Gjykata Kushtetuese: Vendimi i qeverise per Aktin Normativ antikueshtetues

[Albo]

‘Nëpunësi civil’, Basha-Ramës: E bëmë gati statusin, ndaj thirri mendjes, mos shty ligjin!

TIRANE- Kryetari i Partisë Demokratike, Lulzim Basha i ka bërë thirrje sot kryeministrit Edi Rama të mos prishë konsensusin e arritur për ligjin mbi nëpunësin civil. Deklarata u bë gjatë mbledhjes së grupit Parlamentar të PD-së, pak momente para nisjes se seancës plenare në Kuvend.

Sipas Bashës, e djathta ia la gati marrjen e statusit në Bruksel së majtës dhe kjo e fundit duhet respektojë konsensusin që dha për 3 ligjet para shtatorit.

“Ligji për shërbimin civil ishte një ndër 3 ligjet e famshme me të cilat e majta privoi Shqipërinë nga marrja e statusit të vendit kandidat për në Bashkimin Europian. Por, tani po nëpërkëmbet ligji për nëpunësin civil. Këto 3 ligje i bllokoi Edi Rama. Më pas PS dhe LSI iu kthyen kërkesës sonë që 3 ligjet të miratohen, por me një kusht, të hyjnë në fuqi më 1 shtator. Rama tani në pushtet mendon ta hedhë në erë”.

Në këtë pikë, Basha i drejtoi 2 apele Ramës.
“Në emër të PD, të aleatëve tanë, dua ti them 2 gjëra të thjeshta, e para hiqe nga mendja mos e tento. Konsensusi është një vlerë e vecantë të cilën duhet ta ruajmë fort si nyje për ecjen përpara të vendit. Vendi do të ketë nevojë për konsensusin ndërpartiak po aq sa për debatin, nëse shkelmohet ky konsensus përgjegjësia dhe pasojat do të bien mbi Ramën dhe qeverinë e tij. Ky akt do cojë në shkallmimin e Shërbimit Civil. Së dyti, nëse shkelmohet konsensusi për ligjin për nëpunësin civil, pasoja do bien mbi Ramën qeverinë e tij. Nëse shkelmohet pasojat do bien mbi nëpunësin civil, ndaj përpjekjeve të qindra ekspertëve për hartimin e tij, shkelmohen përpjekjet e viteve të tëra në ngritjen e nëpunësit civil. Shtyrja e hyrjes në fuqi të këtij ligji rrezikon statusin”.

Kryetari i PD-së theksoi se qeveria e re e ka gati marrjen e statusin në sajë të përpjekjeve që ka bërë qeveria paraardhëse. “Shkatërrimi dredharak me justifikime të paqëna është një kundër-investim lidhur me aspiratat e Shqipërisë në frontin evropian. Qytetarët europianë duhet ta dinë se pasi bllokuan statusin për 3 vjet tani nuk kanë punë tjetër vetë të shkojnë në Bruksel dhe ta marrë atë. Ua kemi lënë ne, të gjitha gati, ndaj ti thërrasë mendjes”.

Basha theksoi se sindroma e vitit zero po shkel shtetin ligjor, korpusin e ligjeve të krijuara gjatë këtyre viteve, rregullat dhe funksionim e qeverisë dhe të Kuvendit.

“Në këtë start të mbrapshtë Rama po kërkon t’u diktojë shqiptarëve një mesazh; ligji jam unë. Duke dëshmuar një mentalitet të vjetër për vlerën e shenjtë të ligjit të demokracisë, si kushti numër një i progresit shoqëror. Paralajmërimet tona të vazhdueshme për t’iu përmbajtur betimit që kanë bërë dhe për të zbatuar ligjin, nuk po zgjohen, fryma revanshiste po ngjit shkallë të reja, po shënjestron arritje të tjera të shtetit ligjor. Paralajmërohet shtyrja e ligjit të nëpunësit civil, nëse ndërmerret ky do të ekzekutonte konsensusin ndërpartiak.”- tha Basha.

KUVEND-BERISHA: RAMA PO KËRKON SHTYRJEN E STATUSIT

Ish-kryeministri Sali Berisha akuzoi të enjten në Kuvend Kryeministrin Edi Rama se po tenton të bllokojë marrjen e statusit në muajin dhjetor, duke rrëzuar konsensusin për ligjin e 'statusit të nëpunësit civil'.
"Dua të shfrytëzoj këto dy minuta për një alarm të madh që bie për bashkëkryeministrin për të shtyrë me çdo kusht statusin nga muaji dhjetor që ai të mos i atribuohet Partisë Demokratike dhe qeverisë së saj", deklaroi Berisha në fillim të seancës së sotme.
"Informohem se është përgatitur akti normativ për të rrëzuar konsensusin, mosdhënia e të cilit mbajti peng statusin. Gabim fatal nëse marrim veprime për ta shtyrë atë. Ministri i Jashtëm, bashkë me kryeministrin, kanë mashtruar në Bruksel për akte që nuk janë ashtu, por kam besim se kjo zgjidhet nga kryesia e parlamentit shqiptar, që vendi të mos humbasë statusin në dhjetor. Humbja e tij është një dënim i madh për shkak të zgjedhjeve europiane që ndodhin në mesin e vitit të ardhshëm", tha Berisha.

(d.b/BalkanWeb)

[shigjeta]

Nëpunësi civil, Celibashi i përgjigjet Bashës: Do të ribëjmë ligjin

Vetëm disa orë pasi kryetari i PD-së Lulzim Basha, i kërkoi mazhorancës të mos cënojë ligjin për nëpunësin civil të miratuar më parë me consensus, ministri për Marrëdhëniet me Parlamentin Ilirjan Celibashi deklaroi se mazhoranca do e ndryshojë këtë ligj. Debati bëhet për ndryshime në administratë me ardhjen e PS-së në pushtet. Celibashi tha për mediat se Ligji për “Nëpunësin Civil” ka nevojë për ndryshime, pasi në formën që është ligji është i pazbatueshëm.

Në një prononcim për median Celiashi tha se pas 1 tetorit do të ndërhyhet në ligj dhe se do të kërkohet konsensusi i opozitës për ndryshimet. Celibashi tha se do të rishikohen dhe 14 pr/ligje të miratuara nga qeveria e mëparshme.

“Ky ligj në momentin që hyn në fuqi është i pazbatueshëm. Ne duam ta bëjmë objekt te diskutimit patjetër këtë çështje pasi ky është një ligj që ka kaluar me konsensusin e të gjithë spektrit politik. Është një ligj që ka gjetur pëlqimin edhe nga institucione ndërkombëtare, por ka çështje që ne mendojmë që nga pikëpamja juridike të rishikohen, me qëllim që ligji të bëhet i zbatueshëm. Askush nuk kërkon që të hiqen ato garanci që ky ligj i sanksionon në momentin kur ai hyn në fuqi për gjithë korpusin e shërbimit civil dhe nënpunësit civil . Mendoj se ka argumenta juridike. Shpresoj që ta debatojmë këtë çështje duke gjetur konsensus me të gjitha palët. Ne nuk jemi ulur për ta diskutuar. Ndoshta duke u ulur do të kuptojmë që është një çështje e thjeshtë që këtu s’ka qëllime politike për të bërë lëvizje në administratë etj. Ka nevojë për rregullime që ligji të bëhet i aplikueshëm në 1 tetor .Opinioni ynë, bindja jonë juridike është që në 1 tetor ky ligj, pra atë çka ky ligj përfaqëson, ky është një ligj kuadër nuk është ligj i aplikueshëm drejt përsëdrejti. Ai kërkon që të shoqërohet me akte nënligjore,”deklaroi Celibashi.

MAPO

[shigjeta]

PS mbajti vendin peng per statusin ne BE duke mos miratuar 3 ligjet per gati 1 vit, kohe mjaftueshem per te menduar, studiuar, debatuar... se sa te zbatueshem ishin keto ligje, por nuk e beri. As kur vendosi kushtet per miratimin e tyre ne seancen e jashtezakonshme parlamentare, nuk u permenden keto "mangesi" per ligjin. Ndersa tani kur ligji duhet te hyj ne fuqi, afer dates per miratimin e statusit si edhe garantimin qe i jep nepunesit nga "fshesa politike", ligji del "i pazbatueshem"?!
Nuk ka "rilindje", me pelqen ligji sa jam ne opozite, por nuk eshte i pelqyeshem kur duhet ta zbatoj si pozite...

[daniel00]

Po populli per te bere keto pastrime funderinash nga administrata ja dha koalicionit te majte 1 milion vota . Ku ka rilindje pa zhdukur nga administrata gjithe ato vemje qe pine gjakun e njerezve kaq vjet .

Pafytyrsia eshte sheshit ne Shqiperi sepse ata te korruptuar qe jane mase e gjere militantesh servil kaqol e funderina , duhet jo thjesht te pushohen por edhe te denohen penalisht per çdo vjedhje ne çdo nivel te pushtetit qe kane pasur . Dhe vjedhja per çdo vit shkon ne miliarde dollar , pra pafytyrsia e kesaj teme dhe e kesaj propagande eshte e skajshme .

Une po pres kur do denohen dhe sa do denohen qe ne krahasim me vjedhjet perseri do te jene shume pak ne mos fare .

[Noellag]

Daniel, konceptimi yt per te denuar ata qe i mendon si kundershtare eshte konceptim komunist qe per fat te mire eshte shembur me kohe dhe ka mbetur ne memorjen tuaj nostalgjike. Ne qoftese ti mendon qe dikush eshte i korruptuar atehere duhet te kesh fakte qe ai eshte i korruptuar dhe me pas e denoncon ne prokuroi. Qeveria duhet te zbuloje me fakte korrupsionin ne administrate , i arreston dhe i con ne ndekje penale ne prokurori dhe ne gjykate. Keshtu fuksionon demokracia, jo me urrejtje tipike komuniste duke thene qe te hiqen nga puna te gjithe, te denohen ngaqe i mendon si kundershtar apo si militant i nje partie .

Fatkeqesisht disa njerez si Danieli jane ne delir me 1 milion vota, kur vetem para disa kohesh njerez si Danieli e shane Ilir Meten me liber shpie si pjese e qeverise Berisha. Tani njerez si Danieli na mburren me votat e 17 deputete te Ilir Metes si historike , pra njerez si Danieli delirojne me afer 200 mije vota e nje pjese qeverie dhe se partia socialiste mori rreth 700 mije vota me 65 deputete njesoj si ne 2009 , pra qe njerezit si Danieli nga deliri i fitores te lepirjes b.... per Ilir Meten nuk arriojne te kuptojne mesazhin e 1 milion votave.
Votat per LSI- ish pjese e qeverise Berisha jane marre nga zona me bastionet te djathta, jane vota pragmastite ne interesin personal e votuesve per premtimet gjate fushate si shendetsi falas, legalizim falas, ulja taksave per 95 % te shqiptareve, ulja te takses te biznesi i vogel etj.. Nese nuk mbahen premtimet, keto votat pragmatiste kalohen te gjitha per Partine Demokratike dhe pastaj njerez si Danieli do ngelen me gisht ne goje dhe deliri do mbetet kujtim ; Ku shkuan 1 milon vota?

[Antiproanti]

Po populli per te bere keto pastrime funderinash nga administrata ja dha koalicionit te majte 1 milion vota . Ku ka rilindje pa zhdukur nga administrata gjithe ato vemje qe pine gjakun e njerezve kaq vjet .

Pafytyrsia eshte sheshit ne Shqiperi sepse ata te korruptuar qe jane mase e gjere militantesh servil kaqol e funderina , duhet jo thjesht te pushohen por edhe te denohen penalisht per çdo vjedhje ne çdo nivel te pushtetit qe kane pasur . Dhe vjedhja per çdo vit shkon ne miliarde dollar , pra pafytyrsia e kesaj teme dhe e kesaj propagande eshte e skajshme .

Une po pres kur do denohen dhe sa do denohen qe ne krahasim me vjedhjet perseri do te jene shume pak ne mos fare .

Shteti nuk behet ashtu sic propozon ti...
Ashtu mund te behet vetem diktatura.
Shteti duhet vetem t'ju permbahet ligjeve,rregullave dhe kompetencave te vlefshme. Vleresimin e punes se secilit e bejne pastaj organet kompetente. Nese kishte shkelje, atehere ato duhet te sanksionohen gjithashtu mbi bazen e respektimit sa me te plote te ligjeve dhe kompetencave.

Nuk nderrohet cdo nivel i administrates publike permes votes ne cdo kater apo tete vite.
Duhet te pajtohemi qe ta ndajme pushtetin me njeri tjetrin, pavaresisht a na pelqen apo jo ideologjia, partia, besimi... i tjereve.

[daniel00]

Cfare diktaturash thone keta kur une po them qe hajdutet e kriminelet i denon vjedhja e tyre . Nuk mbulohet dielli me shoshe ore derdimene qe llomotisni budalleqe ndaj meje . Ja ku jane faktet qe duhet bere gjyqi dhe te nxirren pergjegjsite e te gjitheve dhe vitet e burgut .

GLOBAL FINANCIAL Integrity: Shifrat per
evazionin fiskal ne Shqiperi,
ne nivel skandali

Nuk eshte e vertete se Shqiperia ka «pompuar» jashte shume me pak para ilegale, ne
krahasim me vendet e tjera te GLOBAL FINANCIAL INTEGRITY rajonit. Ne vlere absolute ndoshta po. per shkak te raportit te popullsise. Por nese sasia e parave qe rrjedh jashte nga evazioni fiskal, kontrabanda dhe korrupsioni pjesetohet me popullsine. menjehere Shqiperia ze nder
vendet e para ne bote, ndoshta menjehere pas Nigerise, Ganes. Zambias apo
Afganistanit. Per kete arsye. raporti i organizates Global Financial Integrity (Integriteti
Financiar Global) ka qene sa trondites per ata qe kuptojne. aq edhe denoncues.
Largimi i parave eshte kryer permes korrupsionit, evazionit fiskal apo aktiviteteve te
tjera ilegale. Parate nga evazioni fiskal luajne rolin e luanit. Nxites. ne mos edhe
lehtesues te largimit te ketyre parave nga vendi jane pa dyshim politikanet dhe zyrtaret
e korruptuar te vendit. Por shkalla e identifikimit, kapjes apo goditjes se tyre nga
institucionet luftuese te korrupsionit, si Prokuroria apo ILDKP ka qene afer zeros. Dhe keta zyrtare e politikane ne 8 vitet e fundit jane shtuar ndjeshem, po aq sa dhe jane sofistikuar ne abuzimet e tyre. Global Financial Integrity
perdorte dhenat e Bankes Boterore dhe Fondit Monetar Nderkombetar dhe shifrat e dhena nga ajo jo vetem qe jane serioze. por edhe shume shqetesuese. gati ne nivel skandali per evazionin e jashtezakonshem fiskal ne Shqiperi.
Po cilat jane format e tij, saracineskat qe derdhin jashte vendit dhe ne dem te plote te qytetareve shqiptare para qe duhet te ishin publike? Nga nje anketim i bere kohet e fundit, 25 per qind e kompanive te pyetura pranojne se
paguajne ryshfete. Pra ne rang vendi. nga rreth 90 mije kompani. 20 mije prej tyre korruptojne zyrtare e politikane. Te ardhurat qe inspektoret doganore dhe tatimore mbledhin abuzivisht nga tatimpaguesit e pandershem jane
kolosale dhe ato kanalizohen deri ne nivelet me te larta te pushtetit. Kuptohet qe keto para nuk mund te mbahen ne Shqiperi. por kalohen menjehere jashte. ne forme te llogarive bankare ne vende qe nuk kerkojne shume te
dhena, te vilave dhe tokave te blera jashte. etj. Inspektoret tatimore dhe doganore te kapur apo denuar per marrje ryshfetesh numerohen ne keto vitet e fundit me gishtat e njeres dore. Se dyti. nje forme-saracineske tjeter e
shfaqjes se korruptimit eshte rekrutimi ne pune i individeve qe kane mangesi edhe ne njohurite baze per tatimet doganore. taksat dhe kontabilitetin. Kjo kategori qe merr emrin kontrollore e perqendron inspektimin qe kryen ne
debate joprofesionale per lapsuse te shifrave etj, se sa ne shqyrtimin dhe zberthimin e gjithe fenomeneve qe ndodhin ne aktivitetet ekonomike ne kompanite shqiptare shumeformeshe. Keto raporte te kontrolloreve-militante
ngelen jashte realitetit ekonomik dhe fiskal te vendit. duke mos percjelle asnje efekt ne biznesin qe eshte objekt i kontrollit. Se treti. saracineska me e madhe. por dhe me pak e dukshmja. eshte qendrimi i qeverise ndaj nxitjes se inspektoreve doganore e tatimore perte qemtuar e luftuar evazionin fiskal. Autoritetet doganore e tatimore duhet ta
bejne inspektorin t'i ktheje syte nga shperblimi tatimor. si nje 'ryshfet" i ligjshem qe vjen jo nga falja e gjobave. por si nje cmim me i larte per punen e tij rezultative. per tatimet e taksat qe ai mbledh. Qellimisht nga qeveria ky
perafrim eshte injoruar. duke lejuar inspektoret te "vjelin" pa siklet para abuzive ne forme ryshfetesh per veten dhe per drejtuesit qe i mbajne ne pune. Vete qeveria nuk ka qene e interesuar t'i nxite inspektoret doganore e tatimore
drejt te punuarit ndershmerisht. Po te kishte ndodhur. kjo do te ndikonte edhe tek tatimpaguesit e pandershem per te ulur evazionin qe bejne. Ne te kundert. ka ndodhur nje gjueti sa e shemtuar aq dhe e demshme per te kapur.
bere per vete dhe kthyer ne agjente te bindur per tatimpaguesit e pandershem ata kontrollore e inspektore te lidhur ngushte me pushtetin. me politikanet me te larte te shumices ne dhjetera e dhjetera menyra. pse keto kthehen
gradualisht ne te paprekshem. ne abuzuesit me te medhenj, te mbrojtur nga vullneti qeveritar. Kjo situate mjerane ka qene pompa me e fuqishme qe ka larguar ne 5 vitet e fundit shumicen e 1.3 miliarde dollareve te denoncuar nga Global Financial Integrity. Qeveria re e shtatorit 2013 duhet ta kete mire parasysh kete dukuri shkaterruese per
ekonomine e vendit. perte marre masat e duhura qe ajo te zvogelohet.

Gazeta telegraf

http://gazetatelegraf.com/arratisen-...nga-shqiperia/

[Albo]

Basha: Nuk pranojmë shtyrjen e Ligjit

Intervistë me kryetarin e PD, Lulzim Basha rreth debatit për Ligjin e Nëpunësit civil. “Nuk krijohet asnjë vakuum. Qeveria synon spastrime politike në administratë”

Në Shqipëri kryetari i Partisë demokratike Lulzim Basha thotë se opozita nuk do të pranojë asnjë shtyrje të hyrjes në fuqi të ligjit për Shërbimin civil. Në një intervistë për Zërin e Amerikës, zoti Basha thotë se pretendimi i qeverisë se mungesa e akteve nënligjore e bën ligjin të pazbatueshëm është vetëm një pretekst absurd për të realizuar spastrimet në administratë. Opozita, deklaron zoti Basha, është e gatshme të ulet të bisedojë me shumicën nëse në të ardhmen do të shfaqen probleme me zbatimin e ligjit

Opozita e djathtë është e vendosur të mos tolerojë shtyrjen e hyrjes në fuqi të ligjit për nëpunësin civil. Kjo cështje ka provokuar polemika të forta, ndërsa qeveria shpjegon se bëhet fjalë për probleme tekniko ligjore, pasi ligji do të mbetej i pazbatueshëm përsa kohë nuk janë miratuar aktet nënligjore. Por në një intervistë për Zërin e Amerikës, kryetari partisë demokratike Lulzim Basha e cilëson këtë thjesht si një alibi: “Ky është një pretekst absurd. Ligji hyn në fuqi më 1 tetor dhe ai vetë parashikon që aktet nënligjore hartohen brenda tre mujave të ardhshme. Ky ligj është hartuar nga ekspertët e BE dhe është miratuar me konsensus të plotë në parlament më 30 maj. Nuk ka asnjë vakuum përsa i përket mbrojtjes që ligji i bën administratës publike dhe detyrimeve që ajo ka në kryerjen e detyrave të përditshme. Të gjitha cështjet e tjera trajtohen nga rregullore apo akte nënligjore si dhe vendime të Këshillit të ministrave ekzistuese, të cilat përsa kohë nuk bien në kundërshtim me frymën e ligjit mund të vazhdojnë të përdoren deri në hartimin e akteve të tjera, për të cilat vetë ligji parashikon një afat tremujor”.

Sipas zotit Basha, qeveria e re kërkon të realizojë spastrime në administratë, të cilat ligji i ri i vështirëson, ndërsa thekson se Shërbimi civil është një pasuri e të gjithëve dhe një investim jo vetëm i takspaguesve shqiptare por edhe atyre europian që kanë kontribuar në hartimin e tij: “Ne mbrojmë pikërisht këtë investim, por mbi të gjitha mbrojmë frymën e konsensusit mbi të cilin u miratua ligji. Shkallmimi i këtij konsensusi për t’i hapur rrugë spastrimeve politike është shpallje luftë, jo thjesht opozitës, apo partisë demokratike, por është shpallje lufte të ardhmes europiane të vendit dhe aspiratave të cdo shqiptari për siguri ligjore, shtet ligjor dhe mirëqënie”.

Qeveria është shprehur se ka ftuar përfaqësuesit e opozitës parlamentare për të diskutuar me ta rreth një rrugëzgjidhjeje. Zoti Basha nga ana e tij i mëshon faktit se deri tani gjithshka është bërë në fshehtësi dhe se hyrja e tij në fuqi nuk mund të vihet në diskutim: “Ligji hyn në fuqi më 1 Tetor. Cdo përpjekje për ta sprapsur këtë datë është një përpjekje për të realizuar planin e spastrimeve masive politike në administratën publike. Nëse për këtë ligj, apo cdo ligj tjetër mazhoranca dëshiron të dialogojë jo mbi planet e spastrimit por për shqetësime reale të cilat zor se mund të identifikohen akoma pa hyrë në fuqi ligji, ne antyrisht jemi të gatshëm të iskutojmë, por as shtyrja e ligjit as ndryshimi i tij, nuk është i pranueshëm. Eshtë një shkelmim i konsensusit, i besimit ndërpartiake, ëhstë një shkelmim i klimës politike në vend dhe mbart rreziqe të pashmangshme për rrugëtimin europian të vendit dhe të gjithë efetet që kjo ka te qytetarët shqiptarë.”

Opozita ka nisur me kohë akuzat për lëvizje masive në administratë. Por edhe e djathta, sa ishte në pushtet u kritikua për emërimet, vecanërisht kur pas koalicionit me Lsi-në u ndërrua 20 përqind e administrates, të cilët më pas u hoqën nga puna, pak para zgjedhjeve. Po ashtu kritika ka patur edhe ndaj lëvizjeve të zotit Basha në Bashkinë e Tiranës. Por kryetari demokrat jep këtë shpjegim: “Në cdo rast nuk bëhet fjalë për emërimet politike, nuk bëhet fjalë për ata njerëz që shkojnë e vijnë si stafe politike. Këtu flasim për shërbimin civil, i cili rregullohet me ligj. Ne nuk kemi iluzione se revanshi që ka nisur mbi administratën do të vazhdojë. Por ajo që ne kërkojmë është që në cdo rast ligji të prevalojë. Dhe në ato raste kur administrata goditet në mënyrë të paligjshme, të ketë të gjitha mundësitë ligjore për t’i ofruar mbrojtje në nivel administrativ dhe në nivel gjyqësor. Dhe ajo që mazhoranca kërkon të zhbëjë ëhstë pikërisht mburojë ligjore që ligji u jep punonjësve të shërbimit civil.”, deklaroi kryetari demokrat.

Zeri i Amerikes

[shigjeta]

Komisioni Europian: Ligji i nëpunësit civil duhet të hyjë në fuqi më 1 tetor

Brukseli kërkon që qeveria shqiptare të marri të gjitha masat që Ligji për nëpunësin civil të zbatohet në 1 tetor, ashtu siç është parashikuar. Vakumi ligjor pas hyrjes në fuqi të ligjit të ri, duhet të zgjidhet përmes amendamenteve teknike të aprovuara me konsensus midis qeverisë dhe opozitës.

Ka patur një debat të ndezur mbi Ligjin për nëpunësin civil. Duam të dijmë qëndrimin e Komisionit Europian. A duhet që ky ligj të hyjë në fuqi në 1 tetor dhe a është një kusht për kandidaturën europiane të Shqipërisë?

Peter Stano: Ajo që theksojmë ne është, se pas hyrjes në fuqi të këtij ligji që është parashikuar për 1 tetor, do të ketë një vakum ligjor, sepse ligji i ri shfuqizon të vjetrin, por pa mbuluar të gjitha aspektet dytësore. Ne themi që për të mbushur këtë vakum ligjor që krijohet nevojiten amendamente të cilat, duke qenë të një natyre shumë teknike duhet të kalojnë me një proçedurë të shpejt. Kjo është mënyra e duhur për të plotësuar vakumin deri në hyrjen në fuqi të legjislacionit të ri dytësor.

Po pse këto amendamente tani dhe a mund të aprovohen ato vetëm nga qeveria pa konsensusin e opozitës ?

Peter Stano: Duke marrë parasysh natyrën tërësisht teknike të këtyre dipozitave , ato mund të aprovohen në parlamnet me konsensus. Nevojitet thjesht që të plotësohet vakumi I dizpozitave dytësore kur ligji të hyjë në fuqi. Pra, ne nuk shohim asnjë problem që këto amendamente të aprovohen me konsensus nga opozita dhe partitë në mazhorancë. Aprovimi I këtij ligji me konsensus në Parlament ka qenë shumë I rëndësishëm për ne, ashtu siç është I rëndësishëm zbatimi I tij dhe rezultatet që presim të korrë.

Përtej ndryshimeve teknike, ndërkohë po shkarkohen një pjesë e mirë e administratës pa motive. Sa shqetësuese është kjo për ju?

Peter Stano: Më duhet të ndaj gjërat. Dispozitat teknike janë një gjë dhe shkarkimi i personelit të administratës është tjetër gjë. Komisioni nuk mund të komentojë për shkarkimet individuale. por ajo vazhdimësia dhe trashëgimia institucionale janë thelbësore për reformat e vendit dhe integrimin europian të tij.

ABC

[Xhuxhumaku]

"Nëpunësi civil", Qeveria miraton aktin normativ: Shtyhet 6 muaj zbatimi i ligjit

TIRANE – Qeveria miratoi sot aktin normativ për disa ndryshime në ligjin "Për nëpunësin civil", të cilat parashikojnë zbatimin e ligjit pas 6 muajsh, me pretendimin se ligji është i pazbatueshëm në formën që është, është i pashoqëruar me aktet nënligjore përkatëse dhe për këtë kërkohet kohë që ai të vihet në funksionim.

Sipas vendimit të qeverisë, ligji hyn në fuqi më 1 tetor 2013 dhe i fillon efektet e tij 6 muaj pas hyrjes në fuqi.

Mbledhja e sotme e Këshillit të Ministrave u zhvillua pa praninë e mediave nën drejtimin e kryeministrit Edi Rama dhe zgjati rreth 1 orë. Sikurse në mbledhjet e tjera, vendimet e sotme të qeverisë u publikuan nga zyra e shtypit e Kryeministrisë.

“Sot, Kryeministri Edi Rama drejtoi mbledhjen e Këshillit të Ministrave, ku u miratuan disa vendime të rëndësishme, ndër të cilat:
1. Akti normativ për disa ndryshime në ligjin "Për nëpunësin civil".
Në mbështetje të nenit 101 të Kushtetutës, duke pasur në konsideratë parashikimet e ligjit nr.152/2013, "Për nëpunësin civil", pazbatueshmërinë e tij për shkak të mungesës së akteve nënligjore dhe natyrës së përgjithshme të ligjit, kohën e pamjaftueshme për të bërë rregullime ligjore sipas procesit legjislativ, nevojën për organizimin institucional, efektet financiare mbi buxhetin e shtetit dhe gjendjen ekonomike financiare, me propozimin e ministrit të Punëve të Brendshme dhe të ministrit të Shtetit për Inovacionin dhe Administratën Publike, Këshilli i Ministrave vendosi të ndryshojë nenin 70 dhe 72, si më poshtë vijon.
Neni 70
Ligji nr.8549, dt 11.11.1999, "Statusi i nëpunësit civil", dhe çdo dispozitë tjetër në kundërshtim me këtë ligj, shfuqizohen nga data e fillimit të shtrirjes së efekteve të këtij ligji.
Neni 72
Ky ligj hyn në fuqi në 1 tetor 2013 dhe i fillon efektet e tij 6 muaj pas hyrjes në fuqi. Deri në datën e fillimit të efekteve të këtij ligji zbatohet ligji nr.8549, datë 11.11.1999, "Statusi i nëpunësit civil.".”- thuhet në njoftimin e Kryeministrisë.

Ndërkohë zyra e shtypit e Kryeministrisë bëri të ditur gjithashtu se qeveria vendosi të shfuqizojë edhe një sërë vendimesh të Këshillit të Ministrave, të marra në periudhën pas zgjedhjeve të 23 qershorit.

“Qeveria miratoi projektvendime për shfuqizimin e një sërë vendimesh që kanë të bëjnë me koncesione në fushën e energjisë dhe burimeve natyrore, si edhe në dhënien e pasurive publike në përdorim enteve private.”

Një tjetër vendim i rëndësishëm i qeverisë ishte edhe emërimi i Artan Lames në postin e drejtorit të ALUIZNI-t. Lame zëvendëson në këtë post, Ardian Kollozin.

DEBATET PER "NEPUNESIN CIVIL"
Ligji i nëpunësit civil është bërë shkak për një debat të nxehtë mes palëve gjatë ditëve të fundit. Mazhoranca pretendon se ligji i nëpunësit civil, që është miratuar me tre të pestat përpara zgjedhjeve, është i pazbatueshëm, pasi nuk janë nxjerrë aktet e domosdoshme nënligjore që ai të vihet në funksionim.

Nga ana tjetër kryetari i Partisë Demokratike, Lulzim Basha deklaron se përpjekjet e kryeministrit, Rama për të vënë në pikëpyetje ligjin për Nëpunësin Civil janë një akt destabilizues. Sipas tij, këto ndryshime bëhen me qëllim spastrimin politik të administratës.

Basha tha se Rama gënjen kur thotë se ligji është i pazbatueshëm, sepse aktet nuk janë miratuar apo kur thotë se ka kërkuar konsensusin e opozitës për ndryshimet. Sipas Bashës, ligjet nuk janë që ti gjykojë kryeministri, ministrat apo qytetarët nëse janë ose jo të zbatueshëm, pasi këtë e vendosin gjykatat.

RENDI I DITES I MBLEDHJES SE SOTME TE QEVERISE
AKT NORMATIV:
1. Për disa ndryshime në ligjin nr.152/2013, “Për nëpunësin civil”.
MINISTRI I PUNËVE TË BRENDSHME
MINISTRI I SHTETIT PËR INOVACIONIN DHE ADMINISTRATËN PUBLIKE

VENDIME:
2. Për disa ndryshime në vendimin nr.474, datë 10.7.2003, të Këshillit të Ministrave, “Për mënyrën e përdorimit të stemës së Republikës, si dhe raportin e përmasave të saj”.
KRYEMINISTRI
3. Për revokimin e emërimit të anëtarëve të Këshillit të Statistikave dhe për shfuqizimin e vendimit nr.310, datë 19.4.2013, të Këshillit të Ministrave, “Për emërimin e anëtarëve të Këshillit të Statistikave”.
KRYEMINISTRI
4. Shfuqizimin e vendimit nr.718, datë 28.8.2013, të Këshillit të Ministrave, “Për dhënien e miratimit paraprak për lejimin e punësimit, pas lirimit nga detyra, të një anëtari të bordit të komisionerëve të Entit Rregullator të Energjisë”.
KRYEMINISTRI
5. Për shfuqizimin e vendimit nr.684, datë 16.8.2013, të Këshillit të Ministrave, “Për lejimin e Ministrisë së Drejtësisë, si autoritet kontraktues, për kryerjen e procedurave të prokurimit publik, me objekt “Mirëmbajtja e sistemit të mbikëqyrjes elektronike””.
MINISTRI I DREJTËSISË
6. Për shfuqizimin e vendimit nr.630, datë 31.7.2013, të Këshillit të Ministrave, “Për lejimin e Zyrës së Administrimit të Buxhetit Gjyqësor për kryerjen e procedurave të prokurimit publik për disa projekte të sistemit gjyqësor”.
MINISTRI I DREJTËSISË
7. Për shfuqizimin e vendimit nr.671, datë 7.8.2013, të Këshillit të Ministrave, “Për disa shtesa në vendimin nr.180, datë 13.2.2013, të Këshillit të Ministrave, “Për përcaktimin e listës së makinerive e të pajisjeve që janë drejtpërdrejt të lidhura me investimin dhe të procedurave të përjashtimeve e të kritereve përkatëse””.
MINISTRI I FINANCAVE
8. Për shfuqizimin e vendimit nr.534, datë 27.6.2013, të Këshillit të Ministrave, “Për disa shtesa në vendimin nr.418, datë 27.6.2012, të Këshillit të Ministrave, “Për përcaktimin e masës së shpërblimit të anëtarëve të këshillave, bordeve ose komisioneve të njësive të qeverisjes qendrore”, të ndryshuar”.
MINISTRI I FINANCAVE
9. Për shfuqizimin e vendimit nr.592, datë 10.7.2013, të Këshillit të Ministrave, “Për miratimin e projekt dokumentit të programit buxhetor afatmesëm 2014 - 2016”.
MINISTRI I FINANCAVE
10. Për shfuqizimin e vendimit nr.722, datë 28.8.2013, të Këshillit të Ministrave, “Për krijimin, shtrirjen territoriale dhe klasifikimin e zonës doganore të përhershme Tiranë (Vorë – Muçaj)”.
MINISTRI I FINANCAVE
11. Për ngritjen e grupit të punës për shqyrtimin dhe studimin e termave të referencës për propozimet e paraqitura nga subjektet e interesuara në lidhje me Shërbimin e Auditimit të Borxhit të krijuar që institucionet shtetërore i kanë subjekteve vendase apo të huaja për shërbimet e kryera, si dhe për shërbimin e asistencës në fushën e doganave dhe tatimeve në Republikën e Shqipërisë.
MINISTRI I FINANCAVE
12. Për shfuqizimin e vendimit nr.475, datë 10.4.2013, të Këshillit të Ministrave, “Për Inspektoratin Shtetëror të Mbikëqyrjes së Tregut”.
MINISTRI I ENERGJISË DHE INDUSTRISË
13. Për shfuqizimin e vendimit nr.725, datë 28.8.2013, të Këshillit të Ministrave, “Për miratimin e bonusit, në procedurën përzgjedhëse konkurruese, që i jepet shoqërisë për dhënien me koncesion të hidrocentralit “Dushaj””.
MINISTRI I ENERGJISË DHE INDUSTRISË
14. Për shfuqizimin e vendimit nr.679, datë 16.8.2013, të Këshillit të Ministrave, “Për miratimin e bonusit, në procedurën përzgjedhëse konkurruese, që i jepet shoqërisë për dhënien me koncesion të hidrocentralit “Gafer””.
MINISTRI I ENERGJISË DHE INDUSTRISË
15. Për shfuqizimin e vendimit nr.753, datë 5.9.2013, të Këshillit të Ministrave, “Për miratimin e bonusit, në procedurën përzgjedhëse konkurruese, që i jepet shoqërisë për dhënien me koncesion të hidrocentralit “Arsti””.
MINISTRI I ENERGJISË DHE INDUSTRISË
16. Për shfuqizimin e vendimit nr.692, datë 16.8.2013, të Këshillit të Ministrave, “Për miratimin e bonusit, në procedurën përzgjedhëse konkurruese, që i jepet shoqërisë për dhënien me koncesion të hidrocentralit “Kaçinar””.
MINISTRI I ENERGJISË DHE INDUSTRISË
17. Për shfuqizimin e vendimit nr.689, datë 16.8.2013, të Këshillit të Ministrave, “Për miratimin e bonusit, në procedurën përzgjedhëse konkurruese, që i jepet shoqërisë për dhënien me koncesion të hidrocentralit “Blac””.
MINISTRI I ENERGJISË DHE INDUSTRISË
18. Për shfuqizimin e vendimit nr.690, datë 16.8.2013, të Këshillit të Ministrave, “Për miratimin e bonusit, në procedurën përzgjedhëse konkurruese, që i jepet shoqërisë për dhënien me koncesion të hidrocentralit “Lusen””.
MINISTRI I ENERGJISË DHE INDUSTRISË
19. Për shfuqizimin e vendimit nr.724, datë 28.8.2013, të Këshillit të Ministrave, “Për miratimin e bonusit, në procedurën përzgjedhëse konkurruese, që i jepet shoqërisë për dhënien me koncesion të hidrocentralit “Katundi Vjetër dhe Reja e Velës””.
MINISTRI I ENERGJISË DHE INDUSTRISË
20. Për shfuqizimin e vendimit nr.654, datë 31.7.2013, të Këshillit të Ministrave, “Për heqjen nga fondi pyjor të sipërfaqes në ngastrat e ekonomisë “Krastë - Krujë”, Krujë, që do të përdoret nga shoqëria “Shpresa-Al”, sh.p.k., për shfrytëzimin e gurit gëlqeror”.
MINISTRI I MJEDISIT
MINISTRI I ENERGJISË DHE INDUSTRISË
21. Për shfuqizimin e vendimit nr.774, datë 5.9.2013, të Këshillit të Ministrave, “Për një ndryshim në vendimin nr.815, datë 29.11.2007, të Këshillit të Ministrave, “Për miratimin e listës shtesë të inventarit të pronave të paluajtshme shtetërore, të cilat i kalojnë në përgjegjësi administrimi Ministrisë së Brendshme për Gardën e Republikës””.
MINISTRI I PUNËVE TËBRENDSHME
22. Për shfuqizimin e vendimit nr.700, datë 21.8.2013, të Këshillit të Ministrave, “Për një ndryshim në vendimin nr.815, datë 29.11.2007, të Këshillit të Ministrave, “Për miratimin e listës shtesë të inventarit të pronave të paluajtshme shtetërore, të cilat i kalojnë në përgjegjësi administrimi Ministrisë së Brendshme për Gardën e Republikës””.
MINISTRI I PUNËVE TË BRENDSHME
23. Për shfuqizimin e vendimit nr.641, datë 31.7.2013, të Këshillit të Ministrave, “Për dhënien në përdorim të përkohshëm, pa shpërblim, nga Ministria e Mbrojtjes te Ministria e Turizmit, Kulturës, Rinisë dhe Sporteve, të objektit “Tuneli i nëndetëseve” dhe të truallit funksional të tij, pjesë e pronës nr.959, me emërtim“Ish-brigada e nëndetëseve”, Palermo, Himarë, për ta përdorur për ngritjen e muzeut “Panorama e luftës së ftohtë””.
MINISTRI I MBROJTJES
24. Për shfuqizimin e vendimit nr.556, datë 27.6.2013, të Këshillit të Ministrave, “Për përcaktimin e autoritetit kontraktues për dhënien me koncesion të ndërtimit dhe shrytëzimit të portit të jahteve në Porto - Palermo, Himarë, dhe miratimin e bonusit, në procedurën përzgjedhëse konkurruese, që i jepet subjektit “Studio A.M.Z.””.
MINISTRI I MBROJTJES
25. Për shfuqizimin e vendimit nr.761, datë 5.9.2013, të Këshillit të Ministrave,“Për kalimin në pronësi, nga Ministria e Mbrojtjes te komuna Vërtop, Berat, të sipërfaqes 12 969 m2, nga trualli funksional i pronës nr.1029, me emërtim “Ish-reparti ushtarak nr.5013”, Vërtop, Berat, dhe për një ndryshim në vendimin nr.515, datë 18.7.2003, të Këshillit të Ministrave, “Për miratimin e listës së inventarit të pronave të paluajtshme shtetërore, të cilat i kalojnë në përgjegjësi administrimi Ministrisë së Mbrojtjes”, të ndryshuar”.
MINISTRI I MBROJTJES
26. Për një shtesë në vendimin nr.591, datë 10.7.2013, të Këshillit të Ministrave, “Për disiplinimin e përdorimit të shpenzimeve buxhetore, për vitin 2013”.
MINISTRI I MBROJTJES
27. Për shfuqizimin e vendimit nr.600, datë 17.7.2013, të Këshillit të Ministrave,“Për miratimin e statutit të Fondit të Sigurimit të Detyrueshëm të Kujdesit Shëndetësor në Republikën e Shqipërisë”.
MINISTRI I SHËNDETËSISË
28. Për shfuqizimin e vendimit nr.379, datë 2.5.2013, të Këshillit të Ministrave,“Për përcaktimin e Zyrës për Mbrojtjen e Konsumatorit, si përfaqësuese në këshillin administrativ të Fondit të Sigurimit të Detyrueshëm të Kujdesit Shëndetësor e përfituesve të këtij fondi”.
MINISTRI I SHËNDETËSISË
29. Për shfuqizimin e vendimit nr.555, datë 27.6.2013, të Këshillit të Ministrave, “Për miratimin e rregullores për karakteristikat e cilësisë dhe kriteret e natyrshmërisë së vajit të ullirit dhe vajit të bërsive të ullirit”.
MINISTRI I BUJQËSISË, ZHVILLIMIT RURAL DHE ADMINISTRIMIT TË UJËRAVE
30. Për unifikimin e kompetencave të Inspektoratit Ndërtimor Urbanistik Kombëtar (INUK) në e zonat/çështjet me rëndësi kombëtare dhe në territor.
MINISTRI I ZHVILLIMIT URBAN DHE TURIZMIT
31. Për lirimin dhe emërimin në detyrë të drejtorit të Përgjithshëm të Agjencisë së Legalizimit, Urbanizimit dhe Integrimit të Zonave/Ndërtimeve Informale (ALUIZNI).
MINISTRI I ZHVILLIMIT URBAN DHE TURIZMIT
32. Për përcaktimin e fushës së përgjegjësisë shtetërore të Ministrisë së Mbrojtjes.
KRYEMINISTRI
33. Për një shtesë në vendimin nr.835, datë 18.9.2013, të Këshillit të Ministrave, “Për përcaktimin e fushës së përgjegjësisë shtetërore të Ministrisë së Zhvillimit Ekonomik, Tregtisë dhe Sipërmarrjes”.

Balkanweb