9 shtator 2002 nenshkruhet marrveshje kunder terrorizmit. Kronika e zeze flet ndryshe

[Reschen]

Me 9 shtator 2002 -

U nënshkrua memorandumi i mirëkuptimit të bashkëpunimit policor në luftën kundër terrorizmit ndërmjet Republikës së Shqipërisë dhe Misionit të Kombeve të Bashkuara në Kosovë.




Kronika e zeze ne Shqiperi flet ndryshe

Kronika e zeze sot me date 9 shtator 2013 Vallja e krimit: Dy vrasje të tjera në Sarandë dhe Shijak Dy ngjarje të rënda janë shënuar mbrëmjen e sotme në Shijak dhe në Sarandë me pasojë dy viktima. Një 28-vjeçar është ekzekutuar në Shijak me armë zjarri ndërsa autorët janë larguar me shpejtësi. Viktima është shtetasi Festim Lamaj, i cili ka gjetur menjëherë vdekjen si pasojë e plumbave të marrë.
Policia ka bërë rrethimin e akseve kryesore rrugore në zonë por pa mundur dot të identifikojë dhe kapë autorët e kësaj vrasje. Ndërkohë që një sherr mes bashkëfshatarësh për kullotën e tokës i ka marrë jetën 82-vjeçarit Jorgo Kurti. Pas një debati verbal me shtetasin Sokrat Shito, të dy janë grushtuar me njëri tjetrin por më pas Shito ka qëlluar mbi të moshuarin 82 vjeçar duke e lënë të vdekur Kurtin.

Kronika e zeze sot me date 9 shtator 2013 Laprakë, shpërthen makina,plagoset rende nje person. Një makinë shpërtheu rreth 30 minuta më parë në zonën e Laprakës, duke lënë të plagosur 3 pjesëtarë të një familjeve, mes të cilëve edhe një fëmijë.

Burime nga vendi i ngjarjes bënë të ditur se i plagosur rëndë mbeti një burrë, që drejtonte automjetin Mercedes kabriolet, ndërsa në gjendje më të mirë janë gruaja dhe fëmija, që dolën të përgjakur nga makina.
Burime të policisë mendojnë se bëhet fjalë për një atentat, ndonëse ende nuk mund të jepet një version për këtë ngjarje, pasi sapo kanë nisur hetimet.
Të plagosurit u nisën drejt spitalit, ndërsa dëshmitarët panë kalimtarë, që nxirrnin nga makina fëmijët e përgjakur.
Burime nga vendngjarja thanë se makina që shpërtheu ishte kabriolet, çka bëri që pasojat e shpërthimit të ishin më të vogla.
Ngjarja ndodh vetëm pak ditë pas një tjetër shpërthimi të ndodhur në Tiranë, në rrugën "Siri Kodra", ku iu vu eksploziv makinës së një biznesmeni ndërtimi, fatmirësisht pa të lënduar

....... date 9 shtator 2013 Thellohet tragjedia ne familjen Mucaj: vdes dhe djali 18 muajsh Numri i viktimave të aksidentit automobilistik të ndodhur mbrëmjen e ditës së shtunë në autostradën Fier-Tepelenë, në vendin e quajtur “Kthesa e Kafaraj” është shtuar. Krahas viktimës A.Mucaj, e cila humbi jetën në vendngjarje, sot ka ndërruar jetë edhe djali i saj 18 muajsh, si dhe po lufton me vdekjen vajza 12 vjecare, M.Mucaj. Ndërkohë që Jetnor Mucaj, kryefamiljari, është ndaluar nga policia.
Ngjarja ka ndoshur rreth orës 20.00 të ditës së shtunë, në autostradën Fier-Tepelenë, në vendin e quajtur “Kthesa e Kafaraj”, ku mjeti tip Benz me targa AA 089 CG, i drejtuar nga Jetnor Mucaj ka goditur nga pas një zetor pa targa, të drejtuar nga Qazim Banaj. Si pasojë e kësaj goditje ka humbur jetën në moment bashkëshortja e Mucaj dhe më pas djali i tij, ndërkohë që vajza vazhdon të marrë një ndihmë intensive në spitalin ushtarak në Tiranë.

.... date 9 shtator 2013 Vetëmbytje në Liqenin e Tiranës. Një grua i ka dhënë fund jetës duke u mbytur në ujërat e Liqenit Artificial në Tiranë. Burime nga policia bëjnë me dije se viktima është identifikuar si N.G.48-vjeçe, ndërsa nuk dihen rrethanat në të cilat kanë quar deri tek akti. Forca të shumta të policisë kanë mbërritur në vendngjarje, të cilat kanë nisur hetimet për këtë rast. Dyshohet se 48-vjeçarja vuante nga depresioni, çfarë mund ta ketë shtyrë dhe në ndërmarrjen e aktit të vetëflijimit

... date 9 shtator 2013 Kavajë, këmbësori 45-vjecar përplaset nga makina, ndërron jetë në spital. Aksidentet rrugore vijojnë të marrin jetë njerëzish. Një këmbësor ka gjetur vdekjen, mëngjesin e sotëm në Kavajë pasi u përplas nga një makinë.
Mësohet se ngjarja ka ndodhur në fshatin Krye Luz të qytetit të Kavajës, ndërsa viktima, 45-vjeçari M.Lushaj ka qënë duke kaluar rrugën në momentin që u përplas.
Sipas burimeve të policisë, drejtuesi i mjetit i ka dhënë këtij të fundit ndihmën e parë, duke e transporuar në spital, por 45-vjecari nuk ka mundur t’i mbijetojë plagëve të marra, duke ndërruar jetë.
Policia e Kavajës, ndërkaq ka nisur hetimet për të zbardhur më shumë detaje mbi aksidentin.

...... date 9 shtator 2013 Aksident në Levan-Tepelenë, vdes 1 grua, plagosen 4 vetë Një aksident i rëndë ndodhi mbrëmjen e sotme me pasojë vdekjen e një gruaje dhe plagosjen e katër personave të tjerë. Ngjarja ndodhi në aksin rrugor Levan – Tepelenë, në vendin e quajtur Kafaraj, ku një automjet u përplas me një zetor, i cili i preu rrugën shkurt.
Të plagosurit u dërguan menjëherë në spital, ndërsa mësohet se një grua humbi jetën, por ende nuk bëhet i ditur identiteti i saj.
Mësohet se të plagosur kanë mbetur personat që udhëtonin me automjetin. Ata janë, Jetnor Muçaj dhe vajza e tij, e cila ndodhet në gjendje të rëndë.
Ndërkohë, të plagosur kanë mbetur edhe Ervin Zyka dhe Aleksandër Banaj, të cilët udhëtonin me zetorin. Policia mbërriti menjëherë në vendngjarje dhe ka nisur hetimet për zbardhjen e saj.

....date 9 shtator 2013 Pukë, plumb ne zemër 22-vjecarit, vetëdorëzohet bashkëfshatari. Vetëdorëzohet autori i vrasjes së 22-vjecarit në fshatin Gojan të Pukës. Autori i krimit, Festjon Luka u dorëzua mëngjesin e sotëm para forcave ë Komisariatit të Pukës.
22-vjeçari Bardhok Përndreca, u qëllua me plumba pistolete paraditen e së dielës pas një zënke të rastin me bashkëfshatarin e tij. Burime policore konfirmuan se viktima u qëllua nga afër me pistoletë, ndërsa një plumb i ka depërtuar në zemër, çka ka qenë fatale për jetën e tij.
Mësohet se një ditë më parë viktima ishte konfliktuar me një bashkëfshatarin e tij dhe
sherri ka vijuar edhe paraditen e djeshme. Ofendimet e rënda mes palëve, duket se kanë çuar edhe në përdorimin e armëve, duke shkaktuar edhe vdekjen e 22- vjeçarit
Ndërsa mbrëmjen e djeshme, në një aksident të ndodhur në aksin Levan-Tepelenë kanë humbur jetën dy pjestarë të një familje si dhe janë plagosur 5 persona të tjerë

.... date 9 shtator 2013 Durrës, vetëvritet me armë 40-vjeçar.i Një 40-vjeçar është gjetur i vdekur mëngjesin e sotëm në Durrës ndërsa dyshohet se ai është vetëvrarë.
Burime nga policia bëjnë me dije se në afërsi të pishave në sektorin Rinia në Durrës është gjetur i pajetë 40-vjeçari Shkëlqim Mullaj nga fshati Xhafzotaj.
Sipas policisë, Mullaj u gjet i vrarë me një pistoletë model 54 në automjetin e tij ndërsa në makinë u gjet edhe një letër ku viktima shprehte edhe arsyet të cilat e kanë çuar në marrjen e këtij vendimi.
Ndërkohë pritet që në orët në vijim policia e Durrësit të japë më shumë detaje për motivet të cilat e kanë çuar 40-vjeçarin të ndërmarrë këtë hap tragjik.

...date 9 shtator 2013 Tiranë, gjendet trupi i pajetë i një 55-vjeçari në bodrumin e Maternitetit të Ri. Një 55-vjeçar është gjetur i pajetë mesditën e sotme në Tiranë.
Trupi i 55-vjeçarit, Xhemal Loja, u gjend sot I pajetë në bodrumin e Maternitetit të Ri. Nga të dhënat e para dyshohet se vdekja ka ardhur nga shkaqe natyrale, ndërkohë që policia e cila ka shkuar në vendngjarje ka nisur hetimet për zbardhjen e shkaqeve të vdekjes së 55-vjeçarit
Trupi i pajetë i 55-vjeçarit është dërguar në morgun e spitalit të Tiranës ku do ti bëhet edhe ekspertiza.

..........date 9 shtator 2013 Durrës, ekzekutohet biznesmeni Një bizmesmen është ekzekutuar mëngjesin e të hënës në Durrës, në sektorin "Iliria" të zonës së plazhit.
Sipas informacioneve të fundit, biznesmeni i ndërtimeve, 40-vjeçari Plaurent Cani, i cili ndodhej në atë moment në një lokal, është qëlluar me armë zjarri nga dy persona të cilët udhëtonin me motorr.
Cani, aktualisht po ndërtonte një pallat në zonën e plazhit, ndërkohë kanë nisur hetimet për të zbardhur rrethanat e ngjarjes, si dhe për të identifikuar autorët e këtij akti.
Biznesmeni mori plagë të rënda në vendin e krimit, por ndërroi jetë në spital.