Ese:Arsyet e falimentimit te biznesit.Roli i menaxhimit

[Archon]

Një ese mbi shkaqet e falimentimit të bizneseve dhe rolin e menaxhimit mbi këtë proces.Gjithashtu kjo ese do të mundohet ti përgjigjet pyetjeve si :Pse një bisnez dështon? Pse disa bisnese janë të sukseshme dhe të tjerat dështojnë? C'farë i bëri këto bisneze të dështojnë?

 
Objektivat:
1.Të analizohen shkaqet që çojnë në falimentimin e bizneseve
2.Ti përgjigjet pyetjeve si: Pse një bisnez dështon? Pse disa bisnese janë të suksesshme dhe të tjerat dështojnë? C'farë i bëri këto bisneze të dështojnë?
3.Të vihet në dukje roli i menaxherit në procesin e falimentimit të një biznesi.

********

Sipas Altman "Falimentimi është situata ku detyrimet e firmës tejkalojnë vlerën ekonomike të aseteve të saj". Në ditët e sotme ka shumë kompani që përballen me probleme financiare që përfundojnë deri me falimentim.Dështimi i biznesit mund të shkaktohet nga shumë arsye, megjithatë faktorët kryesorë janë problemet e brendshme. Një firmë mund të falimentojë sepse ekipi menaxhues nuk ka ushtruar kontroll në mënyrë efikase në operacionet e biznesit. Menaxhimi i dobët mund të si pasojë e një pune të dobët në këto sektorë: menaxhimi i burimeve njerëzore, menaxhimi i marketingut dhe menaxhimi financiar.
Një rritje në pagën e punonjësve mund të ngadalësojë rritjen e organizatës. Nëse kompania u ofron punonjësve paga shumë të larta, por nuk shton orarin e punës, kostoja e produktit do të rritet dhe vetë kompania do të ketë fitim të ulët. Jo vetëm paga e lartë e punonjësve, por përfitimet shtesë, të tilla si kujdesi shëndetësor, sigurimet, përfitimet e daljes në pension dhe shumë të tjera, shkaktojnë rënie në të ardhura.Kjo situatë mund të sjellë në një falimentim të mundshëm të biznesit. Në fillim bizneset kanë një shkallë shumë të lartë të dështimit,1 në 3 dështojnë që në tre vitet e para. Ana e kundërt e medaljes është se rreth dy të tretat mbijetojnë dhe disa raste shkojnë në zhvillim dhe zgjerim.
Arsyet kryesore për dështimin e biznesit përfshijnë:
1.Marketingu i varfër
Bizneset e suksesshme moderne janë ato që i kuptojnë dhe i përmbushin kërkesat e klientëve të tyre. Planifikimi i detajuar i tregut dhe hulumtimi rreth tij është thelbësore për bizneset e reja, për të gjetur detaje të tilla si madhësia potenciale e tregut, shkallën e konkurrencës, si dhe preferencat e konsumatorit dhe shijet.
2. Planifikimi i dobët i biznesit
Planifikimi i biznesit duhet të mbulojë aspekte të tilla si marketingu, financa, shitjet dhe planet promovuese. Shpesh është thënë se "dështimi në planifikim, është plan për dështim".
3.Dështimi për të përqafuar teknologjitë e reja dhe zhvillimet e reja
Në një botë në ndryshim të shpejtë bizneset kryesore janë ato që e bëjnë përdorimin më të mirë të teknologjive të avancuara bashkëkohore në mënyrë të përshtatshme. Firmat që operojnë me teknologjitë dhe metodat e vjetëruara shpesh e gjejnë veten në një disavantazh ndaj rivalëve më dinamikë.
4. Zgjedhja e dobët e vendndodhjes
Vendndodhja është një vendim shumë i rëndësishëm për biznesin. Një vend i mirë është ai që minimizon ankesat e klientëve, ndërsa në të njëjtën kohë ul kostot. Për shembull, në pakicë shpesh bëhet një gabim për të zgjedhur një vend me kosto të ulët,por që nuk është e dukshme për konsumatorët.
5. Menaxhimi i dobët
Menaxhimi i dobët dhe pa përvojë është një nga shkaqet kryesore të dështimit të biznesit. Menaxherët duhet të punojnë jashtëzakonisht shumë për të kuptuar nevojat e klientëve të tyre dhe të biznesit që ata janë në qoftë se ato duan të jenë të suksesshëm.
6. Marrëdhëniet e dobëta me punonjësit
Shpesh shërben si shkak i dështimit. Bizneset e suksesshme duhet të motivojnë të punësuarit e tyre që të punojnë shumë për të ndihmuar biznesin të ketë sukses.
7. Mungesa e objektivave të qarta
Organizatat e suksesshme janë fokusuar në mënyrë të qartë për të komunikuar objektivat që i mundësojnë të gjithë në organizatë për ti tërhequr në të njëjtin drejtim.
Shumica e bisnezeve mendojnë se duke punësuar më shumë njerëz në filialet e tyre redukton pergjegjësitë që ata mbartin për cdo filial. Ata arrijnë të lejojnë këta njerëz madje edhe të drejtojnë bisnesin që ata kanë pa i kontrolluar shpesh herë se cfarë këta njerëz bëjne. Të menaxhosh bisnezin tënd dhe të kapësh performancën e njerëzve që punojnë për ty janë celsat e biznesit tënd. Ti mund të ofrosh produktin më të mirë në treg por kjo nuk është e mjaftueshme. Ju duhet të kontrolloni cdo ditë cfare punonjësit tënd bëjnë në orarin e tyre të punës. Ata mund të qëndrojnë gjatë gjithë kohës në zyrë dhe në tavolinat e tyre psh. duke parë website të ndryshme në vend të websiteve të punës që duhet të ndjekin vazhdimisht, ata mund të jenë në telefon me të afërmit e tyre gjithë kohës dhe ndërkohë klientët tuaj presin në linjë për të marrë informacione prej tyre. Asnjëherë nuk i dihet. Për këte arsye ju duhet të kontrolloni herë pas here punonjësit tuaj, të analizoni performacën e tyre si dhe ti ndihmoni ata duke i motivuar për të bërë një punë akoma më të madhe. Të punësosh njerëz të përgjegjshëm që nuk bazohen në shprehjen "Nuk është puna ime, është e dikujt tjetër", njerëz shumë punëtorë dhe që e kanë me shumë dëshirë punën që ata bejnë zvogëlojnë problemet që bisnezi ka.