Peshkopi ‘bling- bling’ irriton Gjermaninë dhe Vatikanin

[klajdi wolf]

Historia e tij është kryelajmi i mediave gjermane.

Një peshkop katolik është nën presion pasi është zbuluar se rezidenca e tij ka kushtuar mbi 31 milion euro, gjashtë herë më shumë nga sa ishte deklaruar në fillim.

Shpenzimet e luksit janë bërë nga peshkopi i Limburg-ut, Franz- Peter Tebartz-van Elst.

Ndaj tij ka nisur një hetim jo vetëm nga Vatikani, por edhe nga autoritetet vendore.

Mediat raportojnë se vetë peshkopi i Limburg-ut ka fluturuar drejt Vatikanit për të dhënë shpjegime përpara Papës Françesku I.

Shpenzimet luksoze të këtij peshkopi, që disa media e kanë quajtur edhe ‘peshkopi bling- bling’, janë në kundërshtim me politikën e Papës së ri për një stil të thjeshtë jetese.

Fjala bie, vetëm vaska e tij ka kushtuar 15 mijë euro, raporton Guardian.

Ndërkohë Bild shkruan se zbukurimi në çati ka shkuar 100 mijë euro.

Shpenzimet e tij kanë zemëruar gjermanët, që vazhdojnë të paguajnë një taksë për kishën.

Ka raportime se peshkopi ka fluturuar me klasin e parë drejt Indisë për të vizituar getot e të varfërve.

Hetimet ndaj peshkopit nisën pasi ishin vetë besimtarët që u ankuan.

Një zëdhënës i Vatikanit tha se këto projekte luksoze nuk janë në përputhje me atë që predikon katolicizmi.

“Nuk jemi në Mesjetë më,” tha ai. “Kjo është shokuese”.

Peshkopi është që tani në telashe me prokurorinë vendase, që e akuzon për mashtrim./ep

Burimi: G. Tema

[mesia4ever]

Sa keq, po te ishte mysliman apo ateist do t'i jepte per bamiresi gjithe ato para. (kjo qe e forte a, ).

[unreal]

Per nje BMW si ky me lart, nga ky moment dua te mirrem me biznesin e fese (mashtrimin) !

[mesia4ever]

Per nje BMW si ky me lart, nga ky moment dua te mirrem me biznesin e fese (mashtrimin) !

Per pasuri e gjera materiale te gjithe duan te jane numer 1 madje jane ne gjendje edhe te shtiren sikur besimtare ne Zot. Kur eshte fjala te bejme dicka per te varferit, te bejme dicka per atdheun, prinderit e familjen jemi krejt ne fund.

[Elytony]

Kjo është çështje e tij. Ne nuk kemi argument që ta akuzojmë apo të paragjykojmë diçka ndaj tij sepse nuk kemi asnjë argument i cili do të na aprovonte atë që do e thonim, pohonim apo mohonim ne e megjithatë janë personat adekuat që merren me gjërat e tilla.

Unë jam musliman, por kjo më shumë për ne duhet të tingëllojë si një 'info' dhe jo më shumë se kaq, ngase ne mund të bëjmë gjykime mbi personin në fjalë e gjëra të tjera por mendoj se kjo nuk do të ishte e drejtë në asnjë mënyrë... Biles nuk mund të gjykohet Krishterimi duke marrur një person në fjalë edhe nëse ka diçka negative tek ai.

Poashtu ka mundësi që personi në fjalë të jap shumë, të iu ndihmojë të afërmëve, fqinjëve e njerëzve në përgjithesi e megjithatë është njeri shumë i pasur, pasanik i madh... Them, janë organet kompetente!



Paqe!