Rrefenja jashte çarshise-shqiptari linguist i stambollit.

[abica]

Miran Bica njihet nga mbarë esnafët e industrisë së floririt në Stamboll si Menaxher dhe Linguist i mbi dhjetë gjuhëve të huaja veç shqipes dhe turqishtes. Kuptohet që në Tiranën e korifejve gjuhsorë e letrarë kjo nuk përbën ngjarje, por për turqit dhe shqiptarët e Turqisë patjetër që është një tregues i shkallës sociale të vlersimit publik. Si i lindur dhe i rritur në Tiranë; 22 Dhjetorin e vitit 1976 , hyri në Botën e bukur të Frankofonisë që në fëmijëri me profesorin dhe përkthyesin e njohur Mahmut Bobrati. Pasionant i ngrënies së librave dhe i pajisur me armaturën e një kulture poliedrike, shpesh e ndeshje në polemika me studjues nga mbarë bota që shkelnin para 15 vjetësh premierë në Kapali Carshi ose Pazarin e Mbuluar. Si Marko Polo ishte i pari që në vitin 1994 pasi humbi jo në bursën e aksioneve por në formë komike iu përvetsua bursa për në Rumani nga dikush tjetër me të njëjtin emër, eksploroi si i pari shqiptar nga Tirana hapësirat e punësimit në një miniqytet magjik e të çuditshëm ku gjithë bota vjen tek ty në vend se të rendësh drejt saj.
Nga rrëfenjat e Çarshisë mbaj mend se për habi asnjë nga rrugët e shumta si labirint nuk ka bazament,pasi mesa më tregonte Mirani
dhe tezgjahtarët me nam, derdhjet nga nëntoka prej shkrirjes së metaleve ia kanë gërryer themelet ndër dekada. Alkimia e metaleve më përzihet në kujtesën e humorit edhe me alkiminë e kombsive e racave, kur në dyqanin ku pat punuar në fillim në koleksionet e antikave, gurëve të çmuar,parfumeve dhe kaligrafive latine e kishin vizituar dhe dy klientë arabë të veshur si sheikë, dhe e patën përshëndetur buzagaz në shqip duke i rrëfyer se ishin djem me nënat shqiptare.



Mendoj se një skedë profesionale veçse i përforcon vlerat e këtij rregulli në rendin e përjashtimeve:

- 1985-94 Realizues në Radio Tirana të Rubrikës Këndi i Përkthimit në gjuhën franceze.
- Diplomohet në degën e Menaxhim Biznesit, Universiteti Marin Barleti në Tiranë .
- Mbi 10 vjet përvojë në Industrinë e Floririt në Turqi që nga sektori I prodhimit deri tek shitja në Argjendari; aktualisht mban detyrën e Supervizorit të Zhvillimit të Tregut për “Istanbul Gold Rafinery” Stamboll.
- Si përkthyes nga Turqishtja për Shoqatën Turko – Shqiptare; ka shoqëruar Ansamblin nga Shqipëria në Festivalin Folklorik të rajonit “Bajram Pasha” në takimin me ish kryeministrin Bylent Eçevit në vitin 2001.



PROFESIONI:
Aktualisht:
- Menaxher i Zhvillimit të Biznesit - Istanbul Gold Refinery, Stamboll.

Mëparë:
- Drejtor i Shitjeve për Evropën Lindore dhe Gjermaninë – Argjendaria “İshakoğlu “,Stamboll.


GJUHËT E HUAJA:
Zotëron: Frëngjisht, Anglisht, Italisht dhe Turqisht,
Mbrojtur në Institutet e Kulturës në Stamboll dhe qendra e gjuhëve të huaja TOMER në Taksim të Stambollit.
Komunikon: Gjermanisht, Spanjisht ;
Sllave: Serbo- Kroatisht dhe Bullgarisht.


KUALIFIKIMET:
- 1991- Çertifikatë vlerësimi nga O.R.T-ja në Tiranë në profilet e Biznesit të Vogël , Sekretari dhe Kompjuter.
- 1999- Doktor i shkencave kompjuterike.
- Si valltar gjysëm profesionist i vlersuar nga prof. Ramazan Bogdani në ansamblin e Klubit të Shqiptarve të lokalitetit “Bajram Pasha” njeh dhe zotëron repertorin e valleve të Turqisë dhe Ballkanit.



Jashtë etiketimeve të rreme për erudicion apo autodidakt, Mirani si Barletas (në fakultet,etimologji dhe princip)është një udhëtar autentik dhe improvizues që Cvajgu në novelat sqimtare do ta përmbyste etiketën e "Njeriut të cilit ju mërzit Evropa", me "Njeriun të cilit i shijoi Afrika dhe Euro-Azia". Kjo fotografohet më së miri në kërkimet ekspansive për tregje dhe toka të arta, nga Maroku në Çeki;nga Guinea Franceze në Landet Gjermanike; duke marr jetë në aventurën pikante të Gastronomisë ku mbizotëron kultura e Gicit të stërpjekur. Personazhi i preferuar që në kohërat e skenave anglishtfolëse të Samiut (gjimnazi S.Frashëri)lundron me pamjen e Plakut dhe Detit, kurse Arma më e mprehtë në komunikim dhe e dashura e tij më qëndrestare në kohë pa harruar veten; mbetet Miss IRONIA.


nga Mago Uliksi
tek Blogosfera mediatike.
www.miranbica.blogspot.com