Ne lidhje me Gjandrat !?

[Lexuesi_]

Pershendetje desha te dij cfar jan Gjandra Tiroide limfoma. Dhe sa eshte e rrezikshme per jeten e njeriut si trajtohen keto a mund te kryhen keto trajtime ne Kosove dhe Shqiperi ?
Si shfaqen keto pse shfaqen ?
Ju shnes Lexuesi_

[Linda5]

http://gazetadita.al/gjendrat-tiroide-faktoret-qe-e-shkaktojne-dhe-perkujdesja/

Nuk e di a te ndihmon ky linku.

Une jam kuruar ne Shqiperi,para shum vitesh,por shkenca ka ecur perpara tani.

Te pershnes Lexus

[broken_smile]

Lexues, je i sigurt qe behet fjale per linfoma te gjendres tiroide? mund te me thuash si u diagnostikua? dmth nepermjet ciles metode arriten mjeket ne kete konkluzion?

[Xhuxhumaku]

Kurat popullore për gjëndrat tiroide
Publikuar më: 09/10/2013 10:51

tiroidet 2Gjëndrat tiroide (me mungesë dhe tepricë jodi), gjenden në pjesën e mesme të fytit dhe shërbejnë për të rregulluar metabolizmin me hormonet e tij. Me fjalën metabolizëm, shprehet shpejtësia ose frenimi i djegies së substancave ushqimore në inde për të prodhuar energji, si edhe për zhvillimin e organeve të ndryshme të trupit. Funksioni i gjëndrave tiroide varet shumë dhe nga sasia e jodit që hyn në organizëm. Gjëndrat tiroide kanë këto shenja: dalja jashtë e kokërdhokëve të syrit, sytë janë të shkëlqyeshëm e të gjallë, kanë dridhje duarsh, kanë dobësim trupi, rrahjet e zemrës bëhen më të shpeshta dhe më të forta. Të sëmurët me gjëndra tiroide preken shpejt, qajnë për hiç gjë, kanë dhimbje koke, lëkura rri e djersitur dhe e ngrohtë, shpesh e skuqur, kanë heqje barku, çrregullime menstruacionesh tek gratë, shtrëngesa të gjoksit, bllokim të frymëmarrjes.

Struma

Është një sëmundje që shoqërohet me zmadhimin e gjëndrës tiroide, shfaqet më tepër tek gratë në çdo moshë. Gjëndrat zmadhohen në forma dhe mënyra të ndryshme. Për shembull, gjëndrat zmadhohen në mes ose në të dyja anët, apo njëra anë me përmasa të ndryshme, disa herë në një kohë të shkurtër, disa herë gradualisht. Gusha endemike (struma), quhet ajo sëmundje që shkaktohet nga mungesa e jodit në vendet malore. Personat shqetësohen nga pamja jo e bukur e fytit. Zakonisht gjëndrat tiroide me mungesë jodi gjenden tek personat në vendet malore, kurse ato me tepricë të jodit, në bregdet. Ka raste shumë të rralla që tek ndonjë person ndodh e kundërta. Gjëndrat tiroide me tepricë të jodit janë më të vështira për kurim, sesa ato me mungesë jodi.Kurimi për mungesë jodi. Në 1 litër raki të fortë rrushi 18 gradë, tretni 1 kg sheqer dhe pastaj hidhen 40 kokrra arra të vogla (kur kanë push përsipër). Ena mbulohet dhe mbahet 40 ditë në vende të errëta. Pihet 1 filxhan, 2 herë në ditë, në mëngjes esëll dhe në darkë para gjumit. Kjo është metoda për personat që vuajnë nga mungesa e jodit. Personat që kanë gjëndra tiroide me mungesë jodi, duhet të mbajnë te koka e krevatit një degë pishe me bohçen e saj, që çliron jod me grykë hapur nga darka në mëngjes. I sëmuri me tiroide duhet të konsumojë sa më shumë hurma të pjekura mirë, mundësisht të qullosura. Pra në vjeshtë, kur është dhe stina e këtij fryti, të hahen një orë para buke nga 6-10 kokrra për 30 ditë. Ata që vuajnë nga gjëndrat tiroide duhet të pinë çdo ditë lëngun e 1-3 kokrra limoni, ose 50 gr lëvore që zihen në 500 gr ujë për 20 minuta; ky lëng pihet 2 herë nga 1 filxhan kafeje esëll në mëngjes. Duhet të konsumoni edhe mishin e peshkut që rritet në det, që ka shumë jod, dhe jo ata peshq që rriten në liqene me ujëra të ëmbla.

http://www.gazetarepublika.al/2013/1...ndrat-tiroide/

[Xhuxhumaku]

Si t’i parandalojme gjendrat tiroide ?
Publikuar më: 12/09/2013 9:16

tiroidet 2Sëmundja e gjëndrave të tiroideve është shqetësuese për një pjesë të mirë të popullsisë që janë të prekur nga ajo.

Çfarë janë gjëndrat tiroide?

Gjëndra tiroide është e vogël dhe ka formën e një fluture. Ajo gjendet në pjesën e përparme të qafës. Tiroidi formohet nga dy lobe që mbështjellin trakenë dhe e tërë gjëndra peshon jo më shumë se 30 gramë. Tiroidi është pjesë e sistemit endokrin, i cili përbëhet nga disa organe dhe inde që prodhojnë, mbajnë dhe sekretojnë drejt e në gjak hormone lajmëtarë kimikë. Tiroidi përbëhet nga shumë folikula ose qeska të mbushura me lëng veshtullor, ku gjenden hormonet e tiroidit. Këto hormone kanë përmbajtje të madhe jodi. Në, fakt 80 për qind e jodit në trupin e njeriut gjendet në tiroid. Mungesa e jodit në ushqim, mund të shkaktoj zmadhimin e tiroidit.

Cili është funksioni i tiroidit?

Hormonet e tiroidit rregullojnë shkallën e metabolizmit në trupin e njeriut. Ato nxitin rritjen dhe përtëritjen normale të indeve. Ndikojnë në ritmin e zemrës dhe kujdesen të prodhohet energji për muskujt dhe për nxehtësinë trupore. Funksion tjetër është se ai ndihmon mëlçinë që të heqë nga gjaku trigliceridet e tepërta dhe lipoproteinat me dendësi të ulët, që quhet kolesterol i dëmshëm. Nga ana tjetër, mangësia e madhe e hormoneve të tiroidit mund të shkaktojë rritjen e kolesterolit të dëmshëm dhe pakësimin e lipoproteinave me dendësi të lartë, pra kolesterolin e dobishëm. Në aparatin tretës, hormonet e tiroidit përshpejtojnë sekretimin e lëngjeve tretëse.

Cilat janë shkaqet e keqfunksionimit të gjëndrave tiroide ?

Siç e përmenda dhe në fillim keqfunksionimi i tiroidit mund të jetë pasojë e mungesës së jodit në ushqim, lodhjes fizike , stresit mendor, defekte gjenetike, infeksioneve, sëmundjeve ose efekteve anësore të ilaçeve që përdoren për të kuruar sëmundje të ndryshme. Zmadhimi i tiroidit mund të jetë simptomë e ndonjë sëmundjeje. Zmadhimi mund të jetë i përgjithshëm ose në formë nyjash. Zakonisht tiroidi i sëmurë prodhon hormone me tepri ose me pakicë. Prodhimi me tepri quhet hipertireozë, ndërsa prodhimi me pakicë , hypotireozë.

Cilat janë simptomat që ka një njeri i sëmurë nga tiroidi?

Në rastin e hipertierozës simptomat janë: nervozizmi i tepruar, rënia e pa shpjegueshme në peshë, rrahje të shpeshta të zemrës, shtim i lëvizjeve të zorrëve , çrregullime të menstruacioneve , acarim, ankth, luhatje të humorit, sy të dalë, debulesë muskujsh, pagjumësi, si dhe flokë të hollë dhe delikat. Ndërsa , hypotireoza shkakton plogështi mendore, shtim peshe i pa shpjegueshëm, rënie flokësh, kapsllëk, ndjeshmëri e jashtëzakonshme ndaj të ftohtit, çrregullime të menstruacioneve ,depresion, ndryshim të zërit(trashje ose ngjirje) ,humbje të kujtesës ose lodhje.

Si mund t’i kurojmë gjëndrat tiroide ?

Në rast se ne kemi probleme me tiroidet duhet të bëjmë analizat. Në rast se analizat tregojnë se tiroidi ka aktivitet të ulët , zakonisht rekomandohen analiza për të gjetur antitrupat që sulmojnë gjëndrën. Nga ana tjetër, nëse analiza tregon se ka aktivitet të lartë , zakonisht bëhet një shintigrafi (ekzaminim ku përdoret jodi radioaktiv) me kusht që pacienti të mos jetë grua shtatzënë apo që ushqen me gji fëmijën. Kur zbulohen, nyjëza, në tiroid mund të nevojitet biopsia për t’u siguruar që nuk bëhet fjalë për masa malinje.

Si mund t’i parandalojmë problemet me tiroidin?

E rëndësishme është që ushqimi që marrim të përmbajë jod mjaftueshëm. Një mënyrë e shkëlqyer për të marrë këtë element jetikë është ngrënia e peshqve të ujërave të kripura , si dhe frutat e detit. Ndërkohë që, sasia e jodit në zarzavate dhe mishra ndryshon në varësi të përbërjes kimike të tokës. Për të kompensuar mungesën e këtij elementi në ushqim, mund t’i shtohet jod artificialisht kripës së gjellës( veprim që e ndërmerr qeveria). I rëndësishëm për tiroidin është dhe seleni. Edhe sasia e selenit në zarzavate, mish dhe qumësht varet përsëri nga përbërja kimike e tokës. Frutat e detit dhe arrat e Brazilit kanë me bollëk këtë element.

Cilat zarzavate nuk duhet të përdorim gjatë kohës së kurimit?

Zarzavatet që nuk duhet të përdorim gjatë kohës së kurimit kur jemi me hypotireoz janë: bizelja, lakra, lulelakra, fasulja sepse këto thithin shumë jodin. Mirë është të marrim dy hurma në ditë, jod dhe kripë të jodizuar dhe njëkohësisht gjatë verës duhet të shkojnë në plazh, kurse të sëmurët që vuajnë nga hiperteroza nuk duhet të shkojnë në plazh gjatë kohës që janë me diagnozë.

http://www.gazetarepublika.al/2013/0...ndrat-tiroide/