Buxheti 2014: Miratohet në Kuvend e dekretohet nga presidenti

[Albo]

Përgjysmohen fondet për të përndjekurit, ulen për ish-pronarët

Në buxhetin e vitit 2014, për ish të përndjekurit ofrohen 1.2 miliardë lekë më pak dhe për ish-pronarët, 200te-perndjekur-politike milionë lekë më pak.

Ish të persekutuarit

Për kompensimin e ish-pronarëve dhe ish të përndjekurve politikë, qeveria ka vënë në dispozicion 3.4 miliardë lekë ose 34 milionë dollarë. Për ish të përndjekurit ofrohen 1.2 miliardë lekë më pak dhe për ish-pronarët, 200 milionë lekë më pak.

Ish të persekutuarit

Kompensimi për të përndjekurit politikë është parashikuar këtë vit të arrijë në 1.8 miliardë lekë nga 3 miliardë që u dhanë këtë vit. Por fondi mbetet gati i njëjtë me shumat e dhëna para këtij viti. Mirëpo vlera nuk është e mjaftueshme për përmbylljen e procesit, pasi fatura totale e tij është rreth 400 milionë euro. Ministria e Financave po shpërndan këstin e parë dhe të dytë për ish të përndjekurit, pa kufij moshe. Në 23 vendime të Këshillit të Ministrave, gjatë gjithë këtyre viteve u është njohur e drejta e përfitimit të dëmshpërblimit financiar më shumë se 11 700 ish të dënuarve. Ndërsa ish të burgosurit ende gjallë janë rreth 2900 persona, që kanë përfituar këstin e parë, por nuk dihet ende se sa nga këta janë gjallë për të përfituar të dytin. Numri i njerëzve që kanë aplikuar për t’iu njohur statusi i ish-të dënuarit politik është 23 mijë në total. Sipas Ministrisë së Financave, ish të burgosurit politikë që përfitojnë këstin e dytë të dëmshpërblimit duhet të paraqesin në Ministrisë e Financave dokumente të reja, nëse kanë ndryshuar status. Nëse ish-të dënuarit politikë ose trashëgimtarët ligjorë, kanë ndryshime të gjendjes civile, duhet të dërgojnë pranë Ministrisë së Financave dokumentacionin shtesë, që duhet të jenë: Certifikatë e vdekjes, akt trashëgimie për të vdekurit, certifikatë cungu, fotokopje të kartës së identitetit sipas përfituesve ose përfaqësuesit të autorizuar dhe vërtetim. Kompensimi për të përndjekurit politikë, në fund të muajit tetor 2013, arriti në rreth 3 miliardë lekë ose rreth 8 milionë lekë më shumë se parashikimi i periudhës, duke qenë në të njëjtën kohë rreth 99.7 për qind e planit vjetor. Kundrejt një viti më parë, këto shpenzime rezultojnë rreth 1.3 miliardë lekë më të larta.

Pronarët, kompensimi 16 mln USD

Kompensimi në vlerë i pronarëve me 1.6 miliardë, nga 1.8 miliardë lekë që parashikoi qeveria ‘Berisha’ këtë vit. Sipas të dhënave, pjesa më e madhe e këtyre fondeve do të sigurohen nga legalizimi i banesave, pasi fatura nuk do të hiqet siç premtoi qeveria. Faturat e legalizimeve kanë qeverinë si të vetmin burim financimi për kompensimin e kësaj shtrese, pasi buxheti i shtetit nuk ka hedhur pothuajse asnjë lek nga burime të tjera financimi. Por fatura për kompensimin e ish-pronarëve shkon në pikiatë pas hyrjes në fuqi të çmimeve të reja të trojeve që ka miratuar qeveria këtë vit për kompensimin e ish-pronarëve. Nga 20 miliardë dollarë që llogaritet borxhi që shteti iu ka ish-pronarëve për tokat e zëna, me çmimet e reja kjo vlerë nuk do të jetë më shumë se 4 miliardë dollarë. Shpenzimet për kompensimin e pronarëve në fund të muajit tetor 2013 rezultojnë rreth 134 milionë lekë nën parashikimin e periudhës. Krahasuar me një vit më parë, këto shpenzime rezultojnë rreth 3 milionë lekë më pak ose rreth 0.3 për qind më të ulëta.

Treguesit

Buxheti për vitin 2014 është:

Të ardhurat 363 966 milionë lekë;

Shpenzimet 455 566 milionë lekë;

Deficiti 91 600 milionë lekë

Disa nga shpenzimet kryesore

Shpenzime korrente 3,4 miliardë USD

Personeli 740 milionë

Paga 601 milionë USD

Interesat e borxhit 460 milionë USD

Shpenzime Operative 350 mln USD

Shpenzime për Buxhetin Vendor 330 milionë USD

Pagesa e Papunësisë 10 mln USD

Ndihma Ekonomike dhe Paaftësia 190 mln USD

Kompensim për ish të përndjekurit politikë 18 mln USD

Kompensim për shtresat në nevojë 1,1 mln USD

Fondi Rezerve, Kontingjenca 45 mln USd

Shpenzime Kapitale 660 mln USD

MAPO

[Albo]

Pagat, rritje për policinë 20%, për të tjerët 1-2%

Në buxhetin e vitit 2014, fondi për rritjen e pagave të policisë shkon në 10 milionë dollarë, dhe po në këtë policia1-320x197masë është fondi për rritjen e pagave të administratës. Ministri i Brendshëm, Sajmir Tahiri tha se rreth 93 për qind e punonjësve të Policisë së Shtetit do të marrin 20-25 % nga 1 janari.

Këtë vit rritje pagash do të ketë vetëm për policinë, ndërsa për pjesën tjetër të administratës do të aplikohet vetëm një indeksim i thjeshtë me 1-2 % sa inflacioni. Kjo për shkak se në buxhetin e vitit 2014, fondi për rritjen e pagave të policisë shkon në 10 milionë dollarë, dhe po në këtë masë është fondi për rritjen e pagave të administratës. Policia e Shtetit aktualisht numëron mbi 9 mijë të punësuar, ndërsa e gjithë administrata publike, me 86 mijë. Sipas lajmit që dha dje ministri i Brendshëm, Sajmir Tahiri, rreth 93 për qind e punonjësve të Policisë së Shtetit do të marrin 20-25 % më shumë para që nga janari i vitit të ardhshëm, ndërsa theksoi se këtë e mundëson paketa e re fiskale, e cila përmbush pjesërisht premtimin e bërë në fushatë nga kryeministri Rama. Në deklaratën për mediat, Tahiri shpjegoi se rritja e parashikuar kap vlerat e 15-20 % të pagës mujore për pjesën më të madhe të punonjësve të policisë. Më tej, në këtë shumë është shtuar edhe çlirimi me 5 % përmes taksës progresive, aplikimi i së cilës do të fillojë që prej janarit. “Punonjësit e Policisë së Shtetit marrin pagën më të ulët sesa punonjësit e policisë në vendet fqinje, për mos folur për vendet e BE-së, sepse jemi shumë larg. Rreth 70% e punonjësve të policisë kanë të ardhura për frymë nën pagën minimale të vendit. Mund t’ju them se qeveria dhe kryeministri Rama dje kanë miratuar paketën më të plotë të mbështetjes financiare dhe buxhetore për Policinë e Shtetit në të gjithë historinë e Policisë së Shtetit”,- deklaroi Tahiri. Ai shtoi se ky nuk do të jetë përfitimi i vetëm për policët në të gjithë vendin. Në ditët e ardhshme pritet miratimi i një vendimi për sigurimin e jetës dhe atë shëndetësor për të gjithë punonjësit e policisë. “Në pemën strukturore të rritjes së pagave që me buxhetin e vitit të parë, kemi përmbushur më shumë se 60% të premtimit të qeverisë. Po rikthejmë nderin e punonjësve të Policisë së Shtetit në vend”, – deklaroi Tahiri. Ai ka akuzuar qeverinë e mëparshme se ka lënë ministrinë dhe policinë në gjendje të mjerueshme, ndërsa e cilësoi buxhetin e këtij viti, si më të madhin e miratuar ndonjëherë për Ministrinë e Brendshme. Tahiri shtoi më tej se në 3 vitet e fundit është cenuar qëndrueshmëria në detyrë, duke lëvizur sa në një post në tjetrin rreth 90 % e punonjësve të policisë. Ai theksoi se borxhi që qeveria e kaluar i ka lënë Ministrisë së Brendshme kap shifrën 26 milionë dollarë. “Trashëgojmë një institucion me borxhe, që për nga shifra shkojnë 26 milionë dollarë. Ministria e Brendshme dhe Policia e Shtetit janë zhytur në borxhe. Janë 5.2 milionë vetëm për uniformën. Për të mos folur për qëndrimin në detyrë të punonjësve të Policisë së Shtetit. 12 % e efektivëve kanë qëndruar në detyrë më pak se 30 ditë”, – u shpreh Tahiri.

Rritja e pagave

15 -20 % është rritja e parashikuar në buxhetin 2014 për punonjësit e policisë në hierarki të ndryshme

5 % më shumë para nga rroga e tyre, punonjësit e Policisë së Shtetit i përfitojnë nga hyrja në fuqi e taksës progresive

93 % e punonjësve të Policisë, sipas ministrit Tahiri kanë përfituar rritje page me paketën e re të buxhetit

MAPO

[par]

Përgjysmohen fondet për të përndjekurit, ulen për ish-pronarët

Në buxhetin e vitit 2014, për ish të përndjekurit ofrohen 1.2 miliardë lekë më pak dhe për ish-pronarët, 200te-perndjekur-politike milionë lekë më pak.

Ish të persekutuarit

Për kompensimin e ish-pronarëve dhe ish të përndjekurve politikë, qeveria ka vënë në dispozicion 3.4 miliardë lekë ose 34 milionë dollarë. Për ish të përndjekurit ofrohen 1.2 miliardë lekë më pak dhe për ish-pronarët, 200 milionë lekë më pak.

Ish të persekutuarit

Kompensimi për të përndjekurit politikë është parashikuar këtë vit të arrijë në 1.8 miliardë lekë nga 3 miliardë që u dhanë këtë vit. Por fondi mbetet gati i njëjtë me shumat e dhëna para këtij viti. Mirëpo vlera nuk është e mjaftueshme për përmbylljen e procesit, pasi fatura totale e tij është rreth 400 milionë euro. Ministria e Financave po shpërndan këstin e parë dhe të dytë për ish të përndjekurit, pa kufij moshe. Në 23 vendime të Këshillit të Ministrave, gjatë gjithë këtyre viteve u është njohur e drejta e përfitimit të dëmshpërblimit financiar më shumë se 11 700 ish të dënuarve. Ndërsa ish të burgosurit ende gjallë janë rreth 2900 persona, që kanë përfituar këstin e parë, por nuk dihet ende se sa nga këta janë gjallë për të përfituar të dytin. Numri i njerëzve që kanë aplikuar për t’iu njohur statusi i ish-të dënuarit politik është 23 mijë në total. Sipas Ministrisë së Financave, ish të burgosurit politikë që përfitojnë këstin e dytë të dëmshpërblimit duhet të paraqesin në Ministrisë e Financave dokumente të reja, nëse kanë ndryshuar status. Nëse ish-të dënuarit politikë ose trashëgimtarët ligjorë, kanë ndryshime të gjendjes civile, duhet të dërgojnë pranë Ministrisë së Financave dokumentacionin shtesë, që duhet të jenë: Certifikatë e vdekjes, akt trashëgimie për të vdekurit, certifikatë cungu, fotokopje të kartës së identitetit sipas përfituesve ose përfaqësuesit të autorizuar dhe vërtetim. Kompensimi për të përndjekurit politikë, në fund të muajit tetor 2013, arriti në rreth 3 miliardë lekë ose rreth 8 milionë lekë më shumë se parashikimi i periudhës, duke qenë në të njëjtën kohë rreth 99.7 për qind e planit vjetor. Kundrejt një viti më parë, këto shpenzime rezultojnë rreth 1.3 miliardë lekë më të larta.

Pronarët, kompensimi 16 mln USD

Kompensimi në vlerë i pronarëve me 1.6 miliardë, nga 1.8 miliardë lekë që parashikoi qeveria ‘Berisha’ këtë vit. Sipas të dhënave, pjesa më e madhe e këtyre fondeve do të sigurohen nga legalizimi i banesave, pasi fatura nuk do të hiqet siç premtoi qeveria. Faturat e legalizimeve kanë qeverinë si të vetmin burim financimi për kompensimin e kësaj shtrese, pasi buxheti i shtetit nuk ka hedhur pothuajse asnjë lek nga burime të tjera financimi. Por fatura për kompensimin e ish-pronarëve shkon në pikiatë pas hyrjes në fuqi të çmimeve të reja të trojeve që ka miratuar qeveria këtë vit për kompensimin e ish-pronarëve. Nga 20 miliardë dollarë që llogaritet borxhi që shteti iu ka ish-pronarëve për tokat e zëna, me çmimet e reja kjo vlerë nuk do të jetë më shumë se 4 miliardë dollarë. Shpenzimet për kompensimin e pronarëve në fund të muajit tetor 2013 rezultojnë rreth 134 milionë lekë nën parashikimin e periudhës. Krahasuar me një vit më parë, këto shpenzime rezultojnë rreth 3 milionë lekë më pak ose rreth 0.3 për qind më të ulëta.

Treguesit

Buxheti për vitin 2014 është:

Të ardhurat 363 966 milionë lekë;

Shpenzimet 455 566 milionë lekë;

Deficiti 91 600 milionë lekë

Disa nga shpenzimet kryesore

Shpenzime korrente 3,4 miliardë USD

Personeli 740 milionë

Paga 601 milionë USD

Interesat e borxhit 460 milionë USD

Shpenzime Operative 350 mln USD

Shpenzime për Buxhetin Vendor 330 milionë USD

Pagesa e Papunësisë 10 mln USD

Ndihma Ekonomike dhe Paaftësia 190 mln USD

Kompensim për ish të përndjekurit politikë 18 mln USD

Kompensim për shtresat në nevojë 1,1 mln USD

Fondi Rezerve, Kontingjenca 45 mln USd

Shpenzime Kapitale 660 mln USD

MAPO

a ka ekonomist qe mund te konfirmoj qe kriza te shpie ne rritje buxheti per administraten, dhe per pushtetin, a mos eshte kjo qe duhen shtuar te punesuarit ne shtet qe te kemi sa me shume vota,
o moj shqipni e mjera shqipni
kush po te fut me kry ne hi
deti duke u sos
e ne marrim garuzhda per kos
mlidhuni cakej, zuzare, progresista
deti u be kos dhe ju ka ardhe dita.

[xhori]

gri sallat o albo gri, se keshtu do ua kthesh mendjen shqiptareve qe te votojne salen, duhet te kishe ndenje akoma kohe ne shqiperi pasyaj te ikje ne amerik keshtu e kishe kuptua me shume popullin shqiptar, kky popull nuk merr vesh nga taksat se kush i rrit e kush i ngre populli te shikon nga duart per
cash ne dore, ti llomotit kote batiava

[Albo]

gri sallat o albo gri, se keshtu do ua kthesh mendjen shqiptareve qe te votojne salen, duhet te kishe ndenje akoma kohe ne shqiperi pasyaj te ikje ne amerik keshtu e kishe kuptua me shume popullin shqiptar, kky popull nuk merr vesh nga taksat se kush i rrit e kush i ngre populli te shikon nga duart per
cash ne dore, ti llomotit kote batiava

Ne kete bote, ka tre lloje njerezish:

1. Budallenj. As nuk dine, as nuk duan te mesojne, por pretendojne se i dine te gjitha dhe perserisin te njejtat gabime ne jeten e tyre.

2. Te zgjuar. Kur gabojne nxjerrin mesim nga gabimi, e nuk e perserisin me kurre ne jeten e tyre.

3. Te urte. Shikojne njerezit perreth qe gabojne, dhe nxjerrin mesime nga gabimet e tyre, qe te mos i perseritin vete ne jetet e tyre.

Se shpejti do te mesojme se sa budallenj, te zgjuar e te urte kane mbetur ne Shqiperi. Taksat e reja dhe cmimet rriten ne 1 janar 2014.

Albo

[Albo]

Basha: Dorëzuam 39 amendamente. Ne, zëri i qytetarëve për premtimet e pambajtura të Ramës

TIRANE- Kreu i PD-së, Lulzim Basha ka deklaruar sot se partia që drejton ka depozituar në Kuvend 39 amendamente, në respekt të zërit të qytetarit që pret mbajtjen e premtimeve të Ramës, për të cilat e sollën në pushtet.
“Konceptet tona për zhvillimin ekonomik mbështeten në vlerat e lirisë, ndryshe nga konceptet regresive të paraqitur nga Rama-Meta dhe që kanë fshirë nga fjalori fjalën zhvillim. Asnjë kryeministër në botë nuk do të guxonte të gënjente për uljen e taksave, po të kishte një miligram të vërtetë se ka ulur taksën e fitimit, sipërmarrja dhe unë do ti thurnim lavde këtij çlirimtari, por sipërmarrja është në revoltë të trefishtë, se rritja e 50% e taksës së fitimit, arbitraritet fyes, e poshtëron sipërmarrjen duke e akuzuar se paguan nën dorë për të përligjur rritjen e taksës”- tha Basha.
Sipas Bashes, sipërmarrja eshte kundër paketes fiskale dhe këtij buxheti, pa përjashtim, grupet e interesit po ashtu. “Ne nuk pretendojmë ta detyrojmë shumicën të votojë atë që nuk e ka kulturë, orogram, vizion, PD ka depozituar 39 amendamente për buxhetin dhe paketën fiskale, mbi dy parime; interesi publik, premtimet elektorale të Ramës që e sollën në pushtet, premtimet dhe mbajtja e tyre janë kontrata e cdo qeveri me zgjedhësit”- tha Basha, duke numeruar gjithe amendametet e depozituara nga PD, ilustruar me premtimet e Rames gjate fushates elektorale.
Fjala e plotë e kreut të opozitës Lulzim Basha mbi amendamentet e projektbuxhetit dhe paketës fiskale 2014:
Projektbuxheti i qeverisë Rama-Meta dhe Paketa Fiskale që e shoqëron nuk janë dhe nuk mund të jenë projektbuxheti dhe Paketa Fiskale e Partisë Demokratike, si parti e qendrës dhe qendrës së djathtë.
Konceptet tona për zhvillimin ekonomik për mirëqenien, për punësimin, mbështeten me përparësi në vlerat lirisë, nismës së lirë, taksave të ulëta, qeveri të vogël, punës dhe punësimit, ndryshe nga konceptet thellësisht regresive që janë paraqitur këtë muaj nga shumica Rama-Meta që ka fshirë nga fjalori fjalën zhvillim.
Projektbuxheti ynë do të ishte krejt tjetër. Do të ishte i mbështetur në vizionin në tonë që vendos politikat e zhvillimit mbi politikat fiskale. Taksimi është derivat i zhvillimit. Taksimi pa zhvillim është njëlloj si të marrësh e të mos vësh, të hash kursimet sot pa dashur t’ia dish si do t’’ja bësh mot.
Me një spekulim ordiner, kryeministri deklaron se e ka ulur taksën e fitimit nga 22 për qind në 15 për qind, pra shtatë për qind më pak sipas tij. Asnjë kryeministër në botë nuk do të guxonte t’i referohej botërisht një megagenjeshtre të prodhuar në ofiçinën e tij të thashethemeve dhe shpifjeve, siç guxon ai.
Po të kishte një miligram të vërtetë se paska ulur taksën e fitimit nga 22 për qind në 15 përqindje, sipërmarrja dhe ndoshta edhe unë bashkë me ta, do t’i thurnim lavde këtij çlirimtari.
Por sipërmarrja është në revoltë të trefishtë, siç e konstatuam në tryezat tona me grupet e interesit: së pari sepse rritja drastike 50 për qind e taksës së fitimit asgjëson çdo mundësi për zhvillim dhe rritje, e dyta sepse është bërë me një arbitraritet fyes si të mos ishte sipërmarrja e lirë faktori kryesor i zhvillimit të vendit dhe punësimit, e mirëqenies në vend, por një fajtore e diktuar dhe e marrë peng nga kryeministri. Fajtore pse punon, krijon, prodhon; e treta sepse ky kryeministër vazhdon ta poshtërojë sipërmarrjen duke e akuzuar atë se ka paguan nën dorë. E gjithë kjo për të përligjur rritjen e pashembullt të taksës 50 për qind.
Gjithë sipërmarrja pa përjashtim është kundër këtij projektbuxheti dhe kësaj pakete fiskale, e madhja, e mesmja, e vogla, e gjitha, papërjashtim;
-gjithë grupet e interesit janë kundër këtij projekti, të gjithë pa përjashtim, pensionistë, të vetëpunësuar, të rinj, të papunë, invalidë, ish të përndjekur, ish pronarë, gra kryefamiljare, sepse me rritjen universal te taksave të gjithë pa përjashtim do paguajnë më shumë.
-të papunët dhe ata që ëndërrojnë të gjejnë një punë janë viktima më e madhe e këtij projektbuxheti sepse e kanë të qartë se me taksën e rritur 50 për qind dhe gjithë taksat e tjera me nivele më të larta, sipërmarrja jo vetëm nuk do të ketë mundësi të shtojë vendet e punës, por do të jetë e detyruar t’i shkurtoje edhe ato që ka, pra të hedhë në rrugë të punësuar. Ky është projektbuxheti dhe paketa fiskale e shpunësimit masiv të shqiptarëve dhe këtë për fat të keq koha do ta tregojnë shumë shpejt.
Por ne nuk pretendojmë ta detyrojmë shumicën të votojë në Kuvend çfarë nuk e ka kulturë, nuk e ka program, nuk e ka vizion, pra të votojë një projektbuxhet sipas vizionit të qendrës së djathtë. Kjo nuk ka sens.
Partia Demokratike ka depozituar sot zyrtarisht 39 amendamente për buxhetin e shtetit dhe Paketën Fiskale në Kuvendin e Shqipërisë.
Këto amendamente janë hartuar mbi dy parime; së pari interesi publik dhe ne jemi udhëhequr në këtë proces nga propozimet e ardhura nga grupet e interesit dhe qytetarët gjatë konsultimeve publike dhe mediatike të 10 ditëve të shkuara. Një detyrë qytetare që ne e bëmë dhe që qeveria e shpërfilli.
Këto amendamente përkojnë dhe me një parim tjetër, me premtimet elektorale të Edi Ramës, premtime që e sollën atë në pushtet në zgjedhjet e 23 qershorit. Premtimet dhe mbajtja e tyre për të cilat z.Rama nuk ka asnjë pendesë, pasi e tha edhe mbrëmë se do t’i realizojë të gjitha.
Premtimet dhe mbajtja e tyre, janë kontrata e një qeverie me zgjedhësit, dhe respektimi i tyre është burimi i moralit që e mban në këmbë një mazhorancë.
Nëse premtimet nuk mbahen, shumica është e rënë moralisht. Ky është standardi i politikës në Europë sot.
Po i paraqesim këto amendamente, sepse kemi vënë re së bashku me ju të dashur qytetarë shqiptarë, se qeveria ka harruar t’i përmendë ato. Meqenëse qeveria ka harruar, ne me këtë rast po bëhemi zëri edhe i atyre votuesve të mashtruar për shëndetësi falas, legalizim falas, heqje të TVSH për ushqimet bazë të shportës, heqje të TVSH-së për energjinë familjare, heqje të taksës së qarkullimit të naftës për fermerët, sigurimit të ujit në çdo shtëpi, dhe ofrimit të vaditjes e kullimit për çdo metër katrorë. E shumë të tjerave, por le ti marrim me radhë.
Partia Demokratike ka propozuar në Kuvend heqjen e TVSH-së për ushqimet bazë të shportës. Buxheti i qeverisë dhe Paketa Fiskale nuk e ka, por ja se çfarë premtoi Edi Rama para 4 muajsh.
(Shfaqet video e fushatës ku Edi Rama premton heqjen e TVSH-së).
I ka harruar. Ia kujtojmë nesër me amendamentin e propozuar nga Partia Demokratike. I japim shansin të mos damkonset mashtrues për këto premtime, ti votojë e ti miratojë.
Partia Demokratike propozon legalizim falas për zonat informale. Në këtë buxhet jo vetëm nuk parashikohet, por ALUIZNI do të vazhdojë të vjelë të ardhura. Por ky ishte kryepremtimi i Edi Ramës, dy ditët e fundit të fushatës.
(Shfaqet video ku Edi Rama premton në Kamëz legalizimin falas)
Dhe mesa duket e ka çuar për riciklim. Por ne po e rikthejmë në vëmendjen e publikut, veçanërisht të mijëra qytetarëve dhe familjarëve që më 23 Qershor votuan për legalizimin falas të premtuar nga Edi Rama.
Partia Demokratike propozon shëndetësi falas, me zero kontribute shëndetësore të paguar nga qytetarët shqiptarë. Në buxhetin e Edi Ramës nuk gjendet ky projekt. Të gjithë e mbajnë mend si megapremtimin e fushatës, luftën e madhe që u bë për të bindur shqiptarët që kjo jo vetëm nuk ishte e mundshme, e realizueshme, por premtimi i parë që qeveria do të mbajë. Jo vetëm që nuk i ka hequr kontributet shëndetësore por i ka rritur 4 deri në 8 herë.
(Shfaqet video ku Edi Rama premton shëndetësi falas në fushatë)
Partia Demokratike ka propozuar një amendament në buxhet përsa i përket sigurimit të vaditjes e kullimit të çdo metër katrorë toke në Shqipëri. Duke e kujtuar atë që e ka thënë vetë zoti Rama në fushatë.
(Shfaqet video ku Edi Rama premton investime për ujin në fushatë)
Do të luftojmë që të paguajmë të paktën një të katërtën vitin që vjen, ta çojmë 40 milionë. S’po themi që të paguajë 160 milionë që në vitin e parë.
Partia Demokratike ka depozituar amendamentin për heqjen e akcizës së naftës për fermerët së bashku me taksën e qarkullimit. Për t’i kujtuar edhe njëherë z Rama premtimin e dhënë.
(Shfaqet video ku Edi Rama premton heqjen e akcizës së naftës dhe taksës së qarkullimit për fermerët)
Ne kërkojmë heqjen e TVSH së së inputeve në Bujqësi. Një premtim ky i Edi Ramës
(Shfaqet video ku Edi Rama premton heqjen e TVSH për inputet bujqësore)
Sanksionojmë me një amendament vendosjen e kufirit për borxhin. E lamë 62 %. Kjo qeveri po e çon në 75% të GDP, por Rama në fushatë ka thënë ndryshe…
(Shfaqet video ku Edi Rama premton vendosjen e kufirit për borxhin)
Partia Demokratike propozon amendamentin për premtimin lapidar të Edi Ramës për faljen e gjobave nga 1 janari e deri në ditën e fundit të këtij viti. Premtim që reflektonte mendimin e tij kur kërkonte votën. (Shfaqet premtimi në faqen zyrtare të Partisë Socialiste)
Po ju paraqes në mënyrë të përmbledhur dhe amendamentet e tjera të Partisë Demokratike që do i propozojmë nesër në Kuvend.

1 -Heqja e plotë e TVSH-se për energjinë elektrike për të gjithë qytetarët shqiptare, për t’i ardhur në ndihmë veçanërisht familjeve në nevojë.
2 -Rritjen e nivelit të të ardhurave për punonjësit me pagë deri në 300 mijë lekë të vjetra, deri në atë masë sa të paktën të ruhet fuqia blerëse e cila kërcënohet nga humbjet që do t’u vijnë si pasojë e inflacionit, rritjes së taksës së naftës, rritjes së akcizave, taksës së banesave, etj.
3 -40 mijë lekë më shumë në muaj ose 500 mijë lekë në vit për mësuesit për të kompensuar humbjen edhe më të mëdha se kjo vlerë që do të vijnë si pasojë e inflacionit, rritjes së taksës së karburantit, rritjes së akcizës së pijeve alkoolike, duhanit, mallrave të tjera, taksës së banesës, etj.
4 -Mos rritjen e taksës së propozuar për banesat e ndërtuara para vitit 1993. Pra mbajtjen e saj në të njëjtin nivel që e kemi lënë ne. Këto banesa në të shumtën e rasteve zotërohen nga persona me të ardhura jo të larta.
5 -Përjashtimi nga tatimi për të ardhurat për të rinjtë e sapopunësuar për 5 vitet e para, dhe për sipërmarrësit e rinj, nga mosha 18 deri në 25 vjeç.
6 -Mbajtja e pandryshuar e tatim fitimit për bizneset me xhiro më të lartë se 8 milionë lekë, me qëllim që biznesi dhe tregu shqiptar të jenë sa më konkurrues brenda dhe jashtë vendit. Të gjenerojnë vende të reja pune dhe të mos humbin ato që kanë aktualisht.
7 -Kthimin aty ku ishte pra në uljen 4 deri në 5 herë (sipas zonës gjeografike) të barrës së propozuar nga qeveria Rama-Meta për ambulantët anë e mbanë Shqipërisë, kërkojmë që të qëndrojë ne nivelet që është aktualisht.
8 -Pesëfishim të investimeve të shtetit për të gjithë fermerët shqiptare dhe gjithashtu kërkojmë që investimet ne infrastrukturën e ujitjes dhe kullimit te jene ne masën 40 milionë dollarë (1/4 e premtimit prej 160 milionë dollarësh ne 4 vitet e qeverisjes)
9 -Përjashtimin nga tatim-fitimi për industritë e reja agropërpunuese, për periudhën e 4-viteve të para të veprimtarisë së tyre, me qëllim që të stimulohet rritja dhe konkurueshmeria e saj në tregun e brendshëm dhe rajonal.
10 -Rritje me 0.53% të PBB-së, për sektorin e arsimit, me qëllim që brenda mandatit qeverisës, arsimi të ketë një mbështetje buxhetore në masën 5% të PBB-se.
11 -Shpërblim fund-viti për çdo pensionist, të paktën sa gjysma e vlerës së pensionit mujor
12 -Ne kërkojmë pagë të 13-të për çdo punonjës të administratës shtetërore, duke rritur fondin e veçantë të pagave
13 -Tatim fitimi i thjeshtuar për sipërmarrësit e rinj, nga mosha 18-25 vjeç, të jete zero.
14 -TVSH-ja për shërbimet shëndetësore të jete zero, jo vetëm për ilaçet por të gjitha shërbimet shëndetësore, për ta bërë kështu të plotë dhe jo të cunguar, premtimin e Ramës për shëndetësi falas. Nëse ky amendament hidhet poshtë dhe kapërdihet mashtrimi edhe në aulën e Kuvendit, të paktën barra për kontributet për sigurimet shëndetësore për të vetëpunësuarit në fshat (fermerët) të bëhet zero, dhe jo të rritet 5 deri ne 8 herë siç propozon qeveria në paketën fiskale.
15 -Heqje reale e taksës së biznesit të vogël, dhe jo zëvendësim i saj me taksën e thjeshtuar të fitimit. Nëse jo, ulje e mëtejshme e tatim fitimit Do kërkojmë heqjen e kësaj pike, nga paketa fiskale për biznesin e vogël, deri në masën 5%, duke rritur kështu mundësinë e biznesit për të investuar, e krijuar vende pune. Ky ishte edhe një premtim elektoral i Ramës.
16 -Përjashtim nga tatim fitimi i sipërmarrësve që angazhohen të zbatojnë me korrektësi lejen koncensionare. Ndërkohë që me propozimin aktual tatohen me 15 %.
17 -Sigurimin e pavarësisë së pushtetit lokal në përputhje me Kushtetutën dhe ligjet e vendit, kartës të autonomisë vendore të Këshillit të Europës për t’i mbledhur vete të ardhurat. Kjo do te rriste përgjegjësinë dhe mirëqeverisjen e çdo njësie të qeverisjes vendore dhe cilësinë e shërbimit ndaj qytetarëve.
18-Për taksën e rritur të pronës të jetë pushteti qendror, dhe jo ai lokal, që të mbledhë “taksën mbi pasurinë e paluajtshme”, pasi rol kyç ne këtë proces ka edhe bashkëpunimi me ZRPP-ne, e cila administron dokumentacionin përkatës.
19- Dyfishim të investimeve të qeverisë për infrastrukturën vendore, të paktën 8 miliardë lekë për vitin 2014, për të mbështetur me investime sidomos zonat rurale e të prapambetura të Shqipërisë.

Panorama

[Albo]

Miratohet buxheti 2014, LSI tërhiqet, rrëzohen amendamentet e PD-së

(I perditesuar) Maxhoranca miratoi buxhetin dhe paketën fiskale për vitin e ardhshëm me 82 vota pro të maxhorancës dhe 29 kundër të opozitës.

Në fjalën e tij, Kryeministri Rama fajësoi opozitën për gjendjen e borxhit publik dhe e akuzoi atë për keqqeverisje në 8 vite, duke abuzuar me legalizimet dhe me fondet për të pastrehët.

“Është e dhimbshme të shohësh sot Shqipërinë që të mos ketë alternativë një opozitë. Paraqitja juaj e zellshme e programit tonë ka një problem. Ju flisni sikur ne jemi në fund të mandatit dhe sikur ju 100 ditë më parë nuk ishit në pushtet, por për 8 vjet në opozitë. Ju flisni sikur borxhi nuk është i juaji. Ne nuk po rrisim borxhin, thjesht po legalizojmë atë borxh të marrë prej jush. Ne nuk do t’ua ngarkojmë bizneseve barrën e përballimit të një krize që e keni krijuar ju me politikat tuaja dhe ndërtimin e politikave të taksimit me frymëmarrje të shkurtër. Ju në 8 vjet bëtë një katrahurë të madhe”, tha Rama.

Në seancën që zgjati rreth 7 orë, maxhoranca rrëzoi edhe amendimet e propozuara nga Partia Demokratike që thoshte se bazoheshin në programin elektoral të Partisë Socialiste.

Lajmi i meparshem/

Kuvendi ka nisur diskutimin nen për nen të Projektbuxheti i vitit 2014 dhe Paketës Fiskale, që do të votohen sot. Surpiza që pritej të sillte përçarjen e parë mes aleatëve në qeveri Rama e Meta është shmangur me tërheqjen e LSI-së nga amendamenti i saj për taksimin e biznesit fason.

Kështu LSI bëri të ditur sot se tërheq përkohësisht amendamentin për mbajtjen të pandryshuar të tatim fitimit për biznesin e fasonëve. LSI bie dakord që të mbajë pezull këtë amendament duke i dhënë kohë qeverisë brenda pranverës të hartojë një paketë integrale që do t’i vijë në ndihmë këtij biznesi. “Problemi është kompleks. Qeveria tha garancinë për trajtim të paketës integrale të çështjes së biznesit fason që do të shqyrtohet edhe me grupet e interesit, lehtësira të karakterit infrastrukturor, dhe administrativ duke e bërë të mundshëm të jetë një biznes i shëndetshëm. “- tha kreu i grupit të LSI-së Petrit Vasili.

Pas negociatave mes LSI-se dhe PS-se u ra dakord qe kjo pakete masash te diskutohet nga pranvera. Nënkryetari i LSI, Petrit Vasili theksoi se mbështetja për fasonët është e rëndësishme për punësimin dhe theksoi se qeveria ka garantuar se do të diskutojë problematikën e sektorit fason. “Hartimi i kësaj pakete për fasonët brenda pranverës. Do të rishprehemi gjatë 3 muajve të ardhshëm në parlament”, tha Vasili. Ministri i Ekonomisë, Arben Ahmetaj theksoi se një paketë masash në mbështetje të fasonëve do të merret brenda pranverës. “Pakete masash në mbështetje të masonëve brenda pranverës. Trajtimi i fasonëve, shqetësim i përbashkët”, tha Ahmetaj.

Rrezohen amendamentet e PD-se

Debati i deritanishëm është zhvilluar për shkak të mosfutjes në rend dite të amendamenteve të PD-së. Kryetari I Kuvendit Ilir Meta tha se kjo nuk është bërë për efekt kohe por do të diskutohen në momentin që debatohet për nenin përkatës.

Meta citoi rregulloren ku theksoi se “cështja e amendamenteve tek rregullorja është shumë e qartë, neni 55 pika 4 thotë që cdo deputet ka mundësi të paraqesë amendamentet. Duhet të ishin regjistruar në sekretari 24 orë përpara seancës parlamentare. Afati kohor, nuk është i mjaftueshëm sepse duhet njëkohësisht që amendamentet të mos konsistojnë në propozime të cilat nuk kanë të bëjnë me nene të projektligjit apo të komisionit përgjegjës. Ndaj këto amendamente nuk janë pranuar dhe nuk do i nënshtrohen votimit”. Ndërsa Kryetari i grupit parlamentar të PD, Edi Paloka theksoi se amendamentet e PD janë dorëzuar në përputhje me rregulloren.

Ndërkohë Kuvendi ka rrëzuar amendamentet e opozites te propozuara ne salle.

MAPO

[Albo]

Dekreti, Nishani firmos buxhetin për vitin 2014

Presidentit Bujar Nishani ka dekretuar buxhetin e vitit të ardhshëm dhe paketën fiskale.

“D E K R E T

PËR SHPALLJE LIGJI DHE DHËNIEN E PËLQIMIT PËR HYRJEN NË FUQI MENJËHERË TË LIGJIT
Në mbështetje të nenit 84, pika 1 dhe 4 dhe nenit 93 të Kushtetutës së Republikës së Shqipërisë,

D e k r e t o j
Neni 1
Shpalljen e ligjit nr. 185/2013 “Për buxhetin e vitit 2014”.
Neni 2
Dhënien e pëlqimit për hyrjen në fuqi menjëherë të ligjit nr. 185/2013 “Për buxhetin e vitit 2014”.
Neni 3
Ky dekret hyn në fuqi menjëherë.”- thuhet në dekretin e Presidentit.
Megjithëse diskutimet për paketën financiare u bënë në një kohë rekord dhe vetëm gjatë mbrëmjes së të shtunës u miratuan në Parlament, kreu i shtetit ka hedhur nje dite me pare firmën mbi dekretin e hyrjes në fuqi të këtij ligji. Dekretet jane firmosur nga Nishani në daten 29 dhjetor 2013.
Vetë Presidenca ishte në listën e institucioneve që shprehën pakënaqësitë për projektbuxhetin, duke kërkuar një shtesë prej 40 milionë lekësh për vitin e ardhshëm. Por, gjatë diskutimeve në Komisionin e Ligjeve, Ministria e Financave ra dakord për t’i shtuar Presidencës 20 milionë lekë, si dhe për t’i mbuluar përmes fondit rezervë disa prej shpenzimeve që do të kryejë gjatë vitit 2014. Shuma prej 20 milionë lekësh qëndroi në fuqi edhe gjatë diskutimit në Komisionin e Ekonomisë.
BUXHETI
Maxhoranca miratoi të shtunën në mbrëmje, me 82 vota pro të maxhroancës dhe 29 kundër të opozitës, projektbuxhetin e vitit të ardhshëm. Pas një seance që zgjati rreth 8 orë, shumica nuk pati asnjë problem në sigurimin e numrave për miratimin e treguesve të vitit të ardhshëm. Kryeministri Edi Rama e cilësoi buxhetin e vitit 2014 si buxhetin që ka garantuar përfundimisht ndalimin e rrënimit të vendit. Sipas Kryeministrit, ky buxhet asgjëson atë që ai e cilëson si “shkëmb të borxheve të lëna nga qeveria paraardhëse”. Nga ana e saj, opozita deklaroi se me buxhetin e vitit të ardhshëm Shqipëria bie në krizë ekonomike.

Panorama

[Albo]

A mund të fluturojë kali i Mbretit?

ARTAN HOXHA

PËRFITIMET NGA DIMRI PRANVEROR
Dhjetor i paparë. Duket si marsi i Festës së Verës. Diell. Ngrohtë. Qiell kaltërosh. Pemët ende me gjethe. Prezantueset e hajthshme të motit, që fytyrëqeshura janë edhe kur parathonë stuhinë, e kanë të lehtë të interpretojnë parashikimin që dimri i sivjetshëm do të jetë i butë e i shtruar.
Njerëzia do kursejë para. Ata që fitojnë pak, do djegin më pak dru, qymyr a gaz. Ata që fitojnë më shumë, do ndezin më pak kondicionerët. Në dimër të ngrohtë hahet më pak e pihet më pak dhe pra, do kursejnë më shumë para të parët e kjo i shëndosh buxhetin familjar dhe do jenë në dietë të pavullnetshme të dytët e kjo u tret dhjamin trupor.
Sa më pak shi aq më pak përdoret makina, aq më pak konsumohet naftë a benzinë e aq më pak do rëndojë rritja e taksës së qarkullimit.
Ndaj, do përfitojnë të paktën 97% e Njerëzisë falë Perëndisë. Pjesa tjetër prej 3% jo se nuk do përfitojë, por këta kanë ca teka nga të cilat s’heqin dorë, si për shembull nga pushimi i fundjavës, teka këto që shtohen në mot të mirë, dhe pra këta do shpenzojnë më shumë. Pa qeder se, tek e fundit, qejfi paguhet.
Edhe Qeveria do përfitojë nga Perëndia, që ka vendosur të na dhurojë këtë dimër pranveror. Do kursejë fonde për kompensimin e të varfërve për energjinë dhe ushqimet. Këto kursime mund t’i përdorë për të blerë më shumë energji elektrike nga importi, pasi prodhimi vendas, për shkak se shiu e bora do jenë më të pakta, do jetë më i pakët.
Për shkak se do t’i duhet të shpenzojë më shumë për blerje energjie, ndoshta Qeveria mund të ndihet e tradhtuar nga Perëndia e t’i hakërrehet asaj, por, nëse i bën hesapet mirë, me qarin del, pasi dimri i butë zbut nervat e Njerëzisë e kjo është dhurata më e çmuar e Perëndisë.


TAKSAT RRITEN, PAGAT S’RRITEN
S’mbeti rob pa e marrë vesh se sa do përfitojë e sa do humbasë vitin e ardhshëm nga taksat dhe buxheti i Qeverisë e, në pat mbetur ndokush, do ta marrë vesh brenda janarit.
Edhe më fatlumët, ata me rrogë 400 e 500 mijë lekë në muaj që përfitojnë më shumë se kushdo tjetër nga progresiviteti tatimor i Qeverisë, ç’ka fitojnë e lënë rrugëve me bileta urbani e furgoni a klubeve me birrë e cigare, shto këtu që rritja e pashmangshme e çmimeve në tërësi do t’ua avullojë rrogën që Qeveria ua ngriu për vitin e ardhshëm.
Kështu përfundojnë edhe bizneset e vogla, të cilave Qeveria çka ua jep me uljen e taksës së fitimit, ua merr me taksën e rritur të qarkullimit dhe taksën e rritur të dyqanit a punishtes.
E kur këta më fatlumët dalin rruar e qethur, të tjerët: pensionistë, veteranë të komunizmit e veteranë të antikomunizimit; ata me aftësi të kufizuara fizike a mendore; rrogëtarë e sipërmarrës; mësues e nxënës; mjekë, infermierë e pacientë; qytetarë e katundarë; demokratë e socialistë (të rilindur a të lëvrirë), veç rruarjes e qethjes marrin qyl edhe një depilim trupor nga Qeveria.
BEREQADIVERS ME KAQ
Nga Perëndia fitojnë 97% dhe humbasin 3%. Nga Qeveria humbasin 97% dhe fitojnë 3%. Në fund jemi aty ku ishim.
Bereqadivers me kaq se mund të ishte edhe më keq, siç edhe tha Kryeministri, që “mundet që rrogat dhe pensionet të ishin ulur, por nuk i ulëm”.


RROFTË BORXHI DHE QEVERIA!
Më keq, keq e mos më keq do kishte qenë, por Qeveria vendosi të na e shtyjë sikletin me borxh.
Qeveria gjeti se borxhi i fshehur nga paraardhësja ishte 3% e prodhimit tonë vjetor. Me këtë sebep e rriti borxhin që, më 1 tetor 2013, nga 62% në 68% dhe për vitin 2014 do e rrisë deri në 75% të këtij prodhimi, pra gjithsej 13% në 15 muaj. E meqë 3% do ua kthejë sipërmarrësve, rritja neto është 10% apo afro 1400 milionë dollarë.
E imagjinoni dot se ç’hall do na kishte zënë nëse për këto 3 muajt e fundit të vitit 2013 dhe ato 12 muajt e ardhshëm të vitit 2014 nuk do t’i kishim këta 1400 milionë dollarë më shumë në buxhetin e Qeverisë?
Administrata e tëra: mësues e policë; mjekë e infermierë; ministra, sekretare, truproja e shoferë; deputetë e këshilltarë vendorë; prokurorë e gjyqtarë; oficerë dhe ushtarë; që të gjithë do të duhej të punonin 2 vjet pa rrogë.
Alternativa tjetër do të ishte që të gjithë pensionistët, në qytet a fshat, ta mbanin shpirtin gjallë një vit pa pension. Ose- ose, shteti për dy vite e gjysmë radhazi të mos bënte asnjë investim për be, asnjë copë rrugë, kanal, tubacion, klasë shkolle a repart spitali.
A e kuptoni tani se pa këtë borxh do kishte ngrënë njeriu njeriun e të gjithëve do na kishin ngrënë krimbat?!
Falë borxhit të rritur do e shtyjmë topagropthi vitin 2014.
Ndaj, më mirë, këndoni fort e në kor, “Rroftë Borxhi dhe Qeveria!”, se s’do na bënte derman as Perëndia.

PARASHIKIME PËR 2015
Nisa të bëja ca llogaritje për vitin 2015, por i lashë mënjanë. Do ishte e padrejtë t’ju rrokanisja kokën e t’ju prishja humorin me vitin 2015, lexues të nderuar, dy ditë para Vitit të Ri 2014 kur, pak më sipër, sapo jua vërtetova se viti 2014 s’do jetë aq i keq, siç duan ta bëjnë disa.
Ndaj, për vitin 2015, po ju tregoj paradhënie atë përrallën e atij të burgosurit të dënuar me vdekje, që mori përsipër që brenda një viti ta mësonte kalin e Mbretit të fluturonte – dëshirë që Mbretit i kishte lindur në ëndërr – duke pranuar se, nëse dështonte, Mbreti do t’ia priste kokën e, nëse kishte sukses, do të martohej me vajzën e Mbretit.
Kur shokët bashkëvuajtës i thanë që “Kjo është marrëzi”, ai iu përgjigj se “Në një vit kushedi se ç’ndodh! Mund të vdesë Mbreti dhe fitojë nga amnistia, mund të vdes unë nga vdekje natyrale e jo nga litari e, ndoshta-ndoshta, edhe kali mëson të fluturojë!”.
Se mos do humbiste gjë! Takimi me vdekjen ishte fiksuar. Një vit më vonë ca më mirë. E ku i dihet!…
Ndaj, gëzuar e gëzojuni Vitit të Ri 2014!

Panorama

[Albo]

Malaj dhe Xhepa: Ekonomia ndodhet në udhëkryq nga borxhi i lartë

Kriza ekonomike

Ekspertët: 2014-a, viti i fundit ku qeveria stimulon ekonominë me borxhe

Herion Mesi

Ekspertët ndërkombëtarë për ekonominë e kanë cilësuar vitin e kaluar 2013 si viti që shënoi pikën më të ulët të ekonomisë shqiptare. Ndërkohë, për vitin 2014 për shkak të nivelit të lartë të borxhit rreziqet janë shtuar sa u përket parashikimeve për rritje të lehtë të ekonomisë gjatë këtij viti. Pikërisht për këtë çështje ekspertët e ekonomisë Arben Malaj dhe Selami Xhepa u shprehën dje për “Top Channel” të mendimit se ekonomia ndodhet në udhëkryq dhe viti 2014 është një test i fortë, që do të përcaktojë të ardhmen e saj. Për ish-ministrin e Financave, ky është viti i fundit kur qeveria shqiptare ka luksin ta stimulojë ekonominë me borxh. “Në parim ato reforma që do të bëhen dhe se si do ndërtohet buxheti afatmesëm 2015-2017 do të shohim se ai do të jetë më i shtrënguar në krahun e shpenzimeve, çka do të thotë nuk do të kemi të njëjtin fleksibilitet. Duhet të përgatitemi për reforma të cilat na ndihmojnë që shtrëngesat që vijnë nga ulja e deficitit, të kompensohen nga rritja e investimit privat dhe të biznesit vendas dhe të huaj në ekonominë shqiptare. Në rast të kundërt do të jetë të vështirë të jemi optimistë”, tha Arben Malaj. Qeveria do të shpenzojë 455 miliardë lekë në total, 35 miliardë nga të cilat shkojnë për shlyerjen e detyrimeve të prapambetura. Dhe për këtë, eksperti i ekonomisë Selami Xhepa u shpreh se stimuli i fortë mund të nxisë rritjen ekonomike, teksa nënvizoi se pikërisht prej tij rrjedhin edhe rreziqet më të mëdha për ekonominë. “Në veçanti rritja e huamarrjes, pra nëse nga njëra anë është pozitive për shkak të rritjes së kërkesës agregate, nga ana tjetër shoqërohet me një rritje të ndjeshme të barrës së borxhit publik dhe për rrjedhojë ndikimet që kjo mund të ketë në tregjet financiare mund paraqesin kërcënime për zhvillimet e ardhshme. Po kështu, pasiguritë mbeten edhe zhvillimi që do të kenë normat e interesit në tregjet europiane”, tha Xhepa.

Reformat

Konsensusi mes ekonomistëve është se i vetëm, borxhi i lartë nuk mund të jetë varka e shpëtimit për ekonominë, nëse qeveria nuk fillon reformat për të lehtësuar biznesin. “Qeveria duhet t’i japë prioritet lehtësimit të të bërit biznes, t’i japë prioritet funksionimit të shtetit ligjor. Biznesi duhet të ndiejë që do të konkurrojë, që do të ketë me pak ose të eliminohen pengesat që e kanë sjelle rritjen tonë ekonomike 1 për qind”, u shpreh Malaj. Ndërsa, Selami Xhepa thotë se veç klimës së biznesit dhe administrimit fiskal, reformat duhet të prekin edhe entet publike që mbikëqyrin tregjet. “Ajo, që mundet të konsiderohet si një çështje që mund t’i kundërbalancojë këto efekte negative, duhet të jenë reforma strukturore dhe këtu kam parasysh reformën në përmirësimin e sistemit të administrimit të politikave në tërësi, duke nisur që nga entet rregullatore, duke vazhduar me entet e mbikëqyrjes së tregjeve. Normalisht ajo çfarë po ndodh është një rritje shumë herë më e madhe e këtyre ndryshimeve në paketën fiskale, po i faturohet konsumatorit dhe kjo tregon për dobësi në funksionimin e autoriteteve të mbikëqyrjes së tregjeve dhe që tregojnë për mënyrën se si tregjet duhet të funksionojnë normalisht”, tha Selami Xhepa.

Shqip