Rama: Nuk ka më rritje vjetore rrogash e pensionesh

[Albo]

Rama: Rritja farsë e rrogave dhe pensioneve nuk do të vazhdojë

Kryeministri Edi Rama flet për Aktin Normativ, krizën ekonomike dhe rezultatet e para të auditit në buxhet. “Rritja e mëparshme e rrogave është një farsë, nuk kemi prirje tavazhdojmë. Nuk do të ndërtojmë rrugë pa shlyer borxhet për biznesin”

Si do ta zgjidhni ngërçin e krijuar nga bojkoti i opozitës në Parlament? PD ju akuzon se prishët konsensusin në mënyrë të njëanshme, duke çuar Aktin Normativ në Kuvend…

Nuk është një “déjà vu”, sepse kemi një qeveri që tanimë ka një sjellje tërësisht të re ndaj Kuvendit dhe ndaj opozitës. E kemi ftuar opozitën të ulemi, të dialogojmë, të diskutojmë, ta shikojmë çështjen me qetësi, dhe të gjejmë dakordësinë për të mirën e vendit dhe në funksion të mospengimit të punës normale të shtetit. Nga ana tjetër, kemi një opozitë që ka reaguar në mënyrë “qorre” për momentin duke mos pranuar asnjë dialog, por duke vënë kushtin tërhiqni Aktin. Ne nuk kemi asnjë mundësi ta tërheqim Aktin. Duhet të krijojmë kushtet që ligji të bëhet i zbatueshëm nëpërmjet një sërë aktesh nënligjore. Qeveria e mëparshme nuk i ka patur 84 vota për t’i kaluar ligjet dhe nuk është sjellë me vëmendjen dhe gatishmërinë që jemi sjellë ne ndaj opozitës. Ne i disponojmë 84 vota, por përsëri kërkojmë dialog, pasi kjo është kultura që ne besojmë.

A mendoni se bojkoti i opozitës mund të na kushtojë sërish statusin?

Ky është proces i dakordësuar me projektin e BE-së për administratën publike. Ne jemi tërësisht në harmoni me Brukselin dhe nuk ka sesi të ishte ndryshe. Ne jemi konsultuar me projektin e BE-së dhe asistencën e tyre teknike. Ligji është miratuar me konsensus, konsensusin e kemi dhënë ne, por që ai të zbatohet duhen përgatitur një sërë aktesh nënligjore, që ende nuk janë përgatitur.

Me apo pa opozitën Akti aprovohet?

Po, Akti do aprovohet, nuk ka zgjidhje tjetër. Ne jemi një aleancë europiane me LSI-në dhe veprojmë si të tillë në të gjitha nivelet e vendimmarrjes.

Si do veprohet me faturat e papaguara të buxhetit të shtetit ndaj sipërmarrësve privatë?

Jemi duke u afruar në shifrën 600 milionë dollarë që janë borxhe ndaj biznesit, që kanë bllokuar ekonominë dhe gjithë sistemin e kreditimit. Bankat kanë para por nuk japin kredi, se normat e kredive të këqija janë 25% dhe kompanitë janë duke u mbytur. Kemi gjendje të tmerrshme të ekonomisë dhe financave të vendit

Si është gjendja e borxheve të shtetit?

Ata që ikën kanë lënë borxhe nga të mëdhatë, si TVSH të parimbursuara, punë publike të papaguara, shërbime të pashlyera, deri te borxhe për darka e dreka me fatura te pronarë restorantesh në Shqipëri. Gjetëm borxhe nga më të rëndat deri më të turpshmet për një qeveri. Borxhe për fatura telefonike marramendëse. Ne po i nxjerrim të gjitha dhe me ndihmën e auditit ndërkombëtar dhe të pavarur. Qëndrimi im është i prerë: një qeveri borxhlie ndaj biznesit s’ka çfarë i kërkon biznesit. Është një farsë që nuk meriton të quhet qeveri.

Por borxhi gjatë muajit tuaj të parë sa ka shkuar?

Gjatë periudhës sonë nuk kam një shifër, përpjekja është e përditshme, administrata është e rrënuar nga militantitë e së shkuarës….Ne do ta nxjerrim ekonominë nga kthetrat e kësaj krize marramendëse. Ne nuk do shkojmë rrugëve që të presim shirita të gënjejmë popullin shqiptar.

Domethënë nuk do ketë më investime publike, derisa të paguhet fatura e fundit e borxhit?

Ne nuk do shfrytëzojmë nevojat e njerëzve për infrastrukturë më të mirë për shirita që priten dhe hapin gropa në buxhetin e shtetit dhe ekonominë kombëtare.

Po me ato punime që janë lënë në mes, ç’do ndodhë?

Duke nisur me shlyerjen e kompanive shkojmë drejt qëllimit parësor: të mbyllim punët e lëna rrugëve.

Ministri i Financave ka lënë të kuptohet se mund të rritet mosha e daljes në pension. E konfirmoni këtë?

Konfirmoj që na duhet një reformë pensionesh. Na duhet një debat. Pensionet nuk janë zënë me dorë prej vitesh. Por nuk është një fjalë goje. Kur të jetë nevoja për të hapur kantierin e reformës, do diskutohen të gjitha aspektet.

Rritjen e përvitshme të rrogave dhe pensioneve do ta ndërprisni?

Ajo është një tjetër farsë, që s’kemi prirje ta vazhdojmë, sepse sidomos vitet e fundit ka qenë një pseudo-indeksim i inflacionit.

A do të ketë rritje të pagave dhe pensioneve?

Pas katër vitesh kush fiton sot më pak do jetë duke paguar më pak, kush fiton më shumë do paguajë më shumë, do ketë mundësi të bëhet me i pasur, por duke ndihmuar edhe të tjerët të pasurohen….

I qëndroni premtimit elektoral për legalizim falas?

Për të gjitha ndërtimet në zona informale, sikundër edhe vilat, nuk do legalizohen falas. Legalizimet e shtëpive në zonat informale do bëhen falas.

Vetëm procedura apo edhe toka?

Dmth: shtëpia është në një truall, trualli bashkë me shtëpinë do u takojnë atyre që kanë ndërtuar shtëpinë. Zero kosto.

Si do zgjidhet një konflikt mes tri palëve në rastin e Xhamisë së Namazgjasë pas anulimit nga KKT të godinës polifunksionale?

Se duhej pallat mbi xhami, xhami pa pallat nuk ndërtohet dot. Sipas atyre që nuk dinë asgjë tjetër veçse të shfrytëzojnë çdo shesh për të bërë përshesh, po. Për ata që dinë, s’ka asnjë problem që të akomodohet xhamia pa asnjë lloj problemi për akomodimin e atij komuniteti të tallur e nëpërkëmbur. Xhamia u bë alibi për të ndërtuar pallate, qendër tregtare, dyqane, për të përfituar në emër të fesë. Për mua ka vetëm një detyrim; që Komuniteti Mysliman të ketë tempullin e vet, të ndërtuar pas shembjes së komunizmit.

Nuk mund të negocioni një vend tjetër?

Duke u marrë me vende të tjera do na duhen 20 vjet të tjera. Isha kundër atij vendimi… Por ky vendim është marrë jo nga unë dhe e respektoj. Edhe më shumë se ç’është tallur me këtë komunitet kjo qeveri që iku, e për këtë duhej bërë një libër.

Një xhami ngjitur me sovranin, për një shtet europian duket si jo mirë…

Mos hyjmë në biseda më të vështira se një intervistë, se nuk besoj se xhamia me shtetin europian janë të papërputhshëm me njëri-tjetrin. Besoj krejt të kundërtën. Parlamenti aty është përkohësisht. Do jetë ku e ka vendin. Dhe vendin e ka në hapësirën ku sot janë zyrat e Parlamentit.

Do rikthehemi tek projekti francez?

Është i vetmi vend që ka sens logjik për Kuvendin e demokracisë. Por duhet vendi i duhur. Jam besimplotë se do zgjidhet. Por nuk premtoj stadium dhe parlamente thjesht nga dëshira. Në planin logjik, atje duhet të ishte Teatri Kombëtar. Por kanë ndryshuar disa gjëra për keq, mbetet për t’u parë.

Keni deklaruar se me fqinjët do ndiqni politikën e ‘zero probleme’. Nga takimi sot me ministrin e Jashtëm grek, a u hoq ndonjë problem?

Probleme ka, por ne shprehim vullnetin për t’i zgjidhur. Ministri i Jashtëm shqiptar ka qenë shumë i qartë në konferencën e tij për shtyp, dhe nuk kam asgjë për të shtuar.

Marrë nga “5 pyetje nga Babaramo”

[Albo]

Rritjen e përvitshme të rrogave dhe pensioneve do ta ndërprisni?

Ajo është një tjetër farsë, që s’kemi prirje ta vazhdojmë, sepse sidomos vitet e fundit ka qenë një pseudo-indeksim i inflacionit.

A do të ketë rritje të pagave dhe pensioneve?

Pas katër vitesh kush fiton sot më pak do jetë duke paguar më pak, kush fiton më shumë do paguajë më shumë, do ketë mundësi të bëhet me i pasur, por duke ndihmuar edhe të tjerët të pasurohen….

Buxhetoret dhe pensionistet do pasurohen duke mos iu rritur rrogat e pensionet.

Si tha Rama ne fushaten zgjedhore: "Nuk do te ngrejme rrogat, do te ulim cmimet!"

Premtim i mbajtur!

Albo

[shigjeta]

Rama po realizon projektin - kthimi i Shqiperise edhe nje here si ne kohen e diktatures, kur rrogat e shqiptareve nuk ishin te mjaftueshme as per nje "shishe uje" jashte shtetit.

Nqs ekonomia shqiptare nuk shkeputet nga varesia e shtetit dhe mbetet me cmime tavan, subvencionime nga shteti, rroga dhe pensione te vogla...hendeku ndares midis Shqiperise dhe vendeve te tjera do jete i kapercyeshem vetem me nje kosto shume here me te shtrenjte per shqiptaret.

Shqiptaret, si ne kohen e Hoxhes, do kene mundesi te jetojne ne Shqiperi, por jo me fuqi ekonomike rrogash dhe pensionesh si bashkqytetaret e tyre ne Europe. Ne vend te mbylljes se kufirit me ushtar, do kete nje "kufi" ekonomik.

[benseven11]

Biznese private ankohen qe shteti nuk u ka paguar servisin dhe materialet e harxhuara.
Edi Rama thote qe gjendja ekonomike dhe buxheti I trasheguar
nga Berisha eshte mizerabel,shume negative me fatura telefonike
te pa paguara.Dreka darka restorantesh
banketesh te pa paguara nga shteti
Bizneset kane fajin kryesor.qe nuk kane kerkuar pagese upfront,Paguaj ne fillim
pastaj une te te bej sherbimin.Me kompanine telefonike shteti duhet
te kishte rregulluar kontrate servisi me cmim fiks( flat fee) cdo muaj,
parapagese kuptohet.dhe jo servis mbi baze cmimi Euro/minute
A jane bere kontrata te bizneseve me shtetin?
Nqs ka kontrata biznesi dhe shteti ka thyer kontraten shteti duhet
te kaloje ne arbitrazh te paguaje me pale te trete plus interes.
Kryerja e serviseve nga kompani private shqiptare me shume shpenzime te larta
ka cuar ne falimentimin e tyre per mungese pagese nga shteti.
Praktike e tille nga biznese shqiptare eshte stupid kur behet fjale per vlera te medha parash
qe do te thote shpenzime te medha materiale nga biznesi privat
dhe te mos marresh shperblimin nga shteti per punen e bere dhe materialet
plus fitimin e parashikuar nga sherbimi.Ato nuk duhet ti ishin
futur punes fare,pa marre ne fillim leket nga shteti.Shteti I sotem duhet te fuse prokurorine te
beje hetime dhe te dalinne gjyq personat fajtore.jane 600 milioe humbje per bizneset shqiptare
dhe nuk eshte e drejte qe ato nuk po paguhen per sherbimet e kryera.
ose perdore ate 600 milionsh si kredit qe keto kompani te mos paguajne taksa me vlere deri 600
milione dhe get even dhe square.Dmth bizneset te punojne dhe mos paguajne taksa deri sa shuma e taksave
te papaguara te arrije vleren 600 miljone.Bizneset dalin baraz me shtetin dhe shteti nuk i detyrohet ndonje lek bizneseve.
qeveria e sales I ka ra me top shpenzimeve,perderisa ato nuk paguajne nga xhepi I tyre personal,varja shteti do paguje,edhe po s pagoi shteti
perseri varja,a humb gje une si pushtetar?Une humb nje hic dhe nuk me plas fare se sa humbje ka biznesi i X-it,Nuk eshte biznesi im eniuej,is not my problem.
Njerez pa etike,imorale ,kruks,pa pergjegjsi,pa din e pa iman.Njerez qe i dedikohen nje qellimi te vetem.
Se si te zhvasin nga shteti dhe populli dhe te japin nje hic.