Gjobiti “Kurum” për kontrabandë, djali i Meidanit pezullohet nga Doganat

[Albo]

Meidani: Krenar për mbiemrin, Spiropali një vajzë e panxënë

Ish-shefi i Antikontrabandës në Drejtorinë e Doganave, Denion Meidani, ka reaguar dje ndaj letrës së publikuar nga kreu i këtij institucioni, Elisa Spiropali. Nëpërmjet një reagimi për mediat, ai deklaroi se wshtw krenar pwr mbiemrin dhe se po pret agrumente nga Komiteti i Disiplinës për pezullimin nga detyra.

“Doja t’i bëja me dije zonjës se jam krenar për mbiemrin tim dhe se nuk e kam përdorur askund me apo pa vend dhe nuk i bën aspak nder që mendon se mund të abuzojë, duke pretenduar që unë e paskam çdo gjë të dhuruar. Kam studiuar vetëm jashtë ku mbiemri i asnjërit nuk merret parasysh, por gjykohet vetëm nga dijet, puna dhe kapacitetet. Kam punuar si në sektorin publik dhe atë privat me rezultate e arritje të dukshme dhe, ndryshe nga ajo, edhe në doganë nuk jam katapultuar, por kam hyrë me konkurrim dhe rezultate”.

Sipas tij, drejtoresha e Doganave ka marrë këtë pozicion pa pasur më parë asnjë eksperiencë në sektorin privat apo administratën publike. “Është fatkeqësi që një institucion shtetëror kaq i rëndësishëm ka për titullare një vajzë të paditur e të pamësuar, që fshihet mbas arrogancës dhe agresivitetit të saj për të mbuluar defektet që zotëron”, u shpreh më tej Meidani. Ai iu përgjigj gjithashtu akuzave të Spiropalit, sipas së cilës ish-shefi i Antikontrabandës është shkarkuar në disa nga detyrat që ka mbajtur më parë. “Doja të më thoshte se ku i kam këto shkelje të shumta si në detyrën e fundit dhe ato paraprake, sepse i konsideroj si shpifje të ulëta dhe asgjë më shumë. Gjithashtu doja të pyesja zonjën se nga cilat detyra jam shkarkuar në vazhdimësi, sepse kjo është qesharake dhe nuk i lejohet drejtueses së institucionit ku unë punoj dhe ka dosjen time të plotë, përfshi këtu edhe librezën time të punës. E këshilloj këtë vajzë të nxituar të konsultohet më shpesh me letrat në institucion, sepse nuk punon më në OJQ”, thotë Meidani.

Ai deklaroi më tej se Spiropali duhet të jetë e aftë të dokumentojë mungesën e profesionalizmit të ish-shefit të Antikontrabandës, duke shtuar se gjatë një muaji janë vendosur aq shumë gjoba, sa nuk ishin vendosur për një vit kalendarik. “Mendoj se asnjë nga publiku nuk e besoi Kryeministrin kur tha që Elisa sapo erdhi te Dogana, brenda natës e bëri të dukshme punën e saj duke i vënë gjobën te depozitat e kompanisë ‘Ada Petrol’ në Lezhë. Forcat e Antikontrabandës kishin shkuar dhe po punonin që në orën 11:00 te depozitat në fjalë, ndërkohë që vetë zonjusha Spiropali u prezantua në orën 13:00 nga ministri i Financave në ambientet e Drejtorisë së Përgjithshme të Doganave”, deklaroi Meidani.

“Refuzoj gjithashtu të pranoj qe paska dëmtuar imazhin e institucionit dhe pres nga zonjusha që ta ketë dokumentuar edhe këtë gjë me seriozitet, por ama nuk besoj se është kaq naive sa të mendojë se mund të hidhte baltë në media mbi mua dhe emrin e familjes time dhe të mos merrte asnjë reagim. Më bënë të qesh ofertat e saj të ndryshme të mëparshme për vende alternative apo kur mendon se mund të më kërcënojë duke më thënë se ‘mua si drejtore e Administratës Doganore më bëri të reflektoj lidhur me masën e dënimit aq të lehtë që i dhashë vetëm duke e pezulluar’ dhe ia përsëris sërish se në çdo rast nuk do doja të isha në marrëdhënie pune e të bashkëpunoja me një drejtuese pa eksperiencë, të panxënë e të papërgjegjshme si ajo. Ngelem në pritje që të më serviren në Komitetin Disiplinor prova e fakte e jo llogje pazari”.

Panorama

[Alti Elezi]

Besnikët e Flamur Gjymishkës Niko Çili dhe Ervina Domi kontrollojnë Doganat, katër nëndrejtorët militantë pëdëistë vazhdojnë të drejtojnë

Besnikët e Flamur Gjymishkës Niko Çili dhe Ervina Domi kontrollojnë Doganat, katër nëndrejtorët militantë pëdëistë vazhdojnë të drejtojnë
Ata që shpartalluan Doganat dhe shkretuan buxhetin e shtetit për vite me radhë, vijojnë të kontrollojnë arterien kryesore të ekonomisë shqiptare edhe pas përmbysjes së Sali Berishës. Edhe pse ka kaluar një muaj pas konstituimit të qeverisë së re, në Dogana gëlojnë drejtorët e Sali Berishës dhe Ridvan Bodes, të njohur ndryshe si bajlozët e korrupsionit në Shqipëri. Elisa Spiropali largoi shokun e Shkëlzenit nga Antikontrabanda, por nuk ka prekur çerdhen nepotike dhe klienteliste të pushtetit të Sali Berishës në kupolën e Doganave. Ish-drejtori i Përgjithshëm i Doganave, Flamur Gjymishka, (Xhethi) i lakuar aq shumë nga PS për shpartallimin e doganave nga kontrabanda dhe evazioni fiskal, vijon të komandojë nga larg doganat, me anë të rrjetit të tij klientelist. Në këtë moment vazhdojnë të drejtojnë doganat shqiptare katër nëndrejtorë të emëruar nga Sali Berisha personalisht, të tre tropojanë, me aftësinë e vetme se janë të afërm të "prijësit legjendar" nga Viçidoli.

Arlinda Mulgecaj, Rifat Gjoni, Gëzim Demushi dhe Artan Sulejmani vazhdojnë të mbijetojnë si pjesë e kolonës së pestë të Sali Ram Berishës në doganat Shqiptare. Këta janë personazhet që raportojnë çdo ditë pranë ish shefit të tyre, Gjymyshka dhe vazhdojnë të pastrojnë dosjet në dogana. Por, njerëzit më të lidhur me Gjymyshkën në dogana janë çifti Çili-Domi, njëri këshilltar pranë shefes së doganave dhe tjetra drejtoreshë e Drejtorisë Juridike. Kjo dyshe e parë në këndvështrimin nepotik që zotërojnë dy pozicionet kyçe në dogana janë bërë tmerri i biznesit shqiptar, pasi kontrollijnë të gjithë sistemin. Konkretisht, Gjymishka vijon të diktojë punët në Dogana me anë të mikut të tij, Niko Çili (MATI). Ky i fundit, i cili ka vegjetuar në administratën doganore që në vitin 1986, i raporton rregullisht Gjymishkës për zhvillimet në kupolën e Doganave. Çili, i cili çuditërisht i ka shpëtuar çdo fshese në Dogana, i ka shërbyer me besnikëri të lartë Gjymishkës. Çdo vendim në Dogana diktohej nga kjo dyshe. Në këtë kuadër, bashkëpunimi i tyre vijon. Ata janë parë shpesh të hanë darka tek një lokal pranë Drejtorisë së Higjienës në Rrugën e Elbasanit. Madje bëjnë edhe plane se si të fusin në qorrsokak drejtoreshën e re të Doganave. Pjesë e këtij klani është edhe Ervina Domi. Kjo e fundit është Drejtoreshë Juridike, ndërsa Niko Çili është këshilltar i Drejtoreshës së Doganave, Elisa Spiropali. Gjymishka, Domi dhe Çili kanë bërë ligjin për vite me radhë në Dogana. Ata janë përgjegjës për degradimin dhe shpartallimin e Doganave.

Megjithatë, Ervina Domi dhe Niko Çili vijojnë edhe sot të kontrollojnë Doganat, të asistuar nga Gjymishka. Niko Çili i është imponuar të gjithë drejtorëve të Përgjithshëm të Doganave me referenca të ardhura nga jashtë Shqipërisë në rrugë joinstitucionale, të cilat i paraqet si letërkredenciale për të potencuar pozicionin e tij në dogana. Edhe pas zgjedhjeve të 23 Qershorit, treshja në fjalë bënë një rrugëtim në Bjeshkët e veriut, ku kaluan disa ditë pushime. Po ashtu, pas zgjedhjeve të 23 Qershorit, zyrat e Doganave u kthyen në strehë për spiunët e SHIK-ut famëkeq të Bashkim Gazidedes. Spiunë, militantë dhe kamikazë të Sali Berishës vërshuan drejt Doganave për t’u strehuar, me shpesën se do t’u mbijetonin reformës së mazhorancës së re. Sipas burimeve, treshja e lartpërmendur mori përsipër detyrën për të akomoduar spiunët e Gazidedes në pozicione të ndryshme në administratën doganore.

“Kurum” paguan gjobën 3 miliardë lekë në Doganën e Elbasanit

Kompania “Kurum Internacional” ka paguar gjobën në degën Doganore të Elbasanit për kontrabandën e hekurit. Detyrimi doganor prej 288.978.340 lekësh është paguar ditën e djeshme. Lajmi konfirmohet nga Drejtoria e Doganave. Gjoba u vendos pas shkeljeve administrative të konstatuara në magazinën doganore të kompanisë “Kurum Internacional”. “Dega e doganës Elbasan vjel detyrimin doganor të munguar për shkeljen administrative të konstatuar në magazinën doganore të kompanisë “Kurum Internacional”. Dega e Doganës Elbasan, më datë 10.10.2013, për shkeljet e konstatuara gjatë kontrollit të magazinës doganore të kompanisë “Kurum Internacional” ka marrë vendimet nr 138, 139 dhe 140, ku penalizon për kundërvajtje administrative këtë kompani me 72.244.585 lekë detyrim doganor të munguar si dhe 216.733.755 lekë penalitete. Në total 288.978.340 lekë. Dega e Doganës Elbasan ka vjelë tashmë shumën e detyrimit doganor të munguar. Drejtoria e Përgjithshme e Doganave po vazhdon me rigorozitet procedurat për vjeljen e penaliteteve. Administrata Doganore shpreh vendosmërinë e saj për ndëshkimin e çdo shkelje të Legjislacionit Doganor”, thuhet në njoftimin për media, nga Drejtoria e Përgjithshme e Doganave. Drejtoria e Antikontrabandës në Elbasan në bashkëpunim edhe me Drejtorinë e Tiranës zhvilloi disa ditë më parë një aksion të befasishëm në magazinat doganore të “Kurum”. Gjatë kontrollit u konstatua se mungonin 4 mijë ton hekur dhe nënprodukte të tjera, të cilat kanë dalë nga magazina në kundërshtim me ligjin. Sipas policisë, vlera e mallit si detyrim doganor (TVSH), të dalë në mënyrë kontrabandë nga magazina kap vlerën 450 mijë euro.
Adriatik Doçi

[Xhuxhumaku]

O elez,

E posto njicik ate shkrimin per politiken e greqise ne shqiperi, qe ishte tek dita e sotme?

[shigjeta]

Mire eksperience per ate pozicion nuk e ka por nga sa ka shkruar i mungon edhe logjika e argumentit. Letra e Spiropalit si hartim shkolle, e jo si nje drejtuese institucioni qe argumenton me fakte pezullimin e vartesit te vete. Per me teper te mendohet qe ka mbaruar shkollen dhe ka nje eksperience jashte sipas prezantimit qe i ka bere vetes.

Ne dosjen e pezullimit, duhet te perfshij edhe kete foto - Kryeministri qe mezi rrehatohet ne karrige, eshte ulur gju me gju ne krah me .... vellain

[Alti Elezi]

O elez,

E posto njicik ate shkrimin per politiken e greqise ne shqiperi, qe ishte tek dita e sotme?

Prit sa ta gjej,mos u merzit..ok?
Po miqesisht po te them qe.nuk me qethet fare ca permban 100000% per politiken e Albanistanit me kuc e me mac,kush e ben,e ca do beje ne te ardhemen,por ne temat politike ne forum gjen budallenj me shumice,qe dine gjithcka,kur disa te ZGJUAR te Djathte dhe te Majte tallen,ose jane VERTET IDIOTE,une vendosa qe rri rri gjej ndonje artikull dhe hidhe ne teme,se fillojne e zihen vete te Zgjuarit.

[Albo]

Pezullimi nga detyra, djali i Meidanit padit Doganat

TIRANE- Përplasja mes drejtoreshës së Përgjithshme të Doganave, Elisa Spiropali dhe Denion Meidanit, ishkreut të Antikontrabandës, në lidhje me pezullimin e tij nga kjo detyrë, zhvendoset në gjykatë.

Meidani, djali i ish-Presidentit Rexhep Meidani, ka depozituar një kërkesëpadi në Gjykatën Administrative të Shkallës së Parë për të kundërshtuar vendimin që e largoi nga detyra e tij funksionale te Doganat. Në padinë e regjistruar në Gjykatë, më 13 nëntor 2013, si palë e paditur është Drejtoria e Përgjithshme e Doganave. Burime zyrtare të Gjykatës konfirmuan se objekti i padisë ishte “konstatim i pavlefshmërisë absolute” të urdhrit të pezullimit të tij. Shorti manual i Gjykatës ka përzgjedhur gjyqtarin Gentian Hamiti si kryesues në këtë proces gjyqësor. Shqyrtimi i padisë pritet të nisë në ditët në vijim. PEZULLIMI Denion Meidani u pezullua nga detyra e kreut të Antikontrabandës në Drejtorinë e Përgjithshme të Doganave me urdhër të drejtoreshës Spiropali, më 14 tetor të këtij viti, dy muaj pasi kishte marrë atë detyrë. Pak ditë para këtij vendimi, Drejtoria e Përgjithshme e Doganave ndërmori një aksion, të nisur nga Meidani, në përfundim të të cilit u vendos një gjobë me 1.4 milionë euro ndaj kompanisë “Kurum” për fshehje të TVSH-së së hekurit me vlerë 450 mijë euro. Fillimisht, pezullimi i Meidanit u motivua me “shkelje të kodit të etikës”, me pretendimin se kishte dekonspiruar operacionin. Disa ditë më vonë, përmes një letre publike, Elisa Spiropali u shpreh se masa e pezullimit ishte marrë për paaftësi. “Ai është pezulluar nga detyra për paaftësi, mungesë profesionalizmi, dëmtim të imazhit të institucionit”, u shpreh Spiropali në letrën publike. Rasti i Meidanit u bë pjesë e diskutimeve në një tryezë ku ishte e pranishme eurodeputetja gjermane Doris Pack në Tiranë. Duke shprehur rezerva për pezullimin e Meidanit nga detyra, Pack tha se “ai nuk kishte qenë pjesë e qeverisë, kishte punuar jashtë, ishte trajnuar jashtë. Ai fitoi një konkurs dhe zbuloi çështjen e ‘Kurum’-it. Kur zbuloi këtë çështje, ai u shkarkua dhe nuk u lëvdua për këtë”.

Panorama

[Albo]

Pezullimi, Spiropali fiton gjyqin me Meidanin

TIRANE – Drejtoresha e Përgjithshme e Doganave, Elisa Siropali, fiton betejën gjyqësore me ish-vartësin e saj, Denion Meidani, djalin e ish-presidentit Rexhep Meidani. Pak ditë më parë, Shkalla e Parë e Administratives së Tiranës ka rrëzuar kërkesën e Meidanit, ish-drejtor i Antikontrabandës në Doganë kundër Spiropalit. Në padinë e tij, Meidani kërkonte konstatimin e pavlefshëm të urdhrit të Spiropalit që e pezulloi atë nga detyra. Sipas ish-kreut të Antikontrabandës, ky urdhër ishte dhënë në kapërcim të kompetencave ligjore nga ana e eprores së tij. Nga ana tjetër, pala e paditur ka pretenduar se urdhri është marrë brenda të gjitha kompetencave të përcaktuara me ligj dhe në bazë të shkeljeve administrative të kryera nga paditësi Meidani gjatë ushtrimit të detyrës së tij. “Të dhënat e sistemit kanë treguar se me kërkesë të z. Meidani është kërkuar bllokimi në sistem i subjektit jashtë kompetencave të tij”, thuhej në pretendimet e Drejtorisë së Doganave. Pas shqyrtimit, gjyqtari Gentian Hamiti vendosi rrëzimin e kërkesës së Meidanit. Në vendimin e arsyetuar, gjykata shprehej se “urdhri i Drejtorisë së Përgjithshme të Doganave për pezullimin e z. Denion Meidani, me detyrë drejtor i Drejtorisë së Antikontrabandës dhe Rikuperimit me Forcë të Borxhit, ka dalë në mbështetje të nenit të VKM nr. 205, datë 13.04.1999, në të cilin parashikohet se punonjësi i administratës doganore pezullohet kur eprori direkt apo strukturat eprore kanë konstatuar shkelje të kryera nga punonjësi”. Më tej gjykata argumentonte se urdhri i nënshkruar nga Spiropali ishte nxjerrë në përputhje me kompetencat që i njihte ligji, në funksionin e drejtorit të Përgjithshëm të Doganave.

ar.ba
Panorama

[Xinxerfilli]

Ja dhe cuni filonit ra nga fiku i Berishes...