Makinat e vjetra, nga 1 janari “supertaksim”
Paketa e re fiskale parashikon ndërhyrje në çdo sektor
Nuk priten rritje në paga e pensione, rritje progresive për TAP
Blerina Spaho
Duke filluar që nga janari i vitit 2014 mbajtja e një makine shumëvjeçare do të quhet luks. Kjo pasi paketa e re fiskale 2014 që po përgatit Ministria e Financave parashikon ndërhyrje rrënjësore në sistemin e taksimit të tyre. Sipas burimeve nga ky institucion, politika që do të ndjekë qeveria socialiste është stimulimi i automjeteve të reja, të cilat zbatojnë dhe normat e Bashkimin Europian për çlirimin e gazrave të dëmshëm, kushtet teknike, si dhe të ardhura më të larta për buxhetin e shtetit.
Automjetet e vjetra, më të kushtueshme?!
Paketa e re fiskale të cilën Ministria e Financave po e harton në këshillim nga ekspertë të Fondit Monetar Ndërkombëtar dhe Bankës Botërore pritet të prekë gjithçka. Një nga taksat e cilat pritet të rritet ndjeshëm është dhe ajo mbi automjetet. Sipas politikës së ndjekur do të stimulohet së tepërmi shitblerja e atyre të rejave, ndërsa do të “ndëshkohen” ato që janë prodhuar para shumë viteve. Po kështu ndryshime do të ketë dhe në taksat dhe akcizat për karburantet, ndërsa nuk është vendosur ende se cila do të jetë masa e ndërhyrjes apo diferenca mes tyre.
Paga dhe pensione
Asnjë rritje page apo pensioni nuk do të parashikohet në buxhet për vitin e ardhshëm. Shtrëngimi i rripit i cili është ripërsëritur me forcë dhe nga FMN si një masë e nevojshme në një periudhë ku dhe rritja ekonomike vijon frenimin duket se do të vërehet pikërisht në këtë zë. Ndonëse qeveria e mëparshme thuajse çdo vit ka bërë rritje apo indeksim të pagave e pensioneve, sivjet kjo nuk do të ndodhë. Ministria e Financave parashikon të bëjë vetëm indeksimin e tyre, ndërsa FMN insiston që dhe kjo të mos realizohet për shkak të parametrave financiarë të përkeqësuar. Në deklaratën e fundit, FMN ripërsëriti se Shqipëria duhet të hartojë një projektbuxhet sa më realist.
Taksa progresive
Duke filluar nga viti i ardhshëm, pritet qw tw ketw progresivitet nw tatimin mbi tw ardhurat personale, ndërsa tek tatimi mbi fitimin e biznesit do tw zbatohet njw sistem me 2 standarde. Paketa fiskale pritet të diskutohet javën e ardhshme dhe me biznesin, por paraprakisht ajo ccfarw wshtw e sigurt wshtw që tatimi mbi të ardhurat personale dhe ajo e bizneseve do të ketë nivele progresiviteti dhe 2 nivele taksimi pwr tatimin mbi fitimin. Ndwrkohw nw diskutim wshtw dhe përjashtimi ose taksw zero pwr biznesin e vogël. PO kështu diskutim do të marrë dhe ulja e TVSH-së deri në 10 për qind për turizmin, si një stimul për zhvillimin e këtij sektori.
Për sa i përket TVSH-së së energjisë elektrike, burimet nga Ministria e Financave bëjnë të ditur se ajo nuk do të ndryshojë, por do të rritet shuma e subvencionimit për shtresat në nevojë. Gjithashtu, Ministria e Financave ka avancuar në diskutimet me Fondin Monetar Ndërkombëtar për të siguruar një kredi me vlerë deri në 200 milionë euro, për të bërë të mundur shlyerjen e menjëhershme të borxhit ndaj biznesit. Kjo kredi pritet të merret vitin e ardhshëm. Ndërkaq, më datë 3 dhjetor pritet të mbërrijë në Tiranë misioni i radhës së FMN-së për të certifikuar projektbuxhetin 2014.
Paketa fiskale 2014
Rritje taksash për automjetet e vjetra
Vetëm indeksim i pagave dhe pensioneve
Taksë progresive për të ardhurat personale
Taksë progresive për tatimin mbi fitimin
Taksë 0 për biznesin e vogël
Ulje në 10% e TVSH për turizmin
Nuk ndryshon TVSH e energjisë elektrike
Do të rriten subvencionet për energjinë
Shqip
Përgjigju Duke Cituar
Postuar më parë nga unreal
Nuk shkonte me shume se 50. Mezi merrte gaz. Mbase probleme me transmission. Edhe mund te rregullohej xhanem. Nuk kishte as 90000 milje brenda.Iku ajo tani. E lame peng kur bleme te rene.
Krijoni Kontakt