Rama: Ndalohen ndertimet e reja ne Berat, Kruje e Gjirokaster

[Antiproanti]

po te kishin pritur shqiptaret lejet e ndertimit nga shteti, ata do kishin ngele te gjithe ne kukes, korce, tropoje, berat....sepse shteti deri me sot s`ka dhene leje ndertimi.
kur nuk eshte e ndaluar me ligj te besh dicka, ti mund ta besh. deri tani nuk ka qene e ndaluar te ndertoje nje shtepi. varet nga administrata se kur ta legalizon.
mirpo keta marionetat po ndalojne me ligj ndertimin e shtepive private. nje gje te tille e ka bere franca ne korsike, sepse ajo kerkoja te mbaje nen kontroll popullin korsikan.

Fjala eshte per ndertimet qe jane bere pas hyrjes ne fuqi te ligjit, rregulloreve dhe procedurave te vlefshme, jo per cdo ndertim qe eshte bere qe nga Shekulli I...
Dhe jo per cdo fshat malor me 20 shtepi.
Nese nuk ka pase ligj, atehere cdo ndertim qe nuk eshte ndertuar p.sh. ne prone te huaj (private ose shoqerore), permes mashtrimit, keqperdorimit te pozites etj. eshte i ligjshem.

Une e di se jo vetem ne Shqiperi por edhe ne Kosove nuk respektohen ligjet, rregulloret dhe procedurat perkatese. Edhe pse ekzistojne dhe jane te detyrueshme.
Edhe kur shkelen, per shkak te lidhjeve te ndryshme familjare, miqesore, biznesore etj. te udheheqesve kompetent komunal, te policeve, te prokuroreve etj., ne shume raste nuk ndermerret asgje.
Fakti qe ekziston nje tradite e tille e mosrespektimit te ligjit, rregullave dhe procedurave nuk do te thote se duhet te mos ndryshoje asgje dhe te vazhdohet edhe vite apo shekuj me radhe ne te njejten menyre. Edhe fakti qe ai apo ata qe angazhohen per ndryshimin e kesaj tradite te papershtatshme me boten e qyteteruar mund te jene te nje partie politike kundershtare, nuk do te ndryshonte asgje ne legjitimitetin e ketyre angazhimeve.
As ne vendet me te zhvilluara te botes, ku keto gjera ne mase te madhe funksionojne, nuk eshte e garantuar qe politika apo ryshfeti te mos ndikojne ne favorizimin e personave dhe projerkteve te vecanta. Edhe atje ka ndikim, ryshfet dhe dukuri te ngjashme negative. Megjithate, kjo nuk eshte argument per te legjitimuar ne cfardo forme mosperfilljen e pergjithshme te ligjeve, rregullave dhe procedurave perkatese.

Se sa jane Rama&Co te sinqerte eshte ceshtje krejtesisht tjeter, e cila nuk duhet te diskutohet ne kontekst.
Rezultat e vendimeve direkte te Rames mund te maten me se miri direkt nga qytetaret, te cilet me se miri mund te vleresojne se a eshte vepruar drejte (ne te miren e tyre) apo jo. Nese shumica e qytetareve te bashkive dhe komunave perkatese mendojne se angazhimi i Rames&Co ishte kontraproduktiv, i pasinqerte, i padrejte, i nderlidhur me interesa te ngushta partiake, personale etj. atehere mund ta ndeshkojne Ramen dhe partine e tij, me se voni ne zgjedhjet e ardhshme lokale, pas rreth dy vitesh.

[benseven11]

Bllokimi indertimeve,jam dakort por duhet ti jepet shans ndertusave te ngrejne pallate te reja,
banesa jashte vijave te verdha te qyteteve ekzistues.Dmth te hidhen hapat e pare me
ndertime te reja per te ngritur nje qytet te ri,Berat i Ri modern jashte Beratit te vjeter.
Nje Kruje dhe Gjirokaster e Re moderne jashte vijave te verdha.
Bllokimi I ndertimeve ne qytetet ekzistuse do shoqerohet me restaurime,
por vjen me pasoja shume negative per popullsine ne rritje.
brezi I ri ne keto qytete ne moshe per tu martuar do kerkojne shtepi banimi te reja.
Ku do strehohen keto ne qytetin ekzistues nqs ndertime te reja do bllokohen?Biznese
te reja do kene nevoje per ndertesa te reja,ku do i gjejne?
Kryeministria duhet te dale me nje plan B per krijimin e versioneve moderne te qyteteve jashte
vijave te verdha.Jashte vijave te verdha duhet te krijohet nje plan urbanistik
per popullimin me banesa dhe biznese dhe rruget.
Qyteti I ri,modern duhet te jete i distancuar nga distrikti historik.
Qytetet e vjetra te konsiderohen distrikt historik dhe te jene nen mbrojtjen
e shtetit ndaj demtimeve dhe financohet me programe restaurimi periodik ne kohe.
Ky bllokim ndertimesh mund te shtrihet ne kohe mbi 10 vjet dhe gjate kesaj kohe
popullsia do shtohet dhe rriten kerkesat per strehime dhe banesa te reja.
Krijimi i nje versioni modern te qytetit zgjidh problemin.

[Albo]

Gëlqere dhe karabina, Kruja një ditë pas moratoriumit

Vladimir Karaj

Rrugës së ngushtë me kthesa për në Krujë, autobusëve me gjimnazistë të Kosovës u duhet jo rrallë herë të shkëmbehen me kamionë plot gurë të bardhë që shkojnë të digjen pak më poshtë në Fushë-Krujë në furra me goma të përdorura. Ministria e Mjedisit njoftoi se i kishte bllokuar (mbi 100 ) prej këtyre dhe madje qeveria në një nga vendimet e para pezulloi një leje shfrytëzimi për gur në Krastë të Krujës, por dje edhe pse ndoshta jo me të njëjtën shpeshtësi si më herët furrat që e mbushin zonën me ajër të rëndë të gomave të djegura ishin në punë. Shtëllungat e zeza të tymit që dalin kur ato ndizen e tradhtojnë aktivitetin që duhej të ishte i pezulluar. Gjimnazistët nga Prishtina që kishin mbushur plot dje rrugicën e Pazarit të Vjetër, do ta kenë të vështirë edhe të bëjnë një foto me ketë sfond, pa futur në panorame edhe karabinatë që lartohen mbi shpinë të pazarit historik (prej me shumë se 5 vitesh). Tre karabinat ende në ndërtim ngrihen e zgjaten prej vitesh dhe askush nuk e di ku do të mbarojnë dhe nëse do të mbarojnë. Ndërkohë në vazhdim të pazarit një imitim i shëmtuar me beton dhe gati njëherë më i madh është zgjatur deri në portat e kalasë. Kaq është sa shihet e dallohet me sy të lirë gjendja e Krujës një ditë pasi qeveria shpalli këtë zonë të mbrojtur dhe urdhëroi ndalimin e çdo ndërtimi.

Dje sidoqoftë vinçat dhe betonieret vazhduan të punojnë në Krujë. Çekanët e muratorëve po ashtu dëgjoheshin qartë në qytetin që turbullohet veç prej zërave të turistëve dhe përndryshe është i qetë. Ndërkohë ajo që e bën më të frikshme situatën e ndërtimeve mbi apo në zonën historike nuk është fakti që aty është ndërtuar, por shufrat e hekurit mbi soleta që tregon se pjesa më e madhe ende nuk i kanë vënë çatitë dhe gjasat janë që ndërtimet të lartohen. Qeveria dje i bllokoi ndërtimet. Nuk dihet sa do mund të arrijë t’i bllokojë edhe në terren ato dhe përtej kësaj nuk dihet as çfarë do të bëhet me karabinatë që i kanë mbirë qytetit dhe që e kanë shëmtuar atë.

Ndërsa je në kala, poshtë teje veç disa liqeneve artificiale dhe ullishtave është edhe Krasta e Krujës apo Krastakrau i Bilal Xhaferrit. E gjithë kjo është kthyer prej vitesh në një kodër të shëmtuar, sikur dikush që ka ndonjë sëmundje lëkure. Gropat e krijuara prej guroreve e kanë degraduar deri në atë pikë sa për shumë gjithçka është e pakthyeshme. Vit pas viti një vizitorë i rregullt, mund të shohë se si zmadhohen njollat e bardha prej nga vazhdimisht ngrihet pluhuri i makinerive që gërryejnë prej aty gurin gëlqerorë duke krijuar ca si hone mes ullishtave. Në Krujë njerëzit janë të ndarë rreth asaj që duhet të bëhet me gjithë këtë. Ata në një krah e kuptojnë që vendit po i fshihet një pjesë e bukurisë e më anën tjetër ankohen se bllokimi i guroreve dhe gëlqeres do të lërë pa punë 300 e kusur frymë. Përballë kësaj ata sidoqoftë nuk kanë shumë zgjedhje. Turizmi siç thonë nuk është më si dikur. Restorantet që shtohen gjithmonë në numër ashtu si tezgat e çinglamingave kineze (me ndonjë gjë të rrallë artizanale) nuk sjellin më të njëjtin fitim dhe qyteti varet pikërisht prej këtyre dhe gurit gëlqerorë. Ky i fundit, që është kafshatë buke për pjesën më të madhe dhe sigurisht fitim i majmë për pak të tjerë, është parë deri tani si e vetmja mundësi ekstra për qytetin dhe Fushë-Krujën që ndodhet në këmbë të tij. Por krutanët e dinë shumë mirë se sado që të zgjasë gërryerja e Krastës një ditë asaj do t’i vijë fundi dhe ky nuk do të jetë vetëm fundi i saj, por edhe i turizmit të qytetit. Në Kala, ata që edhe mbahen nga turizmi, janë ankuar prej kohësh për erën e rëndë dhe ndotjen prej furrave të gëlqeres. Në fakt cili turist do të ulej në verandën prej nga mund të shohësh në pëllëmbë të dorës fushat poshtë Krujës deri në det dhe bashkë me ushqimin të thithë edhe erën e gomave që digjen e që e bëjnë panoramën t’i ngjajë një miniferri me shtëllunga të zeza tymi që mbinin si prej hiçit.

Qeveria ka premtuar se do ta ndalojë gjithë këtë, por ndërkohë nuk ka bërë të ditur se si do t’ia zëvendësojë qytetit vendet e punës që humben dhe as se si do të rikuperohet ajo pjesë që është dëmtuar. Bllokimi sidoqoftë është një hap i parë që duket në rregull, e vetmja gjë që mbetet të bëhet është të vihet në zbatim, para se mbi shufrat e hekurit që rrinë gati bashkë me kukullat e flamujt e lidhura mbi to për bestytni të hidhet soleta e radhës.

MAPO