Ministria e Mjedisit bllokon 109 furra gëlqereje, zbardhet lista

[Archon]

Ministria e Mjedisit bllokon 109 furra gëlqereje, zbardhet lista

Sipas statistikave mjekësore, 26.1 për qind e popullsisë që jeton në këtë zonë ka probleme të funksionimit të sistemit aspirator dhe kardiovaskular.

Çdo familje në Fushë-Krujë ka një furrë gëlqereje të sajën. I hapin pa i marrë leje askujt, pasi i kanë në tokën e tyre. të paktën kështu ka ndodhur deri më tani, ku në të gjithë këtë zonë numërohen mbi 400 furra gëlqereje, që përdorin si lëndë të parë gomat e importit. Duke bërë që me të vërtetë banorët fitojnë ca para më shumë, por dëmtojnë seriozisht shëndetin e të gjithë zonës.

Ministria e Mjedisit ka nisur dje aksionin për bllokimin e 109 furrave të para që ushtronin aktivitetin pa asnjë lloj lejeje, ndërkohë që edhe pjesa tjetër do të kalojë në sitë për të parë nëse i plotësojnë kriteret për të ushtruar këtë aktiviteti apo jo. “Shqiptarja.com” zbardh sot listën e furrave të bllokuara që vihet re se janë biznese familjare.

Ambientalistët

Furrate gëlqeres në këtë zonë kanë bërë që banorët të mos thithin më ajër, por smog. Sipas specialistëve të mjedisit, këto gropa gëlqereje përmbajnë elementin CaCo3, që gjatë thërrmimit të gjendjes së tij të ngurtë lëshon në ajër pluhur që përmban dioksid karboni (Co2). Edhe në furrat e pjekjes krijohet e njëjta situatë. Kjo gjendje dëmton rëndë biodiversitetin e zonës, habitatët, ul cilësinë e ajrit, rrit sasinë tymrave dhe grimcave në ajër dhe mbi të gjitha dëmton shëndetin e banorëve.

I gjithë ky reaksion zinxhir shkakton të banorët e kësaj zonë probleme seriozë më frymëmarrjen. Nga simptomat vuajnë edhe banorët e fshatrave përreth. Problemi më i madh i ndotjes vjen ngaqë gëlqerja nuk digjet më dru, por më goma dhe më lëndë të tjera plastikë. ”Të gjitha këto lëndë djegëse çlirojnë në atmosferë gazra helmues të dëmshëm për shëndetin. Sipas statistikave mjekësore, 26.1 për qind e popullsisë që jeton në këtë zonë ka probleme të funksionimit të sistemit aspirator dhe kardiovaskular.

Ndërkohë që prej shumë vitesh nuk janë bërë matje të grimcave të dëmshme që qarkullojnë në ajër. Por mund të themi pa frikë se djegia e furrave të gëlqeres është një nga faktorët kryesorë që po i merr frymën këtij qyteti. Banorët janë përballë një rreziku serioz për shëndetin e tyre nga tymrat që lëshojnë djegiet e gomave, mbetjeve plastikë”, - na thonë ambientalistët.

Sëmundjet

Sipas specialistëve të Shëndetit Publik të Krujës niveli i ndotjes në këtë zonë ka shkatuar probleme serioze në shendetin e banorëve duke filluar që nga sëmundjet polmunare, astma bronkiale dhe tumoret.

SHQIPTARJA.com

[Ziti]

shume mire ka bere qeveria e re.
gelqerja duhet te blihet ne serbi ose greqi, ndersa shqiptaret duhet te bejne vetem pune zyre.