Rritet cmimi i naftes, per te luftuar mbipeshen

[Brari]

Ore po ki ballua i ps-se shok taulantua qenka me sida. Nashi e kutprova pse i ka inat ay moldavet. Ja pastan njit

[VOLSIV]

Kudo ku nevojitet naftë, gëzimi është prej javësh i madh. Një furnizim i makinës
kushton dukshëm më pak se në fillim të vitit dhe kush i mbush tani fuçitë e vajit
për ngrohje, do të marrë një faturë më të mirë se një vit më parë. Ekspertët e
sektorit të naftës kanë përllogaritur se vetëm në Gjermani pronarët e makinave
kanë kursyer 5 miliardë euro për furnizim në krahasim me një vit më parë.
Paratë shpenzohen për gjëra të tjera, gjë që forcon kërkesën e brendshme. Kjo
ka ndikim pozitiv edhe në koniunkturë. Edhe eksportuesit gjermanë kanë arsye
për t’u gëzuar: meqenëse kursi i euros ka rënë ndjeshëm, mund t’i shesin më
lirë produktet e tyre. Të gjitha këto kanë bërë që studiuesit e ekonomisë ta
përmirësojnë parashikimin e tyre për rritjen ekonomike vitin e ardhshëm. A
ndodhet Gjermania, dhe me të edhe Eurozona para një viti të mirë ekonomik
2015?
Gjasat janë të pakëta, nëse çmimi i naftës mbetet në këtë nivel të ulët. Që tani
tregjet ndërkombëtare janë tejet nervoze. Ngritjet dhe uljet e forta në bursa gjatë
javëve të kaluara janë një prej shenjave për këtë. Nëse çmimet vazhdojnë të
bien, Eurozona mund të bjerë në një grackë të rrezikshme deflacioni. Në pritje të
rënies së vazhdueshme të çmimeve njerëzit i shtyjnë blerjet e mëdha dhe firmat
planet e tyre për investime. Kjo kërkesë në rënie çon në rënie të mëtejshme të
çmimeve dhe në fund kërcënon një fazë e gjatë stanjacioni. Japonia, ekonomia e
tretë më e madhe e botës, është një shembull paralajmërues për këtë.
Një tjetër vatër rreziku janë vendet prodhuese të naftës. Atje kërcënojnë trazira
serioze p.sh. në Venezuelë dhe Rusi, të cilat janë më të varura nga të ardhurat prej naftës se vende të tjera. Sa i takon Rusisë, kokteji i sanksioneve dhe rënies së çmimit të naftës po tregon që tani efekte të forta Valuta e vendit ka humbur vlerë në mënyrë drastike, largimi i kapitalit është në kulmin e tij dhe investitorët kanë humbur besimin tek ekonomia e vendit. Kush beson ende se një falimentin shtetëror i perandorisë së Putinit nuk do të kishte asnjë ndikim në Perëndim,
gabon. Situata të kujton në mënyrë fatale krizën e fundit të madhe të vendeve në zhvillim të viteve 1990. Atëherë FMN dhe Banka Botërore u erdhën në ndihmë rusëve me shumë miliardë dollarë. Kjo për momentin nuk është realiste, për më tepër
që atëherë paratë u zhdukën në kanale të errët.
Nëse Rusia nuk do të ishte më e aftë të shlyente detyrimet e saj, atëherë të
gjitha parashikimet e bukura për koniunkturën duhej të rishikoheshin. Ashtu si
në SHBA, gjithashtu një vend prodhues, që prej epokës së fracking madje
pjesërisht fajtore për ofertën e tepër në tregjet e naftës dhe kështu edhe në
rënien e çmimit. Por edhe këtu fshihet një rrezik i vërtetë. Sektori i fracking ka
emetuar obligacione me interesa të lartë për financimin e teknologjisë së tij të
shtrenjtë. Nëse firmat bien në falimentim dhe obligacionet nuk janë më në
gjendje të paguajnë interesat, kjo mund të shkaktonte një rënie të fortë në
tregjet financiare të ngjashme me atë të flluskës së imobiljeve në SHBA në 2008.
E habitshme është që ministri saudit i naftës pranon për herë të parë hapur se
janë të shqetësuar për pushtetin e tyre në treg. Nëse çmimi bie, atëherë le të
bjerë. Kështu tingëllojnë deklaratat e luftës.
Dhe sado i ulët të jetë për momentin çmimi i naftës, nuk është sinjal i mirë që
modeli gllabërues i karburantit si Hummer nga GM përjeton aktualisht një
kërkesë gjigante. Kjo na bën të harrojmë, që nafta është një lëndë e parë e
kufizuar. Heq vëmendjen nga përpjekjet për forma më moderne motorësh dhe
mënyra të reja furnizimi me energji.
Kështu mbetet të shpresohet që çmimi i naftës vitin e ardhshëm të marrë
përsëri veten dhe të dalë nga niveli absurd i ulët. Nëse kjo nuk ndodh, dhe këtë
tregojnë sinjalet për momentin, javët e fundit të paqeta të vitit 2014 nuk do të
ishin veçse një paralajmërim për një vit të trazuar 2015.

Redaktori i DW Henrik Böhme

www.gazetadita.al/gracka-e-cmimit-te-naftes/

[VOLSIV]

Rockefeller shesin aksionet e naftes para se te ulet cmimi i saj. (Cfare koincidence???)

http://www.wallstreetitalia.com/arti...l-greggio.aspx

[Qyfyre]

Bie serish cmimi i naftes, tani me u uleti ne 5 vitet e fundit

http://www.bloomberg.com/news/2015-01-05/brent-oil-falls-below-55-a-barrel-for-first-time-in-5-1-2-years.html

[arbereshi_niko]

Emiratet dhe sauditet po e bejne kete duke ngritur prodhimin ne nje dite...per fuçi.
Po ku do te dalin me kete menyre te realizimit te planit?!
Vendet si Amerika, Rusia, Venezuela, Meksika, Nigeria, etj jane vertete ne veshtiresi, pasi gati te gjitha perjashto Usa,
kane pike nevralgjike energjine...-naften, gazin dhe nenproduktet e tyre.
Por fatkeqesisht per neve qe shpenzojme "pak" ne krahasim me vitin e shkuar , kjo nuk do te zgjase shume,
sipas eksperteve me pak se nje vit, un po mbush te gjitha bidonet dhe shishet e plastikes per vete...ha ha ha
Pershendetje

[Qyfyre]

Cmimi i ulet i naftes ne muajt e fundit, ka ndikuar edhe ne industrine e naftes ne Shqiperi dhe mund te kete efekte edhe ne ekonomine shqiptare ne pergjithesi. nxjerrja e naftes ne Shqiperi ka cmim relativisht te larte dhe vetem cmimet e larta mund te mbulojne zhpenzimet.

http://www.turkishweekly.net/news/178310/tumbling-prices-hit-albania-39-s-oil-industry-hard.html

[Albo]

Fenomeni që ndodh vetëm në Shqipëri, nafta në bursë 48 USD për fuçi, çmimet te ne rriten

Tregu i karburanteve në vendin tonë mbetet ndoshta ndër tregjet më të çuditshme sa i përket reflektimit të çmimeve të bursës. Kjo në fakt vlen vetëm për kahun e uljes së tij, se për atë të rritjes reflektimi bëhet menjëherë. Së fundmi, çmimet në pikat e shitjes me pakicë të karburanteve kanë kaluar 185 lekë litri për naftën dhe benzinën. Një situatë e tillë mbetet akoma e pashpjegueshme, kur çmimet në bursë kanë nivelet minimale.

BURSA
Një fuçi naftë dje u shit me 48 dollarë, duke arritur ndoshta një ndër nivelet më të ulëta të shitjes për këtë vit. Pa dyshim që një situatë e tillë nuk mund të reflektohet menjëherë në treg, pasi blerjet e bëra nga importuesit janë në afate të ndryshme dhe ndoshta koha e blerjes së tyre të fundit është më e hershme, por sërish një ulje e tillë pak gjasa ka që të reflektohet në tregun vendës. Ulja e çmimit të naftës për fuçi erdhi pas lajmeve jo dhe aq të mira të Kinës që është një nga superekonomitë botërore dhe ku çdo parashikim pozitiv apo negativ jep efekt.

Kështu ishte edhe situata e këtyre ditëve, ku bursa e Kinës dhe disa parashikime për një rritje më të ulët të ekonomisë bënë që reflektimi te çmimi i naftës të ishte i menjëhershëm. Madje, edhe në Bursën e Londrës, së cilës i referohet Shqipëria për blerjet e saj, çmimi i naftës arriti në nivelin më të ulët të katër muajve të fundit, duke u shitur me 53.36 dollarë për fuçi. Ekspertët parashikojnë që një situatë e tillë me çmime të ulëta të vazhdojë disi më gjatë sesa çështje ditësh apo javësh, duke pritur një ndryshim të paktën nga fundi i vjeshtës, por kjo mbetet për t’u parë.

KRAHASIMI
Faqja kryesore që rendit çmimet e naftës në botë, “Global Petrol Prices”, ka bërë një renditje të fundit në datën 20 korrik ku Shqipëria nga vendi i 129-të për çmimin mestar më të lartë, ka kaluar në vendin e 133-të. Pra jemi vendi i 133-të më i shtrenjtë, edhe pse në finale ka edhe shumë vende të tjera pas nesh, pasi lista e marrë në studim përfshin 174 vende. Një litër karburant, sipas mesatares së përllogaritur nga kjo faqe, arrin 1.38 dollarë. Ajo që vihet re, të paktën në këtë rast, është që disa prej vendeve të rajonit si Sllovenia apo Kroacia, kanë çmime më të larta, ndryshe nga ç’ishte pak muaj më parë.

Panorama

[Qyfyre]

Ja dhe grafiku i fenomenit qe ndodh vetem ne Shqiperi, ku cmimi ecen njesoj si ne vendet e tjera.

marre nga faqja “Global Petrol Prices” qe permendet ne artikull.

[Wrangler]

Ky eshte ftohur ne by'the ! Ikni o Shqiptare nga ky vend se me aq mend sa keni nuk keni per ta ndryshuar ndonjehere per mire jetesen tuaj..

[martini1984]

Sa fiton shteti pro liter,apo cfar takse ka?