Rama rikonstruktoron ambientet e Kryeministrise me "kontribute vullnetare"

[Archon]

TIRANË - Kryeministri Edi Rama, nëpërmjet një postimi në faqen e tij në 'Facebook', ka bërë sot një pasqyrim të gjendjes aktuale të ambienteve të ndryshme të godinës së kryeministrisë.

Në një set fotografish të ekspozuara nga kryetari i qeverisë, vihet re amortizimi dhe lënia pas dore e ambienteve të ndryshme, si zyra, salla të pritjes, salla konferencash etj.

Ndërkaq fotot flasin edhe për një ndërhyrje tashmë konkrete për rikonstruksion të këtyre hapësirave.

E para që i është nënshtruar ndërhyrjes, është salla e mbledhjeve të qeverisë, e cila, sic e tregojnë dhe pamjet, ka pësuar thuajse një tjetërsim, jo në fizionomi, sa në detaje.

Pamjet tregojnë se puna për përmirësimin gjendjes së atyshme po vazhdon dhe se këto punime i inspekton edhe vetë Kryeministri.
Në krah të Ramës vihen re arkitektë të njohur dhe bashkëpunëtorë të ngushtë të tij.
(e.m/BalkanWeb)

https://www.facebook.com/media/set/?...4771522&type=1

[Albo]

Punimet në Kryeministri, Mëhilli: Si u siguruan fondet? Rama: Zero lekë nga buxheti i shtetit


TIRANE - Kryeministri Edi Rama iu përgjigj deklaratës së ish-zëdhënëses së kryeministrit Berisha në lidhje me shpenzimet që po bëhen për të kryer punimet në godinën e kryeministrisë.

Përmes rrjetit social “Facebook”, Rama sqaron se punimet po kryen mbi planin origjinal italian dhe për to nuk është shpenzuar asgjë nga buxheti i shtetit.

“Kontribut vullnetar = zero lek nga buxheti i shtetit, Punimet sot para kryeministrisë mbi planin origjinal italian.”- shkruan Rama në albumin fotografik të publikuar në “FB”, ku tregohen disa nga punimet që po kryhen në godinën e Kryeministrisë.

ISH-ZËDHËNËSJA E BERISHËS: MJERË SHTËPIA KUSH KA HYRË BRENDA
Ish-zëdhënësja e KM, Erla Mëhilli reagoi “ashpër” mbi fotot e publikuara dje nga kryeministri Edi Rama, një album i titulluar “Kryeministria siç nuk e keni parë".

Në një reagim në “Facebook”, Mëhilli përgënjeshtron fotot e kryeministrisë, pasi sipas saj gjendja në kryeministri nuk ka qenë aspak e tillë, por është “katandisur” këto ditë.

Erla Mëhilli shkruan se: “Gënjeshtra është bërë bashkëudhëtare e pandarë e gjysëm piktorit tashmë edhe gjysëm fotograf. Kjo Kryeministri, që ka pritur njerëz të mëdhenj të kësaj toke, si Xhorxh Bush e Hillary Clinton etj, e qe u hap për qytetarët më 28 nëntor, duhej të rrënohej vetëm që dikush të mbushte xhepat që në ditët e para pa filluar mirë punën”.

Më tej, ish-zëdhënësja, Mëhilli shkruan:” Eshtë e lehtë të rrëzosh një stemë republike, të shkulësh kangjellat, të grisësh perdet e sallës së mbledhjeve, apo të ndërrosh kolltuqet e zyrave për të mbushur xhepat. Por, si u siguruan fondet? Kush i financoi punimet? Me ç'proçedura u prokuruan materialet dhe shërbimet e kryera? Sa kushtoi e gjithë kjo? Gjithçka jashtë çdo lloj proçedure ligjore dhe pa transparencë, përveç përfitimit apo favoreve. Duke parë fotot që kishte publikuar kryeministri i fasadave, më erdhi në mend shprehja: "Mjerë shtëpia kush ka hyrë brenda". Rama qimen e nderron por fasadat s'i harron!!"- përfundon Mëhilli.

(m.s/er.nu/BalkanWeb)

[Albo]

“Kontribut vullnetar = zero lek nga buxheti i shtetit, Punimet sot para kryeministrisë mbi planin origjinal italian.”- shkruan Rama në albumin fotografik të publikuar në “FB”, ku tregohen disa nga punimet që po kryhen në godinën e Kryeministrisë.

O Majmun Kryeminister.

Je i detyruar me ligj qe te deklarosh origjinen e "kontributeve vullnetare", duke publikuar emrat e atyre qe i kane dhuruar keto leke shtetit shqiptar. Po c'na duhet ligji ne? Eshte turp per nje shtet te beje rikonstruksionin e godines se vete me para te dhuruara. Po edhe turpin ti e ha me buke, nuk te ben pershtypje.

Albo

[murik]

I ka bere me parate e Anetes..

[Xhuxhumaku]

Një foto nga… Edi Rama

Armand Shkullaku

armand shkullakuQeveria e re po ia del ta zhvendosë debatin publik në tema krejt të parëndësishme, ndërkohë që çështje mjaft të ndjeshme që lidhen me emërimet e nivelit të lartë, qëndrimin ndaj administratës civile, premtimet elektorale dhe transparencën në vendimmarrjet e para të ekzekutivit, po kalojnë pa vëmendjen e duhur. Vetë Edi Rama po e aplikon me aq zell këtë strategji, sa në afshin e nxehtë të fotomanisë po i bën bashkë presidentin Obama, minjtë e bodrumeve, Bonon e U2-ve dhe bagëtitë e oborrit të spitaleve. Nën shembullin e tij, herë me foto e herë me aksione leifeniste, është përfshirë gjithë ekipi qeveritar duke e sjellë prezantimin e qeverisë së re në kufijtë e qesharakes. Dhe kjo strategji do të kishte mbetur vërtet një naivitet i çunave të qeverisë, sikur të mos merrte përmasat e një debati, madje konflikti, që po mbizotëron politikën në vend. Në këtë kuptim, kryeministri Rama, një lojtar i sprovuar në lojën e figurave, e ka arritur në një farë mase qëllimin e tij.

Gjithë këto ditë, qytetarët që presin shenjat e para të ndryshimit të premtuar, janë bombarduar me foto gjithfarësoj që tregojnë kaosin e “të këqijve” dhe stërmundimin e “të mirëve” për të vënë rregull. Ky bombardim e ka kaluar masën, aq sa për shumë njerëz kryeministri nuk përfytyrohet më në karrigen e tij duke u marrë me malin e punëve që e presin, por si një arush fotograf që bredh me aparat në dorë nga një ministri në tjetrën. Pasi ndërroi mustaqet e Nishanit me mjekrën e Ismail Qemalit, tani ka dalë vetë në terren për të plotësuar ekspozitën e Rilindjes. Në gjurmët e tij, përsëri me foto e video, shfaqen dy Artanët mëngëpërveshur e çorapezbathur që po ia zbardhin faqen kryeministrit. Kur ai të kthehet nga përtejdetit gjithçka do të shkëlqejë. Një tjetër ministër, që nuk ka talent në punën e meremetimeve, nxiton për të çuar me krahët e tij në urgjencën e spitalit një fëmijë rom të lënduar, por nuk harron të thërrasë përsëri kamerat e fotografët për të fiksuar këtë akt human. Ndërsa një tjetër, kur ndërhyrja ndaj krimit po bëhet emergjencë, shkarkon policët rrugorë dhe demonstron forcën (gjithnjë vizualisht) ndaj ndërtimeve pa leje që vetë kryetarët e bashkive socialiste i kanë çuar në prokurori për bllokim. Situata bëhet gjithnjë e më komike. Një deputet i zgjedhur nga populli deklaron se po merret me rregullimin e kryeministrisë vullnetarisht, një tjetër thotë se ka gjetur një burrë që pret hekurat me 7 mijë lekë, një tjetër se njeh një shofer që ia bën transportin e gardhit falas deri në Butrint. Kolegu Sokol Shameti i bën thirrje ministrit se vuan nga rrufa dhe kërkon ta shoqërojë në spital, ndërsa një oficer i policisë rrugore thotë se e kanë larguar pasi i ka vënë gjobë dikur ministrit aktual. Dhe kulmi arrin kur kryetari i bashkisë së Vlorës, Shpëtim Gjika, deklaron i habitur se Policia e Shtetit po bën show për mediat duke bllokuar ato ndërtime që i ka bllokuar ndërkohë Inspektorati Ndërtimor i Bashkisë.

Këto reagime krejtësisht qesharake janë pasojë e politikës së fotove dhe spektaklit mediatik. Ato do të mbeteshin aty sikur strategjia e Ramës të mos i zhvendoste në qendër të debatit publik. Megjithëse e njohin stilin e tij, tashmë të pagëzuar si stili i fasadës, në këtë lojë hynë thuajse të gjithë. Kryetari i opozitës, ish kryeministri, ish ministra e ish funksionarë të administratës së shkuar, ia nisën publikimit të fotove, statuseve në facebook, konferencave të shtypit e intervistave në media, duke e shndërruar lojën e Ramës në një fenomen politik. Emisione televizive, debate, faqe të para të gazetave, editoriale e analiza, e kanë kthyer në çështjen kryesore të ditës fotomaninë e qeverisë së re. Bodrumet e ministrisë zënë më shumë vend se sa aksionet e policisë. Nëse nuk do të fliste Shpëtim Gjika askush nuk do ta kuptonte bllofin e ndërtimeve pa leje në Vlorë. Minjtë dhe plehrat e spitaleve mbuluan lajmin për emërimin e më pas pezullimin e drejtuesve në QSUT. Fotot që Edi Rama postonte nga SHBA për të denoncuar qeverinë e shkuar, kaluan në heshtje transparencën për shpenzimet e delegacionit të stërmadh të qeverisë së sotme në Nju Jork. E kështu për shumë raste të tjera që kanë humbur nga vëmendja e publikut për shkak të kapjes në çarkun e aparatit propagandistik të Edi Ramës.

Me shumë gjasë kjo strategji do të shndërrohet në boshtin e qeverisjes që sapo ka nisur. Zelli me të cilin po aplikohet nga mjeshtri kryeministër dhe fanatizmi me të cilin po e ndjekin disa ministra imitues të tij, janë shenja të qarta se Rama do të kërkojë ta mbajë në këto nivele debatin rreth qeverisjes së tij. E përsa kohë edhe opozita edhe media e ndjekin në këtë lojë, ai nuk ka arsye të heqë dorë. Mënyra e vetme për ta bërë kryeministrin e ri të përgjigjet për angazhimet që ka marrë dhe jo për pastrimin e bodrumeve, është të mos bëhesh pjesë e ekspozitës së tij. Vetëm ashtu ai do ta lërë aparatin dhe do të kapi shatin. Për të treguar jo me foto, por me punë se sa i aftë është të qeverisë Shqipërinë.

http://mapo.al/2013/09/27/nje-foto-nga-edi-rama/

[kriskulli]

Analizë nga Preç Zogaj: Fotot e postuara nga Rama, një tallje me zgjedhësit

Fotot e postuara nga Rama, një tallje me zgjedhësit

Analizë nga Preç Zogaj

Megjithëse fizikisht në SHBA, kryeministri Edi Rama ka qenë i pranishëm gjatë gjithë javës në Shqipëri Prec-Zogajme publikimin prej tij të fotove me pamje “rrënimi” nga bodrumet e Kryeministrisë, apo nga Qendra Spitalore Universitare “Nënë Tereza”. Deputetja e PD-së, Jonida Tabaku është kundërpërgjigjur me foto të tipit “Tirana dje”(me Ramën) dhe “Tirana sot” (Me Bashën). Ç’do të thotë kjo? A mos zoti Rama po e tërheq opozitën dhe median në debate periferike për të larguar vëmendjen nga gjërat më thelbësore të qeverisjes së tij?

Nuk ka arritur dot në Nju Jork

Kushdo që informohet sadopak për këtë lojë kalamajsh, e para gjë që mendon është ajo se kryeministri nuk ka arritur dot në SHBA. Nuk ka arritur mendërisht, shpirtërisht, kulturalisht, pasi fizikisht atje është. Avioni të merr dhe të çon në Nju Jork, në Londër, në Paris dhe në çdo qytet tjetër të perëndimit, por asnjë avion, asnjë disk fluturues, asnjë mjet tjetër nuk të çon dot në destinacionin kulturor dhe etik që mishëron ky Perëndim nëse nuk ke predispozitat e brendshme për të qenë i tillë. Se si më vjen kur mendoj se njëherësh me foton e parë që ka bërë me presidentin Obama, kryeministri i vendit tim ka postuar për publikun e tij edhe një foto me plehra, të shkrepur në një si pubelë të Qendrës Spitalore “Nënë Tereza”. Madje duke e ditur tashmë se fotoja me Obamën në takimet e tij të kortezisë me dhjetëra kryetarë shtetesh e qeverish të botës, edhe pse një kujtim i bukur, është prapëseprapë rutinë dhe nuk thotë asgjë tjetër, këtë foton e plehrave e ka porositur e dërguar me një gëzim të shtuar duke qenë se sipas mendjes së tij, një foto e tillë turpëron qeverinë e mëparshme dhe cakton pikënisjes e startit të Rilindjes! Përveçse një gjest i padenjë për një burrë shteti, kjo është pikësëpari një tallje me zgjedhësit e së majtës, të cilët kanë votuar pikërisht sepse sipas bindjes së tyre punët nuk shkonin mirë me qeverinë e mëparshme. Jo thjesht këto të plehrave të harruara apo të hedhura vend e pa vend, se plehra mund të fotografosh sa të duash në territorin tonë dhe kudo gjetkë madje, por punë shumë më të rëndësishme. T’u postosh foto të tilla pasi u ke marrë votën, është t’i trajtosh ata si injorantë, për të mos thënë një gjë edhe më të rëndë. Por kemi këtu edhe një spekulim të ulët nga ato që nxjerrin në pah natyra të prishura. Qendra Spitalore Universitare “Nënë Tereza” është një kompleks ku gjen ishuj perëndimorë dhe ishuj socialistë. Ka pavijone ku gjen standarde bashkëkohore, ka të tjera ku nuk është vënë dorë prej vitesh. Gjatë katër viteve të kaluara, shëndetësinë e kanë qeverisur ministrat e LSI-së, që sot është sërish në qeveri me zotin Rama dhe me ministrin e ri të Shëndetësisë, zotin Beqja. Do të dëshiroja shumë që zoti Beqja të mos ketë dorë në historinë perverse të fotove; integriteti i tij do të merrte një goditje të rëndë nëse do të ishte i përfshirë. Vetëm vogëlsia do të tundohej të bënte kauzë me një foto plehrash, apo me mobilje që qenkan zbuluar në bodrumet e Kryeministrisë. Këtu as intrigë për të intriguar kureshtjen e publikut nuk ka. Qeveria “Berisha” ka ikur. Nëse Rama po i bën zyrat nga e para sipas shijes së tij, me vullnetarë apo me projekt të huaj, me paratë e qeverisë apo me donacione, e vetmja gjë për të cilën kërkohet transparencë është sa kushtojnë këto ndërhyrje, kush po i financon. Nëse ka një projekt të vjetër italian për kthimin në identitet të godinës, që nuk është përfillur fjala vjen nga kryeministrat e mëparshëm, Rama mund ta përfillë, por me transparencë dhe kryesorja pa u marrë me të tjerët.

Kryebashkiaku i Vlorës, Shpëtim Gjika ka dalë ‘kundër qeverisë’ duke deklaruar se Policia e Shtetit po përsërit punë të bëra nga inspektorët lokalë të ndërtimit, duke dekonspiruar kështu aksionin për show të strukturave qendrore të qeverisë së re…

Vendorët më pranë së vërtetës

Nuk mendoj se ka dalë kundër qeverisë për këtë çështje Shpëtim Gjika, edhe pse nuk do të befasohem po ta dëgjoj ndonjë ditë të kundërshtojë kryeministrin apo ministrat në emër të interesit publik të bashkëqytetarëve të tij. E njoh zotin Gjika si një kryebashkiak me integritet. Por kësaj radhe ai ka mbrojtur të drejtën e autorit, siç themi në art, për punët e kryera nga Bashkia, të cilat autokombajna propagandistike e qeverisë kërkon t’i bëjë të vetat për show. Nuk dua ta lexoj ndryshe zotin Gjika, por lejohem të them se jemi në një linjë në lidhje me qasjen propagandistike që ka zoti Rama. Unë kam opinionin tim, të shprehur tashmë, se parimi i kësaj qeverie është “puna diçka, propaganda gjithçka”. Pa hyrë në të thella dhe pa kaluar në përgjithësime, zoti Gjika, socialist njëzet e katër karatësh, u thotë të vetëve në Tiranë: Zotërinj, nuk mund të dubloni punën tonë për t’u dukur sikur po punoni, nuk mund të shisni dy herë të njëjtën punë, se një herë shitet si punë ajo e shkretë, herën e dytë vetëm si show mund të shitet. Kjo është. Por në xixat e para që po lëshon marrëdhënia e Ramës me kryebashkiakë të ndryshëm del në pah, tashmë në një dritë tjetër, se realiteti që ka krijuar në mendjen e tij kryeministri nuk është ai që njohin e prekin me dorë prej vitesh drejtuesit e pushtetit lokal. Këta janë më pranë së vërtetës. Kryeministri duhet të afrohet gjithashtu pranë saj. S’ka gjë se duhet të rikonsiderojë përbetimet dhe stilemat e tij propagandistike.

Është shtyrë ligji i nëpunësit civil, një prej ligjeve që u bë pengesë për marrjen e statusit pasi opozita e atëhershme, e mazhoranca e sotme, refuzonte ta votonte. Ligji u votua në maj, por pengohet tani. Opozita ka reaguar ashpër ndaj kësaj duke lexuar te ky vendim dëshirën për të shtyrë marrjen e statusit që kreditet mos t’i marrë qeveria paraardhëse.

Një shaka me shumë të panjohura me nenin e fundit

Do të ishte një shaka tepër e hidhur me shumë të panjohura po të ishte kështu. E bllokuan një vit statusin për të mos i dhënë kredite politike qeverisë, tani paskan nevojë ta bllokojnë prapë për të mos i dhënë kredite ish-qeverisë! Jo, jo, nuk mund të jetë kjo. Qeveria vërtet ka interesa konkrete që kërkon t’i realizojë duke dribluar ligjet apo konsensusin me opozitën, por nuk mund të ketë rënë kaq poshtë sa të provokojë me dashje një shtyrje të dytë të marrjes së statusit. Unë mendoj se shtyrja e afatit të hyrjes në fuqi të ligjit ka vetëm një qëllim: të mundësojë spastrimet “me duar të pastra” në administratë, në funksion të punësimit të sa më shumë militantëve dhe kandidatëve që kanë dorëzuar CV-të e tyre në Partinë Socialiste. Militantët kërkojnë gjithmonë, ne kemi qenë vetë deputetë dhe e dimë këtë. Po ashtu edhe të diplomuarit që kanë filiacion socialist apo kanë aplikuar pranë kësaj partie pas ardhje së saj në pushtet. Në këtë rast, PS dhe LSI kanë në dispozicion postet politike të çdo niveli që demokratët i kanë lënë apo po i lënë. Kanë në dispozicion gjithashtu mundësi të tjera në vende pune që nuk janë pjesë e shërbimit civil. Vetë ligji nuk pengon ripërtëritjen e administratës konform rregullave të qarta. Pra ekzistojnë hapësira. Por këta me sa duket, e duan gjithë hapësirën, duke rrezikuar kësisoj gjëra të mëdha. Po rrezikojnë ta kthejnë vendin në pikën zero në lidhje me statusin e nëpunësit civil. Do të thotë “le të vijë zoti në këtë vend, lë të bëjmë ligje që nuk i ka kush, qeveritë ia gjejnë gjithnjë anën ta bëjnë administratën një bisht të partive respektive”. Po rrezikojnë ndoshta edhe marrjen e statusit. Kjo duhet verifikuar mirë. Me statusin nuk mund të luhet më. Asnjë justifikim, asnjë synim tjetër, asnjë alibi nuk vlen këtu. Opozita është në misionin e saj të mbrojë ligjin dhe konsensusin. Në mos opozita, kush tjetër?

PD ka hapur një portal për ata që pushohen nga puna padrejtësisht…

Opozita e ka detyrim mbrojtjen e nëpunësve civilë

Mendoj se ka bërë mirë. Po fryn një erë spastrimesh që rrezikon të bëjë viktima edhe nëpunës civilë me status. Ky veprim i opozitës me të madhe mund të ndikojë që tundimet atavike të fshesës të frenohen. Nga ana tjetër, PD ka mundësi të njohë më mirë, me fakte konkrete, gjendjen reale dhe mbi ketë bazë të ndërtojë opozitën e saj të argumentuar e të fortë. Së fundi, PD ka ofruar asistencë ligjore për të larguarit padrejtësisht dhe kjo do të jetë një ndihmë konkrete që ata të ankimojnë në rrugë ligjore padrejtësinë e pësuar.

Z. Meta e ka ‘tërhequr’ mazhorancën duke thënë se SHQUP nuk është çështje kryesore e mazhorancës dhe ai gjithashtu i ka dhënë një zyrë në Kuvend ish-kryeparlamentares Topalli. A duket sikur pushteti i madh një njeri të paktën e bën më të mirë?

Kur s’flas për Metën, jam duke e lavdëruar

Meta nuk ka qenë ndonjëherë njeri i keq. Kundërshtarët e tij politikë, përfshirë mua, kanë kritikuar apo denoncuar në kohë të ndryshme akte dhe veprime konkrete të tij në postet që ka mbajtur në ekzekutiv. Nuk është fisnike t’i rikujtojmë sa kohë që si kryetar Kuvendi ka mbajtur disa qëndrime dhe ka bërë disa gjeste që shkojnë në favor të klimës bashkëpunuese që duhet të karakterizojë jetën institucionale dhe politike në vend. Ndoshta është posti specifik i kryetarit të Kuvendit dhe roli i kingmaker-it që ia mundësojnë pozicionin që po mban. Unë nuk dua të shtyhem më tej në këtë trajtim. Meta e di me kohë se kur nuk flas për të, jam duke e lavdëruar. Këtë e thashë për shaka.



Ndërkohë, rendi dhe qetësia kanë qenë temë kryesore e medias. Ka patur disa atentate me bomba të telekomanduara dhe është ironike që z. Sajmir Tahiri që ironizonte z. Flamur Noka si ministër për uljen e krimit këmbëkryq, tani po e përjeton vetë këtë situatë…

Në rend prin inteligjenca, pastaj vjen forca

Jemi akoma në javët e para. Dëshiroj që kjo të shihet në të dyja anët e medaljes. Do të thotë se ministri nuk ka patur ende kohë ta tregojë vetën. Do të thotë gjithashtu se “rutina” apo përkeqësimi në rend mund të kthehen pas debutimit plot vrull, pasion e përkushtim të ministrit Sajmir Tahiri. Unë uroj të parën, sigurisht. Në çdo pozicion politik që kam patur, e kam konsideruar të shenjtë mbështetjen e forcave të rendit, mbështetjen e forcimit të rendit. Në parim- dhe kjo tezë nuk është imja- kam besuar e besoj se rendi është pasojë e bashkëveprimit të shumë faktorëve shoqërorë, ekonomikë, kulturorë, trashëgimorë e tjerë, pra në thelb as përmirësohet, as përkeqësohet në vetvete, si ishull i izoluar. Së dyti, konceptimi i rendit si forcë, apo vetëm si forcë, është naivitet. Në rend, sidomos në rend, prin inteligjenca. Në këtë kuptim, nuk më kanë pëlqyer disa fjalë të zotit Tahiri kur mblodhi krerët e policisë, me grada të larta dhe përvojë të madhe shumica prej tyre dhe u tha me ton dhe me një nëntekst të dukshëm mosbesimi “nga ky moment jeni në provë të gjithë”. Kjo ishte një e folur pa respekt e një ministri politik për kuadrot e lartë të policisë dhe unë po e them tani se pa respekt nuk bëhet as lufta, pale rendi në një vend demokratik si Shqipëria e vitit 2013. Po ashtu, edhe pse nuk mund të vë dorën në zjarr për asnjeri, shkarkimet kaq masive me psikologjinë e tabula rasa, e ngrenë shumë lart stekën e pritshmërisë nga ky ministër. Ai ka marrë shumë zotime. Shoh se i është lënë fusha e hapur. Kjo është shumë interesante. Në këto kushte, përgjegjësia e tij do të jetë e dyfishtë nëse realiteti i rendit nuk i përgjigjet me shifra dhe tregues të matshëm.


Ish/anëtarja e KQZ, Albana Shtylla, e dorëhequr nga ky institucion si e ‘depolitizuar’ ka pranuar një emërim politik nga mazhoranca e re duke u bërë Sekretare e Përgjithshme e Kuvendit


Depolitizimi ka qenë politik

Nuk kam ndonjë të dhënë specifike për rastin në fjalë. Depolitizimi, me sa duket, ka qenë politik kur zonja ka dhënë dorëheqjen. Gjithsesi, unë së paku nuk dëshiroj t’i kundërshtoj socialistët për çfarë kam pranuar nga demokratët. Fituesit e marrin edhe këtë post. Nuk ka ndonjë të keqe.

Burimi: Mapo.al

[ionian]

Edhe ti , O Prec...?

[kriskulli]

, vetëm kaq? Duket sikur po qan për pak qumësht...
Analisti Preç Zogaj ka folur me argumente dhe ka dhënë mendimin e tij, që jo domosdoshmërisht është yti. Ti mund fare mirë të zgjedhësh që të rrish në errësirën e shpellës tënde.