Jemen, vritet truproja e ambasadores Carolla Holtkemper pas një sulmi

[shigjeta]

Jemen, vritet truproja e ambasadores Carolla Holtkemper pas një sulmi

JEMEN-Vritet truproja i ambasadores Gjermane ne Jemen, Carolla Muller Holkemper. Ngjarja është shënuar në kryeqytetin e Jemenit në zonën e Hadas-it, aty ku është përqendruar edhe blloku i ambasadave të huaja.

Mediat e huaja raportojnë se truproja ka mbetur i vrarë, në dalje të një supermarketi teksa përpiqej të mbronte ambasadoren nga sulmi. Ende nuk dihet identiteti i viktimës, ndërsa nga sulmi ambasadorja gjermane nuk ka pësuar lëndime.

Fillimisht nga mediat u raportua se bëhej fjalë për një tentativë rrëmbimi të ambasadores. Megjithëse nuk ka një kofirmim zyrtar nga autoritet gjermane, mediat e huaja raportojnë se sulmi kishte objektiv truprojën dhe jo ambasadoren.

Në muajin gusht Gjermania, pas ambasadës së SHBA-se mbylli selinë e saj në Jemen, për shkak të paralajmërimi për një sulm në Lindjen e Mesme. Carolla Muller Holkemper, ka qenë ambasadore në Shqipëri nga viti 2010 deri në korrik të 2013.

(m.s/News24/BalkanWeb)