Festivali i Këngës ne RTSH 2013

[sirena_adria]

Juria e FEST '52

Kur na ndajnë pak ditë nga çelja e Festivalit të Këngës në RTSH, organizatorët kanë përzgjedhur jurinë që do të vlerësojë këngët garuese. Juria përbëhet nga shtatë anëtarë, emra të njohur të muzikës dhe fjalës:


- AGIM KRAJKA

- ALEKSANDER LALO

- HAJG ZAHARIAN

- PETRIT MALAJ

- XHEVAIR SPAHIU

- ERIONA RUSHITI

- BOJKEN LAKO



http://www.festivali-rtsh.al/artikull_juria.html



JURI PROFESIONALE, DINJITOZE & E NDERUAR !

Uroj te jene te Drejte & te Sakte ne vleresimin e tyre ! Pune te mbare !

Syte e artdashesve te muzikes se lehte shqiptare ne mbare SHQIPTARINE & EUROPE E ME TEJ - JANE TEK JU !

Mos na zhgenjeni !

[sirena_adria]

Para nje muaj e ca z. Krajka shprehej keshtu per Gazeten SOT :

Agim Krajka: Festivali i RTSH me 16 këngë, vitin tjetër uroj të mos mbetet me 4 konkurrentë

Festivali i 52 i Këngës në RTSH, edhe pse është pohuar si evenimenti më i rëndësishëm në krijimtarinë e muzikës së lehtë në vendin tonë, prej vitesh ka shumë probleme. Gjatë këtyre viteve, jo pak këngëtarë të njohur, kompozitorë me emër që për dekada me radhë kanë qenë protagonistë në festival, por dhe poetë të talentuar, kanë shprehur pakënaqësitë e tyre për këtë aktivitet. Kanë gjykuar jo pak nivelin e këngëve, që prezantohen në festival, duke u shprehur se në shumë raste performancat në skenë janë larg atij niveli, që presin shikuesit dhe publiku.

Festivali i 52 i Këngës në RTSH edhe këtë vit do të zhvillohet në ditët e fundit të muajit dhjetor. Por edicioni i 52 i festivalit që për tre net, 26, 27 dhe 28 dhjetor do të zhvillohet në Pallatin e Kongreseve vjen me më pak këngë. Për herë të parë në historinë e festivaleve të këngës në RTSH, edicioni i 52 sjell vetëm 16 këngë në konkurrim. Ky numër i vogël këngësh tregon dhe braktisjen që i kanë bërë emra të njohur të muzikës këtij aktiviteti, por jo pak reagojnë dhe kompozitorët.

Emri i Agim Krajkës, një nga kompozitorët që ka bërë epokë në festivalet e këngës në RTSH, ashtu si dhe të tjerë artistë të brezit të tij, sot është jo pak kritik ndaj këtij aktiviteti. I pyetur rreth festivalit, kompozitori i njohur pohon se 16 këngë janë pak për një aktivitet të tillë, por ky numër shton ai, tregon se në çfarë gjendje problematike është sot festivali. “Sigurisht që janë pak 16 këngë nëse do të flisnim për një festival me vlera në RTSH, por tashmë dihen problemet e tij, të cilat unë i kam pohuar ndër vite. Nëse këtë vit janë 16 këngë, me tetë këngë çdo natë, festivali që do të vijë pas edicionit të 52 shpresoj të mos bëhet dhe me katër këngë”, tregon kompozitori i njohur.

Për kompozitorin Agim Krajka, ky festival ka humbur shumë gjatë këtyre viteve. Niveli i këngëve lë për të dëshiruar, nuk ka atë strukturë artistike që duhet të ketë një eveniment i tillë në RTSH. “Por është braktisur festivali nga kompozitorët dhe këngëtarët me emër, profesionistët, sepse për Festivalin e Këngës në RTSH nuk ka as strukturë artistike, por ka humbur dhe struktura shpirtërore”, shton më tej kompozitor, i cili në skenën e këtij festivali ka sjellë këngë, që dhe pas disa dekadash qëndrojnë si hite muzikore shqiptare.

I njohur për kompozimet e tij, që nga ato të parat, që nisin me këngën “Lemza”, e kënduar nga Vaçe Zela në Festivalin e Parë të Këngës në Radio më 1961, më pas me “Gjyshe”, “Djaloshi dhe Shiu”, “Nuk e harroj”(kënduar nga motrat Libohova), etj, kompozitori Krajka shprehet se ndjen keqardhje për këtë festival, që këtë vit vjen kaq i reduktuar. “Kam folur disa herë për festivalin, ndjej keqardhje, por e kam thënë dhe më parë, drejtuesit e RTSH, organizatorët, nuk kanë bërë atë që duhet për festivalin”, shprehet kompozitori, duke shtuar se dhe të rinjtë i duhen festivalit, por braktisja e emrave të njohur tregon shumë probleme.


Julia Vrapi - Gazeta SOT
14 Nentor, 2013

http://www.sot.com.al/kultura/agim-k...nkurrent%C3%AB

[sirena_adria]

Edhe po e fitova festivalin, nuk pranoj të shkoj në Eurovizion

• Frederik Ndoci rikthehet në Festivalin e 52-të me “Një ditë shprese”. Një këngë në të cilën përshkruan realitetin e përditshëm shqiptar
•“E bukura ruhet duke e vendosur në skenë”


Këngëtari Frederik Ndoci rikthehet në Festivalin e 52-të të Radio Televizionit Publik Shqiptar me këngën “Një ditë shprese”. Kënga është për atë pjesëz të “errët”, që gjendet në realitetin tonë të përditshëm, nga lypsarët e deri tek emigrantët, të cilët vazhdojnë të enden rrugëve të botës. “Ndaj po kërkoj te horizonti, një ditë shprese, por më kot..., shoh plot lypsarë që i luten Zotit, miliona sy të lagur me lot. Kujt t’i lutem, Zonjës së Shkodrës apo ty Zot Baba Tomor, i përkasin të gjithë botës... Metropole të trishtuar, memorialë të strukur vrimash, ... shoh shqiptarë të mërguar, si pronarë psherëtimash”, janë disa nga vargjet që Ndoci do të interpretojë në Festivalin e 52-të të RTSh-së.

Për pjesëmarrjen e tij në Festival, për këngën, por dhe për situatën ku ndodhet muzika shqiptare sot, vjen në një intervistë për gazetën “Shekulli”. Frederik Ndoci (1960) qysh në fëmijëri ka marrë pjesë në të gjithë festivalet lokale e kombëtare për fëmijë, si solist, në interpretime të vlerësuara me çmime kombëtare dhe lokale.

Për publikun shqiptar, kanë mbetur të pashlyera interpretimet duet me Irma Libohovën "Në fushë", me Valdete Hoxhën "Korrim grurë", me Zeliha Sinën "Potpuri Dibrane", etj. Përpos çmimeve që ka marrë para viteve ’90, në fund të këtyre viteve transferohet në Amerikë, ku realizon albumin: "Frederik & Friends". Gjithashtu ka përfaqësuar Shqipërinë në edicionin e 45-të të Eurovizionit në Helsinki, 2007.

Zoti Ndoci, përse “Një ditë shprese”?

Fillimisht titulli ka qenë ndryshe, por më pas u binda që t’ia vendosja kështu. Agim Doçi qëkurse e dëgjoi materialin u përlot dhe tha: “Kjo nuk është këngë për të qenë pjesë e komerciales”. Ndonëse ata e kanë vendosur se kujt do t’ia japin çmimin, por mua nuk më intereson kjo pjesë, sepse dhe nëse do të ma jepnin çmimin e parë, nuk do të pranoja të shkoja më në Eurovizion, le të shkojë vendi i dytë. Unë e di se çfarë bëhet atje, e kam kryer atë mision, këto i them sepse bën vaki që juria mund të ngatërrohet. (qesh)

Një këngë kënduar realitetit...

Po, është realiteti shqiptar në të, sepse kur bëhesh në moshë, ti nuk mund t’i kapësh problemet me skepticizëm, por unë mund të them problemet që më shqetësojnë mua, tani nuk ka më kor, sepse kori është i dëmshëm, të gjithë punojnë për vete, askush nuk punon për ty. Shtetet e konsoliduara kanë tjetër sistem, përjashta është ajo që është, qoftë për njërin apo për tjetrin.

Duket që çdo detaj e keni marrë nga “rruga”?

Si mund të depërtosh në realitet ndryshe? Duke ndenjur në të ngrohtë? Gjë që nuk ndodh sepse kur del realiteti është tjetër, nuk të ndodh që të ecësh dhe të mos të të afrohen nevojtarë, që kanë nevojë për ndihmën tënde.

Ju personalisht sa ndikoheni nga ky realitet?

Mua më prek aq shumë sa nuk mund të rri pa i dhënë diçka, nëse takoj një lypsar në rrugë. Unë e di se njerëzit mund të jenë dhe të “pafytyrë”, sepse ka edhe nga ata që kanë miliona e përsëri lypin, por dikujt që është në hall, këtë të fundit ia lexon në sy. Unë ndihmoj njerëzit që janë paraplegjikë, me kancer apo me të meta fizike. Në Shkodër bëmë një koncert për të moshuarit që jetojnë në azil. Ata nuk kanë lekë dhe nuk kanë as zë. Unë nuk është se nuk i dua lekët, por nuk kam ku t’i çoj.

Ashtu bëhem milioner. Unë nuk kam nevojë për kaq shumë, prandaj përse mos të ndihmoj dikë që është në nevojë, ky është mendimi im. Asnjëherë nuk është pozitiv fakti që t’i merresh me politikë dhe mund të kesh fruta të mira, kjo mund të ndodh vetëm në art. Askujt nuk i kujtohet se kush ka qenë kryetar bashkie në kohën që ishte Bethoven, askush se mban mend këtë, sepse mbahet mend Bethoven, atij Zoti i dha diçka tjetër. Jo më kot kur bën Zoti njeriun mendohet pak, kur bën një artist mendohet pak më tepër (qesh).

Besoni në Zot?

Unë besoj më shumë se sa mund të imagjinohet.

Pak më lart thatë se e kanë vendosur se kujt do t’ia japin çmimin. Përse e mendoni këtë?

Sepse pas tyre fshihet një kompozitor që përzien çorbën. Gjithmonë kështu ndahen çmimet tek ne. Pesë a gjashtë vetë ia japin njëri-tjetrit. Janë të njëjtët që ndërrojnë vendet, shumë rrallë ka dalë ndonjë që ka fituar, vetëm kur është habitur juria. Ne vijmë nga një kulturë lindore dhe gjërat nuk mund të çrrënjosen aq kollaj as nga shpirti, as nga mendja ashtu sikurse ndodh dhe me partitë tek ne.


Vijim I intervistes ne linkun:

http://www.shekulli.com.al/web/p.php?id=37229&kat=94

Valeria Dedaj - Gazeta " Shekulli "

[sirena_adria]

Frederik Ndoci: Së bashku me Irma Libohovën, bëjmë një shekull në skenë

Albert Zholi - " Telegraf"

Në këtë festival këngëtari i mirënjohur Frederik Ndoci, vjen me një këngë të veçantë, me një këngë, ku pasqyrohen problemet sociale të Shqipërisë, të këtij vendi që zoti e ka bërë të begatë, por që politika e ka lënë në harresë. “Ditë shprese” titullohet kënga me tekst të Agim Doçit dhe me muzikë të vetë Fredrikut. Kjo këngë, sipas tij, është një këngë e veçantë, që domosdoshmërisht tërheq vëmendjen për tematikën. Ndërsa këngën e dytë duet, këngën shoqëruese të festivalit, ai do ta këndojë së bashku me të mirënjohurën Irma Libohova. Ky duet do të jetë me këngën e kënduar nga Avni Mula dhe Ema Qazimi “Shqipëri o vendi im”, një këngë që ka bërë bujë për kohën. Sipas Ndocit, pjesëmarrja në Festivalin Europian duhet të bëhet si një përzgjedhje e tre kompeticioneve të Këngës së Muzikës së Lehtë, Këngës Magjike, Top -Fest dhe Festivalit në RTSH.

Me çfarë kënge do të merrni pjesë në këtë festival?

Në këtë festival, qysh para disa muajsh mua m’u bë një propozim që të merrja pjesë në një këngë që do të këndohej me dy autorë, me këngë të traditës. Unë u thashë do të vij, por njëkohësisht unë do të përgatis enkas për Festivalin e 52 një këngë të muzikës së lehtë dhe më pas do të këndoj duet dhe një këngë me këngëtaren e madhe Irma Libohova. Dhe kështu bëra. Unë kompozova një këngë dhe tekstin e këngës, pasi dëgjoi muzikën e bëri poeti Agim Doçi, i cili ju përmbajt apo më mirë të themi u iniciua nga kjo muzikë për të bërë një tekst ndryshe.

Si titullohet kjo këngë?

Në protokoll kjo këngë titullohet “Ditë shprese” ndërsa si titull i autorit pas krijimit, është “Më dhëmb”, ku në të janë përfshirë ë gjitha dhimbjet aktuale të Shqipërisë. Pra është një titull social, me përmbajtje tërësisht sociale, ku jepen ato shqetësime të mëdha që ka megjithëse bëhet shumë zhurmë të mbulohen këto dhimbje. Shpesh herë duket sikur ne Shqipërinë e duam shumë por në fakt, këto janë false, pasi ne jemi ata që e kemi shfrytëzuar barbarisht, e kemi mjelë në emër të kësaj “atdhetarie”. Pra deri diku jemi atdhetarë false, pasi dashurinë tonë e kemi shprehur me fjalë dhe jo me vepra.

Në fakt Shqipëria s’e meriton këtë fat të keq, pasi me emrin e saj kanë luajtur shumë?

Po, shumë e drejtë. Vetë NASA, qendra botërore e zbulimit dhe informimit satelitor ka thënë që në Ballkan ndodhet një vend, një shtet që është çelësi i të gjithë orientimit hapësinor botëror. Pikërisht në vitin 1912 NASA ka zbuluar se në malin e Tomorrit, është një pikë orientuese, një sinor, një emblemë, mbi 6 mijë vjeçare, e cila lidhet me një Yll që mban çelësin e gjithë globit. Njëkohësisht ne kemi shumë figura të shquara si Nënë Tereza, Skënderbeu, por dhe qindra shkencëtarë që i kanë dhënë emër artit apo shkencës botërore dhe ne sot, jemi vendi më i varfër, vendi, ku heronjtë apo personalitete nuk vlerësohen, nuk marrin vendin që u takon. Pra këto çështje trajton kënga ime në këtë festival, kënga që është në konkurrim.

Cila është kënga e dytë që do të këndoni në këtë festival?

Kënga e dytë është një këngë e bukur që do ta këndoj së bashku me Irma Libohovën. Është një këngë e kënduar nga Avni Mula dhe Ema Qazimi “Shqipëri o vendi im”, një këngë që ka bërë bujë për kohën. Për mua mbetet një ndër këngët më të bukura, një këngë që i ka rezistuar kohës, një këngë që ka në vetvete tharmin shqiptar, tekstin shqiptar, muzikën e bukur dhe të pastër shqiptare. Në atë regjim, që unë s’dua ta ideologjizoj këngën, por edhe sot mbetet një ndër këngët më të pëlqyera të Festivaleve në RTSH. Pra unë pasi të këndoj sol këngën time, me tekst të Agim Doçit, pastaj do të këndoj këngën “Shqipëri o vendi im” së bashku me këngëtaren e mirënjohur Irma Libohova.

Çfarë përbën për ju dalja në skenë së bashku me të mirënjohurën Irma Libohova?

Përbën një rekord, madje më shumë se kaq. Unë dhe Irma jemi dy këngëtarë që kemi dalë në skenë këtu e 50 vjet më parë që fëmijë. Pra ne të dy së bashku bëjmë një shekull në skenë dhe kjo nuk është pak. Një shekull nuk është pak. Ne të dy jemi rritur me Festivalet në RTSH. Kemi ndarë shumë gëzime dhe hidhërime në to, por sërishmi mund të themi se Festivali i RTSH ka një histori, një traditë të pazëvendësueshme. P.sh me rastin e 100-vjetorit të Shpalljes së Pavarësisë u dekoruan me dhjetëra aktorë, artistë apo intelektualë dhe Irma Libohova u la në heshtje. Të gjitha vlerësimet sot bëhen mbi baza njohjeje mbi baza miqësish dhe tarafesh.

Deri më sot në sa festivale ka marrë pjesë Frederiku?

Unë kam pasur dhe festivale që nuk kam marrë pjesë. Nuk kam marrë pjesë ahere kur kam menduar se nuk kam qenë aty, ku duhet. Por nga ana tjetër di të them se në të gjitha festivalet që kam marrë pjesë gjithmonë kam marrë çmime. Pra çmimet e mia kanë qenë të para të dyta ose të treta. Pra s’ka pas asnjë festival që të kem marrë pjesë dhe të mos kem marrë çmim.

Ju keni marrë pjesë dhe në Festivalin Europian para disa vjetësh, keni ende atë dëshirë për të marr pjesë në të?

Jo. E deklaron që edhe n.q.s marr vend të parë në këtë Festival të 52 të Këngës së Muzikës së Lehtë në RTSH, nuk do të marrë pjesë në Festivalin Europian. Do të lejoj me gjithë dëshirë të shkoj në këtë event atë që do të marrë çmim të dytë.

Pse kjo deklaratë?

Pasi s’më meritonte ai vend që më dhanë i 11-ti. Di të them se në të gjitha sondazhet paraprake këngë jonë ishte ndër më të pëlqyerat. S’e di se si erdhi ai rezultat. Jam befasuar, pasi ne ndoqëm të gjitha sondazhet tona. Ne kudo ku u zhvillua Festivali, Europian, në çdo lokal, në çdo qendër argëtimi, pyesnim dhe vlerësimet për ne ishin shumë më ndryshe. Pra them me bindje se, asnjëherë nuk ka vlerësim real as në Europë.

Si do të ishte për ju më mirë pjesëmarrja në Eurovizion?

Për mendimin tim pjesëmarrja më e mirë do të ishte duke seleksionuar këngët fituese të tre kompeticioneve të këngëve të muzikës së lehtë, Top- Fest, Kënga Magjike dhe Festivali në RTSH dhe prej aty të nxirrej kënga fituese. Mendoj se, vetëm kështu do të përfaqësoheshim më denjësisht, për vetë faktin se dhe në kompeticionet e tjera marrin pjesë këngëtarë të mirë, këngëtarë të afirmuar, sigurisht edhe në ato ka këngë të bukura. Pra pas përfundimit të secilit kompeticion, një juri profesioniste duhet të zgjedhë se kush nga këngët e tre kompeticioneve fiton të drejtën për të shkuar në Eurovizion.

Këto kohë për Frederikun ka qenë kohë mbingarkese?

Po kam pasur shumë punë, kam lëvizur gjatë, kam shkuar në Amerikë, Kanada, Gjermani, ku kam pasur shumë kërkesa nga shoqata të ndryshme me rastin e festave të nëntorit. Tashmë këto lëvizje janë bërë normale për mua.

http://gazetatelegraf.com/fredrik-nd...kull-ne-skene/

[sirena_adria]

Frederik Ndoci: Së bashku me Irma Libohovën, bëjmë një shekull në skenë

Cila është kënga e dytë që do të këndoni në këtë festival?

Kënga e dytë është një këngë e bukur që do ta këndoj së bashku me Irma Libohovën. Është një këngë e kënduar nga Avni Mula dhe Ema Qazimi “Shqipëri o vendi im”, një këngë që ka bërë bujë për kohën. Për mua mbetet një ndër këngët më të bukura, një këngë që i ka rezistuar kohës, një këngë që ka në vetvete tharmin shqiptar, tekstin shqiptar, muzikën e bukur dhe të pastër shqiptare. Në atë regjim, që unë s’dua ta ideologjizoj këngën, por edhe sot mbetet një ndër këngët më të pëlqyera të Festivaleve në RTSH. Pra unë pasi të këndoj sol këngën time, me tekst të Agim Doçit, pastaj do të këndoj këngën “Shqipëri o vendi im” së bashku me këngëtaren e mirënjohur Irma Libohova.

http://gazetatelegraf.com/fredrik-nd...kull-ne-skene/

MREKULLI do kish qene te risillnin nje nga PERLAT e Muzikes se Lehte , qe vete FREDERIKU & IRMA e kane kenduar e korrur SUKSES ! Një nga këngët që fitoi çmimin e tretë në festivalin e 27 të këngës në RTSH :

Irma Libohova dhe Frederik Ndoci - Jeto rininë

Muzika: Ardit GJEBREA
Vargjet: Zhuliana JORGANXHI

Dhjetor 1988

[sirena_adria]

PETRI BOZO : Ju zbuloj surprizat e tre netëve të Festivalit në RTSH
24 Dhjetor, 2013 - " Koha Jone "

Të enjten mbrëma starton edicioni i 52-të i Festivalit të Këngës në RTSH.

E ftuar speciale, fituesja e “Eurosong” 2013, danezja Emmelie Charlotte-Victoria de Forest, si dhe Elhaida Dani fituese e “The Voice of Italy”


Edhe pak ditë na ndajnë nga starti i edicionit të 52-të të Festivalit të Këngës në RTSH, i cili do të mbahet nga datat 26, 27 dhe 28 dhjetor. Këtë vit drejtor i Festivalit do të jetë Alfons Zeneli, drejtorë artistikë do të jenë Edmond Zhulali dhe Shpëtim Saraçi, producentë muzikorë Alfred Kaçinari, ndërsa regjia për të katërtën herë i është besuar një emri mjaft të njohur në botën e spektaklit, regjisorit Petri Bozo. Në festivalin e këtij viti do të konkurrojnë 16 këngëtarë, ku të gjithë interpretimet do të realizohen live nën profesionalizmin e Orkestrës së RTSH-së.

Formula e këtij viti ka parashikuar që në natën e parë të festivalit të prezantojë tetë konkurrentë dhe tetë të tjerët në natën e dytë. Përgjatë dy netëve të para në skenën e Festivalit të Këngës do të jenë të pranishëm edhe artistë të njohur Big, të cilët do të këndojnë duete me garuesit e këtij viti, këngë të njohura të kënduara përgjatë viteve në skenën e festivalit të RTSH-së, çka do të shtojë edhe më shumë nivelin e performancës së këtij eventi. Festivalit këtë herë duket se nuk do t’i mungojnë edhe elementët e spektaklit, të cilat do të vijnë të mirëmenduara dhe surprizë nga organizatorët. Cilët do të jenë të ftuarit specialë që do të ngjiten në skenën e madhe të Pallatit të Kongreseve, duetet dhe emrat BIG që do të marrin pjesë, risitë e këtij edicioni, prurjet e reja të artistëve, prezantuesit, juria dhe formula e votimit... për të gjitha këto regjisori Petri Bozo tregon në intervistën e mëposhtme, dhënë për gazetën “Koha Jonë”.

Pak ditë na ndajnë nga edicioni i 52-të i Festivalit të Këngës në RTSH. Si është konceptuar nga ana organizative dhe cilat do të jenë risitë që ju si regjisor do të sillni këtë vit z. Bozo?

Festivali i 52-të për vetë traditën që ka është Festivali më i madh i këngës në Shqipëri dhe për këdo që është pjesë e tij mendoj se është një lloj krenarie kombëtare dhe detyrim moral për të bërë një event të zhvilluar në mënyrën më dinjitoze të mundshme, duke qenë se është edhe eventi i fundit që mbyll kalendarin e eventeve artistike në Shqipëri.

Çfarë ndryshimesh do të ketë këtë vit nga ana konceptuale?

Nga pikëpamja konceptuale mendoj se kemi bërë disa ndryshime, duke përfituar edhe nga rasti që kemi vetëm 16 këngë në konkurrim dhe pjesa tjetër e spektaklit na ka dhënë dorën neve si regji për të bërë një lloj performance, e cila do ta zbukurojë jo vetëm natën e parë, por të tre netët që do të ketë ky festival. Kështu që me ardhjen e shumë personazheve të njohur BIG, të cilët do të performojnë me këngëtarët në konkurrim dhe në duete me pjesën me të denjë muzikore të këtyre festivaleve në 52 vjet, kjo do të jetë një armë shumë e mirë për një performancë të plotë në të dy netët e para.

Po përsa i përket natës së tretë? Cilat do të jenë surprizat që keni rezervuar?

Për sa i përket natës së tretë, ajo do të ketë anën e vet të performancës, përveç 16 këngëve që do të shkojnë në konkurrim rresht, e cila konsiston në kohën që i duhet jurisë për të marrë vendimin për fituesin. Pra është një kohë e domosdoshme mbas paraqitjes së 16 këngëve në natën e tretë prej 40 minutash, ku edhe do të kemi një perfomancë shumë të lartë artistike për kënaqësinë e publikut. Këtë herë vjen dhe performon me dy nga këngët më të suksesshme të saj fituesja e “Eurosong 2013”, këngëtarja daneze, Emmelie Charlotte-Victoria de Forest, vjen për të performuar pas suksesit të jashtëzakonshëm që pati në “The Voice of Itali” Elhaida Dani, gjithashtu do të kemi një musical të kompozuar shumë mirë me katër këngëtarët e back-vocale, të cilët janë anëtarë të Operas dhe me koreografinë e Arjan Sukniqit.

Do të kemi gjithashtu edhe një numër rock-u me pjesën më elitare të bandave rock, që luajnë sot të kryesuar nga Bojken Lako, i cili është ndërkohë edhe anëtar jurie. Pra e gjithë kjo do të plotësojë atë kuadër të asaj performance, për të cilën fola pak më parë. Nga pikëpamja grafike, këtë vit gjithashtu mendoj se ky festival ka një hop shumë kualitativ. Duke qenë se kemi një sipërfaqe shumë të madhe “ledesh” të vendosura në skenografi jemi detyruar të sjellim pak pjesë nga Shqipëria historike, pak pjesë nga Shqipëria turistike, duke bërë një kartolinë 30 sekondëshe për secilin këngëtar që do të jetë në konkurrim.

Është një ide e juaja si regjisor përfshirja e elementëve historikë dhe turistike në inserte të tilla, apo vetë formati i Festivalit e kërkon diçka të tillë, duke qenë se kënga fituese do të përfaqësojë Shqipërinë në “Eurosong”?

Më shumë mendoj se ia vlen, që ai që shikon nga ekrani përvec një kënge të bukur shqipe, të shohë edhe një Shqipëri të bukur në video. Dhe në këtë formë kemi konceptuar 16 kartolina 30 sekondëshe, ku këngëtarët në këtë rast janë në rolin e një aktori. Janë përdorur jo vetëm si këngëtarë, por ata kanë luajtur edhe pjesën e një aktori të pozicionuar në pika të ndryshme ku ne kemi xhiruar nga Shqipëria e veriut, deri në Shqipërinë e Jugut, sipas prejardhjes së tyre.

Për shembull?

Për shembull, nëse motrat Kumria janë nga Kruja i kemi çuar në Krujë, nëqoftëse Blerina Braka është nga Berati e kemi çuar në Berat, apo nëse Marjeta Billo vjen nga Lushnja e kemi çuar në Manastirin e Ardenicës, këngëtarët shkodranë gjithashtu e kështu me radhë. Kështu që kjo kartolinë do të jetë një pjesë e faqosjes shumë e bukur dhe me këtë rast eliminojmë nga pikëpamja e kohës fizike një handikap që ka qenë përgjithësisht tek Festivalet, pikërisht momenti i kohës kur këngëtari shfaqet në fillim të skenografisë e deri sa pozicionohet tek podi ku do të këndojë. Pra e gjithë kjo kohë vizualisht zëvendësohet me këtë kartolinën dhe e qep shumë bukur edhe nga pikëpamja tempo-ritmike spektaklin. Meqenëse është Festivali i 52-të, kemi vënë në jetë edhe një ide mjaft interesante siç është ai i krahasimit me avionin, “Boing 52”.

Meqë emri përkon me avionin më të fuqishëm në botë, ai avion i cili transporton edhe presidentin e Amerikës, në këtë kontekst e kemi menduar Festivalin si një avion, ku avioni njihet si epiqendër që lidh çdo gjë. Përveçse mjet transporti, tregon një rrugëtim të gjatë, një fuqi, madhështi, tregon një udhëtim të këngës shqipe me avion drejt “Eurosong”, etj... Kështu që ne e kemi vendosur këtë avion si simbolikë dhe testi i hapjes do të jenë një fluturim i gjatë i këtij avioni mbi Tiranë dhe për herë të parë do të kemi pamje live të Tiranës sipër të vëna në dispozicion nga Alket Islami, ku edhe pjesa e blloqeve publicitare do t’i referohet fluturimit të Tiranës nga sipër me dekoracionin e festave të fundvitit. E gjithë kjo mendoj se do t’i japë një impakt shumë të mirë vizual në ekran.

Skenografia është gjithashtu një element shumë i rëndësishëm në një Festival. Si vjen këtë herë dhe nën kujdesin e cilit prej mjeshtërve?

Skenografia është zgjedhur nga Adnan Kastrati, e cila kryesisht bazohet në format më moderne të konceptimit skenografik, falë teknologjisë së lartë të ekraneve që tashmë kanë hyrë gjerësisht në të gjitha eventet botërore të këtij karakteri. Ky kuadër prandaj edhe shfrytëzohet shumë, elementi grafik i lupave, të cilat janë realizuar nga një prej skenografëve më të mirë në treg, Genc Osmani, ku çdo këngë, sipas karakterit të saj, tekstit që ka, muzikës që performohet do të ketë një lupë diametralisht të kundërt nga kënga që vjen në vazhdim. E gjithë kjo faqosje grafike do të përbëjë atë element modern të skenografisë, i cili kryesisht në epiqendër të vet ka kubin që zgjidh “ekuacionin”, (kubi lojë me kuadrate, i cili rrotullohet).

Në Festivalin e këngës në RTSH- këndimi është i gjithi “Live”. Sa e vështirë është për organizatorët, drejtuesit artistikë, kompozitorët, regjisorët, menaxhimi dhe përgjegjësia e kësaj mënyre konkurrimi?

Ky Festival, 5 vitet e fundit është zhvilluar i tëri “Live”, nga A deri tek Zh. Pra çdo tingull performohet live. Kënga gjithashtu nuk diskutohet, kështu që është shumë bukur të dëgjosh një super orkestër me 52 elementë midis bendit të vogël muzikor dhe harqeve, të cilët janë të sinkronizuar si një instrument i vetëm dhe të menaxhohen në këtë formë. Padiskutim është shumë punë, kjo falë raportit shumë të drejtë që ka zgjedhur pjesa e redaksisë muzikore, me në krye Edmond Zhulalin dhe Alfred Kaçinarin, si dhe me suportin tashmë të rikuperuar të Shpëtim Saraçit. Mendoj se gjithë ky element i asambluar nga ne si regji televizive them se do të japë një impakt shumë të mirë mediatik edhe pse në fund i ngelet publikut që ta vlerësojë. Ajo çfarë është e rëndësishme për momentin është fakti që ne jemi të impenjuar për të realizuar një Festival shumë cilësor.

Juria, nga sa anëtarë përbëhet dhe kush janë emrat që do të japin verdiktin në këtë edicion?

Më në fund janë shpallur tashmë 7 anëtarët e jurisë së festivalit., katër prej të cilëve vitet e fundit edhe e kanë kontestuar deri diku këtë festival, por që janë pjesë e kësaj familjeje të madhe të Festivalit. Kemi emra shumë të mëdhenj, siç janë ai i Agim Krajkës, Aleksandër Lalo, Hajg Zaharian, Petrit Malaj, Eriona Rushiti, Xhevahir Spahiu dhe Bojken Lako. Këta janë 7 emrat që do të jenë pjesë e jurisë së këtij viti.

Është e vërtetë që këtë vit Festivali i Këngës në RTSH do të transmetohet në të gjitha televizionet publike të EU?

Po, është shumë e vërtetë. Për herë të parë festivali ynë do të transmetohet në të gjitha vendet e EU, pra të gjitha televizionet publike që janë pjesë e familjes së madhe të Europian Broadcasting-Union do të jenë të sinkronizuara dhe do të transmetojnë Festivalin tonë. Në një farë mënyre ky është një Mikro-Eurosong shqiptar që do të shihet sipas kontratave që ekzistojnë në të gjitha vendet e EU dhe kjo është hera e parë që ndodh. Ky është një fakt shumë i mirë i gjithë kësaj performance që ne po bëjmë që nuk do të ngelet vetëm brenda kufijve, ose pjesës së shqiptarëve që e shohin kudo me satelit, apo ne territorin shqiptar, në Kosovë, Maqedoni, Mal i Zi, etj., por do të shihet gjerësisht në të gjitha vendet e Europës Perëndimore edhe me gjerë.

Do të ketë elemente show Festivali i 52-të?

Elementët e show-t janë të ftuarit. Në natën e parë do të jenë të gjithë personazhet BIG, ajo është pjesë e performancës. Do të hapet me dy numra ekselentë edhe nata e parë edhe nata e dytë. Nata e parë hapet me fituesit e edicionit të vjetshëm, nata e dytë me një numër shumë të mirëmenduar të orkestrës simfonike të RTSH që është “live”. Pjesa tjetër e performancës janë duete me këngëtarët BIG, pra kemi tetë këngëtarë në konkurrim dhe tetë duete me BIG-ët, gjithsej 16 këngë. Për herë të parë nuk do të ketë selektim pas dy netëve të parë siç ka ndodhur, të 16 këngët shkojnë automatikisht në natën e tretë.

Formula e votimit si do të jetë këtë vit?

Formula e votimit është formulë shumë e pastër, sepse votohet sipas pikëve të “Eurosong”. Pra anëtarët e jurisë votojnë nga 1 deri në 12, në ekran mbi bazën e pikëve që do të mbledhë juristi që është i atashuar pranë jurisë për efekt kohe do të përmenden pikët e para, nga 1 deri në 12 do të mblidhen automatikisht nëpërmjet kompjuterit dhe nga 8 deri në 12 do të anonçohen nga prezantuesit në sallë. Ka një votim me një formulë shumë të saktë matematikore elektronike, të pagabueshme dhe kontestueshme, sepse janë 4 fletë votimi, të cilat qëndrojnë njëra në dorën e juristit, një në duart e anëtarëve të jurisë dhe një në dorën e moderatorëve dhe një në dorën e prezantuesit. Pra nuk ka mundësi që të ketë gabime në numërim mbi bazën e 4 personazheve që do të mbledhin pikët. Ata që do të marrin pikët maksimale ata edhe do të shpallen fitues te Festivalit.

Kujt i është besuar prezantimi në këtë edicion?

Në këtë edicion prezantimi i është besuar Enkel Demit, Klea Hutës, Xhesika Berberit dhe Marinela Metës.

Këngëtarët që konkurrojnë:

Saimir Braho, Orges Toçe, Xhejn dhe Enxhi Kumrija, Marjeta Billo, Grupi "Lynx", Renis Gjoka, Xhejsi Jorgaqi, Hersi Matmuja, Besiana Mehmeti dhe Shkodran Tolaj, Venera Lumani dhe Lindi Islami, Frederik Ndoci, Luiz Ejlli, Rezarta Smaja, Blerina Braka, Klodjan Kaçani, Etmond Mancaku dhe Savjana Vjerdha

Disa nga duetet BIG janë: Altin Goci me Edmond Mancakun dhe Entela Zhula, Flaka Krelani me Saimir Brahon, Rovena Dilo me Klodian Kacanin, Mira Konçi me Luiz Ejllin, Juliana Pasha me Marjeta Billon, Kastriot Tusha me Herciana Matmujën, Elton Deda me Rezarta Smajën, Kejsi Tola me Renis Gjokën etj..

Albina Gjergji - " Koha Jone "

http://www.kohajone.com/component/k2...t-ne-rtsh.html

[sirena_adria]

Edmond Zhulali: Nuk ka braktisje të festivalit në RTSH, por emrat me përvojë maten mirë kur vijnë në konkurrim


20 Dhjetor 2013

Edicioni i 52 i Festivalit të Këngës në RTSH këtë vit do të mbahet në datat 26, 27 dhe 28 dhjetor dhe do të konkurrojnë 16 këngë, duke e sjellë edicionin e 52 me një strukturë ndryshe. Për drejtorin artistik Edmond Zhulali, struktura e këtij viti është një gjetje për festivalin, dhe 16 këngët u përzgjodhën pas një selektimi që sipas tij nuk ka qenë i lehtë. Kur vetëm disa ditë na ndajnë nga zhvillimi i festivalit, drejtori artistik pohon se do të rikthehen edhe këngët që kanë qenë të suksesshme ndër vite, këngë që do të jenë duete në skenë. Edhe pse drejtori artistik pohon se po bëhet një punë serioze për festivalin e RTSH, ndër vite nuk kanë munguar dhe zërat që kanë vënë në diskutim vlerat e këtij aktiviteti. Sipas drejtorit artistik, në momentin që një person, muzikant bën një kritikë, duhet të vlerësojë pozicionet e veta, pozicionin e festivalit dhe të bëjë një gjykim më gjakftohtë dhe jo gjykime emocionale.

-Vetëm disa ditë na ndajnë nga edicioni i 52 i Festivalit të Këngës në RTSH. Këtë vit festivali vjen me 16 këngë, dhe me një tjetër strukturë. Çfarë mund të na thoni mbi punën që është bërë deri tani për festivalin, dhe pse u mendua kjo strukturë këtë vit?


Jemi në një fazë të rëndësishme, ku të gjithë sektorët po punojnë me forcat maksimale. Puna më e madhe janë dhe provat me orkestrën, por njëkohësisht punohet në të gjithë sektorët. Për atë që kemi arritur, doja të bëja një pasqyrim të gjithë festivalit deri tani. Festivali ashtu si dhe në vitet e tjera fillon me një njoftim që bëhet nga RTSH, më pas ka vazhduar me përzgjedhjen e këngëve, por për të arritur te përzgjedhja e këngëve fillimisht kemi bërë dhe strukturën e festivalit. Si organizatorë të festivalit në fillim kemi diskutuar strukturën se si mendohet festivali i 52. U ra dakord që të bënim një skemë të tillë, të përzgjedhim 16 këngë dhe do të ftonim dhe 16 këngëtarë të tjerë që do të këndojnë në duet me ata konkurrues, por do jenë këngë që nuk i kanë kënduar konkurruesit më herët, por as të ftuarit. Këngët që do të interpretohen në duete do të jenë këngë të zgjedhura nga festivalet e RTSH ndër vite. Duke u miratuar kjo formulë, ku struktura dhe zhvillimi i festivalit sipas rregullave në RTSH miratohet nga Këshilli Drejtues, dhe nga ky moment kthehet në ligj për tu zbatuar nga të gjithë në RTSH. Pasi u miratua kjo, ne mblodhëm komisionin, mblodhëm jurinë dhe aprovuam 16 këngët, që tashmë dihet dhe janë bërë publike.


-Sapo u mor vesh që do jenë 16 këngë, jo pak emra të muzikës u shprehën se janë pak për një aktivitet të tillë?


Ky është një version, këtë vit janë zgjedhur 16 këngë. Ka pasur vite që janë zgjedhur dhe 32 këngë, 20 këngë, por gjithmonë në natën finale kanë dalë 16 apo 18 këngë. Në interesin personal, do të ishte më e lehtë për ne të zgjidhnim 32 këngë, por ishte më e vështirë përzgjedhja e 16 këngëve finaliste sidomos për jurinë. Kjo formulë u mendua për të mirën e festivalit. U bë një selektim jo i lehtë, i vështirë dhe me shumë përgjegjësi dhe profesionalizëm nga anëtarët që ne kemi pasur në komision. Festivali i këtij viti me këtë mënyrë bën një gjetje sa i takon strukturës, sepse neve i rikthejmë publikut shqiptar shumë nga këngët tona, që janë të festivaleve dhe këndohen kudo, në televizione të tjera, aktivitete, etj. Dhe duke qenë se këto këngë janë realizuar në RTSH, këto këngë do ti sjellim në interpretime të reja dhe orkestrime të reja. Një element tjetër, shumë këngëtarë që për arsye të tyre nuk kanë marrë pjesë në festival do të jenë pjesë festivalit, pra nuk do të mungojnë.


-Po flisni për këngëtarët, por jo pak zëra pohojnë se festivali në RTSH është braktisur nga emrat më të njohur të këngës. Çfarë mund të na thoni për këtë?


Festivali në RTSH nuk është braktisur. Por sot në Shqipëri nuk jemi si në sistemin komunist, ku ishte vetëm një festival, dhe mënyra për të lançuar, për të bërë krijimet apo interpretimet ishte e vetmja në këtë festival. Sot ka dhe festivale të tjerë dinjitozë, ka albume muzikore, koncerte, etj, pra jeta artistike është 10 fishuar në raport me të kaluarën. Prandaj ky mentalitet mendoj se i takon të kaluarës. Nuk është e thënë që një këngëtar të vijë çdo vit dhe të marrë pjesë pa pushim në festival. Sot një këngëtar merr pjesë në “Kënga magjike”, “Top-Fest”, festivale në Kosovë apo dhe Maqedoni, bëjnë klipe, etje, pra mundësia e zgjedhjes sot është shumë më e madhe. Në këtë këndvështrim mendoj që nuk ekziston fjala braktisje. Nga ana tjetër, mendoj që festivali i RTSH është një përgjegjësi shumë e madhe. Të gjithë ata që tentojnë, sidomos këngëtarët e njohur dhe kanë një përvojë në karrierën muzikore mendohen mirë, sepse një dështim në festivalin e RTSH është me pasoja të mëdha për karrierën artistike. Nuk është problemi për të fituar, por për tu paraqitur me dinjitet. Në këtë festival, i gjithë publiku dhe kritika shikon me lupë çdo fazë të zhvillimit të tij. Unë nuk mërzitem nga diskutimet apo dhe kritikat që bëhen mbi festivalin, sepse secili ka mendimet e tij, por duke qenë një festival me kërkesa, përgjegjshmëria është shumë e madhe. Mendoj se ky është dhe një arsyetim që këngëtarët duhet të maten mirë kur të vijnë në festival, sepse do të këndojnë live, do shoqërohen nga një orkestër live dhe fituesi do të jetë dhe në skenën e “Eurovizionit”. Në këto aspekte, unë duke bërë këtë analizë nuk e quaj që ka braktisje të festivalit. Personalisht si kompozitor unë se kam braktisur asnjëherë këtë festival, vetëm me raste që nuk mund të prezantoja këngë për arsye të detyrës. Mendoj që të gjithë këngëtarët e duan festivalin. Kemi ftuar 16 këngëtarë që ne i quajmë Big, të cilët e pranuan ftesën me kënaqësi dhe janë emra shumë të mirë, emra që janë rritur në këto festivale. Festivali i RTSH është i gjithë publikut shqiptar, nuk është vetëm i RTSH, dhe të gjithë kanë detyrë që ta mbarojnë këtë festival.


-Thatë që të gjithë kanë detyrë që ta mbrojnë këtë festival, por pas viteve ’90 Festivali i Këngës në RTSH është kritikuar shumë nga emra të njohur të këngës. Pse ndodh kjo, çfarë ka ndodhur me Festivalin e Këngës në RTSH gjatë dy dekadave?


Kjo është një pyetje, që do ti përgjigjem shumë shkurt. Kush guxonte të kritikonte festivalet në kohën e komunizmit, pra para ’90? Personalisht jam i pakënaqur nga kritikat që zhvillohen mbi festivalin, sepse unë do të dëshiroja një tryezë më të madhe, më të gjerë, dhe një ndërgjegjësim të të gjithëve mbi festivalin, sepse shumica diskutojnë për festivalin në tavolina dhe nuk kanë kurajën të flasin në media. Kërkoj një pjesëmarrje më të madhe të profesionistëve, të njerëzve që merren me muzikën, dhe do t’ju lutesha të jenë të painfluencuar nga ndjesitë. Në momentin që një person, muzikant që bën një kritikë në shtyp, duhet të vlerësojë pozicionet e veta, pozicionin e festivalit dhe të bëjë një gjykim më gjakftohtë dhe jo gjykime emocionale.


-Festivali i fundviti në RTSH ka dhe pjesën e spektaklit. Çfarë mund të na zbuloni për këtë?

Krahas dy netëve të para, që janë edhe festival edhe spektakël, nata finale do të jetë e mrekullueshme. Do të ketë 16 këngët konkurruese, një numër të interpretuar në formë muzikali nga baleti, grupit të back vokaleve që kemi në festival dhe ndoshta dhe të prezantuesve. Për këtë numër po punon koreografi Arian Sukniqi, do të vijë dhe kënga “Këputa një gjethe dafine” në një version simfo-rrok, që do të interpretohet nga këngëtarët Bojken Lako, Kamela Islamaj dhe Eugent Bushpepa. Të ftuarit specialë të këtij viti janë fituesja e Eurosong 2013, danezja Emmelie Charlotte-Victoria de Forest, e cila fitoi Festivalin Europian të këtij viti me këngën “Only Teardrops” dhe Elhaida Dani fituese e "The Voice of Italy". Besoj se pjesa e spektaklit do të pritet shumë mirë dhe do të sjellë emocione në sallë.


-Festivali do të jetë i gjithi live, paraqet problem Pallati i Kongreseve, plotësohen kushtet për live?

Interpretimi live e shkëput festivalin tonë, e bën të veçantë nga aktivitete të tjera që bëhen në Shqipëri. Publiku do të prekë çdo emocion të festivalit, do të ndjejë frymëmarrjen e këngëtarëve, instrumentistëve, orkestrës që do të shoqërojë. Puna më e madhe që bëhet për të realizuar këtë festival është shoqërimi i orkestrës që kërkon mund dhe djersë. Këtu dua të përmend Shpëtim Saraçin, për punën që ka bërë si drejtor artistik në festivale, Alfred Kaçinarin që ka punuar me formacionin e vogël orkestral, bendin. Pranë Radio “Tiranës” është një zyrë e re që ka krijuar aktivitete live, siç janë dhe festivalet e fundit, edicioni i 50, 51 dhe 52 i festivalit, dy festivale të këngës popullore, është bërë “Hit Fest” dhe Festivali i Fëmijëve për në Eurovizion “Junior Fest”. Pra është një zyrë që i ka dhënë një impuls zhvillimeve muzikore në RTSH. Ne jemi të tre, që kemi punuar vazhdimisht dhe jemi në kërkesë pune. Dua të falenderoj djemtë e bendit, kompozitorët Endri Sina, Klodian Qafoku, pianistin Marian Deda, Elton Deda, Jetmir Barbullushin, që kanë kontribuar shumë në orkestrime sa i takon dueteve në festival. Dua të vlerësoj punën e dirigjentëve, sërish Jetmir Barbullushi, Oleg Arapi dhe Gridi Kraja, që do të drejtojnë orkestrën. Nuk mund të lë pa përmendur për punën mbi festivalin dhe regjisorin Petri Bozo, skenaristen Alda Bida, koreografin Arian Sukniqi, skenografin Adnan Kastrati, dhe drejtorin e Pallatit të Kongreseve Edmond Tullumanin për ndihmën e tij.

-Folët për këngët dhe spektaklin në festival, çfarë mund të na thoni mbi jurinë. Sa anëtarë do të ketë këtë vit, dhe a do të ketë emra të huaj?

Si rregull, drejtori artistik i propozon drejtorit të festivalit emrat e jurisë dhe së bashku bien dakord. Kemi bërë disa propozime emrash dhe shumë shpejt, brenda dy ditësh do të bëhen të ditur dhe emrat e jurisë, që do të ketë 7 anëtarë dhe nuk do të ketë asnjë të huaj. Në përzgjedhjen e jurisë, pikësynimi kryesor kanë qenë artistë me dy vlera të bashkuara, vlera profesionale të mëdha dhe dinjitet personal. Këmbëngul tek pjesa e dytë, sepse anëtari i jurisë duhet të ketë dinjitet, që të votojë i pavarur edhe nga ndikimet e elementeve të tjerë. E them sërish, si drejtor artistik nuk më intereson kush fiton në festival, por më intereson të fitojë kënga më e mirë. Është e rëndësishme të fitojë kënga më e mirë dhe të gjithë konkurrentët të kenë besim te juria.

-Ndër vite jo pak është folur mbi çmimet, para festivalit por dhe pas tij. Si drejtor artistik, çfarë mund të na thoni për këtë?

Kur është folur para festivalit për çmimet kanë rezultuar jo të vërteta. Por duhet të kemi parasysh, që çdo konkurrent që ka hyrë në festival është e pamundur të fitojë festivalin. Të gjithë kanë dëshirë të fitojnë, dhe 1 nga 16 konkurrentët do të jetë fitues. Më vjen mirë që deri tani nuk ka pasur thashetheme për këtë festival. Ndoshta mund të ketë diskutime më pas, por personalisht jam i hapur për këtë çështje dhe shpreh vendosmërinë dhe mbështetjen që kam pasur nga drejtuesit e RTSH, që nuk ka asnjë paragjykim. Është një festival shumë i qetë. Po bëjmë një festival serioz.

Intervistoi: Julia Vrapi

http://www.sot.com.al/kultura-interv...oj%C3%AB-maten

[sirena_adria]

JETMIR BARBULLUSHI : Festivalet e Kenges ne RTSH kane vlera te medha kombetare

Nje Interviste e bukur e Mjeshtrit Barbullushi , kenaqesi ta lexosh - linkun ne vijim

Intervistoi : Albert Zholi - Gazeta " Telegraf "

http://gazetatelegraf.com/jetmir-bra...dha-kombetare/

[sirena_adria]

2 ANET E NJE MEDALJE :


Shqiptari :

http://revistaalbaniac.blogspot.ca/2...jave-kemi.html


Europiani :

http://www.eurovision.tv/page/news?i...lbania_tonight

http://www.esctoday.com/72877/tonigh...-52-kicks-off/

http://escxtra.com/2013/12/second-ni...vali-i-kenges/

http://escreporter.com/festivali-i-kenges-52-kicks-off/

...........

[sirena_adria]

BIG-ët që do mbështesin Këngëtarët e Festivalit në RTSH

E ndërkohë që këngët konkurrente kanë përfunduar, janë përcaktuar gjithashtu edhe duetet që do të performojnë në skenë gjatë dy netëve të para. Kështu pas çdo kënge konkurruese, këngëtari konkurrent do të vijojë të mbetet në skenë, por kësaj here për të interpretuar një këngë të njohur me një Big. Ndër çiftet që do të interpretojnë përgjatë dy netëve të festivalit do të jenë:

Altin Goci me Edmond Mancakun dhe Entela Zhulan
Flaka Krelani me Saimir Brahon
Rovena Dilo me Klodian Kaçanin
Mira Konçi me Luiz Ejllin
Juliana Pasha me Marjeta Billon
Kastriot Tusha me Herciana Matmujën
Elton Deda me Rezarta Smajën
Kejsi Tola (fituese dhe përfaqësuese e Shqipërisë në Eurosong) me Renis Gjokën
Redon Makashi me Xhejn dhe Enxhi Kumrijan
Eneda Tarifa me Grupin LYNX
Eranda Libohova me Xhejsi Jorgaqin
Kamela Islami me Orges Toçen.

http://mapo.al/2013/12/09/big-et-qe-...valit-ne-rtsh/

Duetet e tjera jane :

Olta Boka (fituese dhe përfaqësuese e Shqipërisë në Eurosong) me Venera Lumanin dhe Lindi Islamin
Kamela Islamajme Blerina Brakan
Kozma Dushi me Grupi NA
Irma Libohova me Frederik Ndocin
Myfarete Laze me Besiana Mehmetin dhe Shkodran Tolajn

Nje ndryshim ne duetin e meparshem

Endri dhe Stefi Prifti me Herciana Matmujën

http://en.wikipedia.org/wiki/Albania...g_Contest_2014