Humb jeten ne nje aksident automobilistik deputeti demokrat Sokol Olldashi

[Albo]

Ti beson se Oldashi nuk kishte vene rripin e sigurimit qe nga Elbasani???
e ke idene e atij sinjalit qe te terbon ne kete lloj makine po nuk vure rripin e sigurimit?. Madje kjo makine ka mundesi qe nuk ndizet fare po s'vure rripin. Prandaj eshte dashur te jete nje person i dyte enigmatik. per ta ndezur

Edhe njerezit qe vene rripin e sigurimit vdesin kur makina bie ne gremine e rrotullohet disa here. Sidomos kur nga fotot e demit te makines duket qarte qe demi me i madh eshte ne baxhane e makines dhe sipas eksperteve vdekja ka ardhur nga plaget ne koke dhe ka qene nje vdekje e menjehershme.

Heshtja e organeve te Prokurorise per kete ceshtje, heshtja e familjes e miqve te te ndjerit, heshtja e politikes te te dy kraheve, me ben mua te dyshoj se vdekja e tij nuk ka asnje prej motiveve politike apo mafioze qe ju zini ne goje por ka motive te uleta. Po mundohen te mos bejne publike fakte qe do te kompromentonin imazhin publik qe shqiptaret kane per te ndjerin. E bejne kete me shume per hir te familjes se te ndjerit, se sa vete atij. Te njejten gje bene edhe me vdekjen e Tanit te Top Channel ne mes te Tiranes dhe me vdekjen e Ardian Klosit. U tha qe vdiqen por u lane jashte publikimit ne media shume aspekte te vdekjes se tyre.

Prokuroria heton vetem nese familja e kerkon nje gje te tille. E deri me sot familja e te ndjerit nuk ka dale ne media apo te beje thirrje per zbardhjen e rrethanave te vdekjes se Sokol Olldashit. Mund ta bejne nje gje te tille ne te ardhmen, por deri me sot nuk e kane bere. Qe do te thote qe ose ata jane bindur plotesisht qe vdekja erdhi nga aksidenti, ose i dine te gjitha rrethanat e ngjarjes se aksidentit dhe nuk duan qe te gjitha faktet te behen publike per motivet e tyre familjare.

Albo

[Albo]

Ekspertiza: Shkak i vdekjes së Olldashit, shoku traumatiko-hemorragjik

TIRANE - Ekspertiza mjeko-ligjore hedh dritë mbi shkaqet e vdekjes së ish-ministrit të Transporteve, Sokol Olldashi, në aksidentin e 20 nëntorit në Qafë-Krrabë. Sipas rezultateve të ekspertizës mjeko-ligjore, deputeti i PD-së Olldashi ka humbur jetën nga shoku traumatiko-hemorragjik, karakteristikë e aksidenteve automobilistike.
Mësohet se gjatë ekspertizës nuk është konstatuar përdorim i lëndëve të huaja, dhe është konfirmuar fakti se deputeti Olldashi nuk ka qenë nën ndikimin alkoolit në momentin e aksidentit.
Koka e deputetit është goditur nga kolona e makinës, sipër dritares së pasagjerit.



EKSPERTET AUTO-TEKNIKE

Pakujdesia i mori jetën deputetit të Partisë Demokratike Sokol Olldashi. Ky është konkluzioni i ekspertëve autoteknikë dhe rrugorë, të cilët hetuan për shkaqet e aksidentit tragjik të mbrëmjes së 20 nëntorit 2013 në Qafë-Krrabë, në vendin Lapidari. Pak ditë më parë, Prokuroria e Përgjithshme përmes këshilltarit për median, Albi Serani, bëri publike rezultatet e ekspertizës autoteknike, ku renditen shkaqet dhe rrethanat që ndikuan në aksidentin e rëndë, që i mori jetën ligjvënësit demokrat në moshën 41-vjeçare, teksa udhëtonte nga Elbasani drejt Tiranës me makinën e tij tip “Benz” me targa AA 003 NH. Sipas ekspertëve, mungesa e sinjalistikës, fakti që deputeti nuk kishte vënë rripin e sigurimit, errësira, moti me shi, fushëpamja e kufizuar dhe mosvënia e barrierave të sigurisë janë të tjera shkaqet që sollën vdekjen e babait të dy fëmijëve.

Raporti përfundimtar, i hartuar nga një grup ekspertësh të kërkuar nga Prokuroria e Rrethit Gjyqësor Tiranë konstaton se shkaqet kryesore që kanë sjellë aksidentin janë:
- Shpejtësia e automjetit (neni 139 i Kodit Rrugor)
Në momentin e aksidentit, drejtuesi i mjetit po udhëtonte me shpejtësi 45 km/h. Sipas ekspertizës, në bazë të nenin 139 të Kodit Rrugor, më specifikisht, në paragrafin 3 të tij, thuhet se: “Veçanërisht, drejtuesi i mjetit duhet të rregullojë shpejtësinë në pjesët e rrugës me fushëpamje të kufizuar, në kthesa... në pjerrësi të forta, ... në orët e natës, në rastet e fushëpamjes së pamjaftueshme për shkak të kushteve atmosferike ......”. Në kushte atmosferike të rënduara, siç ka qenë në momentin e aksidentit dhe në një kthesë të fortë, siç është konstatuar nga kqyrja e vendit të ngjarjes, automjeti duhet të lëvizte me shpejtësi më pak se 20 km/h.
- Mosrespektimi i sinjalistikës rrugore (neni 144 i Kodit Rrugor)
Nga këqyrja e vendit të ngjarjes është konstatuar se ekziston sinjalistika vertikale, e cila tregon drejtimin e kthesës në të majtë. Megjithatë, sipas ekspertëve, mungon sinjalistika horizontale.
- Përdorimi i rripit të sigurimit (neni 170 i Kodit Rrugor)
Nga këqyrja në vendngjarje dhe nga ekspertiza ka rezultuar se drejtuesi i mjetit nuk ka pasur të vendosur rripin e sigurimit.
Raporti i ekspertëve autoteknikë ka nxjerrë edhe një përfundim tjetër mbi gjendjen e pareteve anësorë të rrugës. Sipas materialit zyrtar, dorëzuar ditën e sotme në Prokurorinë e Rrethit Gjyqësor Tiranë, konstatohet se: “Nga enti pronar i rrugës nuk janë vendosur barrierat e sigurisë në pikat kritike, të cilat rrisin sigurinë e përdoruesve të rrugës në qarkullim”. Lidhur me këtë çështje, grupi i ekspertëve prezanton edhe një këndvështrim teorik, sipas të cilës: “Një barrierë garanton të gjitha performancat, që janë mbajtja e mjeteve të rënda, zbutja e efektit të përplasjes për personat, mjetet e lehta dhe ridrejtim të kontrolluar të mjetit pas përplasjes–duhet gjithashtu të sigurojë një veprim efikas kundërshtues për përmbysjen e mundshme të mjeteve që kanë bariqendrën e lartë (situatë që mund të jetë po aq e rrezikshme aq sa edhe mungesa e mbajtëseve) dhe mundësisht duhet të karakterizohet për të pasur hapësira të limituara pune (gjerësi operative, deformim edhe devijim)”.
Lidhur me rastin konkret, ekspertët autoteknikë shprehin mendimin se “...konstatojmë edhe shkeljen e kërkesave të nenit 14 të Kodit Rrugor nga enti pronar i rrugës”.

(er.nu/d.b/BalkanWeb)

[2043]

Prokuroria heton vetem nese familja e kerkon nje gje te tille. E deri me sot familja e te ndjerit nuk ka dale ne media apo te beje thirrje per zbardhjen e rrethanave te vdekjes se Sokol Olldashit. Mund ta bejne nje gje te tille ne te ardhmen, por deri me sot nuk e kane bere. Qe do te thote qe ose ata jane bindur plotesisht qe vdekja erdhi nga aksidenti, ose i dine te gjitha rrethanat e ngjarjes se aksidentit dhe nuk duan qe te gjitha faktet te behen publike per motivet e tyre familjare.

Albo

Prokuroria e ka detyren e vete ligjore te zbardhi ngjarjen. Aq me teper kur behet fjale per nje person publik.
Po sikur te jene familjaret qe ta kene organizuar vrasjen e tij?. Kush duhet ta kerkoje hetimin?
Dihet qe Olldashi i ndjere jetonte prej nje viti i ndare nga gruaja.
Ketu prokuroria e mjekesia ligjore po tallet me intelektin e nje populli te tere. Kaq idiote jemi valle sa te besojme se preu fytin dhe kafken ne baxhon e makines kur ne momentin e rrotullimit makina kishte shpejtesine 11 km ne ore, ndersa ne momentin e daljes nga rruga ishte me 40 km ne ore. Ajo nuk ka qene nje makine e thjeshte , e vogel qe rrokulliset nga nje gur ne rruge. Ishte ne makinen me te sigurt ne bote. Ajo ka ecur si nje tank i rrende edhe jashte rruge.
Nje burre ne moshen 41 vjecare me shendet te plote si Olldashi, pa asnje gram alkool ne gjak e ne keto kushte , vallaj propabiliteti per nje vdekje te tille eshte 000000000.

[Albo]

Prokuroria e ka detyren e vete ligjore te zbardhi ngjarjen. Aq me teper kur behet fjale per nje person publik.
Po sikur te jene familjaret qe ta kene organizuar vrasjen e tij?. Kush duhet ta kerkoje hetimin?
Dihet qe Olldashi i ndjere jetonte prej nje viti i ndare nga gruaja.
Ketu prokuroria e mjekesia ligjore po tallet me intelektin e nje populli te tere. Kaq idiote jemi valle sa te besojme se preu fytin dhe kafken ne baxhon e makines kur ne momentin e rrotullimit makina kishte shpejtesine 11 km ne ore, ndersa ne momentin e daljes nga rruga ishte me 40 km ne ore. Ajo nuk ka qene nje makine e thjeshte , e vogel qe rrokulliset nga nje gur ne rruge. Ishte ne makinen me te sigurt ne bote. Ajo ka ecur si nje tank i rrende edhe jashte rruge.
Nje burre ne moshen 41 vjecare me shendet te plote si Olldashi, pa asnje gram alkool ne gjak e ne keto kushte , vallaj propabiliteti per nje vdekje te tille eshte 000000000.

Ekspertet e thane fjalen e tyre per ngjarjen. Bazuar ne raportin e tyre, Prokuroria nuk ka se cfare te hetoje pasi sipas raportit, vdekja erdhi nga aksidenti. Ajo qe une te thashe me lart qe ti nuk kuptove eshte qe Prokuroria nuk ka asnje te drejte ligjore te hetoje me tej, nese raporti mjeko-ligjor nuk evidenton prova krimi, ose nese nuk ka prova te reja qe krijojne hije dyshimi. Vetem nese familja ose persona kane dijeni per ngjarjen paraqiten ne Prokurori e bejne deshmi te reja, vetem atehere Prokuroria e shikon te udhes te hapi dosje e hetoje me tej.

Familja e te ndjerit ka te drejten e saj te privatesise e qytetaret shqiptare nuk kane asnje te drejte te dine me shume se kaq per vdekjen. Dhe ne cdo vend te botes, e ne cdo shoqeri te qyteteruar, respektohet vendimi i familjes se te ndjerit, e nuk spekullohet larte e poshte kot me kot sa per te vrare kohen kot me budalleqe, pasi sa here qe e beni kete gje ju si qytetare apo ustallaret e mediave, aq here e trazoni plagen e humbjes se djalit, burrit, babait, vellait te familjes se te ndjerit.

Sa per budalleqet e tjera qe shkruan, harron qe jeton ne nje vend ku cdo dite vdesin apo demtohen te pakten 10 veta nga aksidentet automobilistike. Ata qe vdesin rrugeve perdite, nuk ngasin benza, nuk jane te shendetshem, nuk jane esell, nuk ngasin makinen ne te njejten rruge, nuk e kane as emrin Sokol Olldashi. Mire Olldashin "na e vrane", po ata 10 fatkeqet e tjeter kush na e i vret perdite?

Albo

[par]

te lexosh shtypin dhe site qe jane jo te pavarura ( qe ne shqiperi nuk ka fare ) hedhin dyshime, nuk me keq qe te manipulosh nje ngarje qe ka viktima,
le te nxjerrin fakte para qe te behet vone dhe te mos kakarisin neser ne mitingjet ksenofobe. jane shteti dhe duhet te marrin pergjegjesite nese ka patur dyshime.

[starbright]

Ashtu pra aksidentalisht njelloj si vdiq Azemi dhe Gramozi kshu eleminohen kundershtaret diku me thike pas shpine diku "aksident"

[Archon]

Sa here vdesin politikane ngrihen teori konspiracioni etj por kur vdesin cdo dite neper aksidente persona te thjeshte,nuk dyshon njeri.Si duket politikanet na jane bere si gjysem-perendi qe nuk mund te vdesin si njerezit e thjeshte.

[starbright]

Ke te drejte, Njerzit e thjeshte kur bejne aksidente me makine nuk bejne telefon pasi kan vdekur(sic supozohet ka bere zOlldashi) Kam bere aksident jam shume keq. Pstaj del teoria qe ka qen me kafken e care apo fytin e prere. Njerzit e thjeshte vdesin. Kaq

[Xinxerfilli]

Ashtu pra aksidentalisht njelloj si vdiq Azemi dhe Gramozi kshu eleminohen kundershtaret diku me thike pas shpine diku "aksident"

Edhe djali i shkrete i Gramozit e hengri. Mjer nena...

Sokoli me shume mundesi ka qene me dashnoren. Ajo ka telefonuar. Po ne Shqiperi jemi. Ca sben vaki...

[BOKE]

Dyshime rreth ekspertizës për vdekjen e Olldashit

Merkure, 11 Dhjetor 2013 10:55 Written by Koha Jone

Teorikisht nuk mundet të kundërshtojmë një përfundim të nxjerrë nga ekspertët, sidomos ata mjeko-ligjorë, ndonëse përherë ka pikëpyetje, aq me tepër në rastin e aksidentit të Sokol Olldashit. Por vdekja e një deputeti, Sokol Olldashit, nuk mund të na lerë symbyllur vetëm në përcaktimet e ekspertëve. Jo pse ata janë të gabueshëm, por pse edhe ata që nuk janë ekspertë ose ekspertë të dalë në lirim, i kanë disa dyshime të bazuara. Dyshime që lindin nga vetë rrjedha e ngjarjes, nga të dhënat dhe nga gjithë çfarë dëgjuam e vështruam dy ditë me radhë, pas aksidentit. Sigurisht që janë ekspertë të tjerë, ata që duhet të ngrenë pikëpyetjet e tyre, por ne kemi të drejtën në emër të informimit të publikut të shtrojmë dyshimet dhe pikëpyetjet tona, që lidhen jo vetëm me ekspertizën, por edhe me gjithë çka ndodhur në këtë aksident e pas tij.

Dje, ekspertiza nxori si shkak të vdekjes së Olldashit përplasjen e kokës me kolonën e makinës, që ndodhet sipër dritares së pasagjerit. Edhe njëherë; ky është shkaku i vdekjes, jo i aksidentit. Pyetja e parë që lind: Nëse Olldashi i ka pasur duart në timon dhe makina ka shkarë, a nuk e ka shtrënguar ai instinktivisht timonin, duke mos lejuar kalimin e trupit në krahun tjetër?

Përsëri pyesim që nëse makina ka qenë duke dalë nga rruga, atëherë instinktivisht, një shofer i vjetër dhe profesionist si Olldashi normalisht duhet të kishte shtypur frenat, por a u gjetën në vend shenja frenash? Makina nuk ka qenë me shpejtësi shumë të madhe, siç e pohojnë edhe vetë ekspertët, dhe rënia normalisht ka qenë relativisht e butë; a janë bërë provat me manekin se si rezulton aksidenti në një rast të tillë, a shkakton edhe tek manekini të njëjtën plagë që i ka shkaktuar Olldashit? A ka mundësi koka, qoftë edhe kur trupi është pa rrip sigurimi të përplaset aq fort sa të sjellë vdekjen e menjëhershme, gjithmonë kur kemi një rënie relativisht të butë? A e kanë parë ekspertët se aty ka një ferrë kaq të madhe, e cila është si një shtresë mbrojtje për të mos pësuar plagë vdekjeprurëse? Ata thanë në raportin e tyre se ka pësuar gjakderdhje të madhe, por si shpjegohet që deri dje asnjë nuk vërteton, edhe të filmuar, se ka gjak në sediljet e makinës? Një pikë tjetër dyshuese është fakti se të gjithë airbaget janë hapur dhe në makinën “Benz” të Olldashit nuk ka ndonjë vegël të gjatë, e cila mund të sjellë dëmtim kaq të madh në kokë?

Një pyetje tjetër që duhetkërkuar edhe tek prodhuesit e makinës të “Benz Merzedes”, do të ishte se si ka mundësi që makina më e sigurt në botë nga cilësia dhe garanci teknike mund të shkaktojë një plagë të tillë të thellë dhe vdekjeprurëse? Si mundët që gjithë xhamat anësorë të dyerve të makinës kanë pësuar veçse thyerje sipërfaqësore, ndërsa xhami i baxhës së automjetit tip “Benz Mercedez”, të thyhet dhe të shkaktojë një çarje kaq të madhe gjer në palcën e trurit? Si mundet që në xhamin e baxhës së makinës gjendet një fije floku dhe nuk gjendet asnjë sasi gjaku e viktimës? Aktualisht, kemi dy ekspertiza shumë të rëndësishme të ekspertëve autoteknik dhe ekspertëve të mjekësisë ligjore, dhe ky fakt që duhej të ishte fillimi i hetimit nuk përmendet nga asnjë raport i ekspertizës. Nëse mund të bindin opinionin publik shqiptar, duhet ta kenë tepër të vështirë të bindin prodhuesit e makinës “Benz Merzedes” se si asnjë xham anësor nuk është thyer, ndërsa xhami i baxhës është thyer, madje paska shkaktuar vdekjen, por në asnjërin raport nuk thuhet se përse nuk ka sasi gjaku të paktën në pjesën e baxhës së automjetit, e cila ka sjellë vdekjen e menjëhershme të zotit Olldashi!

Të habit fakti se si ekspertët mjekoligjorë kanë konkluduar me një fjali se “ka humbur jetën nga shoku traumatiko-hemorragjik, karakteristikë e aksidenteve automobilistike”! Ndoshta, raporti i plotë akoma nuk është bërë i ditur, por një përcaktim i tillë si “karakteristikë e aksidenteve automobilistike” nuk është bindëse për askënd. Një detaj i rëndësishëm është vetë makina. Ekspertët ende nuk na kanë sqaruar, pse u nxor me aq vonesë Sokol Olldashi nga makina. U tha se po pritet makina me mjete metalprerëse, pasi është përplasur keq, por nuk doli kështu. Ku janë shenjat e prerjes, përderisa u tha në momentin e ngjarjes se kjo është arsyeja e vonesës? Ndërkohë që fotot e vetë makinës tregonin një gjendje relativisht të mirë të saj, e aq më pak, krahu i pasagjerit ku thuhet se përplasi kokën deputeti Olldashi. Sa gjak u gjend në makinën e tij dhe ku janë fotot e “kolonës së makinës sipër dritares së pasagjerit” ku mund të ketë mbetur gjak dhe flokë nga përplasja? Flasim për të tjera pyetje që kanë lindur, apo lindin njëra pas tjetrës. Ku është telefoni i Olldashit? A po merret dikush, me cilët dhe çfarë ka folur deputeti gjatë asaj dite, apo deri dy ditë më parë se të ndodhte aksidenti, siç thuhet? Kush është personi i fundit, me të cilin ka folur Olldashi? Në çfarë takimi ishte Olldashi?

Cili është personi i fundit që e ka takuar para se të ndërronte jetë? Nëse ka qenë në një darkë, cili ishte restoranti? Nëse ka qenë vetëm, lind pyetja çfarë “xhiroje” po bënte deputeti në atë orë dhe në atë kohë? Nëse ka qenë i shoqëruar, kush ka qenë personi, apo personat që e shoqëronin? Dhe tek kjo pyetje, lind edhe ndonjë pyetje për prokurorinë. A duhet prokuroria të niste hetimet (nëse s’i ka nisur) për emrin që u përfol në media se ishte bashkudhëtar me Olldashin; pra një ish-drejtues policie, por fatmirësisht ai ishte gjallë? Ose, cili e ka dhënë lajmin për ish-oficerin e policisë, pasi janë të regjistruara transmetimet e lajmeve në televizione, atë natë e si çdo natë? Gazetarët që i kanë transmetuar natyrisht nuk i kanë shpikur nga mendja, por gazetarit në vendngjarje dikush mund t’ia ketë thënë. Kush janë personat që mbërritën të parët në vendngjarje dhe si ishte situata që ata panë?

A ka qenë makina duke u drejtuar manualisht, apo automatikisht? Në të dy rastet, vetëm nëse Olldashi ka qenë i pavetëdijshëm, nuk do të shkelte frenat, qoftë edhe në pak sekonda kohë, aq sa të binte makina. Pse ekspertët dje nxituan, pa i pyetur njeri, të na thoshin në raportin e tyre se deputeti Olldashi nuk mund të jetë goditur apo vdekur më përpara aksidentit? Pse i ka djegur dikujt që i ka bërë ta shkruajnë atë pjesë në raport, ndërkohë që vërtet ka shumë pikëpyetje se dikush e ka vrarë më parë me mjete të forta dhe më pas e ka hedhur në atë që quhet gjoja aksident? A ka pjesë trunore që mungojnë dhe nëse po, atëherë pse nuk janë në vendin e aksidentit? A keni marrë përgjigje me shkrim nga ekspertët e “Mercedez-Benz” në Shtutgard të Gjermanisë se makina që ata kanë prodhuar të sjellë vdekjen edhe nëse bie me një rrotullim?! Ende nuk ka një përgjigje, se çfarë regjistruan kamerat e tunelit Tiranë-Elbasan, ku pretendohet se kaloi makina ku udhëtonte deputeti i PD-së, që do të tregonin, orën e kalimit dhe sa persona ishin në të. Cilat makina kanë qenë para dhe pas makinë së z. Olldashi?

Kush do të thyejë heshtjen për këto enigma? PD hesht! Prokuroria hesht! Ministria e Brendshme hesht! Ky aksident nuk është çështje thjesht ekspertësh, por ngjarja duhet marrë në rrjedhshmërinë e saj, të paktën që nga momenti i daljes së makinës nga tuneli gjer kur ka ndodhur aksidenti, siç thuhet se është aksident. Natyrisht që nuk vëmë në dyshim aftësitë e ekspertëve, por janë shumë pyetje që duan përgjigje. Ka humbur jetën një qytetar shqiptar, një deputet, ish-ministër dhe kandidat për kryetar partie i opozitës.

Alban Mati