Arkaizmi i Laicizmit

[Xhemis]

Më vjen mirë që herë pas here mediat shqiptare hapin debatin për shaminë. Në këtë kontekst ato përpiqen që të abuzojnë me sfondin mediatik, për të përcjellë mesazhe publikut kundër saj, ndonëse në realitet del domosdoshmëria për të qenë të njohur rreth shkakut të vendosjes së shamisë, mirësive psikologjike dhe sociologjike të saj, përçimit të bukurisë dhe estetikës. Ligjërimi publik i disa "opinonistëve" mediatikë ksenofobë i ngjan ligjërimit të strucit duke treguar dhe atë pjesë pa puplat e asaj pjese që ju ka mbetur sipër rërës. Argumentet e tyre janë sa të çuditshme por dhe të palogjikshme?! Shkolla është laike!

Koncepti i tyre për laicitetin është krejtësisht i gabuar. Nën emrin laicitet, ata sulmojnë islamin dhe simbolikat fetare të muslimanëve, ndërkohë që përdorin standarde të tjera kur bëhet fjalë për laicitetin e vendeve publike të mbushura me kryqe, statuja apo buste. Sidomos kur i japin përparësi figurave të ndryshme fetare duke qenë të njëanshëm kulturalisht duke popullarizuar disa, e dukë lënë në hije të tjerët, sidomos myslimanët shqiptarë që i kanë dhënë historisë sonë kontribut të vyer.Shkolla është laike fatkeqësisht, ku i mëson njerëzit se e kanë prejardhjen nga majmuni, dhe kjo për pseudointelektualët tanë në media është mëse normale, sepse ju paraqet origjinën e të menduarit të tyre. Shkolla është laike, jofetare, nuk do të thotë që të përjashtojë fetarët nga arsimimi sepse kjo me të vërtetë ja kalon dhe teorisë së majmunit të Darvinit, sepse Darvini thotë që kafsha u bë
njeri nga puna duke përçmuar dijen, pra konceptin dhe termin laik duhet që ata ta përdorin me rigorozitet dhe pa abuzuar me të. Fakti që shkolla s’ka program fetar mësimdhënie tregon se ajo është laike dhe ky është kuptimi i vërtete i fjalës laik i shkollës. Shkolla nuk është laike duke përzënë vajzat me shami, sepse ato përfaqësojnë një fe ndryshe nga injoranti drejtues i shkollës që mendon se po zbaton ligjet e Lekë Dukagjinit kur përjashton një vajzë me shami nga shkolla. Në këtë rast shkolla kthehet në arkaike. Me sa mend këta opionistët e mediave shqiptare mendojnë se duhet të përzgjedhin se si duhet të vishen njerëzit. Mos mendojnë këta se jemi në shtetin e Mao ce Dunit ku të vishen të gjithë kinezçe me kostum metalurgu apo jemi në shtëpinë e fëmijës, dhe për të risjellë konceptin e padrejtësisë së barazisë duhet ti "barazojmë" njerëzit me një uniformë, ndërkohë humbasin kështu
realitetin për të kuptuar kategoritë e njerëzve, problemet e tyre dhe mentalitetin e tyre real pa e kamufluar me një veshje uniforme. Disave, uniforma u kamuflon zhveshjen, disave varfërinë dhe disave u kamuflon idetë për estetikën e paraqitjes së tyre por nuk u kamuflon bukurinë dhe tundimin. Këtë kamuflim e bën dhe shamia por ajo ndryshe nga uniforma kamuflon dhe diversitetin e flokëve dhe ruajtjen e bukurisë femërore që mos përçohet tek çdo zemër mashkulli, duke ruajtur kështu harmoninë dhe dashurinë çifteve në shoqëri.Me pak fjalë termi laik nuk është përjashtim i fetares por asnjanësimi i ambientit publik kur në të ka më shumë se një grupim fetar për të qenë i paanshëm dhe unifikues në të drejtën e arsimimit. Shkolla nuk është laike që të përzërë nga vetja e saj apo ti japë të drejtë ndonjë drejtori arkaik përjashtimin e vajzave muslimane me shami. Fundi i fundit shkolla është ngritur me
duart e baballarëve të këtyre vajzave, me taksat që paguan çdo familje muslimane në arkën e shtetit që përveç ngritjes së shkollës shkon dhe për rrogën e drejtorëve arkaikë me të cilën ushqejnë fëmijët e tyre dhe arsimojnë fëmijët e tyre. Po si ka mundësi, një drejtor që arsimon dhe shpenzon për fëmijët e tij nga paga që paguan çdo musliman taksapagues ndërkohë që u mohon të drejtën këtyre muslimaneve. Ka sens logjik kjo padrejtësi? Shteti jo vetëm që s’duhet të përjashtojë vajzat muslimane me shami nga shkollat për shkak të laicitetit të saj përkundrazi duhet të fusë në shkolla dhe edukatën fetare me qëllim që drejtorët e ardhshëm të shkollave mos jenë arkaikë në idetë dhe mendimet e tyre për shoqërinë që u rrethon. Ta ndash shtetin dhe institucionet publike në laike përjashtuese dhe në laike jo përjashtuese është turpi i padrejtësisë që ekziston në këtë shekull. I njëjti
shtet laik më takson mua dhe gjithë muslimanët me taksa të shumta dhe nuk më përjashton në këtë aspekt dhe nuk thotë që këto mos i taksoni se janë fetarë dhe bien në kundërshtim me laicitetin e shtetit. Mos i taksoni këta se këta nuk do ti lejojmë në shkolla publike. Mos i taksoni këta sepse me taksat e tyre do paguajmë drejtorët arkaikë që përjashtojnë vajza me shami nga shkolla. Pra kemi standard të dyfishtë dhe nga vetë shteti dhe mos ushtrim të drejtë të autoritetit të tij ndaj institucioneve arsimore publike.Disa prej opinionistëve në media paraqesin një argument të varfër për standardin e moshës së mbulesës. Sipas tyre nuk duhet të veshin shami femrat në atë apo këtë moshë që këta opinionistë mendojnë sepse u shkelkan të drejtat e njeriut. Se nga e kanë gjetur këtë të drejtë vetëm ata e dinë. Prit kur të dalin me ndonjë ligj për ndalimin e kryerjes së synetit të fëmijëve
muslimanë. Sipas tyre femra duhet të jetë e rritur mbi 20 vjeçe, pastaj ta vendosë mbulesën. Pra me pak fjalë, po dëshirojnë të implementojnë një diktaturë brenda demokracisë së tyre. Shkaku? Që prindërit muslimanë mos kenë të drejtë ti mbulojnë vajzat e tyre. Femrat të mos kenë të drejtë të arsimohen. Kjo mënyrë e të menduarit është problem arkaik i opinionistëve tanë sepse fëmijët e tyre ti edukojnë si duan ata, ndërkohë dëshirojnë të përzgjedhin mënyrën dhe formën e edukimit të fëmijëve të mi. Dhe jo vetëm kaq por dëshirojnë të përzgjedhin sjelljen dhe mënyrës e të të veshurit. Pra me pak fjalë këta propagandojnë diktaturë ligjore brenda demokracisë liberale. Këta e shesin demokracinë si sistemi i vlerave perëndimore që popuj të ndryshëm bashkëjetojnë në mënyrë harmonike me njeri tjetrin, me sjellje dhe kultura të ndryshme po kërkojnë që në Shqipëri vend me shumicë
muslimane tradicionale ta kthejnë në një aparteid afrikano-jugor kundra muslimanëve nga frika e mos shtimit të praktikanteve të tyre. Unë o bashkatdhetarët e mi do ta arsimoj, edukoj fëmijën tim sipas parimeve të mia të njohjes të së mirës dhe të keqes, dhe askush në botë nuk ka të drejtë që me dhunë ligjore të imponojë tjetër zgjidhje sepse nuk kam ndërmend që për shkak të arkaizmit ligjor te disa opinionistëve ose levave të tyre të ndryshoj vendbanimin tim dhe të shkoj në Kinë ku ndoshta gjej më shumë të drejta se në Shqipërinë e mendjes së këtyre opinionistëve, drejtorëve, politikanëve apo dhe trupave diplomatikë të huaja që herë pas here investojnë ide pro homoseksualizmit dhe neglizhojnë qëllimisht kinezëritë e drejtorëve të shkollave, të cilat i përmendin në raporte vjetore apo në kabllograme me heshtjen e tyre si shkelje të drejtash.

Shamia si propaganda fetare

Disa opinionistë arkaikë e shohin shaminë si një propagandë fetare në shkolla, ndërkohë që nuk shikojnë si problematikë çukitjen derë me derë të misionarëve që na shqetësojnë orar pa orar. Propaganda fetare nuk ndalohet me ligj, përkundrazi kam dëshirë që ti bëj dhuratë të gjithë grave në parlamentin shqiptar një shami në ditën e 8 marsit. Një dhuratë simbolike me diciturën "kjo është një shami, mos ki frike prej saj". Para se ti heqësh të drejtën njerëzve për shaminë, hiqe mbulesën arkaike nga mendja dhe zemra jote.Shamia do vazhdojë të krenohet në kokat e vajzave muslimane për aq kohë që në këtë vend do ketë muslimanë dhe njerëz të ndershëm dhe të logjikshëm. Edhe nëse ringjallen diktatorët si Enver Hoxha, ky vend nuk do mund të getizohet duke ndaluar çfarë ti dojë dhe të lejojë çfarë të dojë, por prapë shamia ka për tu valëvitur si një flamur fitimtar në bedenat e kalasë
ligjore të kësaj shoqërie. Ngatërrimi i qëllimtë i opionistëve në lidhje me realitetin francez dhe atij shqiptar.Këta delenxhinj paskan qenë më shumë frankofonë se sa shqiptarë. Realiteti i Francës është se ajo i ka muslimanët emigrantë të ardhur nga Afrika veriore, ndërsa shqiptaret muslimanë janë autoktonë. Së dyti Franca ka ndaluar Burkën, mbulimin e fytyrës dhe lejon si çdo shtet europian shaminë dhe nuk ka asnjë shtet europian që ka marrë një nismë të tillë përveç Shqipërisë. Në Shqipëri si përherë punët bëhen lëmsh, kur të tjerët ndalojnë burkën, në Shqipëri kërkohet ndalimi i shamisë. Në jemi një hap përpara Europës kur bëhet fjalë për Islamin ndërsa jemi 10 hapa mbrapa kur bëhet fjalë për ligje, politika, reforma etj. Në debate publike qëllimisht sillet problematika e Francës apo ndonjë vendi tjetër, duke bërë një analogji të gabuar me shaminë e shqiptarëve. Dhe këtë
gabim analogjik e bëjnë me qëllim që të manipulojnë opinionin publik që ti japë të drejtë arkaikëve duke përdorur argumenta e "çekut të bardhë" të Europës apo perëndimit. Ju kërkoj seriozisht që mos ngatërrojnë çështjen e ndalimit të Burkës me ndalimin e shkollimit dhe pengesës për shaminë e muslimaneve shqiptare nëse janë të drejtë dhe të logjikshëm.Kushtetuta e tyre laike e pranon arsimimin e njeriut po ashtu dhe shfaqjen publike të fesë së secilit njeri. Atëherë nga i nxjerrin këto rregullore që ndalojnë shfaqjen publike të shamisë dhe ndalimin e arsimimit të vajzave me shami. Kur do marrë fund kjo telenovelë e instrumentuar. Mos duhet që muslimanët të kërkojnë këtë të drejtë në Gjykatën Kushtetuese dhe sa e paanshme do jetë ajo në dhënien e këtij vendimi njëherë e përgjithmonë? Shamia si rregull fetar i muslimaneve vjen për disa shkaqe. Së pari ajo nuk është ofendim dhe nënçmim
për femrën por përkundrazi është vlerësim dhe dinjitet për shumë arsye. Qëllimet fetare të shamisë janë të shumta.

Shamia si njohje publike e fetares.

Shamia është domosdoshmëri në ligjin juridik të Kuranit për femrën. Ajo përveç funksionit të mbulimit të kokës ka dhe funksione të tjera që shprehen në urtësitë e Zotit në shumë aspekte psikologjike dhe sociologjike. Shamia shërben si identitet i një femre besimtare për të qenë më e lehtë për tu identifikuar në publik nga pjesëtarët e tjerë të së njëjtës shoqëri. Kjo lloj njohje shërben për afrimitet midis shoqërisë muslimane duke dhënë përshëndetje mbas njohjes për shkak të shamisë por mund të shërbejë dhe si një objekt prej të cilës mund të vijnë pyetje nga kuriozë muslimanë të cilët nuk e kanë vendosur dhe kërkojnë një shpjegim nga çdo vajzë muslimane për përzgjedhjen e saj. Pikërisht kësaj i frikësohen jo myslimanët, kthimit të shamisë si një mjet për përhapjen e Islamit.

Shamia ruan femrën nga ngacmimet

Shamia është urdhër i Zotit për femrën besimtare dhe si përherë çdo urdhër i Zotit ka urtësitë e Tij që do ti përmendim më poshtë. Urdhëri fetar për shaminë vjen për mbulimin e femëror duke mbuluar format karakteristike e trupit të femrës nga supet deri tek këmbët dhe përveç kësaj mbulimin e flokëve dhe pjesës përreth tyre duke lënë në paraqitje vetëm fytyrën për identifikim. Përveç qëllimit dhe urtësisë së njohjes shamia ka dhe urtësinë që përmendet në ajetin kuranor për mos ngacmimin e femrës nga meshkujt. Një femër e mbuluar nuk nxit epshet mashkullore për shkak të mbulesës së pjesëve trupore dhe të kokës të cilat kërcojnë mesazhe nxitëse tek meshkujt. Dhe me këtë gjë shamia bën ndalimin e cytjeve që mund ti vijnë një femre të martuar ose beqare nga meshkujt në rrugë duke qenë vetë ajo e para qe nuk provokon apo cyt ato me veshjen e tyre.

Shamia ruan dashurinë

Shamia nuk i shërben vetëm atij që e vendos por dhe atyre që se vendosin. Muslimanja e mbuluar kërkon që bukuria e saj mos depërtojë tek lidhjet në çifteve të tjerë. Të gjithë femrat kërkojnë që në zemrën e burrit të tyre të jetë vetëm ajo si e vetmja imazh dhe qënie. Muslimanja me mbulesën e saj nuk bën interceptime me pamjen e saj për të depërtuar në zemrën e meshkujve të tjerë me anë të shikimit të tyre. Ajo është një ruajtëse e lidhjes së çifteve dhe nuk interferon në zemrat e tyre. Ato që duhet ta mbrojnë me shumë vendosjen e shamisë duhet të jenë femrat se meshkuj, sepse femrat duhet dhe kërkojnë të ndjehen të qeta me bashkëshortet e tyre. Shamia mundëson që në zemrat e bashkëshorteve ose të dashurve të tyre të hyjë një figurë e huaj femërore.

Shamia ruan nxitjen e krimit

Shamia dhe hixhabi ndikon në qetësimin e epsheve dhe halucinacioneve. Vendet perëndimore s’do kishin këtë intensitet përdhunimesh, maniakësh dhe killerash serialë ndaj femrave, nëse femrat atje, do dilnin të mbuluara. Femra e mbuluar nuk i jep shkak meshkujve që ato të krijojnë halucinacione për të menduar për gjëra që s’munden ti zotërojnë dhe që u shfaqen në rrugë duke nxitur instiktet e tyre epshore dhe seksuale.

Shamia përmirëson lidhjet martesore

Femra e mbuluar është një pasuri qe dëshiron ti jepet vetëm burrit të saj, duke u mbuluar kur del jashtë dhe duke u zbukuruar kur është me bashkëshortin e saj brenda në shtëpi. Dhe jo siç ndodh rëndom në jetën e përditshme të femrave të zbuluara kur ato zbukurohen në publik dhe nuk përkujdesen në të njëjtën mënyrë në shtëpinë e tyre me burrin e tyre. Saqë burrat kanë filluar të dyshojnë së fundmi se gruaja e tyre është e martuar me to apo me shoqet dhe opinionin publik. Femra e zbuluar u merr me vete një pjesë e energjisë meshkujve me ndjelljen seksuale, saqë e detyron shumicën e tyre që kur shkojnë në shtëpi ta shikojnë femrën e tyre me syrin e një manekini dhe që energjia e harxhuar rrugëve duke parë femra të tjera të sjellë një gjendje impotence tek to duke e ngopur syrin sikur ndodh pikërisht në plazh. Njerëz që rrinë lakuriq pranë njeri tjetrit pa asnjë ndjesi për shkak të normalizimit
të kurbës së epshnxitjes e cila në fillim rritet por pastaj vazhdon të bjerë si shkak i qëndrimit për një kohë të gjatë në këtë realitet lakuriq duke u kthyer në impotencë artificiale. Sepse epshndjellja ka kohën e saj për tu determinizuar në një marrëdhënie kur kjo kohë kalon njeriu i normalizohet ambienti. Ky është efekti i ngopjes së syrit sikurse rasti i kuzhinierit që ngopet me sy edhe pse është i pangrëne duke iu larguar oreksi.

Shamia ruan paragjykimin për femrën

Femra e mbuluar nuk të lejon që ti ta gjykosh atë sipas fizionomisë apo bukurisë trupore sepse ajo nuk ta jep këtë mundësi. Tek një femër e mbuluar në fillimi njihet intelekti dhe karakteri i saj. Kjo shërben më mirë dhe në procesin e një kontrate të dashurisë martesore që mashkulli mos vendosë në fillim emocionet e krijuara nga bukuria femërore por kërkesat e tij, për karakterin e saj, edukatën, arsimimin etj. Njerzit që e njohin shkaqet e dashurisë do me japin shumë të drejtë në këtë aspekt.Dashuria shkaktohet si pasojë e dy faktorëve kryesorë, shikimit dhe komunikimit. Edhe pse ajo është ndjenjë instiktive padyshim ajo ka nevojë për këto dy faktorë me qëllim që të rilindë. Një nga shkaqet e problematikave sociale sot si tradhtia, zënkat, divorci etj, janë mos mbajtja ne kontroll e këtyre dy faktorëve. Duke jetuar në një shoqëri të teknologjisë moderne kur njeriu ka shumë mundësi komunikimi dhe
njohje, dashuria dhe martesa e gjatë në kohë është kthyer në tabu për shkak se faktorët e saj janë në çdo moment në ngacmim. Shumë çifte ndahen për shkak se nuk ekziston dashuri ndërmjet tyre se sigurisht dashuria për bukurinë e gruas ka humbur në shikimet që u bëjnë femrave rrugës. Mbasi janë lodhur duke u folur femrave të panjohura me xhentilesë dhe mirësjellje vijnë në shtëpi dhe krijojnë debate dhe zënka. Mbasi dashurohen me femra të tjera që mund ti lindë dashuria për to duke komunikuar me to në autobus, rrugë, kafe, shkollë, internet e duke i parë çdo ditë në bukuritë e tyre normalisht do fillojnë divorcet, ndarjet, tradhtia bashkëshortore etj. Pra me pak fjalë këto i kanë hapur derës së keqes, ndërkohë shamia dhe mbulimi femrës, ulja e shikimit, mos komunikimi dhe përzierja femra meshkuj në orgji publike do sillte qetësi dhe paqe të situatës së acaruar sociale dhe të lidhjeje
bashkëshortore. Islami me pak fjalë e fokuson shikimin, vëmendjen, dashurinë, çastet intime, energjinë dhe marrëdhëniet seksuale vetëm brenda çiftit duke eliminuar me rregullat e tij faktorët që kërkojnë ta prishin ketë gjë.

Shamia nëpër buste

Është e çuditshme kur një vajzë me shami nuk i lejohet të arsimohet ndërkohë një busti të vendosur në mes të aeroportit, i lejohet shamia. Një djalë mund të përjashtohet nga shkolla për shkak të mjekrës, kurse një Busti në mes të Tiranës i lejohet të ketë mjekër. Edhe pse analogjia është më shumë sarkastike për këdo që ka mend duhet të mendojnë se shoqëria nuk ecën përpara me pengesa por me motivime. Pikërisht ky është mesazhi që çdo njeri duhet ta kuptojë se arsimimi i një qenie njerëzore e gjallë vlen më shumë se një bust i vdekur.

Shamia në bibël

Nëse do i referohemi shamisë dhe funksioneve të saj të përmendura me lart në shkrim do të gjenim një gjuhë të përbashkët dhe nga shkrimet biblike. Ndryshe nga Islami Bibla e trajton me konservatorizëm çështjen e shamisë. Sipas Biblës, femra nuk duhet të shihet pasi kjo si gabim mund të jetë i barabartë me mëkatin e tradhtisë të shkeljes së Kurorës bashkëshortore. Dhe ky lloj mëkati (shikimi i femrës së huaj) sipas biblës do shlyhej vetëm me verbërim në këtë botë ose me dënim në Gahene (Xhehenem) në botën tjetër. (28- Por unë po ju them se kushdo që shikon një grua për ta dëshiruar, ka shkelur kurorën me të në zemrën e vet.

29 Në qoftë se syri yt i djathtë të çon në mëkat, hiqe dhe flake larg teje, sepse është më mirë për ty që të humbësh një nga gjymtyrët e tua se sa të hidhet në Gehenën gjithë trupi yt; [Mateu 5 28-29])

Dhe jo vetëm kaq por Bibla ndalon dhe veshjen e femrës me rroba burrash. Gruaja nuk do të veshë rroba burrash, as burri nuk ka për të veshur rroba grash, sepse kushdo që bën gjëra të tilla neveritet nga Zoti, Perëndia yt. Ligji përtërirë 22/5. Sipas Biblës së Krishterë nëse nuk mbulohesh duhet të qethesh qeros-tullace duke bërë me këtë akt detyrim gruas të mbulohet.

5- Edhe çdo grua, që lutet ose profetizon kokëzbuluar, turpëron kryet e saj, sepse është njëlloj sikur të ishte e rruar.

6- Sepse në qoftë se gruaja nuk mbulohet, le t`ia presin flokët; por në qoftë se për gruan është turp të qethet a të rruhet, le të mbulojë kryet.

7- Sepse burri nuk duhet të mbulojë kryet, sepse është shëmbëllimi dhe lavdia e Perëndisë, kurse gruaja është lavdia e burrit.

8 sepse burri nuk është nga gruaja, por gruaja nga burri.

9- edhe sepse burri nuk u krijua për gruan, por gruaja për burrin.

10- Prandaj gruaja, për shkak të engjëjve, duhet të ketë një shenjë pushteti mbi kryet. (Letra e korintesave 1)

Edhe pse në dëshirën e grave mund të jetë mos mbulesa bibla ka përcaktuar se burri mund ta obligoje gruan të mbulohet.

Gjithashtu dhe ju, gra, nënshtrojuni burrave tuaj, që, edhe nëse disa nuk i binden fjalës, të fitohen pa fjalë, nga sjellja e grave të tyre, kur të shohin sjelljen tuaj të dlirë dhe me frikë.Stolia juaj të mos jetë e jashtme: gërshetimi i flokëve, stolisja me ar ose veshja me rroba të bukura, por njeriu i fshehur i zemrës, me pastërtinë që nuk prishet të një shpirti të butë dhe të qetë, që ka vlerë të madhe përpara Perëndisë.

Sepse kështu stoliseshin dikur gratë e shenjta që shpresonin në Perëndinë, duke iu nënshtruar burrave të tyre, ashtu si Sara, që i bindej Abrahamit duke e quajtur "zot"; bija të saj ju jeni, në qoftë se bëni mirë dhe nuk trembeni nga ndonjë frikë. 1 E Pjetrit 3:1-6

Në mënyrë të njëjtë dua që edhe gratë, të vishen hijshëm, me cipë dhe modesti dhe jo me gërsheta a me ar, a me margaritarë, a me rroba të shtrenjta, po me vepra të mira, si u ka hije grave që i kushtohen perëndishmëri. Gruaja le të mësojë në heshtje dhe me çdo nënshtrim. Nuk e lejoj gruan që të mësojë, as të përdori pushtet mbi burrin, por të rrijë në heshtje. 1 Timoteut 2:8-1

Pra ka një dallim të madh midis formës dhe mënyrës së Islamit ne bindjen e gruas për të vendosur shaminë dhe ndryshe qëndron në bibël. Nëse Islami thotë vendosni shaminë që mos ngacmoheni dhe të njiheni, bibla thotë i rruani kokat. Nëse Islami thotë thuaji besimtarëve dhe besimtareve që të ulin shikimin, bibla thotë që nëse shikon grua të huaj quhet tradhti bashkëshortore dhe është më mirë verbërimi. Islami kërkon që Shami dhe Mbulesa të bëhet si bindje ndaj Zotit dhe jo si bindje ndaj Burrit.