Beqaj ngatërron termat, korrigjohet nga studenti

[Xhuxhumaku]

10 Tetor 2013 - 14:03 | LAJME
TRANSLATE Perktheje lajmin ne gjuhe te tjera

Beqaj ngatërron termat, korrigjohet nga studenti

NGA: OLA MITRE
Beqaj ngatërron termat, korrigjohet nga studentiTIRANE-Prevalencë janë rastet e reja të sëmundjeve që ndodhin çdo vit". Ky ka qenë shpjegimi që i ka dhënë ministri i Shëndetësisë, Ilir Beqaj, termit mjekësor "prevalencë", por që fatkeqësisht është i gabuar. Në fakt, gjithçka është "pikasur" nga Taulant Muka, një student i nivelit master në Universitetin Mjekësor të Tiranës.

Ky i fundit është përpjekur t'i tregojë ministrit në faqen e tij zyrtare në "Facebook", se shpjegimi i dhënë, i takon termit "incidencë", por mesa duket Beqaj ka qenë shumë i sigurt në saktësinë e përdorimit. Kjo, pasi vetë ministri i ka kthyer përgjigje studentit, duke i rikonfirmuar shpjegimin. "Prevalenca është numri i rasteve të reja në një periudhë të caktuar, zakonisht në një vit. Incidenca është numri total i të sëmurëve për një sëmundje, zakonisht për 100 mijë banorë", i përgjigjet ministri, përmes komenteve në faqen zyrtare. Debati vijon edhe më tej, pasi Muka këmbëngul për t'i treguar ministrit se "është e kundërta", ndërsa i jep edhe disa shembuj ilustrues për t'i treguar se është duke gabuar. Ndërkohë që, pas shpjegimit të studentit, Beqaj duket se është tërhequr nga "debati", pasi nuk i ka kthyer më përgjigje.

Shpjegimi
Ministri i Shëndetësisë ka qenë i ftuar në një intervistë televizive, ku edhe ka dhënë shpjegimin e mësipërm. Prezantuesja e emisionit e ka pyetur në lidhje me fjongon rozë, që ai mban në xhaketë në kuadër të muajit për ndërgjegjësimin e kancerit, ndërsa ministri ka filluar të flasë rreth sëmundshmërisë. "Këtë fjongo unë e mbaj që nga data 1 tetor, do ta mbaj deri në 31, sepse tetori është muaji për ndërgjegjësimin e kancerit të gjirit dhe është në të gjithë botën. Kulmon në 31 tetor, datë e cila në Shqipëri është Dita Kombëtare e Kancerit të Gjirit. Sëmundjet tumorale, në fakt janë me prevalencë të lartë në Shqipëri. Prevalencë për publikun e gjerë janë rastet e reja të sëmundjeve që ndodhin çdo vit. Gjithashtu, për fat të keq, në ndryshim nga vende, jo vetëm të zhvilluara, por edhe të ngjashme me Shqipërinë, fatalitetet në rastet e sëmundjeve tumorale janë mbi 75%, ndërkohë që sot në botë është arritur të jenë edhe nën 30%", - ka thënë ministri i Shëndetësisë gjatë intervistës.
prevalenca
(d.b/GazetaShqiptare/BalkanWeb)

FOTO TE LINKU

http://www.balkanweb.com/metropol/26...ti-153070.html

[Qyfyre]

keshtu eshte kur duan te duken te mencur me fjale qe sua dine kuptimin

[benseven11]

Prevalence ne mjekesi do te thote ngjarje e perhapur shume,
ose incident qe eshte i perhapur shume.
Psh infeksionet qe ndodhin shpesh thuhet qe jane prevalente pasi jane edhe te perhapura
Semundje si gripi jane prevalente pasi jane ngjarje infeksioni me perhapje shume te gjere.
Epidemite dhe helmimet ne mase jane gjithmone prevalente pasi keto ngjarje kane shtrirje kane perhapje
ne popullate,nuk jane raste te izoluara sporadike.
Shpjegimi qe ka dhene Ministri per prevalence nuk eshte I sakte,eshte gabim.
incidence e dhene nga Ministri perseri nuk eshte e sakte

Incidence eshte shkalla e shpeshtesise,frekuences se shfaqjes se nje semundjeje ne popullate
dhe kjo mund te shprehet ne numrin e te semureve per cdo 1000 banore/10 mije,ose me shume.