Peleshi: Do zhbëjmë çdo vendim pas 23 qershorit, edhe SHQUP

[Albo]

Peleshi: Do zhbëjmë çdo vendim pas 23 qershorit, edhe SHQUP

Zv.kryeministri: Reformë në çdo ministri.

Zëvendëskryeministri Niko Peleshi është ftuar në emisionin “5 Pyetje nga Babaramo” në A1 Report. Gjatë emisionit, zv/kryeministri Peleshi i përgjigjet një sërë pyetjesh të gazetarit Ilir Babaramo mbi tri vendimet e para të qeverisë Rama; ekonominë, mënyrën se si do të shlyhet borxhi ndaj kompanive duke synuar uljen e borxhit publik.

Keni deklaruar se do i anuloni vendimet pas 23 qershorit. Gjasat tregojnë se nuk po shkoni në këtë hulli. SHQUP duket sikur është certifikuar tashmë. Ku e shikoni se jemi zmbrapsur?
Interesat e qytetarëve u prekën keqas në mënyrë të paprinciptë pas 23 qershorit. Ne do marrim vendime etike; do prekim çdo vendim pas 23 qershorit. Mund të jenë marrë vendime që nuk bien ndesh me interesa madhore. Por për etikë do t’i zhbëjmë të gjitha. Ky është qëndrimi ynë, në të cilin do qëndrojmë edhe pasi të jemi përpara zgjedhësve pas 4 vjetësh.

Do të anuloni çdo vendim?
Ne do anulojmë çdo vendim.

Përfshirë dhe SHQUP?
Çdo vendim.

Pse morët këto 3 vendime si të parat? Pse zgjodhët pikërisht këto? Nuk ka qenë përzgjedhje rastësore. Ne kemi pasur parasysh simbolikën e vendimeve të para. Mbledhje e shkurtër, por e rëndësishme për mesazhet. Vazhdoi me Kodin e Etikës. Ne mendojmë se rikthimi i integritetit të qeverisë, etika e qeverisë dhe gjithë institucioneve është shumë e rëndësishme, duhet rindërtuar. Nuk është thjesht një prej vlerave që një shoqëri duhet të ketë transparenca, llogaridhënia etj. S’është vetëm me këto, por janë edhe arsye që kanë të bëjnë me ekonominë. Në momentin kur do rindërtohet besimi, do zhbllokojmë edhe ekonominë shqiptare. Kur besimi i qytetarëve, biznesit, investitorëve të rritet.

Çfarë parashikon Kodi? Çfarë i ndalohet një ministri?
Kodi tejkalon detyrimet ligjore. Çdo ministër ka detyrime. I çliruar nga konfliktet e interesit, integritetit, llogaridhënies. I tejkalon Kodi. Më vjen keq që politika ende bazohet në spekulime, ku nuk kursejnë as Kodin e Etikës, sepse besimi i qytetarit është i dëmtuar. Publiku ka pikëpyetje të mëdha, si gjenerojnë taksat e tyre për shembull. Por ky Kod u sulmua me lloj-lloj përcaktorësh si “Kodi i Heshtjes”.

Ka një Kod mafioz të heshtjes në Sicili…
Cilit nen i referohen që e quajnë heshtje? Nuk bëhet fjalë për norma pa sens. Përkundrazi. Në një nen thuhet se ministrat, pavarësisht se s’janë dakord me një vendim, s’duhet të dalin të nesërmen e të thonë që “unë s’jam dakord”. Kjo ndodh në shumë qeveri të botës. Nëse merren me këtë dhe e zmadhojnë, është spekulative. Do reformojmë qeverinë në aspektin etik dhe estetikisht. Do komunikojmë ndryshe.

Pse të mos e bëjë publike votën e tij?
Nuk ka pse të mos ketë dakordësi, pasi shqyrtohen më parë.

Çfarë kufizimi tjetër ka?
Kufizon ministrat nga pranimi i dhuratave, favoret për të afërt kundrejt shpërblimit të paligjshëm. Kufizime dhe në ligj, por këtu të përkufizuara dhe shpallura më nominalisht. Në SHBA nuk refuzohet dhurata se përbën fyerje, por kalon në llogari të shtetit. Nuk bëhet fjalë për dhurata simbolike, por dhurata në këmbim të favoreve. Hap pas hapi do shkojmë drejt një etike të standardeve europiane. Nuk e kemi vetëm slogan integrimin. Nuk e përkthejmë në dokumente që duhen plotësuar, por sepse besojmë se në ato detyra shtëpie ndihmohemi për të asimiluar vlerat e BE.

Çfarë kufizimesh të tjera ka Kodi i Etikës?
Nuk ka asnjë kufizim tjetër. Nuk ishte një vendim ilegal në një mbledhje informale. Është dokument publik, që do dalë hapur në Fletoren Zyrtare.

Kur është mbledhja e ardhshme e qeverisë dhe çfarë vendimesh do ketë?
Do të jetë pas disa ditësh dhe ne do po përgatisim materialin për projektvendimet e qeverisë, për të amenduar vendimet e marra nga qeveria paraardhëse pas zgjedhjeve të 23 qershorit.

Do kalojnë emërtesat politike? Zv/ministrat, prefektët, drejtorët, kur do shqyrtohen këto?
Janë duke u përgatitur dhe s’besoj se kjo do të pengojë punën e qeverisë. Nuk kanë përfunduar negociatat me LSI që nuk ka një datë të qartë? Nuk mund ta them këtë, por ne do të respektojmë marrëveshjen me LSI, sa i takon koalicionit. Dhe do të ketë përfshirje në struktura të tilla.

Ju do keni një pozicion honorifik në qeverinë “Rama” apo do të keni kompetenca në qeverisje, me detyra që ju ka ngarkuar Kryeministri?
Zv/kryeministri ka pasur më përpara edhe një portofol ministror. Ne nuk është se do të ndryshojmë vetëm rolin apo detyrat që do të ketë zëvendëskryeministri i Shqipërisë. Ne kemi nisur një proces që do reformojë punën e qeverisë. Institucionet do të jenë shumë më efektive, duke dalluar punën e tyre nga rezultati. Reforma do të kapë çdo ministri. Unë do të jem së bashku me konsulentë ekselentë të huaj që do të punojnë me ne, për të instaluar këtë kulturë në mënyrën inovative me skema dhe qasje inovative, për t’u kthyer ministrive tona efektivitetin, për t’i dalluar ato nga rezultati. Do ndryshojë organograma, qasja, puna e përditshme, mënyra se si hartohen politikat, sesi zbatohen ato në plane veprimi. Ne kemi një strategji që e respektojmë. Ne do të jemi më të fokusuar te planet e veprimit, zbatimi i të cilave në fund të japë rezultate.

Sa u takon ish-pronarëve?
Ne do të jemi qeveria më miqësore me pronarët e tokës. Ne e refuzojmë termin ish-pronar, pasi jemi dakord që atyre t’u kthehet toka aty ku është e mundur dhe të dëmshpërblehen për rastet e tjera. Ne nuk kemi siguruar transparencën, nuk e kemi thënë me zë të lartë sa toka do të ndahen, sa familje përfitojnë prej saj dhe sa do të kompensohen në vlerë monetare.

Sa i takon reformës administrative, çfarë do të ndodhë?
Do të ketë një rindarje apo grumbullim të bashkive? Apo ndryshim të statusit të bashkive?
Kjo është një nevojë e shoqërisë shqiptare për një reformë territoriale administrative në funksion të rritjes së eficiencës. Mjafton të përmend një shifër tronditëse, nga 308 komuna në gjithë vendin, 105 nuk gjenerojnë asnjë të ardhur. Dhe shpërndajnë vetëm transfertën e pakushtëzuar që vjen nga qeveria për paga apo detyrime. Pikërisht kjo reformë synon reduktimin e numrit të komunave dhe bashkive dhe ndërtimin e bashkive të mëdha. Në një rreth të caktuar mund të ketë më shumë komuna dhe bashki, dhe nuk do të kemi disa komuna, por do kemi bashki të mëdha. Do të eliminojmë shpenzimet e tepërta.

Panorama

[Albo]

Domethene, shqiptaret nuk meritojne qe te qeverisen pas dites se zgjedhjeve dhe pas humbjes se koalicionit qeverises. Kryeministri nuk duhet te paraqitet ne pune. Qeveria nuk duhet te mblidhet e nuk duhet te marri asnje vendim. Dhe ato 2 apo 3 muaj, shqiptaret le te veteqeverisen. Ose me mire akoma, le ti "qeverisi" partia qe fitoi zgjedhjet nga selia e saj dhe nga ekranet e televizioneve te saj.

Peleshit dikush duhet ti beje nje pyetje:

- A do ta "zhbeje" vendimin e qeverise per fondet e bulevardit te Tiranes?

- A do ta "zhbeje" vendimin e qeverise per shpronesimet e tokave te projektit TAP?

- A do ta "zhbeje" vendimin e qeverise per rritjen e rrogave e pensioneve?

Domethene, 4 vjet si sot, kur ju te humbisni zgjedhjet, qeveria e ardhshme duhet te "zhbeje" te gjitha vendimet e qeverise paraardhese te marra pas dites se zgjedhjeve?


O Pelesh more Pelesh!

Mire Rama qe aq di dhe eshte nje majmun cirku, po ty ku te shpie mushka? Si mendon se do te reagojne ata qytetaret e Tiranes kur te mesojne se puna e bulevardit do nderpritet se u prene fondet e qeverise? Ke do bejne me faj, Bashkine apo qeverine per bulevardin qe kane 20 vjet qe e presin? Po ata azeret e hollandezet qe kane ne duar nje projekt miliarda dollare, do te falenderojne apo do te fusin nje shkelm bytheve? Po atyre buxhetoreve qe iu rrit rroga e pensioni, si mendon se do te ndihen kur te marrin rrogen e te shohin se u eshte ulur? Ke do bejne me faj keta valle, Ramen apo Berishen?!

Jepni se e keni nisur mire, mos lini asnje shqiptar si brenda e jashte vendit pa prekur ne kallo se per te fituar vota kini!

Albo

[murik]

E keni fillu si Enver Hoxha ne 1945, por nuk e besoj se do ti ngjani ne jetegjatesi.Shume shpejt do t'ju vije fundi me kete rruge qe keni nisur. Qofsha i gabuar o qeveri Prejleshash

[_MALSORI_]

mbajeni mend .. asgje nuk kan per te bere..thjeshte mund te anullojne ndonje gje qe ju hyn ne pune te tijve..dmth do ja marrin dikujt qe eshte i krahut te djathte dhe do ja japin dikujt qe eshte i krahut te majte..ashtu siq po bejne me gjoja ndertimet pa leje..priteni kur te ai ndertimi '' pa leje '' i dikujt qe eshte nga krahu i djathte te mbije nje ndertim '' me leje '' i dikujt qe i perket krahut te majte..keshtu eshte kjo pune..ca te nenes e ca te njerkes..

[Xinxerfilli]

Oh sa gjynah qe me vjen per juve.

Ju ka ikur mendja fare tamam si Sales. Cirreni e therrisni per te gjitha. Ne nje vend thoni do i hapni gropen vetes, ne nje tjeter thoni do ja u prishi Meta qeverine, ne nje tjeter thoni do ju rrezojme, ne nje tjeter thoni do humbni zgjedhjet pas 4 vjetesh.

Ta kuptoni ju njehere e mire, SHQIPERIA nuk ka qene kurreeeeee kurreeeeeeeeeeeeeeee e djathte e ndoshta asnjehere nuk do te jete. Edhe ne 1992 Shqiptaret votuan alternativen e vetme perballe komunizmit. Prej andej e tutje Shqiptaret asnjehere nuk e votuan masivisht te djathten. Edhe ne 2005 pushteti erdhi si pasoje e percarjes te se majtes dhe sistemit zgjedhor qe nxori PR parti te pare (), edhe ne 2009 prape perfituat nga percarja e te majtes dhe nga manipulimi masiv!! Por ju erdhi dhe dita ne 23 Qershor 2013 ku nuk kishit nga t'ia mbanit se u ngrit i gjithe populli ne kembe te shporrte plerat e stazhonuara te komunizmit.

Tani cirruni, therrisni me te madhe, qani, shpfni, por nuk do ju degjoje kush, se keni marre fund

Njembedhjet vjet e mbajti Rama Tiranen deri kur mandati u vodh ne tavoline. Kushedi sa vjet do ta mbaje Shqiperine tnai qe do ti zhdukim hajdutet!!

[murik]

Xinxerfill e trendeline u be ky vend qe kur erdhen ne pushtet ata te zones se pare operative...

[Albo]

Intervista/ Rama: Keqardhje për Fatos Nanon. SHQUP? Do pyes qeverinë e aleatët


TIRANE - Kryeministri Edi Rama deklaroi dje, në të parën intervistë si kreu i ekzekutivit se sheh regres në mënyrën se si administrata u shërben njerëzve. Në një intervistë për “Top Channel”, me gazetarin Sokol Balla, Rama foli edhe për heqjen e fotos së presidentit. “Me Presidentin e Republikës do të bëj gjithçka është në dorën time që të ndërtojmë një marrëdhënie shembullore për nga mënyra sesi dy përfaqësues të lartë të dy institucioneve kaq të rëndësishme mund të bashkëpunojnë në respekt të Kushtetutës dhe në interes të qytetarëve e të ligjit, pavarësisht se vijnë nga parti të ndryshme”, tha Rama.
Në fakt desha të pyesja për ‘21 janarin’, sa jemi këtu. E di që intervistat e tilla, zakonisht duhet të nisnin ndryshe, por është një peng i madh ‘21 janari’, besoj.
Është një peng shumë i madh dhe është një arsye shumë e fortë për të mos përsëritur të gjitha ato që i shtynë njerëzit që të vijnë nëpër protesta dhe nga ana tjetër është edhe një arsye shumë e fortë për ta kthyer këtë mandat në mandatin e një qeverisjeje të drejtë.
Zoti kryeministër, ju patët pas fotografisë kolektive me ministrat, një bisedë të shkurtër kokë më kokë me kreun e shtetit, me zotin Nishani. Mund të na thoni diçka më tepër, çfarë biseduat me të?
Sipas protokollit, në këtë ceremoni, pasi bëhet betimi, presidenti tërhiqet me kryeministrin për një kohë të shkurtër dhe këmbejnë, le të themi, disa opinione të para. Këto opinione ishin në vazhdën e atyre opinioneve që unë i kam këmbyer edhe më parë me presidentin, për një bashkëpunim institucional dhe për një marrëdhënie që të tejkalojë të shkuarën në funksion të së ardhmes, duke respektuar Kushtetutën, duke luajtur secili rolin e vet, i patrazuar nga tjetri, siç ka ndodhur fatkeqësisht rëndom në gjithë këto vite dhe duke dhënë një shembull bashkëpunimi për qytetarët.
A duhet të ndjehet presidenti Nishani i rrezikuar potencialisht nga një ‘impeachment’, nga një shkarkim?
Presidenti Nishani nuk ka asnjë arsye të ndjehet i rrezikuar nga asgjë, por i ka të gjitha arsyet që të jetë gardian i Kushtetutës, ashtu sikundër Kushtetua e kërkon. Nga ana tjetër, mund t’ju siguroj që, për sa më takon, epoka e municioneve që mblidheshin në këtë zyrë dhe pastaj mbushnin topat apo armët e luftës politike, për të nisur të shtënat drejt Presidencës ka mbaruar. Në të gjitha rastet, ju nuk do të dëgjoni që unë si kryeministër të sulmoj publikisht presidentin. Sigurisht që mund të ketë momente mosdakordësie, por gjithmonë në rast se do të shprehen, edhe pse do të bëj çmos që këto as të mos shprehen, por t’i shprehen presidentit në rrugë konfidenciale. Nuk do të kenë lidhje fare me çfarë na kanë parë sytë e dëgjuar veshët deri pak kohë më parë.
Ju thoni që nuk do ta sulmoni presidentin Nishani dhe ai nuk ka asnjë arsye, përsa kohë është gardian i Kushtetutës, të ndjehet i rrezikuar nga çdo lloj kërcënimi nga kjo supermazhorancë politike e krijuar në Kuvend. Por a jeni i sigurt që edhe zoti Meta mendon kështu?
Jam absolutisht i sigurt, sepse ne kemi biseduar edhe për këtë temë. Në rolin e kryetarit të Kuvendit, zoti Meta dëshiron të lërë gjurmë duke ndryshuar një vazhdë, që kulturalisht është e papranueshme për një vend evropian dhe demokratik dhe pjesë e këtij ndryshimi është edhe raporti i kryetarit të Kuvendit me Presidentin e Republikës, sepse përsëri ç’nuk na kanë parë sytë e ç’nuk na kanë dëgjuar veshët, për fat të keq.
Zoti Rama ka një debat që ka lindur pak javë më parë. Një nga vendimet e fundit të qeverisë, i dekretuar nga Presidenti i Republikës në cilësinë edhe të Komandantit të Përgjithshëm të Forcave të Armatosura, për kalimin e një ndërtese, të administruar nga ushtria shqiptare, si seli e re e Partisë Demokratike. A do të ndërmerrni ju ndonjë aksion të mirëfilltë, për të zhvleftësuar këtë vendim, apo do ta pranoni si një gabim e në emër të një klime të re politike do vazhdoni përpara.
Një gjë tjetër që do të ndryshojë është natyra e qeverisjes dhe metoda e qeverisjes së kryeministrit. Unë nuk do të anonçoj vendime që anëtarët e qeverisë do t’i marrin vesh bashkë me televizorin dhe nuk do të deklaroj më parë ç’ka do të bëhet, pa e rakorduar së bashku brenda përbrenda ‘Aleancës për Shqipërinë Europiane’. Jo thjesht midis meje e kryetarit të Kuvendit, që është njëkohësisht edhe partneri strategjik në koalicion, por brenda përfaqësuesve të rëndësishëm të kësaj shumice që nuk janë vetëm ministrat, por janë edhe kryetarët e grupeve, janë edhe deputetët me përvojë. Kështu që ne do të ecim me një metodologji krejt tjetër.
Megjithatë zoti Rama, pyetja që shtrojnë armiqtë tuaj politikë është: a do të rezistojë dot raporti Rama–Meta?
Tani..., njerëzit shkojnë përpara altarit, betohen për dashuri të përjetshme edhe përtej jetës në tokë dhe pastaj gjenden ballë për ballë në një gjyq divorci. Ndërkohë që kur vjen puna tek politika, besoj se dy aleatë që janë divorcuar një herë, kur ribashkohen, nuk ribashkohen për t’u divorcuar për të dytën herë, sepse të mos harrojmë që edhe koha bën të vetën. Ne tanimë kemi në lëkurë shumë nga vragat e një jete politike jo të lehtë dhe besoj që kemi nxjerrë mësime të çmuara, për të qenë në lartësinë e kërkesës së njerëzve ndaj nesh. Besoj!
Megjithatë, duhet thënë që shkëndijat e para u vunë re në fjalimin e zotit Ben Blushi. Vini pas një periudhe jo të lehtë, sidomos pas zgjedhjeve të 2009, pajtimi i bujshëm dhe i heshtur para kongresit të vitit 2011, kur Blushi u rikonfirmua si anëtar i kryesisë, një nga personat që gjatë fushatës ishte pranë jush dhe pastaj jashtë qeverisë. Zoti Rama, a është e vërtetë se ka pasur jo një vendim, por një mendim për të lënë jashtë kabinetit të gjithë ata që kanë punuar me Fatos Nanon?
Nuk do ta shihja dot në mënyrë kaq simpliste, ashtu sikundër nuk shoh shkëndija përtej natyrës dhe profilit të Blushit. Ben Blushi është ai dhe pa ato do të ishte dikush tjetër. Ajo që shoh është një shumicë e re që duhet të jetë në lartësinë e mandatit që ka marrë. Dhe qeveria që unë kam kompozuar në bashkëpunim me aleatin tonë strategjik është një qeveri e kompozuar si një skuadër, për t’iu përgjigjur pritshmërisë së parë të publikut. Fakti që pritshmëria e publikut nuk u zhgënjye, por përkundrazi, u rrit kur u paraqit skuadra qeverisëse, është prova më e mirë.
Në fillim të bisedës më kujtuat takimin që patët me zonjën që ju përgatiste kafetë, në kohën kur ju ishit ministër i Kulturës në qeverinë ‘Nano’ dhe më pas, në qeverinë ‘Majko’. Një bashkëpunëtori juaj në fakt më kujtoi diçka tjetër. Kohën kur ju keni qenë kryetar bashkie dhe kur zoti Nano ju linte, ndoshta edhe qëllimisht, ndoshta edhe jo, të prisnit gjatë para kësaj zyre. Çfarë ndjesie keni sot ndaj zotit Nano, që duhet të jetë, besoj unë, e dyzuar, si personi që në një farë mënyre ju dha mundësinë për të nisur këtë karrierë, e cila kulmon sot në këtë mënyrë, por nga ana tjetër, edhe histori të tjera.
Nuk është këtu, nuk na dëgjon, por e vërteta është se nuk më ka lënë asnjëherë të pres gjatë në atë kohë. Kemi pasur marrëdhënie shumë të mirë, që buronin nga një raport i krijuar jashtë oborrit të Partisë Socialiste dhe nga një këndvështrim për njëri-tjetrin në distancë. Kur u njohëm nga shumë pranë, pastaj u bë e pamundur që të kishim të njëjtin raport. Ai për arsyet e tij, unë për të miat. Unë të miat i kam thënë dhe përtej tyre nuk kam asgjë tjetër. Kam keqardhje për anën njerëzore, sepse gjithmonë kam menduar si ka mundësi që një person, me aq shumë histori në politikë, të mos e vendosë vetë daljen. Nga ana tjetër, është një çështje që...
I jeni mirënjohës atij, qoftë edhe sadopak, që jeni sot në këtë karrige?
Unë kam një këndvështrim disi ndryshe për këtë temën e mirënjohjes, kur vjen puna tek politika. Unë nuk mendoj që, le të themi Saimir Tahiri duhet të më jetë mua mirënjohës, në formën që asnjëherë të mos i shkojë mendja që të mendojë ndryshe nga unë apo qoftë edhe të dalë kundër meje, në qoftë se arsyet pse ai ka ardhur të punojë me mua dhe pse ne kemi një raport pune kaq të mirë. Po përmend Saimirin, sepse ka qenë i pari që ka ardhur me mua nga jashtë në Partinë Socialiste.

Zoti Rama ju jeni ulur në karrigen e zotit Berisha…
Më kujtohet historia e karriges, por karrigia është një vend për t’u ulur, nuk është vetë pushteti, pushteti është gjetkë.
Keni ndonjë ndjenjë revanshi ndaj tij si kundërshtar direkt politik?
Jam i bindur që edhe ai kur është ulur këtu, pasi është çuar që këtu dhe ka dalë kundërshtari historik i tij, nuk ka pasur ndjenjë revanshi ndaj paraardhësit të vet. Ndjenja e revanshit ndaj paraardhësit nuk ekziston.
Besoj që kjo zyrë shumë shpejt do të ndryshojë?
Është e sigurt. Siç ka ndryshuar zyra e qeverisë, e cila ishte e papranueshme estetikisht, por edhe pamja e kushteve, ndërkohë që është një godinë me një të shkuar të rëndësishme për trashëgiminë tonë kulturore dhe kjo pjesë e godinës është e konceptuar dhe e ndërtuar mbi bazën e projektit të konceptuar nga një arkitekt shumë i rëndësishëm për Italinë. Ka shumë për të bërë për ta kthyer në identitet, por besoj që kemi ide të qarta si do të bëjmë.
Mendoni për mundësinë e ringritjes së një komunikimi normal me Lulzim Bashën, si kundërshtari i juaj direkt. Të gjithë e dinë pengun e madh të krijuar mes jush për shkak të situatës së zgjedhjeve në Tiranë në 2011…
Kjo nuk është një zgjedhje e imja. Nuk jemi ne që zgjedhim kundërshtarin. Problemi me PD-në sot është që ne nuk e dimë saktësisht akoma se kush është njeriu real me të cilin duhet ndërtuar partneriteti. Për mua s’ka dallim, qoftë Sali Berisha, qoftë Lulzim Basha, qoftë Paloka, për mua nuk ka problem, rëndësi ka që ne të ndërtojmë një partneritet kundërshtues, sepse nuk është e rëndësishme a jemi a s’jemi dakord. Jemi lindur për të mos qenë dakord si forca politike, sepse jemi të ndryshme, edhe pse mund të kemi pika të përbashkëta. E rëndësishme është çfarë cilësie ka bashkëjetesa jonë dhe cilësia e bashkëjetesës varet nga mënyra se si njerëzit trajtojnë mosdakordësinë, sepse kur janë dakord të gjithë janë në rregull.
Në fund një pyetje që lidhet me përjetimin tuaj personal, cilin person që nuk e kishit këtu do të donit që ta kishit në këto momente pranë?
Nuk është këtu, por e kam pranë, është Linda.

Balkanweb