Kronika e zezë e rendit publik në Shqipëri.

[mesia4ever]

Beji nje test alkoli dhe Bledari do dale me
alkol te larte ne gjak.Ka pire alkol para aksidentit,i dehur.

Definitivisht do te isha qe edhe ne Kosove e Shqiperi te behej e denueshme me burg deri ne 6 muaj ngasja e vetures ne gjendje te dehur. Por ne shqiptaret fatkeqesisht kemi shtete qe kujdesen vetem per interesin e grupeve te politikaneve.

Ne France sipas nje artikulli qe e pata lexuar per ngasje ne gjendje te dehur denohesh me nje shume qe eshte ekuivalente 1000 dollare, 1 vit burg dhe humbje e se drejtes per ngasje. Ne shume shtete evropiane ngasja e automjetit eshte privilegj dhe jo e drejte e secilit person. Ne kete shtet ku jetoj nese ke dosje ne polici nuk mund te marresh patenten e shoferit. Duhet te jesh plotesisht i paster me ligjin.

[DYDRINAS]

Sekuestrohen 49 kg në kufirin shqiptaro-grek, pranga shqiptarit

Publikuar më 24.01.2014 | 14:08

Një sasi prej 49 kg lëndë narkotike e llojit kanabis sative është sekuestruar sot në kufirin shqiptaro-grek.

Sipas informacioneve, lënda narkotike u pak në zonën e Kosturit, ndërsa policia greke ka arrestuar edhe transportuesin e dogës, një 56-vjeçar shqiptar, identiteti i të cilit nuk bëhet i ditur.

Mësohet se droga e ndarë në 24 pako është gjetur e fshehur në makinën, e cila drejtohej nga shqiptari. Ndërkohë, policia ka ndaluar edhe një makinë të dytë, e cila drejtohej nga një 26-vjeçar grek që shoqëronte makinën e 56-vjeçarit shqiptar.

Gjithashtu mësohet se policia helene ka sekuestruar edhe 7 telefona celularë, 6 karta SIM, 615 euro dhe një sistem GPS.

/Shekulli Online/ E.L./

[DYDRINAS]

Përplaset nga autobusi, humb jetën 58-vjeçari

Publikuar më 25.01.2014 | 21:26

LIBRAZHD-Një 58-vjeçar ka humbur jetën pasditen e djeshme, në aksin rrugor Librazhd-Përrenjas. Burimet nga policia bëjnë me dije se vdekja e 58-vjeçarit ka ardhur si pasojë e përplasjes nga një automjet. Po të njëjtat burime sqarojnë se shtetasi Adem Bardhoshi ishte duke kaluar nga njëra anë e rrugës në tjetrën, kur është përplasur nga një autobus.

Policia ka mbërritur menjëherë në vendin e ngjarjes dhe po punon për të zbardhur shkaqet e aksidentit. Ende nuk është dalë në një konkluzion, në se ka qenë faji i viktimës, i cili mund t’i ketë prerë rrugën autobusit, apo ka qenë faji i drejtuesit të automjetit.

/Shekulli Online/ E.B./

[DYDRINAS]

Drejtuesja e një fuoristrade përplas furgonin e policisë, plagoset polici

Publikuar më 26.01.2014 | 11:38

Një polic ka mbetur i plagosur në një aksident automobilistik në orët e para të ditës së sotme. Policia ka bërë të ditur se, një fuoristradë, e cila drejtohej nga një femër, ka përplasur një furgon policie, duke plagosur rëndë një nga efektivët e uniformave blu. Ngjarja ka ndodhur në orën 01:02 minuta të mëngjesit të sotëm, në kilometrin e 6 të autostradës Tiranë-Durrës.

Burime nga policia e kryeqytetit thanë se, fuoristrada goditur nga mbrapa furgonin e Forcave të Ndërhyrjes së Shpejtë targa "Policia 1378" që ishte vendosur në një pike kontrolli.

Për shkak të përplasjes, i plagosur rëndë ka mbetur një efektivi i FNSH-së, cili është dërguar me urgjencë për në spitalin e Traumës, me një mjet policie. Mësohet se, ambulanca nuk ka shkuar në vendin e ngjarjes për shkaqe të panjohura.

Punonjësi i policisë është dërguar në trajtim mjekësor intensiv në qendrën e Traumës. E dëmtuar lehtë ka mbetur edhe drejtuesja e mjetit fouristradë.

/Shekulli Online/ E.L./

[DYDRINAS]

I vihet flaka makinës së drejtorit të DA-së Korcë

Publikuar më 25.01.2014 | 24:03

Drejtorit të Drejtorisë Arsimore në Korçë, Kristaq Grabocka, i kanë djegur makinën orët e para të mëngjesit të djeshëm, në lagjen numër 3, në Korçë. Automjeti me targë “AA 050 CS” në momentin e ngjarjes ka qenë i parkuar jashtë një lokali, ndërsa persona të paidentifikuar kanë thyer xhamin e pasmë të automjetit dhe më pas kanë hedhur në sedilje një shishe me benzinë, duke i vënë flakën.

Nga hetimet paraprake rezulton se bëhet fjalë për një zjarr-vënie të qëllimtë. Një javë më parë automjeti i Grabockës është sulmuar sërish nga persona të paidentifikuar duke i carë gomat. Vetë drejtori Grabocka dyshon se djegia e makinës është bërë për arsye të detyrës që ai mban.

/Shekulli Online/ E.B./

[DYDRINAS]

Sherr për borxhin, e qëllon me armë në kokë 34-vjeçarin

Publikuar më 26.01.2014 | 14:01

Një person është plagosur me armë zjarri paraditen e sotme në Shkodër, pas një sherri për një borxh të pashlyer.

Ngjarja ka ndodhur në fshatin Omaraj ku 34-vjeçari Florian Sterkaj u qëllua në kokë nga shtetasi Pal Prroni, i cili u largua menjëherë nga vendngjarja.

Menjëherë i plagosuri është dërguar me urgjencë në spitalin rajonal të Shkodrës ku po merr edhe ndihmën mjekësore.

Dyshohet se ngjarja ka ndodhur pas një konflikti në një lokal mes 34-vjeçarit dhe autorit.

Ndërkohë policia e Shkodrës po punon për kapjen e autorit të plagosjes së 34-vjeçarit dhe zbardhjen e plotë të ngjarjes.

/Shekulli Online/ E.L./

[DYDRINAS]

Protestuesit bllokojnë lëvizjen e autobusëve

Publikuar më 27.01.2014 | 11:20

Krrabë- Sipas burimeve zyrtare, bëhet me dije se banorët e Krrabës, mëngjesin e sotëm janë ngritur në protestë pasi janë kundër rritjes së çmimit të biletës të linjës së autobusit Tiranë-Krrabë.

Rreth 300 banorë janë vendosur te zona e “Lapidarit”, dhe nuk lejojnë lëvizjen e autobusëve.

Banorët janë kundër rritjes së çmimit të biletës së autobusit Tiranë-Krrabë, e cila nga 100 ka shkuar në 130 lekë.

/Shekulli Online/S.H./

[DYDRINAS]

Plagoset nxënësi 16-vjeçar

27/01/2014

Pak minuta para se të niste ora e parë e mësimit, ne shkollen e mesme "Partizani" në Tiranë, një djalë 16-vjeçar është goditur me thikë nga një bashkëmoshatar i tij brenda ambienteve të shkollës.

Gjimnazisti është çuar ne Spitalin Ushtarak per te marre ndihmen e pare, ndersa policia po punon per zbardhjen e ngjarjes. Situata te tilla ndodhin jo rralle nëpër shkollat e vendit tonë dhe motivet jane te ndryshme.

Nje grup te rinjsh te cilet kane dale vullnetare per te dhene gjak, pas alarmit te mjekeve tregojne se incidenti mund te jete shkaktuar me dy djemve per nje vajze dhe tregojnë për mjedisin e dhunshëm që është sot mes adoleshentëve.

"Motivet e sherreve ndodhin më shumë për vajza, por në fakt janë tipa që duan të bien në sy si të fortët e shkollës. Nëpër shkolla vijnë nxënësit me kacavida dhe me armë të ftohta", thonë gjimnazistët.

"Arsyet e sherreve janë shumë. Nisin për një fjalë, për një libër, për një mënyrë sjellje. Fillojnë në shkollë dhe mbarojnë jashtë saj", thotë një tjetër gjimnazist.

Te rinjte tregojne se sherret mes tyre te cilat jo rralle perfundojne edhe me dhune fizike e plagosje vine per shkaqe te vogla ne dukje. Psikologet kerkojne ndihmen e prinderve te cilet duhet te jene me prane femijeve duke qene pjese e shqetesimeve te tyre dhe te
bashkëpunojnë me ta.

"Do të doja një bashkëpunim më të madh të prindërve për të njohur familjet e shokëve dhe shoqeve të fëmijëve të tyre. Në rast se ata do të kenë bashkëbisedim me njëri-tjetrin, atëherë edhe marrëdhëniet e fëmijëve të tyre do të jenë më të qeta dhe më të mira", thotë psikologia.

Djali 16-vjeçar ndodhet ne spital, ku po i jepen te gjitha mjekimet e duhura.

/ Top Channel

[DYDRINAS]

Tenton ta përdhunojë, gruaja e vret me thikë 38-vjeçarin

Publikuar më 30.01.2014 | 9:35

LUSHNJË-Një burrë është vrarë ditën e sotme me thikë në një fshat të Lushnjës nga një grua. Ngjarja ka ndodhur mëngjesin e sotëm në fshatin Grabjan të Lushnjës.

Policia bëri të ditur se viktima është shtetasi Ilir Llozi 38 vjeç. Mësohet se policia ka vënë në pranga autoren e këtij krimi, e cila është Daniela Mecani. Sipas dëshmisë së gruas, Ilir Llozi kishte tentuar ta përdhunonte dhe ajo u mbrojt duke e qëlluar me thikë. Mësohet se 38-vjeçari humbi jetën teksa po transportohej për në spital.

Në vendngjarje ndodhet grupi hetimor që ka nisur verifikimet mbi ngjarjen. Policia njofton se shtetasja Daniela Mecani dyshohet se ka vrarë me thikë për motive banale shtetasin Ilir Llozi.

shekulli

[DYDRINAS]

Shpërthen automjeti te “Rruga e Kavajës”, dyshohet për tritol

Publikuar më 29.01.2014 | 22:36

Një shpërthim ka ndodhur mbrëmjen e sotme, ku një automjet është përfshirë nga flakët. Policia bën të ditur se ngjarja ka ndodhur rreth orës 22:05 pranë “Rrugës së Kavajës” në Tiranë. Policia ka mbërritur menjëherë në vendngjarje dhe ka nisur hetimet. Nga të dhënat paraprake dyshohet se automjetit i është vendosur lëndë eksplozive.



Policia bën me dije se mjeti i shpërthyer është tip “Fiat Punto” me targë AA501IC. Nuk raportohet për persona të lënduar. Motivet për ngjarjen ende nuk dihen.

/Shekulli Online/ E.L./