Ardit Gjebrea

[Qerim]

"Ja ku jam": rikthimi ndërkontinetal i Gjebresë
Kantautori i njohur shqiptar pas gjashtë vjetësh mungese i thotë publikut "Ja ku jam". Albumi i ri i me 14 këngë me të gjitha stilet e muziikës, që nga ajo klasike tradicionale, tek dance apo hip hop. Itinerari që nisi nga Tirana për në Romë, Athinë e Nju Jork, ku krijesa e re muzikore mori formën e saj të plotë. Të veçantat, emocionet dhe suprizat e albumit, i cili do të promovohet në 14 shkurt në Pallatit e Kongreseve

Anduela NIKA

"Sa herë dora ime prek trupin tënd të zhveshur dhe shtrati i djersitur ngjan me një re, me duart që të dridhen me sytë e një fëmije papritur më pyet: 'a ka të tjerë si ne'?".

Poezia e Andi Bejtes nuk mund ti shkonte më përshtat një çifti. Dy 5 vjeçarë që eksperimentojnë së bashku emocionin e parë, më pas konfirmojnë maturinë e tyre, për tu ritakuar në një natë Krishtlindjesh me një "Të dua" të ngrohtë. Ajo, një Inva Mula mahnitëse; ai një Ardit Gjebrea që nuk e ka humbur ritmin e kohës, teksa deklarojnë ndjenjat e tyre përpara 40 mijë spektatorëve të Teatrit të Operas së Parisit. Dueti i tyre është vetëm "një rrënqethje mbi rërën" e albumit të ri të kantautorit të njohur. Me "Ja ku jam" (albumi që ka dalë sot në treg), Gjebrea kërkon të rikonfirmojë, madje të kapërcejë me hapa galopantë suksesin e dy albumeve të mëparshme, "Vargje për veten" dhe "Projekt Jon". Një album me të gjitha stilet e muzikës, që nga ajo klasike e tradicionale, latine e me nuanca hip hop, dance e deri tek arma e fortë e tij, baladat alternohen në 14 këngë. "Për një artist është e rëndësishme të mbetet me kohën, për ti afruar publikut produktin më të mirë të mundshëm. Sot Shqipëria s'ecën me duartrokitje por me shitje. Për mua është shumë e rëndësishme ana komerciale, por nuk mund të anashkaloj dhe kontributin që jam përpjekur të jap me realizimin tim muzikor, që vjen pas 6 vjetësh nga albumi i dytë", ka deklaruar kantautori në konferencën për shtyp të mbajtur dje në Hotel Sheraton, për promovimin mediatik të albumit "Ja ku jam". Për këngët e tij Gjebrea ka zgjedhur bashkëpunimin me emrat më të spikatur dhe interesantë të letrave. Dritëro Agolli, Timo Flloko, Tedor Keko, Xhevahir Spahiu, Jorgo Papingji, Andi Bejtja e Dr. Flori kanë "huajtur" vargjet e tyre për tu bashkuar në një simbiozë me krijimtarinë muzikore, që mban firmën e vetë këngëtarit.

Producenti artistik dhe realizuesi i të gjitha orkestracioneve të albumit, Paul Mazzolini ( i njohur ndryshe si Gaxibo) shfaqet me të gjitha tendencat e kohës. Një bashkëpunim i suksesshëm i nisur që në vitin 1991. Në studion Softëorks në Romë, Mazzolini ka mbledhur artistë nga më të njohurit në Itali për të interpretuar në "Ja ku jam", "Për mua është gjithnjë një emocion i madh të vij në Shqipëri dhe tashmë Arditin nuk e kam vetëm mik, por një vëlla me të cilin kam një "feeling" shumë të fortë artistike", ka pohuar Gaxibo. Bashkëpunimi shqiptaro-italian vijon në studion e Erjon Zaloshnjës në Tiranë, ku Gaxibo vjen të regjistrojë back vokalet. Miqtë e Gjebreas, Elton Deda, Redon Makashi, Eneda Tarifa dhe Jonida Maliqi kontribuojnë me zërat e tyre. Disa instrumentistë tradicionalë me fyell e lauri, zumare e tarabuk, dajre e llautë i japin albumit shijen mesdhetare. Për tu rikthyer sërish në Romë. Gjithçka nis të miksohet nga Emanuele Donnini dhe vetë Mazzolini. Ndërsa masterizimi realizohet në studion e njohur "reference" në Romë. "Ja ku jam" vjen si një produkt me pretendimet më profesionale dhe serioze që ka tregu sot në botë. Parametrat teknikë tregojnë nivelin e lartë të tij, ku gjithçka është e kuruar në detajet më të vogla. Nga Roma në Athinë, ku kompania greke "Le Spot" merr përsipër prodhimin e videoklipit të këngës që mban dhe titullin e albumit, "Ja ku jam". Xhirimet në Athinë dhe rrethinat e saj mbajnë firmën e një prej regjisorëve më të njohur grekë, Nikos Sulis. "Preferova që videoklipin e këngës, që mban titullin e albumit ta realizoj në rrugë, mes njerëzve. Eshtë më interesante dhe e prekshme për ta, sesa një hotel me pesë yje dhe një makinë luksoze", ka deklaruar kantautori Ardit Gjebrea, i cili nga Ballkani niset në drejtim të kontinentit amerikan. Fotografi i njohur me origjinë shqiptare Fadil Berisha pasi dëgjon të gjitha këngët e albumit, realizon fotot e tij në Nju Jork, për të konkluduar kështu cilki i "Ja ku jam" nga Tirana në Romë, Athinë e Nju Jork, nën një mbështetje solide të sponsorve të klipit AMC dhe Memphis. Të drejtën e shpërndarjes së albumit për Shqipërinë e ka blerë shtëpia diskografike "Supersonic", për Kosovën dhe Zvicrën "Zico Company", "Albanota" në Maqedoni dhe "Eni Reisen" në Gjermani". Në 14 shkurt do të bëhet promovimi i albumit, në një koncert live me të gjitha këngët e reja të tij. Nuk do të mungojnë të ftuarit e veçantë; si një trupë baleti e ardhur nga Kievi (Rusi) apo instrumentistët e talentuar italianë, që e kanë shoqëruar Gjerbrenë në këngën "Ja ku jam". Dhe ndoshta të dashuruarit e kësaj ditë të veçantë do të mund ti pëshpërsin më shumë njëri tjetrit "të dua, të dua, të dua dhe ti e di sa herë s'ta kam thënë, ta kam fshehur, je vetëm ti".




--------------------------------------------------------------------------------
01/02/2004

[Qerim]

Për dy net me radhë, në Pallatin e Kongreseve prezantohet albumi i ri i kantautorit Ardit Gjebrea, “Ja ku jam”. Dy net spektakël me këngë të reja, të ftuar dhe të papritura

Ardit Gjebrea: Nuk më keni njohur


Alma Mile

Për të kjo është mënyra më e mirë për t’iu thënë “Të dua!”, të gjithë njerëzve të tij të dashur, jo vetëm familjes, miqve, por edhe publikut. Pas 6 vjet mungese, Ardit Gjebrea kthehet sërish në Pallatin e Kongreseve, për të promovuar albumin e tij të tretë “Ja ku jam”. I planifikuar për tu zhvilluar vetëm natën e Shën Valentinit, për shkak të interesimit të madh të publikut, i cili gjithashtu e ka konsideruar këtë eveniment si një dhuratë dashurie, do të zhvillohen dy koncerte, në datat 14 dhe 15 shkurt. “Dëshirojmë që këtë koncert t’ia dedikojmë të gjithë të dashuruarve dhe mendoj se Arditi është personi më i përshtatshëm për ta bërë një gjë të tillë”, - është shprehur kantautori i njohur italian Gaxibo, producent artistik i albumit “Ja ku jam”. Për italianin që ka kuruar dy albume të Gjebresë, ky i fundit është më i miri. “Mendoj se ky është albumi i pjekurisë së Arditit, një album i cili përmbledh të gjitha eksperiencat e tij, ato të diskut të parë, të “Projekt Jon”, gërshetuar me muzikën e së ardhmes. Ai është si vera e vjetër, që hapet në kohën e duhur”, - shton ai. Por duket se edhe vetë kantautori shqiptar, është i të njëjtit mendim. “Në këtë album unë jam më i pjekur, më me kohën, më modern, më i fuqishëm.”

Pas një shkëputjeje prej 6 vjetësh, çfarë përfaqëson për ju ky koncert?
Shumë energji, shumë mund, shumë djersë, por pse jo edhe magji. Kam bërë të gjitha përpjekjet, kam shfrytëzuar të gjitha njohjet e mia, për të bërë diçka të veçantë, të sjell këtu instrumentistë italianë, balerinët rusë, studentë të Akademisë së Arteve, Gaxibon, si producent artistik, etj. Por nuk mund të mos përmend faktin që pas spektaklit qëndron regjisorja, Vera Grabocka. Do të jetë një formacion prej 31 vetësh në skenë dhe 14 balerinë, një ushtri e tërë. Përsa i përket ndriçimit dhe fonisë, ajo u është besuar specialistëve të ardhur nga Greqia, por edhe stafit shqiptar të Gëzim Tufës. Një bashkëpunim shqiptaro-greko- italiano-rus.
Pse keni zgjedhur datën 14 shkurt për promovimin e albumit tuaj?
Nuk mund të gjeja dot mënyrë më të mirë për t’i thënë “Të dua!”, publikut tim. Por publiku më është përgjigjur përpara se unë t’ia thosha një gjë të tillë, me interesimin e tij. I detyruar nga kërkesat e tyre, por edhe nga dashuria që kam, do t’u dhuroj dy netë spektakël. Unë jam shumë i lumtur që do të jap një tjetër koncert në datën 15, sepse mendoj që pas karikimit të një nate më parë, koncerti i dytë do të jetë një shpërthim. Do të kisha dashur të kishte dhe një datë 16, por kjo është e pamundur, sepse ekipi grek dhe instrumentistët italianë nuk do të jenë. Por mendoj se do të jenë koncerte shumë të bukura, megjithëse nuk më takon mua që ta them një gjë të tillë.

Ku ndryshon ky album nga dy të parët?
Ky album jam unë. Jo se në dy të parët nuk ka qenë kështu, por këtë herë jam unë më i pjekur, më me kohën, më modern, më i fuqishëm, jam unë ajo bisha artistike, nëse do ta quaj veten kështu. Këtë herë, i kam të gjitha pikët e mundshme që të shpërthej.

Kujt ia dedikoni këtë koncert?
Ashtu si edhe e kam bërë dedikimin tim në album, këtë koncert ua dedikoj familjes sime, nënës, bashkëshortes, djalit, babait që më mungon, por që ai është.

Cila do të jetë kënga që do të hapë koncertin?
Kënga e parë që do të hapë koncertin është “Flas me hënën”, por se nga do të dal nuk ua them, por do të dal andej nga s’ka dalë askush deri më sot.

Përveç krijimeve të albumit të ri, do të ketë edhe këngë të albumeve të tjera?
Krahas këngëve të reja, do të këndoj edhe 4 këngë nga albumi im i dytë, sepse dëshiroj që të vendos një kontakt më të afërt me publikun dhe ai të këndojë bashkë me mua.

Kë do të veçonit si këngën më të bukur të koncertit?
Nuk mund të veçoj se cila është më e bukura, pasi për mua janë të gjitha të tilla…Por mendoj se kënga më e bukur e koncertit, do të jetë publiku.

Mund të zbuloni ndonjë detaj…
Nuk do të doja të zbuloja shumë detaje nga koncerti, sepse do të doja që i pari që do ta shijojë këtë koncert, të jetë publiku i sallës. Do të këndoj, kërcej…, të jeni të bindur që do të jem i paparashikueshëm. Ende nuk më keni njohur.



15/02/2004
KATEGORIA: Kulturë

[vagabondi1]

Esht e vertet qe ka nxjer nje album Ardit Gjebrea kto kohet e fundit ?

[edspace]

Albumin e ri mund ta dëgjoni këtu

[Fiori]

Edi, faleminderit ne lidhje me punen qe ben me faqen e muzikes dhe faleminderit shigjetes qe solli albumin e Arditit.

Ne pergjithesi kenget me pelqyen. Kam vene re se artistet shqiptare te ketyre viteve po karakterizohen nga tendenca per eksperimentim me lloje te ndryshme muzikesh. Po ju jep te gjitheve mundesine te gjejne veten, por ne te njejten kohe po krijon nje vale "laje lulesh ".

Arditi mu duk shume i moshuar, kisha kohe qe nuk ja kisha pare fytyren. Me beri pershtypje golfi, i semure ka qene kur ka bere foton



Kenget qe me pelqyen me shume nga albumi jane Bota ime dhe Ja ku jam :


Bota Ime

Refreni
Ti boten time nuk e njeh
ne veten tende syte i fsheh
s'te vret me fjala dhe e verteta
eresire ti je, eresire nuk ke me ndjenja

S'mund te jem une ky
s'mund te jem drite une per ty
pertej vetes tende nuk shikon
une jetoj me ty
me nje jete qe kurre s'me dhe
tani me tremb dhe ti qe egziston
heshtjet neper nate
te vertetat, te fshehtat ne i ndame
dhe lexonim fjale qe nuk i thame
asgje nuk do kuptosh
si fantazem me naten do te shkosh
hija jote neper kembe te ngaterron


Refreni - Dy here
Ti boten time nuk e njeh
ne veten tende syte i fsheh
s'te vret me fjala dhe e verteta
eresire ti je, eresire nuk ke me ndjenja


S'mund te jem me ty
nuk me sheh dot me ne sy
me ty fillon gjithcka me ty mbaron
e vertete nuk je
veten tende ti e fsheh
me puthje genjeshtare qe s'jetojne
heshtjet neper nate
te vertetat, te fshehtat ne i ndame
dhe lexonim fjale qe nuk i thame
asgje nuk do kuptosh
si fantazem me naten do te shkosh
hija jote neper kembe te ngaterron


Refreni - deri ne fund
Ti boten time nuk e njeh
ne veten tende syte i fsheh
s'te vret me fjala dhe e verteta
eresire ti je, eresire nuk ke me ndjenja



.........

[edspace]

Jo me Fiori, Jo

Golfi është për dy arsye: E para tregon se ai është munduar aq shumë me këngët sa i janë acaruar edhe kordat e zërit, pra artist i vërtetë, soprano. E dyta, golfi jep një ndjenjë ngrohtësie, dashurie, që i përshtatet temës së albumit dhe ngjall interes tek dëgjuesit e Arditit. Ti, si pe Korçe që je nuk merr vesh nga këto gjëra se ta ka ftohur zemrën dëbora.

Interesi i vizitorëve i ka rreshtuar këngët në 40 më të dëgjuarat por vetëm koha do tregojë cilësinë e vërtetë të këngëve.

[shigjeta]

Te kerkoj
Te kerkoj e nuk te gjej
Ne cdo vend ku kemba shkel
Ti askund, askund nuk je

Te kerkoj
Si i cmendur te kerkoj
Neper boten qe s’mbaron
Sa dhe fryma me ndalon

Pse, pse me torturon kete nate
Pse thone une jam njeri pa fat?!

Ref.
TI,
Dhe nje here po te kthehesh ti – une ja ku jam
Dhe nje here te me duash prape – une ja ku jam
Dhe nje here ti te jesh e imja – ja ku jam
Parajsen te ta fal

Dhe nje here te te mbaj ne duar – ja ku jam
Dhe nje here te me besh te vuaj – ja ku jam
Dhe nje here te me vrasesh mua – ja ku jam
Dhe vdekja le t’me marre

Me mungon
Zerin tend nuk e degjoj
Nje mesazh ne telefon
Shpirti im sa me mungon

Me mungon
Prekja jote me mungon
Trupi yt kur dritheron
Dhe nje puthje qe s’mbaron

Pres, pres te me vish kete nate
Pres, cdo njeri e ka nje fat

Teksti: Timo Flloko
Muzika: Ardit Gjebrea

[shigjeta]

Ti
Ti po kthehesh perseri tek une
Me pendese edhe trishtim pa fund
Ka shume kohe qe po te pres…sa shume…

Vjen
Permes eres neper nete, ti vjen
Nostalgji dhe deshperim me sjell…
Sa e huaj je tani, s’e ndjen?...

Ku shkuan endrrat, ku
Ke deshen syte e tu
S’e di…!
Ne heshtim qe te dy
Na ndan nje ftohtesi
Tani…

Kur braktis ate qe do
Vjen nje cast qe e kupton
Se pa te, ti dot s’jeton…!

Cfare me thuaj vlen ne bote
Kur je vetem e ke ftohte
Dhe nje zemer s’e gjen dot…?

Ku shkuan pritjet, ku
Ku ndali hapi yt
S’e di…!
Nje ndjenje ne fshehtesi
Jam skllavi yt me thote
Tani…

Une
Sa trishtim po ndjej ne shpirt, cudi…!
Kur pendesen shoh ne syte e tu
S’di…te dua a te humba pergjithnje?!

Ti
Ti u ktheve, lotin shoh te ngrire
Jam i dobet dhe te fal?! S’e di…
Mund ta kthejme ne jete dashurine?!...

Teksti - Timo Flloko
Muzika - Ardit Gjebrea

[Mr_cool]

me pelqen kenga e re e ardiitit Ja ku jam

nese don dikush muj tja jap linkat me bere download albumin e ri

[shigjeta]

Ja nje foto me 'verore' e Arditit