Zbulohet Skema e Vrasjes se ngadalte te Shqiptarve neper mjet Helmit te ilaçeve

[mitjuk]

Zbulohet skema e vrasjes së ngadaltë të shqiptarëve nëpërmjet helmimit nga ilaçet e skaduara

Dr. Sulejman Abazi (Neshaj)

Kanceri vjen nga Serbia dhe Greqia nëpërmjet baranave mjekësore në Kosovë dhe Shqipëri

Edhe pse herë pas here është ngritur zëri nga individë dhe zyra të ndryshme për atë çfarë kanë konstatuar në tregtime me shtetin e Serbisë, Greqisë apo dhe të Maqedonisë, veçanërisht në sektorin e farmaceutikës dhe të ushqimeve të konsumit të gjerë, edhe pse qytetarët shpesh kanë denoncuar mjaft raste të kequshqimit për shkak të tregut dhe monopoleve të çmimeve të larta dhe të ulëta, edhe pse prodhuesit shqiptarë kanë protestuar kundër diskriminimit dhe asfiksimit të prodhimit vendas, pothuajse në të gjithë rastet këto kanë rënë në veshin e shurdhër të qeverisjes “Berisha”. Në krahun tjetër, është ndjerë kundërvënia propagandistike e ngritur mediatikisht me art, për arritjet dhe bilancet “pozitive” të ekonomisë shqiptare. Shqetësimi i subjekteve të ndryshme që ndjekin me kujdes procesin e kujdesit ndaj qytetarit është fokusuar në tregtinë farmaceutike të ushqimeve të konsumit të gjerë, për të cilat gjykojmë se janë objekt i Sigurisë Kombëtare. Sipas të dhënave mediatike, kompanitë më të mëdha farmaceutike që veprojnë në Shqipëri, kryesisht me qendër në Tiranë janë: “Intermed”, “Farma ONE”, “Sulkaj”, “Mega”, “Imi”, “Rejsi”, “Medikamenta”, “Alba Trade” (e cila po falimenton, pothuajse rezulton e mbyllur) “Avi Cena”. Kompanitë më të forta qendrën e tyre e kanë në Tiranë dhe më e fuqishmja sot mbetet “Intermed”. Furnizimet me medikamente në Shqipëri vijnë nga Gjermania, Turqia, Anglia, Sllovenia, Serbia, Italia, Bullgaria, Maqedonia, Greqia, Amerika, Franca dhe India. Sipas të dhënave mediatike, subjekteve politike dhe patriotike në Kosovë dhe Shqipëri, kontrabanda me medikamente mjekësore dominon në linjat Serbi – Kosovë – Shqipëri, Itali – Shqipëri dhe Greqi – Shqipëri. Nga Italia dhe Greqia vijnë dorë e parë me çanta dore dhe në makina të vogla, në tragete, nga kufiri tokësor, me linjat e autobusëve në gjendjen rifuxho, të papaketuara. P.sh medikamenti “oki – aluin”, vjen nga Italia rifuxho. Rezulton se, shumë farmaci, depo shpërndarjeje ruajnë ambalazhet, të cilat i vënë disa herë në përdorim, duke abuzuar edhe me afatet e skadencës. Më të rrezikshmet në këtë lloj tregtie të pakontrolluar janë depot e shpërndarjes së nivelit “të dytë”, të cilat janë të instaluara edhe në Tiranë, por kryesisht janë ato që mbulojnë rrethet e vendit. Ky lloj rrjeti është shumë i zgjeruar dhe aspak në kontrollin e shtetit. Të gjitha këto pika distribucioni janë shumë të lidhura me farmacitë kudo, duke pasur norma fitimi të larta në marrëveshje me tavanin e çmimeve. Këtu bëjnë përjashtim ilaçet me rimbursim nga shteti, ku fitimi është shumë i vogël dhe për farmacitë dhe depot ky mall konsiderohet në çdo rast “i shitur”. Edhe nëse kontrollohen apo kapen nga inspektorati i shtetit, në asnjë rast farmacitë nuk kanë dhënë adresat e depove sekondare. Në marrëdhëniet kompani farmaceutike, depo distribucioni – farmaci ekziston norma e fitimit, ku prioritet përherë kanë marrë farmacitë, por në shumë raste me mirëkuptim fitimi është i ndërsjellë, duke dominuar treguan dhe duke bërë biznes konkurrues në mënyrë të pandershme. Farmacitë e zhytura në normat e fitimit nuk kanë aspak natyrë shërbimi në të mirë të klientit. Në këtë lloj tregtie “të kontrolluar” janë të përfshirë edhe mjekët, të cilët janë të lidhur me farmacitë e deri tek kompanitë e distribucionit, të cilat për qëllimet e tyre kanë të punësuar nga një mjek marketingu. Kjo lidhje arrin deri atje sa në raport me rritjen e klientelës, bien dakord edhe në ndarjen e fitimeve, duke abuzuar shpesh dhe me çmimet e medikamenteve. Ka mjaft ilaçe që vijnë nga jashtë, kryesisht nga Italia, të cilat janë të shoqëruara me siglën “produto për Albania” dhe “produto për Kosova”. Shpesh këto medikamente me destinacion për Kosovë rezultojnë të shiten në Shqipëri. Në ambalazhimin e tyre ato janë të shoqëruara edhe më modelarin në gjuhën shqipe. Ajo që është kuptuar në këto lloj prodhimesh farmaceutike, është sasia e mangët e elementëve përbërës, efektiviteti i ulët dhe nevoja për rritjen e kërkesës së tregut spitalor dhe farmaceutik. Këtë problem e kanë me dijeni edhe mjekët e marketingut të kompanive të mëdha në tregun shqiptar. Të gjitha këto lloj ilaçesh me destinacion merren dhe jepen ne çmime të diktuara qoftë nga tregu i jashtëm dhe në tregun e brendshëm. Këto çmime në të gjitha rastet pranohen nga bosët e kompanive që i sjellin nga jashtë. Çuditërisht këto kontingjente medikamentesh janë të miratuara deri tani edhe nga Ministria e Shëndetësisë. Nga kjo ministri stimulohen kompanitë më të fuqishme në tregun shqiptar, duke pasur përfitime reciproke. Për medikamentet ekskluzive, edhe pse ka kontrollohen nga shteti, kompanitë e mëdha bashkëveprojnë me depot sekondare, i vënë dhe ato në sistemin e shpërndarjes që t’u shitet sa më shpejtë malli, duke i stimuluar me fitime, edhe pse në shumë raste veprime të tilla janë krejt të paligjshme. Farmacitë kudo, për shkak të mosstimulimit nga organet tatimore, pothuajse në të gjitha rastet veprojnë vetë me medikamentet që shkojnë në kufijtë e skadencës. Ky problem mbetet gjithandej i pamonitoruar, duke lënë shteg abuzimi të hapur. Indiferenca e shtetit në këtë çështje është shumë shqetësuese. Problemi farmaceutik rezulton të jetë shumë serioze edhe në Kosovë, ku tregu shqiptar ka lidhje veçanërisht në marrëdhëniet e tregtisë me shtetin e Serbisë. Sipas shumë paralajmërimeve të Lëvizjes “Vetëvendosje”, për mallrat ushqimore ka të dhëna se janë të rrezatuara me radioaktivitet me “uaranium IN POËERITO” (të varfëruar). Korridoret e prodhimit të ushqimeve të tregtisë me Kosovën dhe Shqipërinë nga Krushevaci, Sillajnaci, Batanjica, Kragujevci etj.. Në fabrikat e tyre prodhohet enkas për tregtinë me shtete shqiptare. Bilanci pozitiv i tregtisë Kosovë, Shqipëri me Serbinë në favor të kësaj të fundit, nuk është ndonjë rezultat për t’u pasur zili nga ne shqiptarët. I njëjti fenomen ndodh, sipas “Vetëvendosjes”, edhe në tregtinë farmaceutike, të cilat i shpëtojnë kontrolleve doganore nga tregtare matrapazë, nën hundën e institucioneve doganore depërtojnë në tregun e gjerë shqiptar, duke sjellë përfitime kolosale dhe duke vrare gradualisht shëndetin dhe gjendjen fizike të popullsisë. Veprime të tilla janë në kufijtë tronditës, për të cilën akuzat duhet të bien mbi institucionet e qeverisjes së Tiranës që iku dhe të qeverisë që aktualisht kryen detyrën në Prishtinë. Me të drejtë duhet të mendojmë se këtu ka një strategji “luftarake” vrasëse në mënyrë krejt paqësore, duke e detyruar popullsinë të blejë vdekjen me para në dorë dhe me dëshirën e saj. Alarmi që japin herë pas here institucione shqiptare apo mjekë individë, të mbështetur mbi statistikat shqetësuese mbi shëndetin e popullit dhe të grupmoshave, janë për t’u marrë në konsideratë shumë seriozisht. Si rezultat i këtyre ushqimeve dhe medikamenteve për çdo ditë në ambientet spitalore kudo në hapësirën shqiptare shfaqen të sëmurët infektivë me diarre, deri në infeksionet polmonare, të mëlçisë, stomakut, zorrës së trashë, sëmundjet e gjakut, pa përmendur këtu rritjen e rasteve të sterilizimit mashkullor dhe femëror. Institucionet e shtetit shqiptar, për kundër politikave të dyerve të hapura me Serbinë që aplikoi në mënyrën me të paprecedente qeveria Berisha, si dhe në shumë sektorë të tjerë, këtë çështje duhet ta trajtojnë si një element të Sigurisë Kombëtare, e cila ka të bëjë me goditjen e shëndetit të popullit, dëmtimit të sistemit të mjekësisë kurative dhe një goditje e drejtpërdrejtë e prodhimit vendas në prodhimin dhe konsumin e ushqimeve të përditshme, për të cilat tradita jonë popullore ka qenë shumë e shëndetshme. Përgjegjësia në këto situata alarmante duhet të kërkohet mbi të gjithë marrëveshjet e bashkëpunimit tregtar me shtetin e Serbisë, Maqedonisë dhe të Greqisë, mbi sistemin doganor të shtetit, mbi institucionet e kontrollit, mbi Zyrën e Mbrojtjes së Konsumatorit dhe mbi të gjithë ato organizma biznesi që deri tani kanë parë vetëm fitimet marramendëse, pa marr parasysh se cilët janë parametrat jetësor të produktit të tyre tregtar. Kjo situatë është pasojë e politikave të mbrapshta të qeverisjes “Berisha”, e cila i ka hapur dyert investimeve legale dhe ilegale serbe pa hesap në Shqipëri. Gjykojmë se institucionet e shtetit shqiptar do të kenë vullnetin e mjaftueshëm që të verifikojnë dhe neutralizojnë veprimtari të tilla me pasoja të rënda në shëndetin e popullit dhe do të vënë para përgjegjësisë të gjithë ata individë dhe institucione që janë bërë me ose pa dashje pjesë e kësaj veprimtarie, që do ta vlerësonim pa hezitim kriminale, kundër qytetareve tanë.

Telegraf

[Korcar-L1]

ti qenke dell fare.... ta ka fajin te tjeret qe shqiptaret bejne kontrabande me ilace? Ashtu sic do shtrosh ashtu dhe do flesh. Por meqense po perjetoke kete konspiracion sllavo-grek, mos harro te futesh dhe italianet ne corbe ...si duket atje prodhohen shume ilace enkas per shqiperine.

[Prudence]

po si i behet tani?ilace kemi pire te gjithe.

[loneeagle]

Kjo nuk eshte cudi, dihet qe shume ilace qe futen ne Shqiperi jane te skaduara ose te paaprovuara nga FDA, EU etc. . Kini kujdes me cfare kam degjuar ato qe prodhohen ne Gjermani & UK jane me te rregullta. Cdo ilac qe nuk thote qe eshte i aprovuar per tu shitur ne vende te EU nuk eshte i mire.

[Luarasi]

Do të ishte mirë që teksti të ishte më i shkurtë që të depërtonte në më tepër lexues. Shqiptarët nuk kanë qef të lexojnë tekste të gjata.

[benseven11]

Se pari,Ministria e Ambjentit dhe Industrise ushqimore,Ministria e bujqesise
dhe Ministria e Shendetsise duhet te kene program monitorizimi kunder lendeve radioactive,
prezente ne ushqim,fruta perime sidhe ushqimin qe hyn nga pikat doganore ne kufi dhe nga portet detare.
Ministria e Shendetsise gjithashtu duhet te monitorizoje gjithe ilacet qe prodhohen ne vend dhe ato te importuara per nivelin
e ngarkeses ne izotope radioaktive te uranit(k-40) dhe radonit.


Pjesa me e madhe e ilaceve dhe sidomos ilacet e reja,ilacet qe do eksportohen
duhet te testohen me materiale radioaktive perpara se ato te aprovohen si efektive,te sigurta(pa rrezik)ne perdorim.
Ilacet qe e kalojne testin me sukses kalojne per eksport per perdorim
Pse behet testimi i ilaceve dhe ushqimeve per ngarkese izotopesh?Testimi behet per te pare se sa eshte perqendrimi/kg,
dmth sasia e izotopeve per nje kilogram.Nqs sasia eshte shume e ulet dhe pa rrezik per shendetin,atehere ilacet dhe
ushqimet aprovohen per te dal ne qarkullim dhe shitur.
Radiacioni me uranium te dobet i njohur edhe si kalium-40(K-40)eshte evident
dhe i perhapur ne
1.Ujin e puseve dhe ujin e pijshem
2.Te bananet
3.Te gjalpi i kikirikut(peanut butter)
4.Arra e brazilit ka sasine me te madhe te radioizotopit k-40,mbi 4900 pCI/1kg
(piko kyri/kg eshte njesi matese e radiaconit)
5.Patatet e bardha
6.Bifteku i pjekur,birra e zakonshme ,birra jeshile
7.Te ekranet mbrapa, te televizoreve dhe monitoreve te kompjuterave
8.Te gjithe celularet,printerat skanerat.
9.Te madherbordet e kompjuterave.Pervec kesaj madherbordet e kompjuterave dhe bordet elektronike
te monitorave dhe televizoreve kane nje perzierje kimikatesh shume te qelbura dhe te rrezikshme per shendetin.
Grimca te ketyre kimikateve emetohen(clirohen,shkeputen) nga pjeset elektronike ne ajrin perreth.
10.Uraniumi ne doza/perqendrime te dobeta eshte prezent prane ujrave termale,puseve te ujit,
pusevete naftes,prane rafinerive,metalurgjive,prane gjithe manifakturve qe merrenme prodhimepjesesh mekanike/elektrike/elektronike dhe kimikatesh
11.Urani gjendet edhe tek guroret,praneminierave,prane burimeve,zonave ku nxirret bazalt,mermer,granit si dhene bizneset qe sharrojne granit,mermer
per te krijuar pllakatemedha dekorative.neketozona ka radiacion Uraniumi(K-40) si dhe radon-256
12.Izotope radioaktive perdoren edhe ne mjekesi per skanim, dhe kimioterapi per paciente te semure nga kanceri.Artikulli ne postin e pare flet per ushqim te ndotur me radiacionsi dhe ilace te ndotura me radiacion,pornuk jep fakt ku mbeshtetet,ku eshte prova qe e verteton dhe sa eshte ngarkesa ne pCi(pikokyri/1 kg ushqim apo ilace,
Nqs ngarkesa eshte e ulet atehere ky eshte nje alarm fallco ne media dhe nje rast i mire per te akuzuar serbet dhe greket.
Nqs shteti shqiptar nuk ka besim as te serbi as te greku atehere mos bej fare biznes,mos import asgje.
Nqs sipas protokolleve,kontrateve dhe kontrolleve,eshte certifikuar qe cdo gje eshte bere sipas rregullave dhe keto importe jane te sigurta dhe pa rrezik per shendetin atehere gazetari duhet hedhur ne gjyq per informacion te rreme,shpifje,nxitje frike ne media dhe ne popull dhe akuza te pa baza dhe duhet futet ne burg per shpifje.
Shteti shqiptar eshte pergjegjes ne rast se keto produkte futen,kalojne doganen pa certificate per monitorizimin e radiacionit,nga qeveria serbe/greke dhe kute shenohet sa eshte ngarkesa dhe vertetohet qe este product I sigurte dhe pa rrezik per popullaten.Nqs produktet futen pa certificate shoqeruse radiacioniatehere edhe shteti shqiptar eshte fajtor qe e lejon kalimin e mallit edhe qeveria serbe apo greke eshte pergjegjese dhe fajtore qe e leshon mallin pa certificate radiacioni..Mungesa e certifikates flet per dy gjera
1.Nuk eshte bere testim radiacioni fare i produkteve
2.Produktet kane radiacion shume te larte dhe shteti serb/grek
qellimisht nuk kane leshuar certifikate per te mbuluar te verteten dhe lene ne heshtje.