen nga sëmundje për të cilat duhet patjetër të përdorni ilaçe, ka një sërë metodash natyrore që mund t’i vini në praktikë:

Masazhet

Ato janë efektive veçanërisht në rastin e dhembjeve muskulore të shkaktuara nga fibromialgjia.

Ushtrimet fizike dhe stretching

Ndihmojnë për rivendosjen e tonifikimit të muskujve. Ecja, çiklizmi dhe noti janë aktivitete të mira sportive. Një terapeut fizik mund t’ju mësojë stretching, tonifikim dhe ushtrime aerobike që të mund ndiheni më mirë dhe që të shmangni dhembjet. Shmangni aktivitetin e fortë aerobik dhe peshat, sidomos kur jeni të lënduar, apo kur ankoheni për dhembje. Pini shumë lëngje para, gjatë dhe pas ushtrimeve.

Joga

Ushtrimet dhe qëndrimet e jogës mund të jenë të dobishme pasi ndihmojnë për të reduktuar stresin dhe për të nxitur gjumin dhe për të relaksuar muskujt.

Antiinflamatorë dhe analgjetikë

Përdorini për qetësimin e dhembjeve të muskujve për shkak të lëndimeve ose nga aktiviteti i tepërt. Aplikoni akull për 24 orët e para për të ulur dhembjet dhe inflamacionin. Nëse punoni në të njëjtin pozicion pjesën më të madhe të ditës (ulur në një kompjuter), ngrihuni dhe bëni lëvizje të paktën një herë në çdo orë.

http://gazeta-shqip.com/lajme/2013/1...trajtimi-tyre/

[sirena_adria]

Dhimbjet Muskulare – Kura Natyrale që Funksionon

Dhimbjet muskulare dhe të gjymtyrëve janë të forta dhe aspak të këndshme.

Fundja, asnjë dhimbje nuk është e tillë.

Por në rastin e muskujve dhe gjymtyrëve, dhimbja është aq e mprehtë sa të drobit dhe të heq lirinë e lëvizjes.

Dhimbjet muskulare shfaqen në çdo stinë, por gjatë dimrit janë më të shpeshta.

A ka një kurë për dhimbjet muskulare dhe të gjymtyrëve?

Mjekësia tradicionale favorizon përdorimin e medikamenteve dhe kremrave.

Mjekësia popullore nga ana tjetër bën rekomandime të ndryshme.

Të dhënat e AgroWeb.org tregojnë se përzierja e mjaltit, kanellës dhe xhenxhefilit funksionon me të vërtetë.

Një kurë e tillë zbut dhimbjen dhe inflamacionin dhe rikthen lëvizshmërinë.


Përse janë këto përbërës kaq efikasë?

Mjalti është eliksir i shëndetit.

Vlerat e tij janë të pamohueshme dhe të larmishme.

Mjalti është një përbërës i domosdoshëm për mirëqenien tonë.

Xhenxhefili është i shkëlqyer kundër inflamacionit sepse përmban xhinxherol.

Ky përbërës largon dhimbjen e kyçeve, muskujve dhe gjymtyrëve bashkë me inflamacionin.

Për më tepër, xhinxheroli arrin të parandalojë dëmet që shkaktojnë radikalet e lira.

Ai është efikas në zbutjen e lëndimeve të fytit dhe në forcimin e sistemit imunitar.

Kanella është një erëz shumë e fuqishme kundër inflamacionit.

Ajo lufton bakteret dhe mbron funksionet e trurit.

Kanella është e pasur në minerale si: hekuri, mangani dhe kalçiumi.

Kjo erëz aromatike rekomandohet nga ekspertët për parandalimin e diabetit dhe uljen e sheqernave në gjak.


Kura me Xhinxher, Kanellë dhe Mjaltë

Përbërësit:

– 1 lugë gjelle me xhenxhefil të grirë
– 1 gotë me ujë
– pak kanellë
– 2 lugë çaji me mjaltë


Përgatitja

Ziejeni ujin dhe lëreni mënjanë.

Shtoni xhenxhefilin dhe kanellën dhe mbulojeni enën me kapak.

Pas 10-15 minutash shtoni mjaltin.

Ju mund të konsumoni një lugë çaji nga ky lëng dy herë në ditë.

Pijeni lëngun për disa ditë deri sa dhimbja të ikë dhe ju të jeni në gjendje të lëvizni lirshëm dhe pa probleme.


/ AgroWeb.org

https://agroweb.org/ne-forme/dieta-k...lare-natyrale/