Kur do ti vije rradha ne Prokurori dosjes Rama?

[DYDRINAS]

Kuvendi, ndjekje penale ndaj Ramës

Komisioni Hetimor paraqet fakte dhe prova të pakontestueshme që implikojnë kryebashkiakun në afera korruptive

Kuvendi do t`i kërkojë Prokurorisë së Përgjithshme fillimin e çështjes penale ndaj Edi Ramës për shkelje të rënda të Kushtetutës dhe ligjeve të vendit në praktikat e dhënies së lejeve të ndërtimit. Në përfundim të punës 3-javore, Komisioni Hetimor parlamentar doli në konkluzionin se, në praktikat e ndjekura nga KRRT-ja e Tiranës për dhënien e lejeve të ndërtimit ka shkelje skandaloze të ligjeve dhe abuzim të hapur me detyrën dhe funksionin publik.

Komisioni Hetimor, në raportin përfundimtar të paraqitur gjatë seancës së djeshme, i kërkoi Kuvendit të konstatojë pavlefshmërinë e vendimeve të KRRT-së së Bashkisë së Tiranës më datën 17 prill 2009 dhe të ngarkojë Inspektoratin e Lartë të Deklarimit dhe Kontrollit të Pasurive që, në bashkëpunim me Avokaturën e Shtetit, të ndërmarrin masat ligjore sipas ligjit për konfliktin e interesave në ushtrimin e funksioneve publike. Sipas raportit, kryetari i Bashkisë së Tiranës ka përfituar të paktën 9 milion euro nga korrupsioni me lejet e ndërtimit, duke miratuar në KRRT shumicën e lejeve të ndërtimit për dy studiot e miqve të tij.

Komisioni Hetimor për investigimin e praktikave të dhënies së lejeve të ndërtimit në Tiranë, paraqiti dje në Kuvend raportin përfundimtar, në të cilin konstaton shkelje të rënda të ligjit dhe Kushtetutës nga kryetari i Bashkisë së Tiranës, Edi Rama. Sipas raportit, studioja e Alban Eftimit ka marrë 158 000 m katrorë ndërtim vetëm për objekte private, që në tërësi përbëjnë një vlerë investimi prej 48 milion eurosh. Raporti konstaton se, sipas modelit të Bashkisë së Tiranës dhe mënyrës se si ajo administron pushtetin e saj, vlera e përfitimit të padrejtë llogaritet në 15% të investimit, duke përfituar rreth 7 milion euro.

Po kështu, studioja e Artan Shkrelit ka marrë leje nga KRRT-ja e Tiranës për një sipërfaqe vetëm për objekte private rreth 46 000 metër katrorë, që përbëjnë një vlerë investimi prej rreth 14 milion euro. Duke analizuar vlerën e përfitimit të kësaj studioje si më lart, prej 15% rezulton të jenë përfituar në mënyrë të padrejtë 2 milion euro. Anëtarët e komisionit, pas marrjes në pyetje të anëtarëve të KRRT-së dhe drejtoreshës së Agjencisë së Prokurimeve Publike, kanë arritur në konkluzionin se, bëhet fjalë për shkelje të rënda ligjore, afera korruptive dhe marrje vendimesh në konflikt të hapur interesi.

Raporti citon dëshminë e anëtarit të KRRT-së, Marin Biçoku, i cili shprehet se çështjet që do të trajtohen në mbledhjet e KRRT-së miratohen nga Bashkia e Tiranës dhe nënshkruhen nga kryetari i saj, gjë që nënkupton se është Rama ai që vendos se cilat kërkesa për leje ndërtimi të përfshijë në rendin e ditës dhe cilat jo. Ai nënvizon se një nga problematikat që hasen në mbledhjet e KRRT-së është mungesa e transparencës në vendimmarrje. "Është fakt që gazetarët, mediat dhe qytetarët nuk lejohen të marrin pjesë në mbledhjet e KRRT-së, pavarësisht kërkesave, ftesave dhe insistimeve të anëtarëve të KRRT-së", citon më tej raporti anëtarin e KRRT-së.

Bashkia refuzoi dërgimin e informacionit të kërkuar

Raporti përfundimtar i Komisionit Hetimor nënvizon se, Rama ka refuzuar dërgimin e dokumentacionit të kërkuar, duke konsumuar në këtë mënyrë një shkelje shumë të rëndë të Kushtetutës dhe ligjeve të shtetit. Sipas ligjit për komisionet hetimore, organet kompetente që i disponojnë këto të dhëna dhe dokumente janë të detyruara t`ia përcjellin zyrtarisht komisionit, sipas kërkesës së tij. Ky ligj i jep komisionit kompetenca të plota në hetimin e çështjeve objekt i veprimtarisë së tij, duke iu referuar edhe Kodit të Procedurës Penale.

Ankimimi në Gjykatën Kushtetuese ndaj ngritjes së Komisionit Hetimor nuk e përjashton Bashkinë e Tiranës nga detyrimi kushtetues dhe ligjor për dërgimin e dokumentacionit të kërkuar. Refuzimi i aksesit mbi këtë dokumentacion cënon rëndë të drejtën e aksesit të të zgjedhurve të popullit mbi veprimtarinë dhe transparencën e organeve shtetërore. Komisioni vlerëson se në përgjigjen e tij, Rama sfidon me shkelje flagrante të Kushtetutës dhe ligjeve të vendit, institucionin më të lartë në një Republikë parlamentare, Kuvendin e Shqipërisë.

Gjithashtu, Komisioni vlerëson se mënyra e sjelljes së kryetarit të KRRT-së dhe anëtarëve të saj, të cilët refuzuan të vijnë të dëshmojnë, përbëjnë në tërësi një veprimtari në kundërshtim me ligjin dhe Kushtetutën, me qëllim pengimin e funksionimit të veprimtarisë së këtij komisioni.

Analiza ligjore e fakteve të mbledhura

Komisioni, pas mbledhjes së fakteve tronditëse të cituara më lart, kaloi në diskutimin dhe analizën ligjore të këtyre veprimeve të kryetarit të KRRT-së të Bashkisë Tiranë, me qëllim që t'i japë përgjigje pyetjeve të ngritura në fillim të këtij raporti hetimor. Ligji, mbi të cilën bazohet veprimtaria e KRRT së Bashkisë së Tiranës, është Ligji nr.8405, datë 17.09.1998, "Për urbanistikën" i ndryshuar. Në nenin 21, pas paragrafit të parë shtohet një paragraf me këtë përmbajtje: "Vendimet e KRRT-së Tiranë merren me jo më pak se pesë vota pro, përveç rasteve të parashikuara në nenin 20, pika 2, shkronjat 'c' dhe 'dh', për të cilat vendimet merren me jo më pak se 6 vota pro".

Nga ana tjetër, është e detyrueshme që jo vetëm KRRT e Tiranës, por të gjitha institucionet shtetërore të vendit duhet të zbatojnë, krahas ligjeve të tjera, edhe një ligj shumë të rëndësishëm, si Ligji nr.9367, datë 07.04.2005, "Për parandalimin e konfliktit të interesave në ushtrimin e funksioneve publike", i ndryshuar. Në interpretim të neneve 3, 4, 37, 38 e 40 të këtij ligji ka një përcaktim të qartë të konfliktit të interesit. "Konflikti i interesit", gjendja e konfliktit ndërmjet detyrës publike dhe interesat private të një zyrtari, në të cilën ai ka interesa privatë, të drejtpërdrejtë ose të tërthortë, që ndikojnë, mund të ndikojnë ose duket sikur ndikojnë në kryerjen në mënyrë të padrejtë të detyrave dhe përgjegjësive të tij publike.

Më tej: "Kryerje në mënyrë të drejtë e detyrave dhe përgjegjësive" është mënyra e kryerjes së detyrave dhe përgjegjësive, të materializuara në një vendimmarrje, në të cilën zyrtari vepron në përputhje me ligjin, me ndershmëri, paanshmëri, përgjegjësi, përkushtim, në afat, në mbrojtjen në çdo rast, të interesit publik dhe të drejtave të ligjshme të personave privatë, si dhe për ruajtjen dhe forcimin e besueshmërisë e të dinjitetit të institucionit ku punon, të shtetit në përgjithësi dhe të figurës së zyrtarit.

Në analizë të këtyre parimeve, Komisioni mund t`i përgjigjet pyetjes së ngritur në fillim të këtij raporti nëse anëtarët e KRRT-së së Tiranës, Eftimi dhe Shkreli, kanë qenë në konflikt të hapur të interesit gjatë vendimmarrjes së tyre. Përgjigjja është e padiskutueshme që po. Anëtarët (të paktën 2) kanë qenë në konflikt të hapur të interesit, ata kanë qenë në "konflikt faktik", pasi ka qenë mëse e dukshme gjendja, në të cilën interesat private të zyrtarëve Alban Eftimi dhe Artan Shkreli kanë ndikuar në kryerjen në mënyrë të padrejtë të detyrave dhe përgjegjësive të tyre zyrtare.

Ata kanë mundur që, me ndihmën e kryetarit të KRRT, Edi Rama, të përfitojnë në mënyrë të padrejtë dhe klienteliste jo më pak se 9 milion euro vetëm brenda 2 viteve, pa përfshirë këtu vlerën e projekteve publike, tenderat e së cilëve janë kryer në kundërshtim të plotë të procedurave, ashtu siç u theksua dhe nga dëshmitarët gjatë seancave dëgjimore në Komisionin Parlamentar.

Por ky konflikt interesi ka qenë i vazhdueshëm dhe rrezikon të jetë i tillë edhe për shumë kohë, pasi mbrohet në mënyrë të qartë dhe pa ekuivoke nga kryetari i KRRT, Edi Rama. Ligji 7367, datë 07.04.2005, e ka përcaktuar qartë se organi epror, duhet të ndërhyjë për të zgjidhur procesin e konfliktit të interesit (neni 40). Nuk ka ndodhur deri më sot edhe pasi faktet janë bërë publike jo vetëm nga ana e mazhorancës, por edhe vetë anëtarëve të saj në KRRT, ku me arrogancën e përdorimit të pushtetit, Edi Rama ka refuzuar gjithçka dhe ka lejuar që të paktën vetëm gjatë vitit 2009 një studio "Atelier 4" mik dhe anëtar i KRRT së Bashkisë së Tiranës të përfitojë jo më pak se 55% e lejeve të ndërtimit. Por, kur kryetari i KRRT nuk ndërhyn dhe nuk zgjidh këtë konflikt të hapur interesi, në rastet kur me qindra e ndoshta me mijëra studio të tjera në treg nuk mundin të marrin as edhe një leje ndërtimi në KRRT, sepse aty ku ndodhet kryetari i saj, Edi Rama, i cili i jep Eftimit dhe Shkrelit, detyrimisht kjo çështje kthehet në një probem publik të rëndësishëm dhe si i tillë përbën dhe një interes publik.

Sipas nenit 34 të ligjit 9367 të ndryshaur, për nevojat e zbatimit të këtij ligji, Autoriteti i Konkurrencës, në përputhje me Ligjin nr.9121, datë 28.07.2003, "Për mbrojtjen e konkurrencës", vlerëson me ose pa kërkesë nëse një shoqëri ka pozitë dominuese në një treg, çështja duhet të hetohet më tej edhe nga ky organ.

Konkluzionet

Në përfundim të hetimeve të kryera, komisioni pasi analizoi provat e mbledhura, faktet dhe rrethanat, dhe pasi i vlerësoi në bazë të Kushtetutës, ligjeve organike dhe procedurave, arriti në këto konkluzione:

a- Lejet e ndërtimit të dhëna nga KRRT e Bashksië Tiranë gjatë periudhës hetimore, janë leje të dhëna në kundërshtim të plotë me Ligjin nr.9367, datë 07.04.2005, "Për parandalimin e konfliktit të interesave në ushtrimin e funksioneve publike", i ndryshuar nenet 3, 4, 37, 38 e 40 të këtij Ligji, pasi të paktën dy prej anëtarëve të KRRT kanë marë leje ndërtimi për projekte të kryera nga studio ku ata vetë janë ortakë.

b- Gjendja e konfliktit të interesit dhe paligjshmërisë nuk ka ekzistuar në mënyrë sporadike, por ajo ka qenë e pranishme pothuajse në të gjithë veprimtarinë e organit administrativ. Kjo gjendje u provua qartë nga dëshmitë dhe dokumentacioni, që iu nënshtrua hetimit parlamentar.

c- Gjendja e krijuar në KRRT e Bashkisë së Tiranës, ku një apo dy studio marrin jo më pak se 55% të lejeve të ndërtimit dhe objekteve private dhe publike, bie në kundërshtim të hapur me Ligjin nr.9121, datë 28.07.2003, "Për mbrojtjen e konkurrencës", pasi shmang në mënyrë shumë të qartë gjithë kompanitë e tjera, duke krijuar një pozitë superdominuese në treg. Nga këto leje prezumohet se janë përfituar në mënyrë të kundraligjshme të ardhura të konsiderueshme në vlerën e jo më pak se 9 milion eurove studio të anëtarëve të KRRT. Për hetime të hollësishme duhet t'i kalojnë Prokurorisë së Përgjithshme. Rezulton se në Bashkinë e Tiranës, janë jo më pak se 360 arkitektë dhe individë dhe 140 studio arkitekture, ndërkohë që në KRRT e Bashkisë së Tiranës vetëm 2 studio arrijnë të përfitojnë shumicën e lejeve të ndërtimit, çka përbën as më shumë e as më pak për shkelje më të rëndë të Ligjit 9121 "Për mbrojtjen e konkurrencës", duke krijuar një superstudio superdominuese.

d- Lejet e ndërtimit të dhëna gjatë periudhës hetimore kanë dalë në kundërshtim me të paktën 3 ligje, që lidhen me njëri-tjetrin, KPRA Ligji "Për urbanistikën" dhe Ligji "Për parandalimin e konfliktit të interesit".

e- Lejet e ndërtimit të dala në datën 17 prill 2009, janë akte administrative të pavlefshme dhe komisioni arrin në konkluzionin se çështja duhet t'i kalojë ILDKP dhe Avokaturës së Shtetit për trajtim më të hollësishëm në përputhje me nenin 40, pika 6, gërma b të Ligjit 9367, datë 07.04.2005, "Për konfliktin e interesave në ushtrimin e funksioneve publike", i ndryshuar.

Për këto arsye, bazuar në nenin 77 të Kushtetutës së Republikës së Shqipërisë dhe nenit 20 të Ligjit nr.8891, datë 02.05.2002, "Për organizimin dhe funksionimin e Komisioneve Hetimore të Kuvendit", komisioni me vendim përfundimtar, në mungesë të anëtarëve të opozitës, vendosi:

1- T'i propozojë Kuvendit të Shqipërisë të miratojë Raportin e Komisionit Hetimor parlamentar dhe konkluzionet e tij.

2- T'i propozojë Kuvendit të Shqipërisë dërgimin e Raportit të Prokurorit të Përgjithshëm për fillimin e çështjes penale për personat, që eventualisht kanë abuzuar me detyrën dhe funksionimin publik.

3- Të konstatojë pavlefshmërinë e vendimeve të KRRT së Bashkisë Tiranë, në datën 17 prill 2009 dhe të ngarkojë Inspektoratin e Lartë të Deklarimit të Pasurive, që në bashkëpunim e Avokaturën e Shtetit, të ndërmarrin masat ligjore në përputhje me nenin 40, pika 6, gërma b të Ligjit 9367, datë 07.04.2005, "Për konfliktin e interesave në ushtrimin e funksioneve publike", i ndryshuar.

[DYDRINAS]

Hetimi parlamentar zbulon shpërdorimin e Edi Ramës

Tiranë - Alban Eftimi, ish-shefi i urbanistikës në bashkinë e Tiranës dhe personi i akuzuar si përfituesi kryesore i lejeve të Ramës, nuk është paraqitur për të dëshmuar në Komisionin Parlamentar Hetimor, të ngritur për zbardhjen e lejeve të ndërtimit, të dhëna nga bashkia e Tiranës. Pavarësisht tentativave për ta pasur në komisionin hetimor, sipas Ferdinand Xhaferrit , provat për shkeljet e Eftimit kanë bërë që ky i fundit të mos jetë i pranishëm.

Ndërkohë, përfaqësuesi i Ministrisë së Punëve publike, Transporti dhe telekomunikacionit shpjegoi dje me cilësinë e dëshmitarit para Komisionin Parlamentar hetimor se kreu i bashkisë së Tiranës Edi Rama, ka ndjekur një praktikë të re në dhënien e këtyre lejeve, duke anashkaluar kështu Këshillin teknik, i cili është autoriteti përkatës që vendos mbi dhënien e këtyre lejeve.

Zhdukja e Alban Eftimit

Ish-shefi i urbanistikës, aktualisht anëtar i KRT-së Tiranë, Alban Eftimi ka qenë personi më i lakuar në mbledhjen e djeshme të Komisionin Parlamentar hetimor, ndaj kryetarit të bashkisë Edi Rama. Në mbledhjen e këtij komisioni, ku opozita nuk merr pjesë, kryetari i tij, Ferdinand Xhaferri publikoi për mediat pasqyrën e vendimeve të miratuara nga KRT në mbledhjen e 17 prillit, ku nga 30 leje ndërtimi, 19 i kanë kaluar studios ATELIER 4, të Alban Eftimit, ish-kryetar i urbanistikës në bashkinë Tiranë dhe aktualisht përfaqësues i kryebashkiakut në këtë Këshill. Tabela sipas Xhaferrit tregon qartë abuzimet që janë bërë, të cilat “fillojnë nga fëmijët e çerdheve dhe mbarojnë te të gjitha kategoritë e moshave, ku nga 30 leje ndërtimi 19 ia ka dhënë Alban Eftimit”.

Kryetari i Komisionit Hetimor “Rama 2” tha se vetëm duke i hedhur një sy tabelës ky është një rast i paparë ku shpërfaqen të gjitha mënyrat e korrupsionit. Ferdinand Xhaferri tha se gjatë mbledhjes së ardhshme do të bëhen publike për median të gjitha mënyrat se si vidhen paratë e qytetarëve të Tiranës.“Duket sikur kemi qenë të padrejtë me Fatos Nanon se vite më parë abuzoi me disa prokurime të drejtpërdrejta kur shikon këto. Kjo është e paparë! Këtë nuk e gjen që nga Kuba deri në Afrikë. Ka 8 vjet që akuzohet se abuzon me lejet e ndërtimit, tani u kthye nga hajdut në krokodil. Janë në panik të plotë. Alban Eftimi është në kërkim. E kemi kërkuar dje gjithandej. Nuk dihet ku është fshehur. Po kudo ku të fshihet në kurriz i ka këto bashkë me Edi Ramën” u shpreh Xhaferri duke treguar tabelën ku ishin pasqyruar vendimet e mbledhjes së fundit të KRT-së së Tiranës.

Akuzat e përfaqësuesit të MPPTT-së

Anëtari i KRT-së në bashkinë e Tiranës, njëkohësisht Sekretar i Përgjithshëm i MPPTT-së, Sokol Leka, informoi komisionin hetimor parlamentar për praktikat e ndjekura nga bashkia e kryeqytetit në dhënien e lejeve të ndërtimit. Leka shpjegoi se kreu i bashkisë Edi Rama ka ndjekur një praktikë të re në dhënien e këtyre lejeve, duke anashkaluar kështu Këshillin teknik, i cili është autoriteti përkatës që vendos mbi dhënien e këtyre lejeve. “KRT nuk është organi që realisht jep lejet e ndërtimit, pasi më parë ato do të kalojnë në Këshillin teknik të bashkisë së Tiranës, i cili përbëhet nga punonjës të saj dhe është në tërësi në varësi të këtij institucioni. Çdo lloj dokumenti që vjen në KRT paraprakisht seleksionohet në Këshillin teknik dhe KRT merr në shqyrtim vetëm ato çështje që i sillen për shqyrtim. Ajo nuk mund të shqyrtojë çështje që janë në Këshillin teknik”, sqaroi Leka.

Sipas tij “KRT-ja funksionon në bazë të besueshmërisë së Këshillit teknik, i cili ka për detyrë të verifikojë të gjithë dokumentacionin e kërkesave për leje ndërtimi. Kur materialet vijnë në mbledhjen e KRT-së përgjegjësi për to mban Këshilli teknik”. Dy javë më parë, Parlamenti ngriti komisionin hetimor ndaj kryebashkiakut Edi Rama, komision i cili është bojkotuar që me krijimin e tij nga vetë kryebashkiaku dhe pala opozitare. Lidhur me afatet e punës së këtij komisioni, Ferdinand Xhaferri sqaroi se, “sipas Kushtetutës parlamenti ka të drejtë t’i vazhdojë punimet deri më 29 maj bazuar në kushtetutën dhe ligjet në fuqi”, duke lënë kështu të hapur mundësinë e zhvillimit edhe të një séance tjetër nga Kuvendi.

[DYDRINAS]

Dosjet që flenë në sirtarët e kryeprokurores Ina Rama

Në regjistrin e organit të akuzës janë të regjistruara me dhjetëra kallëzime penale në ngarkim të kryetarit të Bashkisë së Tiranës. Por asnjëra prej tyre nuk është prekur me dorë, e jo më të shfletohen. Kjo është një rrugë që ka zgjedhur organi i akuzës, në mënyrë që kur dosjet të dërgohen pas shumë kohësh në gjykatë të mbyllen për mungesë të provave.

Qindra qytetarë por edhe zyrtarë kanë bërë denoncime për kryetarin e Bashkisë, por organi i akuzës vazhdon ti anashkalojë.

Qytetarë tiranas, çdo ditë e më shumë bëjnë denoncime për kryetarin Rama, pasi ky i fundit me pa të drejtë u ka shkatërruar, banesat dhe pronat e tyre. Vetëm nga KLSH janë dorëzuar në Prokurori dosje të ndryshëm për problemet që kanë qytetarët me Bashkinë e Tiranës. Kontrolli i fundit i KLSH ka dorëzuar në prokurori kallëzim penal për tre drejtorë të rëndësishëm të kësaj bashkie të cilët kanë abuzuar me tenderimet dhe kanë shpërdoruar fondet publike.

Shefi i urbanistikës së Tiranës, Dritan Agolli, është i paditur prej kohësh në prokurori dhe çështja e tij është mbyllur në sirtarët e Prokurores së Përgjithshme.

Një tjetër çështje që është në sirtaret e Prokurores së Përgjithshme është edhe çështja e parkut Rinia, ku Edi Rama i ka shitur pronarit të Tajvanit tokë publike që bashkia e Tiranës nuk e ka në pronësi. As këtë dosje prokuroria e Tiranës nuk ka marrë mundimin ta shikojë apo ti hedhë një sy për të filluar hetimet për të parë skandalet e falsifikimeve që kanë ndodhur në dy institucione, bashkinë e Tiranës dhe Hipotekën.

Institucioni i akuzës disponon në duart e saj dhjetëra kallëzime të qytetarëve, denoncime këto që nuk merren aspak për bazë. Në fakt Edi Rama, duket se është një ndër personat më të denoncuar në Prokurorinë e Tiranës. Kallëzimet e bëra ndaj tij kanë të bëjnë më të shumtat me çështjet e pronave por nuk mungojnë edhe kallëzimet penale për shkak të dhunës së ushtruar nga vetë ai ose nga ushtarët e tij të komanduar të Policisë Bashkiake.

Por, sërish Prokurorja e Përgjithshme vazhdon të bëjë indefirenten duke mos reaguar aspak ndaj denoncimeve që kanë bërë qytetarët.

Ku këta të fundit çdo ditë e më shumë ndjehen të zhgënjyer nga drejtësia shqiptare. Duket se Prokuroria e Përgjithshme vazhdon të mbulojë “aferat e zeza” të Ramës tjetër. Kryebashkiaku i Tiranës ka mbi 400 konflikte me pronarët e trojeve në Tiranë, troje të cilat ai ju a grabit në mënyrë të pamëshirshme. Ndërsa për sa i përket shkeljeve të ligjit të Edi Ramës janë qindra. Ajo mori në dorë dosjen e Damir Fazlliç nga një denoncim i një gazete, por Prokuroria e Përgjithshme duhet të merret edhe me denoncimet që janë bërë për kryebashkiakun, Edi Rama. Por, sa duket bën një vesh shurdh dhe një sy qorr.

Shkeljet e Edi Ramës

Në mënyrën më skandaloze Edi Rama ka dhunuar objektet sociali-kulturore në Tiranë duke shkelur nenin 62 të ligjit 8405 të urbanistikës i cili ndalon në mënyrë kategorike ndërtimin mbi këto objekte. Kështu, kazma e Edi Ramës prishi kinema Republikën, 17 Nëntorin, Partizanin, Ali Demin, si dhe shumë shkolla. Janë 11 kallëzime penale të bëra nga policia e ndërtimit në tetor të vitit 2005 në drejtim të kryebashkiakut Edi Rama. sipas njoftimit të bërë nga Drejtoria e Përgjithshme e Policisë Ndërtimore e asaj kohe, kjo drejtori dorëzoi në Prokurori 11 kallëzime penale kundër kryetarit të KRRT-së, Edi Rama dhe sekretarëve të KRRT-së në vite për veprën penale “Shpërdorim detyre në bashkëpunim”.

Sipas kësaj drejtorie, kallëzimet janë bërë për një sërë lejesh ndërtimi, si leja e dhënë për ndërtimi objekt 3.8.11 dhe 12 kat, ndërtuar në territorin e ish-kinema “17Nëntori”. Po kështu, për një objekt 2 e 3-katësh, pikë karburanti, ngritur nga ana veriore e “Rrugës së Kavajës”, që, sipas Ndërtimores, është territor publik dhe bie ndesh me ligjin “Për urbanistikën”. Por edhe pse provat janë në derë të prokurorisë asnjë prej prokurorëve që ka marrë kallëzimet në ngarkim të kryetarit të bashkisë nuk ka marrë mundimin që ti shqyrtojë njëherë të vetme dhe të vërë drejtësinë në vend.

Por është ky organ, i cili me mosveprimin e tij i hap rrugë grabitjeve dhe dhunimeve të tjera të kryetarit të bashkisë, Edi Rama. Në të shumtat e padive të bëra nga qytetarët vihet re se ato kanë si objekt grabitjen pronës nga ana e Bashkisë së Tiranës.

Në objektet e kërkesë qytetarët kanë theksuar se u është grabitur prona nga ana e bashkisë dhe në të njëjtën kohë ata kërkojnë që të ndërpriten punimet dhe të pezullohet leja e ndërtimit, pasi ai ndërtim është duke u bërë mbi tokën e tyre.


Dosja “Majko-Delijorgji”

Pandeli Majko kur ishte kryeministër, kërkoi të bënte tunelin për të lidhur brigjet italiane me ato shqiptare. Majko shiti skrapin e tankeve, avionëve dhe nëndetëseve me anë të Delijorgjit, për të blerë me sukses xhipat e vitit 1982 me vlerë 80 mijë USD copa. Për Pandin, Fatos Nano deklaronte se ka qenë goma rezervë e qeverisë në gjirin e socialistëve. Tanket, në pronësi të shtetit dhe ushtrisë shqiptare në bazë të kontratës të bërë nga ish-ministri i asaj kohe Pandeli Majko me firmën "Meico", i cili i shiti ata me çmimin e një automjeti, që mund të ishte "Ford" ose në rastet më të mira "Benz". Sipas kontratës tanket e ushtrisë shqiptare duhet të shiteshin si skrap, në Qipro. Tanket shiteshin me çmimin e një benzi.

Jo vetëm skrapi por edhe tanket që ishin në gjendje të mirë pune. Rreth 1 miliard lekë është abuzimi me këto mjete që shkonin në shtetet që kishin interes si Qipro, Holanda dhe vende aziatike e afrikane në luftë civile. Paratë cash shkuan në duart e qeveritarëve dhe pushtetarëve të lartë, të cilët trafikun e armëve e kthyen në biznes të përhershëm. I njëjti njeri, Ylli Pinari i kontratave të Gërdecit, i ka bërë këto afera për llogari të ish-Ministrit të Mbrojtjes, Pandeli Majko.

Kjo është gjithçka që raportoi rreth 2 vjet më parë në Prokurori Kontrolli i lartë i Shtetit, i cili në bazë të një raporti i kërkoi prokurorisë hetimin e aktivitetit të firmës "Meico", kontratës së saj si dhe katër gjeneralë, të cilët me kompetencat e tyre duhet të ushtronin kontroll mbi këtë aktivitet dhe mjetet luftarake që faktikisht shiteshin të pademontuara.

Por, kjo dosje ashtu edhe si shumë të tjera mbeti disa muaj në sirtarët e prokurorisë, e cila vendosi në fundvitin 2007 ta mbyllë përfundimisht pa dhënë asnjë sqarim, as Kontrollit të Lartë të Shtetit, dhe as të hetojë këtë çështje. Dosja është zhdukur, ashtu si edhe raporti i KLSH-së, i cili ka zbutur tonet e ashpra me të cilat paraqiti këtë raport në fund të vitit 2006 duke heshtur në këtë mënyrë edhe përpara katastrofës së madhe të Gërdecit.


Denoncimi i aktivitetit kriminal të fondacionit “Sorros”

Gazeta “SOT” ka botuar një cikël shkrimesh të cilat kanë denoncuar një aktivitet kriminal të organizuar nga Fondacioni Soros nëpërmjet Fondacionit fajdexhi Besa. Në aktivitetin e fondacionit Besa, pronë e George Soros, është konsumuar qartazi vepra penale e aktivitetit financiar të palicencuar nga banka e Shqipërisë, aktivitet që neni 90 i ligjit nr. 9662, datë 18.12.2006 e konsideron vepër kriminale. Është fakt i vërtetuar nga gazeta Sot që nga qershori i vitit 2007 deri në 25 dhjetor të vitit 2008, ky fondacion ka operuar pa licencë duke kryer veprimtari të pastër kriminale. As për këtë aktivitet të pastër kriminal institucioni i akuzës nuk ka ndërmend të reagojë.

Sërish në këtë mes është i përfshirë Edi Rama, i cili ka në dispozicion të tij të gjithë strukturat e Soros duke filluar që nga anëtarët e bordeve deri te lëvizjet kamikaze të Veliaj&Co. Institucioni i akuzës vazhdon të qëndrojë indiferent edhe në aferat e shoqërisë civile, ku Erion Veliaj si njeriu më i afërt i Ramës ka krijuar fondacionin Mjaft, një fondacion fantazmë i cili jepte kredi pa licencë, si dhe ka krijuar një rrjet të tërë kompanish fiktive që justifikojnë shpenzimet marramendëse të G99 apo dhe Mjaft. Edhe këtu institucioni i akuzës nuk ka ndërmend të ndërhyjë pasi pozicionimi politik është i paracaktuar.


Fondacioni “Mjaft”, i pa licencuar

Institucioni i akuzës vazhdon të qëndrojë indiferent edhe në aferat e shoqërisë civile, ku Erion Veliaj si njeriu më i afërt i Ramës ka krijuar fondacionin Mjaft, një fondacion fantazmë i cili jepte kredi pa licencë, si dhe ka krijuar një rrjet të tërë kompanish fiktive që justifikojnë shpenzimet marramendëse të G99 apo dhe Mjaft. Edhe këtu institucioni i akuzës nuk ka ndërmend të ndërhyjë pasi pozicionimi politik është i paracaktuar. Sërish mund të themi se në sirtarët e Prokurorisë kanë kohë që flenë dosjet e korrupsionit të ministrave socialistë, dosje të cilat as që kanë për tu hapur ndonjëherë nga kjo prokurori.

Nëse i referohemi inaktivitetit të prokurorisë për kallëzimet e shumta që përmendëm më sipër, kjo do të ishte gjysma e të keqes që ka përfshirë këtë institucion. Në fakt, e keqja më e madhe që ka zënë sot shqiptarët me drejtësinë dhe në mënyrë specifike me organin e akzuës është rreziku i shndërrimit të këtij institucioni në një organizatë penale të Partisë Socialiste, ose më mirë të Edi Ramës.

Fondacioni “MJAFT”, është një aktivitet i palicencuar dhe për këtë Prokuroria e Tiranës nuk mori asnjë masë. Fondacion ky që u zhduk nga Erion Veliaj për të fshehur gjurmët e korrupsionit me donacionet ndërkombëtare të destinuara për shoqërinë civile shqiptare. Një ndër pikat më të errëta të këtij Fondacioni është “zhdukja” pa lënë gjurmë e vet Fondacionit bashkë me qindra mijë eurot e tij, të cilat mund të kenë fluturuar një ditë të bukur në numrin që kontrollon Erion Veliaj në San Francisko, “145 Swiss Ave., San Francisco, CA 94131 (Payable to BYL, memo Mjaft)”.

Një ndër arsyet kryesore që ky Fondacion u zhduk një ditë të bukur pa lënë gjurmë, është edhe se Fondacioni MJAFT ka gëlltitur një shumë të pallogaritshme parash (nga të dhënat paraprake rezultojnë rreth 400 mijë euro) nga Balkan Children and Youth Foundation (BCYF), (fondacion i themeluar edhe me mbështetjen e Fondacionit Soros), International Youth Foundation (IYF), Youth Business International (YBI), The Prince of Ëales International Business Leaders Forum (Fondacioni i themeluar nga djali i Princeshës Lady Diana të Anglisë).

Në 2004, Erion Veliaj zgjidhet si anëtar i Bordit të Balkan Youth Children Foundation, një Fondacion ndërkombëtar që u krijua me qëllim mbështetjen e iniciativave rinore në Ballkanin e pasluftës së Kosovës dhe ku President Nderi u zgjodh personaliteti i shquar Maarti Ahtisaari.

Propozimi për zgjedhjen e Velisë si përfaqësues i Shqipërisë në krye të këtij Fondacioni, erdhi nga themeluesi i Fondacionit Soros në Shqipëri, shqiptaro-amerikani Fron Nazi, i cili njihet si një ndër ekspertët kryesorë të Sorosit në Ballkan. Ky është njeriu që zgjodhi celulën e parë të Soros të përbërë nga ish-spiuni i Sigurimit të Shtetit Remzi Lani, Valdete Salen (ish-Sekretarja e Parë e Komitetit Qëndror të Rinisë të Universitetit të Tiranës “Enver Hoxha”), etj.


Grabitja e pronave të qytetarëve nga Kryetari i Bashkisë

Kryetari i Bashkisë së Tiranës, akuzohet me fakte për lejet e ndërtimit, me grabitjen e dhunshme të trojeve në Tiranë, me tenderat e shkollave e kopshteve, me tenderat e pastrimit të plehrave të Tiranës në katër zona, me tendera hajdutërie dhe me abuzimet me taksat publike. Grabitjet dhe dëmet që i ka shkaktuar Edi Rama pronave të qytetarëve të ndryshëm i kanë kushtuar rëndë buxhetit të bashkisë dhe taksapaguesve të Tiranës.

Shpesh herë pasi i ka grabitur tokën apo i ka shkatërruar banesat qytetarëve, Rama i ka mbyllur problemet provatishtë. Por kanë qenë edhe të shumtë rastet kur gjykata e ka detyruar bashkinë që të dëmshpërblejë qytetarët për shkak të grabitjeve të kryetarit të saj.

Disa nga rastet e denoncuar

Selman Hysenagolli ka hedhur në gjyq bashkinë duke e akuzuar se i ka grabitur tokën të cilën më pas e ka shfrytëzuar për zgjerimin e rrugës. Nga shqyrtimi gjyqësor rezultoi se, paditësi është pronar i një sipërfaqe trualli prej 569.0 m2 dhe ndërtese 93.0 m2, të ndodhur në “Rrugën e Elbasanit”, me nr. Pasurie 2/187, volumi 14, faqe 179 ,e zone kadastrale 8160 fakt qe rezulton e provuar nga certifikata për vërtetim pronësie të lëshuar nga Zyra e Regjistrimit të Pasurive të Paluajtshme Tirane.

Bashkia Tiranë me vendimin Nr. 84, ndonëse nuk e ka paraqitur si provë gjatë procesit gjyqësor, ka vendosur zgjerimin dhe përmirësimin e “Rrugës së Elbasanit”. Kjo sipërmarrje përfshinte ndër te tjera dhe pjese rruge në pronën e paditësit. Në shkresat kthim përgjigje të Bashkisë Tiranë rezulton se ne zbatim të këtij vendimi sipërfaqja që prek pasurinë e paditësit të sipërcituar është 104 m 2 . Gjykata pasi ka nxjerrë që bashkia pa të drejtë ka marrë pronën e qytetarit ka vendosur detyrimin e, bashkisë, të dëmshpërblejë dëmin e ardhur Selman Hysenagollit si rezultat i zhveshjes nga posedimi në mënyrë të paligjshme të pronës së tij, në masën 10 725 600 lekë.

Një tjetër qytetar që ka hedhur në gjyq bashkinë është Agim Daja. Daja ka ngritur një padi në ngarkim të Bashkisë Tiranë dhe Drejtorisë së Policisë së Ndërtimit , Policia e Ndërtimit Dega Tiranë. Pasi është njohur me provat e paraqitura nga të dyja palët gjykata vendosi pranimin e pjesshëm të kërkesëpadisë. Detyrimin e palëve të paditura, Bashkia Tiranë, Inspektoriati Ndërtimor Urbanistik Tiran, Dega e Insperktoriatit ndërtimor Kombëtar Tiranë të dëmshpërblejnë bashkëpronarët Agim dhe Lindita Daja vlerën e dëmit të shkaktuar në total 25600 Euro ose 32 000 000 lekë. Rrëzimin e kërkesëpadisë për kërkimet e tjera në objektin e saj. Shpenzimet gjyqësore në raport me vlerën e pranuar dhe të rrezuar të padisë në ngarkim të palëve. Veli Drizi ka hapur një proces gjyqësor në ngarkim të bashkisë me objekt padi për shkaktim dëmi. Pasi ka zhvilluar disa seanca gjyqësore, gjykata ka vendosur, pranimin pjesërisht të kërkesës.

Detyrimin e palës së paditur, Bashkia Tiranë ti paguaj palës paditëse Shoqërisë “Vefi” sh.p.k. vlerën e dëmit të shkaktuar në masën 3.692.589 leke . Rrëzimin e kërkesë padisë për pjesën tjetër ku kërkuesi ka paditur edhe Prefekturën Tiranë. Zonja Elsa Hamaj është një tjetër qytetare e cila i është drejtuar Gjykatës së Tiranës ku i ka kërkuar që të ndalojë bashkinë në cenimin e pronës së saj. Në kërkesën e saj Hamaj i ka kërkuar gjykatës, pushimin e cenimit të pronësisë nga të paditurit truallit me sip. 97 m2 si dhe objektit 1 kat+bodrum të ndërtuar mbi të ndodhur në rr. “Bardhyl” dhe mospërsëritjen në të ardhmen. Sigurimin e padisë , pezullimin e prishjes së objektit pronë e imja dhe e punimeve për ndërtimin e rrugës dhe trotuareve nga subjekti ndërtues 2 K deri në përfundim të gjykimit, ka cituar qytetarja në kërkesën e saj drejtuar gjykatës. Pasi kas zhvilluar procesin gjyqësor, gjykata vendosi, detyrimin e palës së paditur, Bashkia Tiranë të pushojë cenimin në pronësi të paditëses Elsa Hamaj për sipërfaqen e truallit prej 79.2 m2 sipas aktit të ekspertimit

Një tjetër kallëzim penal që është bërë në Prokurorinë e Tiranës është ai për grabitjen e tokës te Parku Rinia të cilën kryebashkiaku Rama ja ka bërë peshqesh mikut të tij Besos së Tajvanit. Në mënyrë skandaloze kryebashkiaku ka shitur në mënyrë abuzive një tokë që nuk është pronë e Bashkisë së Tiranës dhe ja ka kaluar në pronësi personit të sipërpërmendur.

Veç të tjerash prokuroria vazhdon të heshtë para fakteve skandaloze të grabitjes së pronës së Familjes Hoxha. Edi Rama në bashkëpunim me zyrën e Regjistrimit të Pasurive Tiranë, ka falsifikuar dokumentacionin e pronës së Fatime Hoxhës, për t’ia kaluar në shfrytëzim pronarit të Tajvani, edhe këtu prokuroria e Tiranës hesht.

Një tjetër rast që është denoncuar është ai i Kokones. Tashmë historia e Ilir Kokonës kryetarit të minibashkisë numër 3 dihet nga të gjithë si një sulm politik i Edi Ramës ndaj një personi që braktisi subjektin politik PS, për tu bashkuar me një subjekt tjetër. Edi Rama rrethoi me polici shtëpinë e babait të Kokonës për të bërë presion me prishjen e shtëpisë.

Megjithëse Edi Rama u tërhoq me turp nga kjo iniciativë, pasi kjo shtëpi ishte në legalizim, në lojë u fut institucioni i prokurorisë i cili hapi çështje penale për procedurat e legalizimit të kësaj shtëpie. Tashmë çështja Kokona kaloi nga kompetencat e policisë së Edi Ramës në kompetencat prokurorisë së Edi Ramës.

[Wordless]

Menjëherë pas Berishës dhe grupit të ish ministrave të PD-ës, do e ketë radhën Rama ... Gjithnjë nëse Rama dhe minstrat e tijë do veprojnë si Berisha dhe ish ministrat e tijë.

[Alti Elezi]

Prandaj po fle me endrra drydrinas
Ik bej nani nani qete se as Sala dhe as Edushi se rruajne fare se kush je ti,dhe ska per ti gjetur gje!
Prandaj merre me xherr shoku,po nuk pate per te ngrene e per te pire merru ma saliun e ramen.
hajt trung ashtu tung....

[Qyfyre]

Edi Rama e zgjodhi ne ate detyre kusheriren e tij Ina Rama, keshtu qe eshte normale qe ta mbroje.

[DYDRINAS]

2003

Prangat presin Ramën për 80 milionët e "ALBA TV"


Komisioni hetimor ka bërë publike dje dosjen e "ALBA TV", e cila provon një tjetër skandal të kryebashkiakut Rama gjatë periudhës që ka qenë ministër Kulture. Edhe publikimi i kësaj dosjeje është shoqëruar me dabate të shumta në komision hetimor. Komisionerët socialistë herë pas here kanë kërcënuar me faktin se dosjet e tyre do t'i çojnë në prokurori për të kërkuar fillimin e ndjekjes penale ndaj ish-drejtuesve të bashkisë së Tiranës, por kur deklarimi i tyre është përshëndetur nga kreu i komisionit hetimor ata kanë dëgjuar në heshtje dosjen në fjalë. Ajo hedh dritë mbi abuzimet financiare dhe ligjore të Edvin Ramës. Si rezultat i këtyre abuzimeve shtetit i është shkaktuar një humbje prej 13. 653. 093 lekë, përfshi këtu edhe 7% të shumës që i është paguar Përmbarimit për ekzekutimin e vendimit të gjykatës, e cila me vendim të formës së prerë detyron "ALBA TV" të shlyejë detyrimet ndaj shtetit.



Marrëveshja e paligjshme mes Edvin Ramës dhe “Alba-TV”

Duke iu referuar dosjes së bërë publike në komisionin hetimor në datën 15 gusht të vitit 2000 me nr.2771 prot., është nënshkruar një kontratë mes zonjës Irena Dule, e cila përfaqësonte ministrinë e Kulturës me autorizim të Edvin Ramës, dhe Qendrës Ndërkombëtare të Kulturës, e cila i fal në mënyrë të paligjshme "ALBA TV" një detyrim prej 7. 999. 755 lekësh, që ky televizion i kishte QNK-së në formë qiraje për ambientet që kishte zënë. Në total "ALBA TV" i detyrohej shtetit një shumë prej 15.9 milion lekë, ndërsa nga kjo shumë Rama i ka falur këtij televizioni shumën prej 80 milionë lekësh, ndërsa rreth 27 milionë lekë të tjera ALBA do t'ia shlyente shtetit duke transmetuar disa spote publicitare, të cilat përfshihen në marrëveshjen e nënshkruar. Shuma prej 80 milionë lekësh, në bazë të vendimit të formës së prerë të gjyqësorit shqiptar duhej të derdhej në buxhetin e shtetit nga "ALBA TV", ndërkohë që ajo është falur nga akt-marrëveshja e mësipërme. Duke iu referuar deklaratave të bëra nga zonja Dule, deklarime që përfshihen në dosjen e komisionit, si dhe përfaqësuesit të QNK-së, të dy nënshkruesit e kontratës janë thirrur në zyrë nga ish-ministri Rama, i cili u ka kërkuar atyre hartimin e një marrëveshjeje, sipas të cilës "ALBA TV" do të shpëtonte nga falimentimi. Sipas deklarimeve të bëra nga nënshkruesit e kontratës, kjo marrëveshje është mbikëq_yrur dhe aprovuar nga titullari i MKRS-së Edvin Rama. Në dosje thuhet se në akt-marrëveshjen e 15 gushtit 2000 vlera prej 15. 904. 840 lekësh që "ALBA TV" i detyrohet MKRS-së dhe QNK-së, konsiderohet si objekt, ndërkohë që në asnjë rast nuk përcaktohet vlera e falur dhe vlera e negociueshme. Nga analiza që i është bërë akt-marrëveshjes nga kontrollet e njëpasnjëshme, Edvin Rama i ka falur pa kushte dhe pa asnjë qëllim fondin prej rreth 80 milionë lekësh "ALBA TV", si dhe është vendosur fondi prej 2.709 milionë lekësh për blerjen e 753 spoteve tek ALBA me nga 25 $ për spot, spote këto të patra_nsmetuara dhe të pafaturuara, gjë që vër_tetohet edhe nga shkresa e shefes të financës së MKRS-së. Në total si rezultat i marrëveshjes shteti shqiptar nuk ka arkëtuar fondin prej 13.4 milion lekësh, ndërsa akt-marrëveshja e mësipërme është kërkuar të prishet nga ish-ministrja e Kulturës Uruçi, në një kohë kur në 25 nëntor 2002 MKRS-ja i ka kërkuar gjykatës së Tiranës zgjidhjen e kontratës në fjalë si të pabazuar ligjërisht.




--------------------------------------------------------------------------------

Kontrata Rama-Kokëdhima nuk është shoqëruar me bilanc të ekspertëve të liçensuar, nuk është shoqëruar me proçes-verbal të dorëzimit të pasurisë, çka do të thotë se ajo i është falur Koço Kokëdhimës pa inventar. Si rezultat i shkeljeve ligjore të lidhjes së kontratës, dëmi ekonomik i shkaktuar llogaritet në 30 milion lekë

Kokëdhima, pronar i paligjshëm i "Sportit Shqiptar"

Komisioni hetimor parlamentar për hetimin e bashkisë së Tiranës dhe Ministrisë së Kulturës, ka filluar dje publikimin e dosjeve që janë hetuar nga ky komision. Kreu i komisionit hetimor, deputeti Sokol Olldashi, ka paraqitur para komisionerëve dy nga dosjet, që i përkasin kohës kur Edvin Rama ka qenë ministër kulture, dhe përkatësisht kontratave apo marrëveshjeve që ai ka lidhur në atë kohë me Koço Kokëdhimën për gazetën "Sporti Popullor", e cila aktualisht menaxhohet nga sh.a. "Spektër", një nga shoqëritë e Kokëdhimës. Publikimi i dosjes në fjalë, e cila pasqyron shkeljet financiare dhe ligjore të ish-ministrit Rama ka shkaktuar debate të shumta në komision dhe pothuajse gjatë gjithë kohës komisionerët socialistë kanë humbur totalisht kontrollin. Për minuta të tëra komisionerët e PS-së, përveçse janë shfaqur avoketër të Edvin Ramës, kanë krijuar tensione në komision dhe kanë tentuar të prishin mbledhjen, me synimin e vetëm, mospublikimin e dosjeve në fjalë. Ndonëse kjo dosje cilësohet si ndër më të voglat përsa u takon shkeljeve dhe abuzimeve, ajo nxjerr në pah sesi ka vepruar kreu aktual i bashkisë, për kohën kur ka qenë ministër kulture, dhe sesi ka vepruar ai në kundërshtim me ligjet dhe aktet nënligjore. Komisionerët e PS-së kanë kërkuar mospublikimin e dosjeve nën preteksin se ata nuk i kishin parë ato dhe nuk mund të dëgjonin konkluzionet, të cilat jepeshin nga komisionerët e opozitës. Gjithsesi kjo nuk ka penguar kryekomisionerin Olldashi që, me gjithë zhurmën e krijuar në komision, të bënte publike dosjen si dhe abuzimin financiar prej qindra milionë lekësh.



Marrëveshja Kokëdhima-Rama për "Sportin"

Duke iu referuar dosjes, - e etiketuar "Gazeta Sporti", e cila ka qenë nën varësinë e ministrisë së Kulturës deri në vitin 1999, - ministri i atëhershëm i Kulturës, Edvin Rama, ia dha të drejtën e menazhimit për këtë gazetë, shoqërisë anonime "Botimet Periodike Spektër", pronë e Koço Kokëdhimës. Dosja hedh dritë mbi veprimet e paligjshme të Edvin Ramës si dhe favorizimet që i ka bërë Kokëdhimës për marrëveshjen në fjalë, si dhe dëmin pasuror prej 30 milion lekësh që i është shkaktuar shtetit dhe ndërmarrjes që menaxhonte gazetën 'Sporti' përpara se ajo të bëhej pronë e Kokëdhimës. Paligjshmëria e kontratës Kokëdhima-Rama vërtetohet edhe në faktin se në vitin 2002, datë 19 dhjetor, ministria e Kulturës ka kërkuar nga Gjykata e Tiranës prishjen e kontratës për gazetën "Sporti", duke e argumentuar këtë kërkesë padi me paligjshmërinë e kontratës së lidhur nga Rama.

Më konkretisht, në dosje thuhet se në 24 mars 1999 mes Edvin Ramës dhe Koço Kokëdhimës është nënshkruar një kontratë menazhimi në lidhje me gazetën "Sporti Popullor", sipas të cilës sha Spektër merrte përsipër të shlyente borxhin prej 1.3 milion lekësh që gazeta "Sporti" i kishte shtypshkronjës Demokracia, si dhe merrte përsipër vazhdimësinë e kësaj gazete nën përgjegjësinë financiare dhe me mjetet e saj financiare. Kontrata Rama-Kokëdhima përveçse bie në kundërshtim me ligjin 7582 "Për ndërmarrjet Shtetërore", është lidhur pa marrë miratimin e Këshillit Drejtues të gazetës "Sporti", i cili ka qenë i vetmi organ administrativ i kësaj ndërmarrjeje. Sipas dosjes në fjalë e cila u bë publike nga komisioni hetimor, kontrata Rama-Kokëdhima nuk është shoqëruar me bilanc të ekspertëve të liçensuar, nuk është shoqëruar me proçes-verbal të dorëzimit të pasurisë, çka do të thotë se ajo i është falur Koço Kokëdhimës pa inventar. Dosja përmban shkresat që administrata e shtypshkronjës "Demokracia" provon se Kokëdhima nuk ka derdhur asnjë qindarkë për llogari të gazetës "Sporti", duke krijuar një detyrim të gazetës ndaj shtypshkronjës në masën e rreth 1.5 milion lekëve. Sipas dokumentave që shoqërojnë këtë dosje Ministria e Kulturës nuk ka asnjë informacion zyrtar mbi zbatimin e kontratës së lidhur 4 vjet më parë apo mbi veprimtarinë e redaksisë së gazetës "Sporti" pas nënshkrimit të kontratës. Kontrata Kokëdhima-Rama është cilësuar në kundërshtim të plotë me ligjin edhe nga KLSH-ja, kontestimet e së cilës përfshihen në raportin përfundimtar për periudhën janar '99- dhjetor 2000. Sipas dokumentave zyrtare që përfshihen në dosje KLSH-ja në kontrollin e kryer ka verifikuar se kontrata e firmosur nga Rama dhe Kokëdhima është pa sigël dhe se ajo nuk është hartuar nga sektori juridik i Ministrisë së Kulturës.

Duke iu referuar dokumentave të dosjes "Sporti Shqiptar", përgjegjësja e zyrës juridike në ministrinë e Kulturës, Nikolina Gjordeni, sqaron se nuk ka pasur asnjë dijeni për këtë kontratë dhe kushtet e saj. Gjordeni në sqarimin e saj thotë se për këtë kontratë është vënë në dijeni nga akti i verifikimit të inspektorëve të KLSH-së dhe fakti që kontrata nuk ka sigël tregon se ajo është redaktuar jashtë sektorit juridik.



Çfarë përmban kontrata?

Kontrata e nënshkruar më 24 mars 1999 përbëhet nga katër pika të saj dhe ajo është firmosur nga ish-ministri i Kulturës Edvin Rama dhe presidenti i sh.a. "Spektër" Koço Kokëdhima. Në pikën 1 të saj, thuhet se Ministria e Kulturës ka në varësi të saj redaksinë e gazetës "Sporti Shqiptar", e cila ka marrë statusin e një ndërmarrjeje shtetërore me vetëfinancim dhe funksionon në bazë të ligjit 7582. Sipas kësaj pike, gazeta është në gjendje financiare të dështuar dhe ka një borxh më të madh se 1. 3 milion lekë që rezulton nga kontrolli i MKRS, pra aktualisht aftësi paguese. Në pikën 2 dhe 3 të marrëveshjes Rama-Kokëdhima thuhet se sh.a. "Botimet periodike Spektër", merr përsipër detyrimin e sigurimit të vazhdimësisë së botimit të kësaj gazete nën përgjegjësinë e saj me mjetet financiare, si dhe sh.a. "Spektër" merr përsipër likujdimin e shumës 1.3 milion lekë ndaj të tretëve.



Gazeta TemA

[DYDRINAS]

Çela, padronia e festivaleve të Ramës

Komisioni hetimor për bashkinë e Tiranës dhe ministrinë e Kulturës ka publikuar dje dosjen e financimit të shoqatës "MEDIA - KULTURË - ART", e cila drejtohet nga Zana Çela, dhe që me firmë të Edvin Ramës gjatë kohës që ka qenë ministër kulture, ka fituar të drejtën që për 10 vjet të fitojë ekskluzivitetin për organizimin e konkursit ndërkombëtar të Vokalit "Marie Kraja". Duke iu referuar relacionit të paraqitur nga komisioni znj.Çela është vetshpallur si producente e këtij konkursi, ndonëse i gjithë prodhimi i tij është rezultat i punës së TOB. Megjithatë kjo nuk ka penguar aspak drejtoreshën e TOB-it që të njihet nga ish-ministri i Kulturës si producente e konkurseve apo spektakleve të tilla kulturore. Në total Zana Çela dhe shoqata që ajo drejton kanë përfitur një fond prej 200 milion lekësh nga Edvin Rama, ndërsa njëkohësisht ajo është edhe anëtare e Këshillit të Kulturës, i cili vendoste për financimin ose jo të projekteve të tilla. Ajo që bie në sy nga dokumentat që përmban dosja, është fakti se shoqata e drejtuar nga drejtoresha e TOB është favorizuar totalisht nga Edvin Rama, jo vetëm gjatë kohës kur ai ka qenë ministër kulture, por edhe më pas, kur mori detyrën e kryetarit të bashkisë së Tiranës. Pasi është bërë paraqitja e dosjes në fjalë, komisioni ka konkluduar se me veprimet e tij të kundraligjshme Edvin Rama ka favorizuar hapur shoqatën "Media Kulturë Art" të znj. Zana Çela, duke e financuar atë nga paratë e qytetarëve të Tiranës në vlerën e më shumë se 20.230.000 lekëve të reja. Sipas relacionit të komisionit, këto veprime të Edvin Ramës në bashkëpunim me znj. Zana Çela kanë sjellë si pasojë keqpërdorim të fondeve publike të institucionit të bashkisë së Tiranës dhe MKRS, ndaj çështja duhet t'i kalojë organit të prokurorisë për hetime të tjera më të hollësishme.


--------------------------------------------------------------------------------

Milionat e Ramës për shoqatën e Zana Çelës

Duke iu referuar dokumentave që përmban dosja e bërë publike nga komisioni hetimor, në janar të vitit 1999, Edvin Rama urdhëroi financimin e Projektit Kulturor "Konkurs Ndërkombëtar i Vokalit Operistik Marie Kraja" në vlerën 1.000.000 lekëve. Sipas dokumentave këtë vlerë ajo e merr si producente dhe organizatore e këtij festivali, ndonëse ky organizohet nga TOB, ku drejtoreshë është vetë Zana Çela. Nga dokumentat e dosjes rezulton se në vitin 2000 shoqata e Zana Çelës është financuar nga MKRS në shumën 3.840.000 lekë për organizimin e këtij projekti kulturor. Sipas dokumentave po këtë vit, ish ministri Rama, me shkresën 2489 prot., i njeh shoqatës së Zana Çelës të drejtën ekskluzive të konkursit "Marie Kraja", duke e bazuar vendimin e tij në VKM 595 dt 29.12.1993, por sipas tij nuk i jepet e drejta asnjë ministri, dmth., as ministrit të Kulturës që të japë të drejta ekskluziviteti, pasi këto marrëdhënie rregullohen nga ligji "Për të drejtën e autorit". Në vitin 2001 znj. Zana Çela me cilësinë e anëtares së Këshillit të Kulturës pranë Bashkisë Tiranë, bashkë me z. Blendi Gonxhe, vendosin të financojnë shoqatën MKA të znj.Çela në një total prej 9.290.000 lekë. Vetëm për organizimin e një programi për natën e Vitit të Ri shoqata e Zana Çelës ka përfituar nga Bashkia një fond prej 4.500.000 lekë. Në vitin 2002 kjo shoqatë është financuar më shumë nga të gjithë shoqatat e tjera për realizimin e projekteve kulturore, me një vlerë totale prej 6.100.000. Përfundimisht rezulton se Edvin Rama ka financuar me paratë e qytetarëve të Tiranës shoqatën e znj. Zana Çela, në një vlerë prej 20.230.000 lekë të reja.


--------------------------------------------------------------------------------

Ligji 8485 Kodi i Procedurave administrative në nenin 37 të tij parashikon:

Rastet e skualifikimit

1. Asnjë punonjës i organeve të administratës nuk mund të marrë pjesë në një proces vendimmarrës administrativ apo në një lidhje kontrate ku administrata që ai përfaqeson është palë në rastet kur punonjësi ka ose/dhe dyshohet të ketë kushtet e mëposhtme:

a) Ka një interes personal direkt apo indirekt në çështjen në fjalë;

b) bashkëshorti apo bashkëjetuesi ose të afërmit e tij deri në shkallë të dytë kanë një interes direkt apo indirekt në çështjen në fjalë;

c) punonjësi apo personat e parashikuar nga paragrafi 'b' i këtij neni kanë një interes direkt apo indirekt në një çështje të ngjashme me çështjen në fjalë

Po kështu VKM 150 e vitit 1993 dhe udhëzimi nr.5 i vitit 1994 rregullojnë mënyrën e përdorimit dhe finacimit të projekteve kulturore me fondet publike.


--------------------------------------------------------------------------------

Dade kërkon penalizimin e Çelës

Duke iu referuar dokumentave që përfshihen në dosjen e bërë publike nga komisioni hetimor, ministrja e Kulturës, Arta Dade, përmes shkresës me nr. prot. 1320 të datës 7 mars 2003, i ka kërkuar drejtorisë së përgjithshme të Tatimeve, gjobitjen e Zana Çelës për shkeljen e të drejtave të autorit. Sipas kësaj shkrese të ministres dade, drejtuesja e TOB-it, Zana Çela, është vetëshpallur producente në pothuajse të gjitha veprat e prodhuara dhe të vëna në skenë nga TOB. Në shkresë theksohet se në bazë të ligjeve për kinematografinë, por edhe të ligjit për të drejtën e autorit, Ministria e Kulturës njeh si person juridik publik TOB-in, dhe për rrjedhojë në të gjitha rastet, producent është TOB dhe jo drejtoresha e institucionit Zana Çela. Gjithashtu ministrja Dade i kërkon kryeministrit Nano shkarkimin e Zana Çelës nga posti i drejtoreshës së TOB për shkeljet e mësipërme ligjore.


--------------------------------------------------------------------------------

Rama i njeh ekskluzivitetin Zana Çelës

Duke iu referuar dokumentave, bie në sy një urdhëresë e ish-ministrit të Kulturës Edvin Rama, i cili në datën 10 maj 2000 ka urdhëruar mbështetjen financiare me një shumë prej 3.84 milion lekë për shoqatën "Kulturë Media ART" e drejtuar nga Zana Çela. Fondi i mësipërm i është akorduar znj. Çela me pretekstin e vënies në skenë të Festivalit të Dytë të Vokalit Operistik Ndërkombëtar "Marije Kraja", në të cilën do të merrnin pjesë artistë shqiptarë dhe të huaj. Shuma e mësipërme i është akorduar znj. Çela nga ish-ministri Rama në bazë të preventivit të hartuar. Sipas dokumentit kjo shumë ka mbuluar shpenzimet qoftë për biletat e udhëtimit, të cilat variojnë nga 213 në 607 dollarë, çmimet fituese, si dhe shpenzime të tjera të përcaktuara në preventiv.

Sipas dokumentave të përfshira në dosje ish-ministri Rama i ka dhënë të drejtën ekskluzive shoqatës së drejtuar nga Zana Çela për zhvillimin e konkursit Vokal Operistik për një periudhë 10 vjeçare, ndërsa vendimi është marrë pas një shkrese që znj.Çela i ka drejtuar ministrisë së Kulturës, kur në krye të saj ka qenë Edvin Rama.


--------------------------------------------------------------------------------

Regjistrimi në gjykatë i shoqatës "Kulturë Media Art"

Duke iu referuar dosjes në fjalë regjistrimi në gjykatë i kësaj shoqate është bërë në gusht të vitit 1998, ndërsa themelimi i saj është kërkuar nga Zana Çela. Në vendimin e gjykatës thuhet se kjo shoqatë është një organizatë që nuk ndjek qëllime ekonomike, si dhe ajo zhvillon veprimtarinë e saj në planin lokal, kombëtar dhe ndërkombëtar me synim që të kontribuojë në zhvillimin e shoqërisë shqiptare në fushat e kulturës si dhe në fusha të tjera.

Gazeta Tema
23 Maj 2003

[DYDRINAS]

Bulevardi "Zhan D'Ark": Rama shpërdoron 140 milionë lekë

Sipas relacionit të paraqitur nga komisioni për këtë tender, prokurimi ka filluar me urdhrin nr. 383 datë 25.10.2002, ndërsa në relacion thuhet se punimet ende nuk kanë përfunduar. "Kontrata me firmën fituese është lidhur më datë 16.12.2002 me vlerën 68.754.480 lekë, kundrejt 96.720.221 lekë që është vlera e preventivit të bashkisë.

Në relacion thuhet se edhe për këtë tender, ashtu si edhe në tenderat e mëparshëm të organizuar nga bashkia e Tiranës, nën drejtimin e Edvin Ramës, çmimet e vëna në preventiv nga Bashkia janë marrë në kundërshtim me pikën 3, kap I, UKM nr. 1, datë 01.01.1996 me shtesën përkatëse. "Në këtë prokurim, dhe që rrëzon pretendimet e Bashkisë, por edhe të përfaqësuesve të Partisë Socialiste në komision, është se çmimi i ndriçuesve dekorativë tredegësh, është realisht çmim tregu, me një vlerë prej 31.000 lekësh, e përafërt me ofertën e tegut. Sikurse kemi theksuar, në të gjithë preventivat, por edhe në ofertat fituese dhe situacionet e prokurimeve të mëparshme, vlera e ndriçuesve ka qenë nga 90.000 në 100.000 lekë", theksohet në relacion. Sipas relacionit për këtë tender rreth 14 milion lekë ose 25 % e fondit të akorduar është shpërdoruar nga bashkia e Tiranës.

Duke iu referuar projektit të zbatimit, në relacion theksohet se në planimetri mungojnë: koordinatat nga poligonët, prerja tërthore e rrugës, pusetat e çfarëdo lloj projekti inxhinierik. Përsa i takon preventivit relacioni thekson se ai, për shkak të mangësive të theksuara në projektin e zbatimit, është i pasaktë. "Këto volume nuk përfaqësojnë punimet reale të kryera në terren. Me gjithë këto të meta e mangësi, ky projekt dhe preventiv është bërë pjesë e dokumentave të tenderit dhe është tenderuar", thuhet në relacionin e komisionit hetimor. Përsa i takon inspektimit të punimeve në terren, inspektim i cili është bërë nga komisionerët si dhe nga ekspertët pranë komisionit, relacioni thotë se deri tani rezulton mosvendosja e materialeve me sasinë e cilësinë e preventivuar.


--------------------------------------------------------------------------------

Bulevardi "Bajram Curri": Rama shpërdoron rreth 240 milionë lekë

Në relacionin e hartuar nga komisioni në lidhje me rikonstruksionin e bulevardit "Bajram Curri", theksohet se prokurimi ka filluar me urdhrin e prokurimit nr. 205, datë 12.06.2002. "Kontrata me firmën fituese është lidhur me datën 19.08.2002 me vlerën 79.443.821 lekë, kundrejt 79.711.238 lekë të preventivit të bashkisë", thuhet në relacionin e paraqitur nga komisioni. Sipas tij edhe për këtë tender në projektin e zbatimit të rrugës dhe më konkretisht në planimetri mungojnë koordinatat nga poligonet, ose grafikisht nga objektet e aksit të rrugës, prerja tërthore e rrugës, profili i tokës, sipërfaqet e gërmim mbushjeve, si dhe tabelat e volumeve, gjë që bie në kundërshtim me nenin 9/a të Ligjit nr. 8402, datë 10.09.1998. Përsa i takon zbatimit të punimeve relacioni thekson se ndodhen të njëjtat projekte që janë në dokumentat e tenderit, dhe kanë të njëjtat mangësi të sipërcituara.


--------------------------------------------------------------------------------

Konkluzionet për të dy tenderat, sipas komisionit

Nga analizat e vlerave të fituara, situacioneve që kemi në dispozicion krahasimit me vlerën reale të punimeve të kryera (rrugë, trotuare) rezulton:

Vlera e fituar Vlera reale Vjedhja

120.354.764 82.167.072 38.187.692

Vlera reale në % 68.3 % 31.7 %


--------------------------------------------------------------------------------

Rama abuzon edhe në tenderin për veshjet e Policisë Bashkiake

Komisioni hetimor parlamentar ka bërë publike dje dosjen e "Blerjes së disa pajisjeve për Policinë Bashkiake", ndërsa në relacionin e komisionit thuhet se edhe në këtë tender abuzimet ligjore dhe financiare janë të shumta. Duke iu referuar relacionit nga komisioni hetimor rezulton se shkelja e parë fillon që në momentin kur për këtë tender është përcaktuar procedura "Tender i Kufizuar". Në relacion theksohet se një tjetër shkelje është fakti se fondi limit i përcaktuar për blerjen e pajisjeve është ndarë në dy pjesë, çka sipas komisionit është e jashtëligjshme dhe që u ka dhënë të drejtën drejtuesve të bashkisë ta përcaktojnë këtë tender si të kufizuar, duke ulur ndjeshëm dhe në minimum konkurrencën. "Dy ditë më parë e njëjta radio me të njëjtat parametra është blerë 104.400 lekë të reja ndërsa pas dy ditësh në një tender me mundësi më të vogël për korrupsion, është blerë 45.000 lekë nga e njëjta njësi prokurimi", thuhet në relacionin e komisionit. Sipas relacionit fondi limit i përcaktuar ka qenë 3.315.000 lekë. "Për këtë me vendim të kryetarit të entit prokurues është vendosur që fondi limit të përdoret me procedurën " Tender i Kufizuar" me dt.02.11.2001 në vlerën 3.000.000 leke dhe "Ftesë për Kuotim" para dy ditësh në dt.29.10.2001 në vlerën 315.000 lekë.

Pra Enti Prokurues ka vendosur që të bëjë dy tendera me fondin prej 3.315.000 lekësh brenda dy ditëve duke e ndarë dhe duke bërë kështu të mundur që të thirren në tender vetëm tri firma konkurruese dhe jo procedurë tenderi të hapur", theksohet në relacion.


--------------------------------------------------------------------------------

Shkeljet ligjore, sipas komisionit

Në kohën kur janë zhvilluar këto procedura prokurimi ka qenë në fuqi ligji 7971 ndryshuar me ligjet nr.8039, datë 23.11.1995, nr.8074, datë 22.2.1996, nr.8112, datë 28.3.1996 dhe nr.8767, datë 5.4.2001 i cili në nenin 17 percakton se: Enti prokurues mund të përdorë një procedurë tjetër, përveç tenderit të hapur, vetëm në rastet e parashikuara në nenet 18, 19, 20, 21 dhe 22.

Persa i përket vlerës dhe përcaktimeve të bëra në nenet e sipërcituara ato përcaktohen në VKM 335 dt 23.06.2001, i cili ka qenë në fuqi dhe ku përcaktohet në pikën 1 se vlera për tenderin e hapur duhet të jetë për mallrat mbi 3.000.000 lekë.

Tema

[DYDRINAS]

E Shtune, 07 Qershor 2003


MARRJA E OBJEKTEVE ME QIRA "1$", ESHTE VJEDHJE

Nga Bashkim Kopliku*

Kam ndjekur me deshperim sofizmat e hedhura ne hapesiren mediatike, nga politikane dhe gazetare ne ze, ne perpjekjet e tyre naive per te justifikuar vjedhjen e tejskajshme, qe po behet publike keto dite, per dhenien e objekteve shteterore me qira "me cmim shteteror", dhe po ashtu edhe per shitjen e tokes shteterore me "cmime shteterore". Nuk dua te prononcohem, nese ka vjedhur apo jo, e sa e si ka vjedhur z. Rama; me kete problem po merret komisioni parlamentar perkates.

Eshte fyese per civilizimin e sotem shqiptar, te pranohet absurdi se na qenka e ligjshme te marresh nje objekt shteteror me qira 1$/muaj, kur objekti i njejte privat, jepet me qira, per shembull 40$/muaj, pra, dhjetera here me shtrenjte. Nuk ka nevoje te jesh ekspert i ekonomise se tregut apo i ligjeve, per te kuptuar se dikush ka futur ne xhep diferencen ne mes qirase shteterore (1$ ne shembullin e mesiperm) dhe qirase se tregut (40$ ne shembullin e mesiperm). Dhe sasia qe pervetesohet, futet ne xhep, nga keta te korruptuar, nuk eshte e vogel, po te kihet parasysh se jane dhene me qira shteterore me dhjetera mije metra katror ndertesa. Po te bejme se bashku, shpejt e shpejt, disa veprime aritmetike te klases se katert fillore, do te nxirrnim nje shifer orientuese, sa per te pasur idene se per cfare shumash flitet. Pra, le te llogarisim:

Per cdo 1 meter katror, shkon ne xhepat e te korruptuarve nje diference, cmim tregu-cmim shteti, prej 39$ (40-1=39, sipas shembullit te mesiperm). Per cdo 10 000 metra katror, per 1 vit, rezultojne rreth 5 milione dollare (12 muaj x 39$ x 10 000 m2 = 4 680 000$ afersisht 5 milione).

Me kaq shume para, disa pese milioneshe dollaresh ne vit, se paku do zbuteshin disa halle te shqiptareve, si p.sh. kanalizimet, furnizimi me uje te paster, pensionet, e te tjera, nese keto para nuk do shkonin ne xhepat e ministrave dhe ne arkat e pronareve te mediave, qe jane aq te pasur saqe bejne edhe biznes krejt me humbje, sipas asaj qe degjuam dje e sot te deklarohesh ne disa masmedia, me afsh e pasion miliona dollaresh. (Une do te keshilloja qe shteti te mos jape fare me qira, por te privatizoje ato qe i ka teper!)

Nuk mund te hy ne hollesi sesi ndahen parate e korrupsionit: sa merr ministri qe shpie objektin shteteror per dhenie me qira, sa merr ministri i ministrise tjeter qe cakton se kush do ta marre objektin me qira, e se sa i mbetet realisht te fitoje qiramarresi i objektit. Kjo do te ishte objekt i nje hetimi, qe ne vendet normale behet nga prokurorite e gjykatat, e kam fjalen per ata vende ku ka te atilla qe japin drejtesi e nuk jane bashkefajtore ne korrupsion. Ajo qe mund te them me siguri eshte, se te tre aktoret e lartpermedur, ministra e qiramarres, jane bashkefajtore ne vjedhjen e pasurise se popullit.

Natyrisht, edhe mediat mund te sponsorizohen nga shteti, ka shume vnde ne bote qe e bejne ket_, por sponsorizimi duhet te behet me ligj, dhe si nje kompromis, transparent e ligjor, ne mes shume nevojave e deshirave te tjera per sponsorizime, qe i dalin cdo vit perpara shtetit. Caktimi i ketyre sponsorizimve, eshte vetem e drejte e parlamenteve, pra, behen me ligj konkret, e rast pas rasti.

Edhe qeverisjet me te korruptuara ne bote, nuk do te guxonin te kishin lene pa e ndryshuar me kohe, cdo lloj akti ligjor apo nen ligjor qe do lejonte nje abuzim te tille, hajdutet e "mencur" nuk vjedhin duke lene gjurme ne fatura. Nga ana tjeter, edhe cdo minister ne bote, me minimumin e moralit, apo se paku me minimumin e mendeve, nuk do te zbatonte akte ligjore qe sjellin keto rezultate evidente katastrofike, ne si shtet nuk na mbajne per budallenj, por per te korruptuar. Ju kujtoj, se qeverisja e sotme (ekzekutivi, ligjori, gjyqesori), ka mbi 6 vjet ne pushtet.

Nuk dua te merzis lexuesin me hollesi te akteve nenligjore ku jane mbeshtetur te korruptuarit, per te pasur goje te thone formalisht "eshte vepruar ne baze te ligjit", por vetem shkurt, e per ata qe kane akoma durim per hollesi ligjore, mund te shtoj se aktet ligjore ku eshte bazuar kjo dhenie me qira dhe shitje me cmime shteterore, datojne nga fundi i vitit 1994 e fillimi i vitit 1995. Ne ate kohe, projektet e ketyre akteve nenligjore u kapen qe ne proces aprovimi, nga une personalisht, dhe u rrezuan qe ne mbledhjen e aprovimit te tyre te Keshillit te Ministrave. U miratua ne princip ndryshimi i tyre nga mbledhja, dhe u ngrit nje grup pune, i perbere nga une dhe ministri i ndertimit te asaj kohe. Projektvendimet u ndryshuan brenda dy diteve, duke u kerkuar qe per cdo dhenie me qira (apo shitje) te kerkohej cmimi i tregut, nepermjet ankandit e formave te tjera, e ku cmimet fikse do te sherbenin vetem si vlera minimale te nisjes se ankandit. Per cudi, aparati i Keshilli te Ministrave zbardhi vendimin e rrezuar dhe jo ate te ndryshuarin (ne ate kohe isha ne spital i aksidentuar). Por, per te kufizuar demin ekonomik, dhe per arsye te tjera, menjehere u ndalua, qe ne vitin 1995 shitja e tokes shteterore, nderkohe qe dhenia e objekteve shteterore me qira mbi 1 vit, ishte ndaluar qe ne vitin '93-'94, dhe gjithashtu dhenia me qira per me pak se 1 vit, behej detyrimisht me tender apo ankand, pra, me cmime tregu dhe jo shteterore. Si rezultat i ketyre kufizimeve, efekti i absurdit te cmimeve shteterore fikse, ne "kohen e qeverisjes se PD" u reduktua ne zero, sepse, praktikisht, as shitesh me toke e as jepeshin me objekte me qira. Vetem shume me vone, e pas '96, nga qeverisja me maxhorance socialiste, u be deti kos, filluan te hiqeshin gjithe kufizimet per dhenien me qira, dhe te shkelesh me te kater kembet ligji i ndalimit te shitjes se tokes. Ne kete menyre, filloi abuzimi masiv me dhenien me qira apo shitjen e tokes, gjoja "ligjor".

*Ish-zevendeskryetar i Keshillit te Ministrave

-----koha jone......