Gëzuar Krishtlindjen !

[Helikranon]

Gezuar Krishtlindjen,paqe dhe lumturi !

[MaqoKorca]

Gezuar edhe nga une ! Mbi te gjitha shendet !

[arbereshi_niko]

Per shume vjet Krishtlindjen!

[Archon]

Kremtim festiv në Katedralen “Ngjallja e Krishtit”

“Në epokën tonë, në deklaratat publike, mbisundon theksimi i dinjitetit të njeriut. Por ngjarja që tregon me forcë unikale vlerën e jetës njerëzore, është ajo që zotëron në të kremten e sotme: Biri i Perëndisë së gjallë, të paafrueshëm dhe të tërëfuqishëm, mori natyrën njerëzore, u bë njeri. Ky vazhdon të jetë mesazhi qendror mahnitës i Krishtlindjes. Perëndia nuk dërgoi engjëj për shpëtimin e botës, nuk mori formën e një krijese tjetër, por u bë njeri. Në këtë mënyrë theksoi qartazi vlerën e jetës së njeriut në vetvete dhe shfaqi shenjtërinë e çdo qenieje njerëzore.” Kështu e nisi Kryepiskopi Anastas Mesazhin tradicional të Krishtlindjes, që u lexua në mbarim të Liturgjisë Hyjnore festive, që u krye në Katedralen e re “Ngjallja e Krishtit”. Ai bashkëmeshoi me anëtarë të tjerë të Sinodit të Shenjtë, Episkopin e Apolonisë Nikollën, Episkopin e Krujës Andonin, Episkopin e Amantias Nathanailin dhe Episkopin e Bylisit, Astin.
Atmosfera e Krishtlindjeve kishte ditë që ndihej në të gjithë Kryeqytetin edhe përpara datës 25. Krishtlindja u bë edhe më e veçantë nga veprimtaritë e shumta me fëmijët, si koncertet, kolendrat etj., por edhe me veprimtaritë bamirëse, duke shpërndarë dhuratat dhe ushqimet që ata vetë kishin mbledhur. Këtë atmosferë e theksonin dhe shërbesat e veçanta të kësaj periudhe, si Efqelia, Shërbesa e Orëve etj.
Ato kulmuan ditën e Krishtlindjes me Liturgjinë Hyjnore të Shën Vasilit, që nisi në orën 6.30, në Katedralen “Ngjallja e Krishtit”. Ajo ishte e mbushur që herët, por edhe gjatë gjithë ditës nuk rreshti lumi i besimtarëve që vinin për të ndezur qirinj dhe për t’u lutur. Ata që nuk mundën të vijnë në kishë e ndoqën meshën në transmetimin e drejtpërdrejt në RTSH, por edhe në lidhjet direkte dhe kronikat e televizioneve të tjera.
Mesazhi i Krishtlindjes i Kryepiskopit Anastas ishte i përqendruar tek “Vlera e pakonceptueshme e jetës njerëzore”, të cilën e thekson në mënyrë të veçantë kjo e kremte, duke u ndalur në mënyrë të veçantë edhe tek lufta kundër indiferentizmit ndaj njerëzve të tjerë dhe tek rëndësia e solidaritetit, respektit dhe ndihmës për ta. Por u theksua edhe dimensioni i jetës së përjetshme, që ajo sjell. “...Përpos jetës biologjike, ekziston edhe një jetë e një cilësie më të lartë; ajo shpirtërore, që fal dhe nxit besimin, që mundëson hapjen e zemrës sonë në zonën e shpirtit”, - do të nënvizonte Fortlumturia e Tij në këtë Mesazh.





http://www.orthodoxalbania.org/al/in...lja-e-krishtit

[Archon]

Urime të shumta dhe të ngrohta - Kryepiskopi Anastas priti vizitorë të shumtë në selinë e re të Sinodit të Shenjtë

Ditën e Krishtlindjes, pas Liturgjisë Hyjnore, në orën 12.00, Kryepiskopi Anastas, i shoqëruar nga Episkopi i Apollonisë Nikolla, i Krujës Andoni, i Amantias Nathanaili dhe i Bylisit Asti, pritën vizitat e urimit. Pritja u bë në sallën e madhe të godinës së re të Sinodit të shenjtë, pjesë e kompleksit të Katedrales “Ngjallja e Krishtit”. Erdhën për të uruar Presidenti Nishani, Kryeministri Rama, Kryetari i Kuvendit Meta, Kryetari i PD dhe kryebashkiaku Basha, ministra, kryetarë partish, diplomatë, intelektualë dhe personalitete të shquar, besimtarë etj.
Për të uruar erdhën edhe përfaqësues të komuniteteve të tjera fetare, Kryetari i Komunitetit Musliman, Haxhi Selim Muça, Kryegjyshi Bektashin, Baba Edmond Brahimaj, Nunci Apostolik Mons. Iglezias, përfaqësues të Vëllazërisë Ungjillore, komunitetit Halvetian etj.
Të pranishmit uruan Kryepiskopin dhe besimtarët orthodhoksë për festën, duke theksuar ndër të tjera:
Presidenti Nishani: “Dëshiroj të uroj më shumë paqe në shpirtrat tanë, më shumë qetësi në mendjet tona”.
Kryeministri Edi Rama: “U uroj gëzuar Krishtlindjet të gjithëve, është një festë e të gjithëve si të gjitha festat e mëdha të besimeve fetare të vendit tonë dhe përfitoj nga rasti që të nënvizoj kënaqësinë në këtë ditë kur fryma e solidaritetit me më të dobëtit, me ata në nevojë dhe me të gjithë ata që kërkojnë një rrugë shprese kulmon”.
Kryetari i PD, Lulzim Basha: “Urime për çdo vatër shqiptare që të marrë bekimin e Zotit, për të gjithë njerëzit anembanë botës. Dua të shpreh krenarinë që jam kryetar i një bashkie të një qyteti, i një vendi që feston me shpirt tolerance. Gëzuar”.
Kryetari i Kuvendit, Ilir Meta: “Lindje dhe dritë, rilindin dhe forcohen shpresat tona për një Shqipëri më të mirë, jo vetëm për veten tonë, por edhe për brezat që vijnë. Sot është një ditë që na bën me të bashkuar, më solidarë për të punuar së bashku për një Shqipëri që dëshirojnë të gjithë qytetarët tanë. Gëzuar”





http://www.orthodoxalbania.org/al/in...dit-te-shenjte

[dielli1]

[anita340]

Gezuar Krishtlindjen gjithe besimtareve katolik te forumit!

[Archon]

† IGNATI
Mitropoliti i Beratit, Vlorës dhe Kaninës.
Klerit dhe Besimtarëve shpresëtarë të Mitropolisë,
Bijtë e mi të dashur më Zotin!
«Ja Krishti lind lavdërojeni;
ja Krisht’ i qiellit vjen dilni priteni;
ja Krishti mbi dhenë ngrehuni»
(Shën Grigor Teologu)
Krishti Mbi Dhenë
Domethënë, Perëndia mbi dhe! Sepse, me lindjen e Jisu Krishtit në Betlehem, “Perëndia u shfaq në trup” (I Timoteu 3:13). “U pa mbi tokë edhe mes njerëzve banoi”, sipas profetit Baruk (3:38). “Edhe fjala u bë mish, dhe qëndroi ndër ne” (Joani 1:14). Mund të themi, pra, bashkë me shën Grigor Teologun, në të kremten e Krishtlindjes: “Me të vërtetë Krishti mbi dhé”.
Duke bërë një kthim mbrapa në histori, përgjatë shekujve, vërejmë si vijon: “Krishti mbi dhé tashmë, njeriu mbi dhé atëherë”. Njeriun mbi tokë e solli Krishti, si Perëndi Krijues. Krishtin mbi tokë e solli njeriu, duke pasur nevojë shpëtimi.
Ja dy stacione, dy pika referimi në historinë e lashtë të njerëzimit. Njeriu mbi tokë - Krishti mbi tokë.
* * *
Njeriu mbi tokë.
Kush do të mohojë, se mirëdashja dhe pëlqimi i Perëndisë, dhe mirësia e skajshme e Krijuesit të parajetshëm dhe të panisshëm, solli njeriun në tokë? Nëse pyesim apostull Jakovin, vëllanë e Krishtit, përse e krijoi Perëndia njeriun, do të na jepte këtë përgjigje: “Që të jemi ne, një fryt i parë i krijesave të tij” (Jakovi 1:18). Kurse apostull Pavli do të shtonte, se na solli në tokë: “Që të jemi shenjtorë dhe të paqortueshëm përpara atij me anë të dashurisë, duke na paracaktuar për birësim të tij me anë të Jisu Krishtit” (Efesianët 1:4-5). Ja përse Perëndia deshi-pëlqeu të vijë njeriu mbi tokë, që të bëhet i ngjashëm me Krijuesin e tij. Që të realizojë dhe të arrijë “ngjashmërinë” me Të.
* * *
“Por, përse Krishti mbi tokë?”, do të pyesni. “Që të mos humbasë kushdo që t’i besojë atij, por të ketë jetë të përjetshme” (Joani 3:16). Erdhi në tokë Krishti, që të ngrejë njeriun e rënë. Që të ringjallë të vdekurin për shkak të mëkatit. Që të falë mëkatarin. Që të kërkojë dhe të shpëtojë delen e Tij të humbur, Bariu i shumëdhembshur. (Luka 19:10)
Dashuria e pafund e Perëndisë e solli njeriun mbi tokë. Mjerimi i njeriut mëkatar dhe nevoja e shpëtimit të njeriut, solli Krishtin në tokë. Çfarë antiteze dhe mosngjashmërie kolosale shkaqesh, shkaktuan këto dy ngjarje tronditëse!
* * *
Para se të vijë njeriu mbi tokë, “mbolli Perëndia Parajsën në Edem, në lindje, dhe vendosi atje njeriun që gatoi”. Dhe brenda atij kopshti të mrekullueshëm dhe të perëndimbjellë, “bëri që të mbijnë nga toka lloj-lloj pemësh të këndshme nga pamja dhe që jepnin fryte të mira për t’u ngrënë” (Zanafilla 2:8-9). Çfarë banese, çfarë parajse e vërtetë për njeriun! Dhe shikimi i të parëgatuarve dëfrehej, dhe shija ngazëllohej, dhe nuhatja kënaqej, dhe dëgjimi rrëmbehej nga kënga e ëmbël e zogjve këndonjës. “Atje lule të fushës dhe zambak të luginave”. “Atje aroma e vajrave të këndshme” (Kënga e Këngëve 2:1, 1:3). Atje lum i pashterur.
* * *
Po, kur erdhi “Krishti mbi tokë”? Oh Atëherë! Në vend të Edemit, Betlehemi! Në vend të ngrohtësisë së Parajsës, shpella e lagësht dhe e ftohtë! Në vend të aromës së Parajsës, era e keqe e stallës! Në vend të dritës verbuese të ditëve të Parajsës, perdja e errët e natës! Dhe Mbjellësin e Parajsës, kur erdhi mbi tokë, e pranoi grazhdi i varfër i kafshëve të palogjikshme!
“Krishti mbi tokë”
E ndjemë vallë, ndonjëherë, se Krishti erdhi nga qiejt mbi tokë, me kushtet më të përulura dhe të varfra, që të lartësojë njeriun, nga toka në qiell? “Njeri, u bë Perëndia, në mënyrë që ta bëjë Adamin, Perëndi”, vëren shën Athanasi i Madh. Po, Perëndi sipas hirit, që, siç thotë shën Pavli, “të marrim birësinë”.
Vetëm kështu do të festojmë Krishtilindje të vërteta dhe do t’i përgjigjemi qëllimit për të cilin u bë njeri Zoti. Ai, i nxitur nga dashuria e Tij e paanë ndaj nesh, mori përsipër dhe përfundoi veprën e shpëtimit tonë. Ne, tashmë, që pritet ta pranojmë nëpërmjet misterit të Kungatës Hyjnore, në grazhdin e shpirtit tonë, cila është parapërgatitja jonë? Kisha na fton: “Betlehem, përgatitu; le të stoliset grazhdi, shpella le të presë...”. Shpirti im, përgatitu! Por, si përgatitet shpirti? Me sy të pastër, me sy besimi, të vëzhgojmë Potirin e Shenjtë. Me duar të pastra, me duar që shpërndajnë dashuri, lëmoshë, të prekim shaminë e shenjtë. Me buzë të pastra, pa fjalë të pahijshme dhe gënjeshtra, t’i afrohemi Misterit. Me zemër të pastër, të larë në jordanin e pendimit të sinqertë dhe rrëfimit të pastër, të presim Zotin e Lavdisë. Betlehem do të thotë simbolikisht, shtëpia e bukës. Krishti është Buka e jetës dhe e pavdekësisë. Ai që ha Bukën e Jetës nuk vdes kurrë. E vërteton vetë Krishti, që thotë: “Ai që ha mishin tim dhe pi gjakun tim, ka jetë të përjetshme, dhe unë do ta ngjall në ditën e fundit” (Joani 6:54). Për këtë jetë të përjetshme dhe mbretëri të amshuar, të na bëjë të denjë Zoti.
Gëzuar Krishtlindjet!

[Albo]

Krishti lindi! Lavderojeni Ate!

Njeriu perballet me Zotin e tij te misheruar e te lindur ne nje menyre te mistershme!
Botes se erret i rikthehet drita e pakrijuar e Perendise!

Ne zemren e njeriut besimtar lind shpresa!

Zoti nuk na braktisi. Nuk na la ne meshiren e xhelateve te kesaj bote. Nuk i la shpirtrat e te drejteve nen vargonjte e vdekjes. Erdhi qe te na shpetoje te gjithe ne mekatareve qe lutemi per meshire e shpetim ne emrin e Tij.

Te bekuarit, ata qe kane lindur me Krisht, ata qe jane pagezuar ne Kishen Orthodhokse, ne kete dite duhet te kujtojne qe misioni i jetes sone eshte nje jete me Krishtin, ecje ne hapat e Tij.

Ata qe ende nuk jane ndricuar nga Perendia, te gjithe ata njerez qe jetojne ne erresire shpirterore, Krishtlindja eshte si nje DIELL i fuqishem qe fal drite e ndez flaken e besimit ne shpirtrat e njerezve. Mos i ktheni shpinen Drites se Krishtit, por ulni kryet tuaja para Saj.

Dhe asnjehere mos harroni tre dhuratat e medha te Krishtit per ne:

Besim - Shprese - Dashuri!

Shfaqja e Zotit Krisht profeteve te popullit te Izraelit na solli Besimin!

Lindja e Krishtit na rilindi Shprestarine ne Zot!

Kryqezimi e Ngjallja e Krishtit, na deshmoi Dashurine e Pafund te Perendise per njeriun!

Gezuar per shume mot Krishtlindjen!
Drite e Paqe Perendie ne bote!

[Xhemis]

E pashe tek lajmet qe ortodokset kane festuar lindjen e krishtit me 25 dhjetor.Mirepo duke elxuar nje artikull te huaj ne gjuhen angleze rreth krishtlindjeve thoshte se ortodokset , Kisha e lindjes i feston krishtlindjet ne 7 janar pasi ndjekin kalendarin julian ndersa katoliket ne 25 dhjetor sepse ndjekin kalendarin gregorian.Eshte e sakte ky si informacion?Cfare festojne ortodokset ne 7 janar? Krishtlindje apo Pashke?Ma sqaroni pak me detaje.